تجهيزات واستفسارات حوامل مصر :)

السلام عليكم و رحمة الله و بركاته
بنات هو لازم اعمل تحليل التهاب الكبد الوبائى ب و انا حامل و لا لأ؟

برايت انا عملت تحليلل الفيروسات وكان منها لو في قدر الله فيروسات في الكبد
بس مش عارفه هو ده اللي بتقولي عليه ولا لا
لما جوزي يجي بكره هقلك علي اللي عملته

بنات انا عرفت ان حقنه التيتانوس مش مجرد انها بتتاخد علشان لو المكان ملوث لا دى بتدى للبيبى اجسام مضاده علشان ميجيلوش لاقدر الله تيتانوس ولا حاجه انا عمتى دكتوره وقالتلى كده امبارح وزعقتلى انى ماخدتهاش وقالتلى انها بتتاخد فى الخامس والسادس :(

mashimaro16;10679030:
بنات انا عرفت ان حقنه التيتانوس مش مجرد انها بتتاخد علشان لو المكان ملوث لا دى بتدى للبيبى اجسام مضاده علشان ميجيلوش لاقدر الله تيتانوس ولا حاجه انا عمتى دكتوره وقالتلى كده امبارح وزعقتلى انى ماخدتهاش وقالتلى انها بتتاخد فى الخامس والسادس :(

هى ناقصة؟
طيب و دى ناخدها فين؟

ايوه انا هخدها ان شاء الله
وفعلا بتحمي البيبي
والكتوره قالتلي متخدهاش بس انا وجوزي سمعنا الكلام من هنا وخرجناه من الودن التانيه
واخدتها في حملي الاول
هي ببتاخد في مكاتب الصحه بس معرفش مكان تاني

Jumanaa;10655930:
انا ولدت فى عبد القادر فهمى

حمد الله علي سلامتك ياقمر هيه الولاده اتكلفت 3000 كلها ولا دي المستشفي بس؟
و ياريت تقوليلي الاجراءات كلها اللي عملتيها انا برضوا تبع نقابه المهندسين ياقمر

فتافييت السكر;10679799:
حمد الله علي سلامتك ياقمر هيه الولاده اتكلفت 3000 كلها ولا دي المستشفي بس؟
و ياريت تقوليلي الاجراءات كلها اللي عملتيها انا برضوا تبع نقابه المهندسين ياقمر

المستشفي بس يا دودو

روكا2010;10685159:

هى مستشفى عبدالقادر فهمى ده اللى فى مدينة نصر

ايوة يا جميلة فى ارض الجولف

mashimaro16;10668099:


بقولك يا سوسى مشوفتيش فى لافلى الشايات البيبى كلوب الكوم؟

ممكن ارد انا :D
الاتنين مع بعض بحاجة واربعين تقريبا 42

لسة شارياهم لمايا

انا شيفاكم بتتكلمو عن عبد القارد فهمى انا ولدت هناك وكنت نزلت البرشور بتاعم هنزلهولكو تانى فية كل الاسعار

الصور فيها شخبطة واسعار مكتوبة دى ب ايد بتاع الرسبشن في المستشفي

toty858;10695100:
ممكن ارد انا :D
الاتنين مع بعض بحاجة واربعين تقريبا 42

لسة شارياهم لمايا

انا شيفاكم بتتكلمو عن عبد القارد فهمى انا ولدت هناك وكنت نزلت البرشور بتاعم هنزلهولكو تانى فية كل الاسعار

دكتور عبد القادر هو اللى ولدك؟

toty858;10695176:
الصور فيها شخبطة واسعار مكتوبة دى ب ايد بتاع الرسبشن في المستشفي

الاسعار دى من امتى؟

هو ايه الفرق بين التامين وتكلفه يوم واحد

الله يطمنك يا توتى :(

هوا الاسعار دى من امتى؟ ومعلش انتى كنتى مختاره انهى اوضه وايه الفرق بين الاوض؟

Princess_miro;10695663:
دكتور عبد القادر هو اللى ولدك؟



الاسعار دى من امتى؟

لالالا
انا كنت بولد مع دكتوري اللى متابعة معاة
والاسعار قريبة اوى من 5 شهور

hoba555;10695757:
هو ايه الفرق بين التامين وتكلفه يوم واحد

التامين بتدفعية علشان يغطى حساب المستشفي من ادوية وكدة
هما بيقولولك هتستردية بس مع حساب الادوية والحاجات دى بتزودى علية :)

mashimaro16;10696166:
الله يطمنك يا توتى :(

هوا الاسعار دى من امتى؟ ومعلش انتى كنتى مختاره انهى اوضه وايه الفرق بين الاوض؟

الاسعار دى من 5 شهور وكام يوم شهر 6 اللى فات يعنى :D
انا كنت مختارة السوبر لوكس في الولادة الطبيعي لانى كنت داخلة حالة ولادة طبيعية بس ربنا اراد انى اولد قيصري ولزقت في تمن الاودة في القيصري يومين في المستشفي وكنت واخدة الابيديورال
ولادتى كلها اتكلفت 7 الاف 4 المستشفى و3 الدكتور
وانا مش تبع اى نقابة ولا اي حاجة:(

متعرفوش نقابه المهندسين بتتحسب ازاي؟

sosiii;10647439:

