تجهيزات واستفسارات حوامل مصر :)

ولدتى بكام يا جميله

Princess_miro;10659889:
طيب احكى لى ايه اللى كويس هناك و ايه اللى مش كويس انا لسه بدرى ايوة بس علشان اخلى بالى

الحمد لله كل حاجه كويسه الدكاتره والتمريض والنضافه وكله ماعدا حاجه واحده بس هى اللى كانت تعبانى ان السرير كان عالى اوى فكان بيتعبنى فى النزول والطلوع ومكنش بيتقصر للأسف غير كده كله تمام

صوت العيون;10661577:
ولدتى بكام يا جميله

المستشفى 3000 يامورو والدكتور هو تبع النقابه أخد 1000 مش عارفه لو عادى بياخد كام بس اعتقد 3000 بردو

هى المستشفى كدا مش تبع النقابه صح
انتى تبع نقابه ايه

Jumanaa;10661571:
الله يسلمك
ولدت قيصرى والحمد لله



الله يبارك فيكى ياجميله
أه واه من الولاده القيصرى انا كنت فكراها حاجه كده تيك اواى وسهله لكن الموضوع غير كده خالص
[COLOR=darkorange][SIZE=4][COLOR=black][SIZE=4][COLOR=darkorange]بالنسبه لولادتى طبعا انا معادى كاان المفروض السبت 14/ 11 وحجزت اودت العميات وكل حاجه وبعدين شاء القدر ان يجيلى طلق يوم الاربع الصبح الموافق 11/11 جالى مغص منتظم كل 5 دقايق فجاه كده كلمت الدكتورقلت له قالى طب نستنى شويه وقوليلى لو فى جديد مفيش ساعه ولقيت العلامه نزلت منى كلمته قالى تعالى العياده فورا رحت له كشف عليا كشف النسا الفظيع ده وقالى اطلعى حالا على المستشفى ولاكنت واخده شنطت الولاده ولا اى حاجه وجوزى كان فى شغله فى اكتوبر وانا فى مصر الجديده عند ماما المهم طلعت المستشفى وقفت اكتب بياناتى عند الرسبشن قالى لا خلى بابا يكتبهالك وانتى اطلعى فور على العمل[/COLOR][COLOR=darkorange]يات طلعت دخلونى اودت لطوارىء قاسولى الضغط وجابولى الفستان الازرق والجاول ولبست ودخلت اودت العمليات على رجليا ونمت على السرير ومفيش 5 دقايق كنت اتبنجت صحيت وانا بصرخ وبقولهم عايزه اتنى رجلى وهما يقولولى لاء اقولهم بردانه عايزه بطانيه محدش يعبرنى وبعدين شالونى على التروللى ودخلونى اودتى وفقت على صوت جوزى وبيقولى حمد الله على السلامه والنونو زى القمر زيك وفضلت دايخه شويه وبعدين فقت كنت الى حد ما كويسه ومش حاسه بحاجه لغاي[/COLOR][/SIZE]ت[/COLOR] ما حاولت اقوم من على السرير وهنا بقى المعاناه اصعب حاجه فى القيصرى القيام من على السرير وجات النيرس دخلتنى الحمام وحمتنى وقمت اتمشيت على رجلى شويه لقيتنى فقت وبقيت احسن [/SIZE][/COLOR]
المهم بقالى دلواتى اسبوع الحمد لله كل يوم احسن من اللى قبله اول 3 ايام هما اللى صعبين اوى والاصعب انك مش قادره تشيلى ابنك ترضعيه او تغيريله او تراعيه بس الحمد لله على كل حال
وامبارح رحت فكيت السلك عند الدكتور العمليه مش باينه خالص الحمد لله لكن طبعا لسه بطنى مشدوده ووجعانى
ربنا يعدى الايام دى على خير واقوم بالسلامه بقى عشان ارجع بيتى

المهم انا رغيت كتير نصيحتى الكبيره ليكو ترطيب النيبلز مهم اخر شهر من الحمل واثناء الرضاعه متعرفوش اد ايه الرضاعه مؤلمه انا نزلت دم واتشققت خالص على الرغم انى كنت بدهن كل يوم تقريبا بس الاهم اثناء الرضاعه انا بستعمل بيور لين كريم حلو وامن على البيبى

وربنا يقومكو كلكوا بالسلامه يارب وتحت امركو فى اى سؤال

حمدالله على السلامة بس عايزة افهم طالما جالك طلق ولدتى قيصرى ليييييييييه بقى؟؟

Jumanaa;10661588:
الحمد لله كل حاجه كويسه الدكاتره والتمريض والنضافه وكله ماعدا حاجه واحده بس هى اللى كانت تعبانى ان السرير كان عالى اوى فكان بيتعبنى فى النزول والطلوع ومكنش بيتقصر للأسف غير كده كله تمام

