دموع اشتياقي;10622870:
هيه بتتاخد امتي الحقنه دي في السابع باين شكلها راحت عليه
بصى لو اول بيبى بيتاخد مرتين انا اخدتها فى السادس والسابع بس ممكن لو انتى اتقدمتى شوية فى الحمل يدوهالك عادى
اما البيبى التانى مش فاكرة تقريبا ابرة وكنت اتاخت واخدتها على اخر السابع
والمرة دى ابرة واحدة واخدتها فى نص السادس
doaaes;10624746:
بليز يابنات حد يقولى ايه اللى بيتحط فى الشنطة بتاعة يوم الولادة
ايه يعنى اللى بنحتاجه يوم الولاده ان شاء الله
حتحتاجى للبيبى غيارين داخلى بالشرابات وطقمين خارجى والبطانية طبعا والتاتينة والببرونة - بيبى درينك - خدى معاكى 4 بامبرز او 6 انا بصراحة كنت حاطة كيس البامبرز كله اللى هو الصغير مش عارفة كان فيه 9 ولا 10 وبصراحة نفعنى لان نزل عليا دم جامد والاولويز ماكنش نافع فا اضطريت استخدم بامبرز من بتاع البيبى ونفعنى جدا وكان مريح وبيشرب كتير اوى - لو قيصرى هاتى لنفسك شراب - وخدى اندر ليكى او اتنين بس يكونوا ضيقين شوية وكمان يكون الاستيك بتاعهم فوق السرة عشان الجرح لو حتولدى قيصرى لان بعد الولادة البطن بتبقى مترهلة شوية وعاملة تقل ونازلة على الجرح وبتتعبنى جدا ولما بالبس الاندر الضيق ده بيبقى عامل زى الحزام او الكورسيه وبيريحنى شوية - هاتى بقى غيار ليكى وفستان او ترننج حسب مابتلبسى - هاتى مزيل عرق ليكى - هاتى المشط والتوكة والبرفيوم الخاص بيكى - وكمان فوطة - واعتقد كدة خلاص لو افتكرت حاجة تانى حقولك وممكن البنات تفيدك باذن الله الحاجات دى عن تجربة شخصية وكمان لانى ولدت قيصرى فا شوفى لو تحبى تزودى او تقللى انتى حرة على حسب ظروفك
pr!nCess s@d @ll l!&e;10625149:
مش المفروض تسألوا الدكتور الأول ان شاء الله
لا مش مهم ياقمر تسالى الدكتور اتوكلى على الله وخديها بس فى الصحة او رعاية الاسرة انا دكتورتى قالتلى ماتخديهاش مالهاش لازمة المستشفى نظيفة ولما قلتلها ان بنت عمتى ولدت فى مستشفى نضيفة وجالها تلوث قالتلى بتبقى غلطة بس نادرة قلتلها مش مهم برده حاخدها فا اكدت عليا انى لو حاخدها ما اخدهاش فى اى عيادة خاصة قالتلى انصحك تاخديها فى الصحة اامن واحسن وفعلا عندنا الرعاية رهيبة ومجانية واديهم خفيفة بصراحة حتى لو مش مهمة خدوها برده ماحدش عارف الظروف
miko85;10626735:
ان شاء الله الولد والبنوته ال عندي ينفع في اول تلات شهور اجيب للولد بنطلون وتيشرت والبنوته فستان ولا اجيب كل السالبوتيات في اول تلات شهور واجيب البس ده بعدين.....
كمان حاحه تانيه هما في شهر 6 و7 هايكونوا عندهم تلات اربع شهور ينفع يلبسوا نصف كم ولا يلبسوا كم خفيف,,,,طولت عليكم ياقمرات
بصى شهر 6 حيبقى ساقعة عليهم شوية وممكن يلبسوا بكم خفيف وشهر 7 و 8 حيبقى باذن الله نص كم
خلى البيت ترينجات وسالوبيتات والخروج ممكن تجيبى للولد بنطلونات وتشيرتات او قمصان وكمان فيه بلتكورات حلوة اوى اللى هى تحت الكبة وتلبسى شراب تدارى بيه باقى الرجل بس بيبقى شكلهم حلو اوى .. بالنسبة للبنوتة ممكن فستان كات وتلبسى تحتيه بادى كم او نص حسب الجو وطبعا شراب كولون وفى كمان فساتين بيبقى معاها شورتات نفس لون الفستان .. وانا سلفتى كانت فرحانة بالبنوتة بتاعتها وكانت بتلبسها فى عز الشتا فساتين عادى يعنى تتقلى من تحت فانلة كم ونص وكات وبنطلون ابيض وبعدين تلبس الفستان والكولون فوق البنطلون وبعدين الشوز والبنت كانت بتببقى متدفية جدا .. بس ماتكتريش فى شراء الهدوم لان السن ده بيبقى مش باين فيه موديل الهدوم اوى لانهم بيبقوا صغننين وملفوفين على طول وكمان حيكبروا ويطولوا بسرعة وبلاش تجيبى احجام كبيرة اوى لان التوينز بيوقى وزنهم اقل من الطبيعى .. ربنا يقومك بالسلامة باذن الله انتى والبيبيز