انا اول مرة اعرف والله ان فيه اولويز مخصوص للولادة الحمدلله انك قولتي طيب معلش هي دي تتحط بقي قبل العملية ولا بعدها ؟؟ يعني قصدي علشان مافوقش من البنج الاقي دم:o
كمان فيه حاجات محيراني مش عارفاها زي مثلا وانا داخلة اوضة العمليات المفروض بكون لابسة ايه وكدة؟ معلش يا بنات انا ماليش اخوات بنات وقلقانة اوي من دلوقتي

مش للدرجادى يا سوسى انك تصحى تلاقى دم

انا اللى حصل معايا ان لما طلعت من اوضه العمليات ولسه مفوقتش قوى الممرضات شطفونى كويس وغيروا هدومى ولبسونى الهدوم بتعتى وحطولى طبعا الاولويز اللى كنت جيباه
وكان فى زى مشمع وتحت الملايا احتياطى
بس مفيش حد شاف دم منى خالص مش زى مانتى متخيله خالص متقلقيش
واللى هتكونى لابسه وانتى داخله العمليه هو مش عارفه اسمه بس هو حاجه معقمه ومفتوحه من ورا ومش لابسه حاجه تحته وبونيه معقم برضو
وانا دخلت العمليات وانا مشيه ونمت السرير ومكملتش دقيقتين وروحت فالبينج
والولاده كلها بتاخد خمس دقايق والبيبى بيطلع والام بتطلع بعدها بساعه تقريبا
سيبك من كل ده ومتقلقيش نفسك وفكرى فى اللى بعد كدا انك هتعملى عمليه عشان تشوفى البييى بتاعك وبس وانس كل التفاصيل كلنا برضو بنتكسف وانا مكنتش متخيله انى البس اللبس ده او يحصل كل اللى حصل بس فعلا اللى خلانى محس بيه او اقلق منه انى مفكرتش كتير عشان متعبش وانتى برضو سبيها عالله ومتفكريش فى اى تفاصيل

وعلى فكره انا كنت جيبه نوع مخصوص لبعدالولاده اسمه لوتس وهو فوط صحيه سميكه وطويله وحلو قوى ال 20 واحده ب 14ج وكنت جبتها من واحد بيبع منتجات ورقيه وحفاضات وحاجات كدا بس شوفتها برضو فى صيدليه

روكا2010;10676346:

الف حمدالله ع سلامة ياجومانا بس انا قلقانة من جرح العمليه ربنا يسترها

مشيمارور الجروب ده اسمه ايه
يابنات انا دلوقتى ف الشهر الرابع بس مش حاسه باعراض الحمل ده عادي ولا لا انا قلقانة

متقلقيش من جرح العمليه انا فضلت بعد العمليه مفكرش انى ابص عليه حتى عشان كنت لسه قلقانه منه ولما شوفته لاقتيه مش باين خالص الحمد لله

يعنى انتى فالرابع ومضايقه انك مادوختيش او مارجعتيش المفروض تحمدى ربنا ده فى ناس بتتعذب فاول الحمل وعلى فكره مش كل الناس بتحس بالحاجات المعروفه بتاعت الحمل لان كل واحده غير التانيه وغالبا الواحده بيحصلها زى ما مامتها حصلها وهى حامل يعنى مش شرط تحسى بحاجه مدام كل حاجه ماشيه كويسه وله تحبى الدكتور يكتبلك على مراجيح عشان تدوخى زى باقى الحوامل :D عيشى حياتك عادى واستمتعى بالحمل F:

بالنسبه لترطيب الحلمات عشان الرضاعه فعلا زى مابتقول جومانا
الرضاعه بتكون صعبه شويه فاول اسبوع استحملوا وانا كنت بجد بتعذب فاول يومين عشان المكان بيتشقق وكان بيقشر وجرب كريم بانثينول بس برضو كان مش قوى
وصحبتى الله يكرمها كان حصلها كدا وعرفت الحل وهو سهل جدا
انك تمسحى عالحلمه نفسه باللبن اللى بينزل منها وفعلا ياجماعه لما عملت كدا كان بيقشر بسهوله والرضاعه بقت احسن والالم خف خالص
وكنت بمسح باللبن اللى بينزل عليها واغسلها بما دافى والحمد لله اتحسنت كتير

بس انتم متتخضوش من الموضوع عشان خاطر نوناتكم وكل مترضعو كل ما الوضع يتحسن وعلى رائ ماما المكان كان مش شغال 25 سنه طبيعى لما يشتغل يوجع شويه :) وربنا يهنيكم بنوناتكم يارب

فتافييت السكر;10697509:
متعرفوش نقابه المهندسين بتتحسب ازاي؟

نقابة المهندسين
لوانتى مهندسة بيكون ليكى خصم 80%
لو انتى زوجة مهندس ليكى خصم50%
و طبعا تبع الدكاترة و المستشفيات المتعاقدة مع النقاية

محدش يعرف نقابه الاطباء ليها خصم فى عبد القادر فهمى؟
توتى اسمه ايه الدكتور بتاعك
علشان جوزى مزعل نفسه اوى ومدايق وحاسس ان الدكتوره بتاعتى استغلاليه علشان بتاخد 3500 :(