Jumanaa;10661602:
المستشفى 3000 يامورو والدكتور هو تبع النقابه أخد 1000 مش عارفه لو عادى بياخد كام بس اعتقد 3000 بردو

ربنا يطمنك يارب انتى اخترتى انهى اوبشن فى الاود؟

يا بنات النهاردة لقيت ملايات الرضاعة اللي زي دي عند لفلي وفيه منها اشكال كتير اوي

http://www.3roos.com/files/ups/2010/256030/01258685771.jpg


http://www.3roos.com/files/ups/2010/256030/11258685771.jpg

Princess_miro;10661974:
حمدالله على السلامة بس عايزة افهم طالما جالك طلق ولدتى قيصرى ليييييييييه بقى؟؟


عشان راس البيبى منزلتش ياميرو

ربنا يطمنك يارب انتى اخترتى انهى اوبشن فى الاود؟

سوبر لوكس

صوت العيون;10661618:
هى المستشفى كدا مش تبع النقابه صح
انتى تبع نقابه ايه

لا المستشفى كمان تبع النقابه
انا تبع نقابت المهندسين

sosiii;10663069:
يا بنات النهاردة لقيت ملايات الرضاعة اللي زي دي عند لفلي وفيه منها اشكال كتير اوي

http://www.3roos.com/files/ups/2010/256030/01258685771.jpg


http://www.3roos.com/files/ups/2010/256030/11258685771.jpg

بكام ياسوسى؟

حمدلله علي سلامتك يا جومانا وربنايردلك صحتك قريب يارب ومعلش الفتره دي حاولي تتعلمي من ماما علي اد ما تقدري ولما تقدري تشيلي ابنك هتتعملي كل حاجه متخفيش
انا صراحه مبقتش عارفه القيصري والطبيعي كلهم فيهم الم ربنا يقومنا بالسلامه ويعملنا اللي فيه خير لينا
سوسي بكام الملايات دي؟

انا شفت بردو مريلة الرضاعة دي في الصياد بس اللي هناك معجبونيش او بمعني اصح حسيت انهم مش هايبقوا لذاذ في المنظر بردو ومش هايفرقوا كتير، يمكن عشان الموديلاتاللي عندهم مش حلوة، اكيد بتاعة لافلي دي احلي منهم، وطبعا مش فاكرة الأسعار لأني ساعتها صرفت نظر خالص عنهم.

Jumanaa;10663462:
بكام ياسوسى؟

hoba555;10663517:
حمدلله علي سلامتك يا جومانا وربنايردلك صحتك قريب يارب ومعلش الفتره دي حاولي تتعلمي من ماما علي اد ما تقدري ولما تقدري تشيلي ابنك هتتعملي كل حاجه متخفيش
انا صراحه مبقتش عارفه القيصري والطبيعي كلهم فيهم الم ربنا يقومنا بالسلامه ويعملنا اللي فيه خير لينا
سوسي بكام الملايات دي؟

كانت يا بنات بحاجة وثمانين كدة غالية ولا عادي انا مارضيتش اجيبها الا لما اخد رئيكوا الاول في سعرها حسيت انه كتير

CuTie KaTkOoTa;10663544:
انا شفت بردو مريلة الرضاعة دي في الصياد بس اللي هناك معجبونيش او بمعني اصح حسيت انهم مش هايبقوا لذاذ في المنظر بردو ومش هايفرقوا كتير، يمكن عشان الموديلاتاللي عندهم مش حلوة، اكيد بتاعة لافلي دي احلي منهم، وطبعا مش فاكرة الأسعار لأني ساعتها صرفت نظر خالص عنهم.

ايوة صح انا فعلا شفت اللي عند الصياد وكان شكلها مش حلو خالص فعلا روز ومنقطة كدة وللا فيها قلوب باين بس اللي عند لفلي دي زي اللي بنشوفهم علي النت كدة بالظبط اشكالها روعة

sosiii;10663069:
يا بنات النهاردة لقيت ملايات الرضاعة اللي زي دي عند لفلي وفيه منها اشكال كتير اوي

http://www.3roos.com/files/ups/2010/256030/01258685771.jpg


http://www.3roos.com/files/ups/2010/256030/11258685771.jpg

مبروك عليكى و على البيبي يا جميلة ان شاء الله
أى فرع بقى لفلى؟

Jumanaa;10663452:
سوبر لوكس

لا المستشفى كمان تبع النقابه
انا تبع نقابت المهندسين

طيب كويس انك قولتيلى هبقى اختارها ان شاء الله لو ربنا كملى على خير لان كان عندهم اوبشنز كتير كده تخليكى محتارة

Jumanaa;10663452:
سوبر لوكس

لا المستشفى كمان تبع النقابه
انا تبع نقابت المهندسين

3000 و تبع النقابة:-o
مش المفروض خصم النقابة 80% للمهندس او المهندسة و خصم 50% لزوجة المهندس

نا كمان تبع النقابة و الدكتورة هتاخد منى 50%

و لسة مش شوفت المستشفى ان شاء الله خير


و انتى عندك حق يا جومانا
بالنسبة لترطيب النابيلز انا فى الشهر السادس و الدكتورة كتبتلى كريم من دلوقتى للنابيلز

و حمدلة على سلامتك ياقمر

سوسي بصراحه غاليه اوي
انا مش متخيله منظرها ازاي هيكون لوفي صوره وحد لبسها نشوفها
اعتقد هتكون لافته النظر شويه
عموما الرضاعه بره البيت بيقي بهدله شويه وومكن البيي يقعد يرفع فيها وبتاع انا نفسي الاقي حل

Princess_miro;10664108:
مبروك عليكى و على البيبي يا جميلة ان شاء الله
أى فرع بقى لفلى؟


الله يبارك فيكي يا حبيبتي بس انا ماجبتهاش انا كنت لسة باخد رئيكوا فيها
دي شوفتها في لافلي اللي اول مكرم عبيد اللي قدامه التوحيد والنور

طيب كويس انك قولتيلى هبقى اختارها ان شاء الله لو ربنا كملى على خير لان كان عندهم اوبشنز كتير كده تخليكى محتارة

hoba555;10666425:
سوسي بصراحه غاليه اوي
انا مش متخيله منظرها ازاي هيكون لوفي صوره وحد لبسها نشوفها
اعتقد هتكون لافته النظر شويه
عموما الرضاعه بره البيت بيقي بهدله شويه وومكن البيي يقعد يرفع فيها وبتاع انا نفسي الاقي حل

منا حسيت برضه انها غالية فعلا وبصراحة انا خفت من الرضاعة الطبيعي اساسا متهيألي ابقي ارضعها صناعي بقي وخلاص انا اساسا المنطقة دي بتوجعني جدا لو قربت منها مش متخيلة هارضع ازاي :'(

sosiii;10667733:
منا حسيت برضه انها غالية فعلا وبصراحة انا خفت من الرضاعة الطبيعي اساسا متهيألي ابقي ارضعها صناعي بقي وخلاص انا اساسا المنطقة دي بتوجعني جدا لو قربت منها مش متخيلة هارضع ازاي :'(

لا ياسوسي اوعي تسيبي الرضاعه الطبيعي يا حبيتي
دي نعمه من ربنا وانتي كده بترفضيها لو جاتلك
ومتخفيش يا بنتي كلنا كنا كده وهتتعودي علي الوضع
هي في الخروج ممكن تعملها رضعه اعشاب مع اني مش بحب ادي اعشاب ولا الحاجات دي في الاول
ولو معاكي شفاط ممكن تشفطي لبن من صدرك وتديهولها في الببرونه يعني الموضوع ليه اكتر من حل وربنا بيسهلها من عنده متخفيش ولا تشيلي هم

عروس البحر;10649497:
بنات شكرا للي ردوا علي حقنة التيتانوس والحمد لله كنت سبب ان كتير مايعرفوهاش وهايخدوها

طيب اخدها امتى وامتى؟؟

انتوا كدة قلتوا شهور مختلفة ومحدش يقولي اسألي الدكتور عشان ممكن يقولي لا مخدهاش

انا تص السادس اهو وكمان يابنات الدكتور طلب مني سونار ثلاثي الابعاد عرفت انه صور ثابتة والرباعي متحرك عشان كدو عايزة اكلم الدكتور يعملي الرباعي

رأيكوا ايه وليه ماطلبش المتحرك الرباعي دى كأفضل يعني؟؟

ياعالم يابتوع اسكندرية بتغيظونا اعااااااااااااااااااااااااااااااا هو سنتر بوينت في القاهرة؟؟

بنات اه معلش لاحظت تعليقات كتير مخالفة من غير افادة او اجابة او طرح سؤال خلي بالكوا الله يهديكوا عشان الموضوع مايتقفلش

عيال محدش رد علي ليه:'(:'(

سوسى
البتاعه بتاعت الرضاعه دى اصلا نازله ب 65 على النت
فى الجروب بتاعهم على الفيس بووك ماركه best mum
فاعتقد كده غاليه عن السعر العادى

بقولك يا سوسى مشوفتيش فى لافلى الشايات البيبى كلوب الكوم؟

انتى مش بتروحى للدكتور وبتعملى سونار وبتشوفى البيبى والحمد لله
من الشهر الرابع الالم والوحم وكله بيخف الحمد لله