تجهيزات واستفسارات حوامل مصر :)

ده الكارسيت
ينفع تستعمليه فى البيت او فى العربية بيتركب بطريقة معينة عشان امان الاطفال







وده الكاريكوت

roshy&hany;10588980:

الاسعار هناك ايه ياقمر غالية ولا متوسطة

انا نفس الاسئلة بردوا ومبسوطة جدا انلا لاقيت حد من اسكندرية زيى .. انا جبت تاتينة حصورهالكم من سن 0 وهى مقشوطة حوريكم الصور وقولولى كبيرة ولا ايه لانى متعقدة عشان ولادى بيرفضوا الببرونات والتاتينة بس باذن الله المرة دى يحبها .. ايه اصغر تاتينة واصغر حلمة بيبى بس ياريت فى التاتينة تقولولى انهى تريح البيبى ويحب انه يستخدمها المقشوطة ولا العادية ؟ انا استقريت على الكانبول بيبيز وعلى الشيكو بس اجيب مقشوط ولا عادى والاسعار ايه ياترى ؟

ممكن للأتنين ياقمر وانزلى المنشية حتلاقى فيه اشكال وانوا ع ورخيص جدا .. واكيد برده حتلاقى فى لافلى او فى نادت

الاسعار معقولة جدا مش غالى
طبعا انا بتكلم على اللبس
لكن العربيات و الكارسيت و السراير و الاطقم بتاعتها غالية شوية

بنات انا النهاردة روحت مازر كير في كارفور الاسكندرية عنده حاجات تحفةةةةةةةةة و بيجامات تيني كدة تحفة ايه رأيكم اجيب للبيبي بيجامات و هو لسة نونو كدة اصل بصراخة شكلهم تحفةةةةةةةةةةةةةة

ازيكم يا بنات يا حوامل يا حلوين انا قصداكم فى خدمة و عارفة انكم مش هتكسفونى انا عاوزة اجيب هدية لصاحبتى هى جابت ولد عاوزاكم ترشحولى محل كده من بنوع حاجات البيبى يا ريت يكون فى نطاق المهندسين او وسط البلد او الهرم و يا ريت ترشحولى اجيب ايه محتارة بصراحة

وربنا يكرمكم كلكم و يقومكم بالسلامة و ادعولى ربنا يرزقنى و ابقى معاكو فى التجمع ده قريب

قصة كبيرة طب قوليلي لو انا ماشية مثلا هفضل ماسكة الكارسيت كدة في ايدي؟

والله لاقيت ناس ماسكة البيبي مش رافعاه قريب من رجليهم عالأرض طيب ماكدة خطر جداااااااااااااا ولو رفعوه صعب بردو

هو مفيش كاريكوت خفيفة ولا كله اوبشن واحد ؟

والبيبي لما يخرج من المستشفى بتحطوه في ايه؟

السرير حلو جدا اللي انتي حاطة صورته طبعا بس انا ان شاء الله بفكر اجيبه مبطن مش خشبي عشان لما النونو يكبر اطبقه واشيله

هي رشا جابت فانيلات عادية مفتوحة من تحت ولا كباسين من تحت؟؟


whiteoff

لو بيجامات شكلها عسل كدة هاتيها ايه المانع بالعكس حلوة اوي

السلام عليكم

ربنا يقومكم بالسلامة يا حوامل مصر و البيبيهات توصل بالف سلامة

whiteoff;10587091:
بنات عايزة اعرف ايه احسن نوع بريست باد اللي بيتغسل ؟
انا كمان عجباني البيبرونة الشيكو اللي هي مايلة دي اجيب بقى مقاس ايه و الحلمة الشفافة ولا الصفرا؟
كمان في ناس بتقولي التيتينة مش ليها لازمة بس انا شايفاكم بتتكلموا عنها طيب هي ايه فايدتها ؟

طولت عليكم معلش ماما جديدة بقى و مييييييييح :)

مش كل الاطفال بيحبو التيتينة و حتى من اول يوم فبلاش تكتروا و الافضل عدم الاعتماد عليها. في حالة الضرورة المايلة افضل لفم البيبي و مش فارقة شفافة و الا صفرا لان ده فرق خامة بس الشفافة اطرى و انا شخصيا كنت بافضلها في التيت بتاعة الببرونة

هي فايدته الامهات بتسكت بيها البيبي لما بيعيط بس المشكلة في انه يسيبها ازاي بعد كده، فيه اطفال بتبقى سنتين و متمسكة بيها و لو سابتها بيبقى البديل مص الابهام و دي حدوتة تانية

m@hy;10587860:
بنات الاقى فين مشمع الغيار و يكون سعرة كام؟

و هل دا للغيار بس ولا ممكن احطة تحت البيبي وهوا نايم لمنع اى تسرب بلل على السرير؟

شممع الغيار موجود في كل المحلات اللي بتبيع مستلزمات البيبي و الهدوم الداخلية و السالوبيتات و تجهيزات حديثي الولادة. ينفع للحالتين و ممكن تجيبي اتنين و تخلي واحد فيشنطة خروج البيبي عشان الغيار بره البيت كمان

حبيباتي بالنسبة للي مش عندها عربية الكاريكوت بينفع فعلا اول " شهور بس و البيبي جسمه لسه طري و يبقى افضل له في الشيل بس لام وزنه بيتقل بعد كده فعلا بتبقى العملية صعبة عليكي و بتحسي انك مش قادرة تشيليه لكن اللي عندها عربية يبقى طبعا الكار سيت لانه كمان حيقعد معاكي فترة طويلة و مش خسارة فيه 3000 جنيه لانه اما للبيبي و بيفضل يقعد فيه لحد سن اربع سنين او حاجة

بالنسبة للام اللي عارفة انها مش حتقدر تتعامل مع اللبس اللي له رقبة مقفولة عشان رقبة البيبي في اول تلات اشهر هاتوا الشايات اللي من 0 ل3 شهور، كل واحدة تشوف اللي يريحها ايه المهم تخلوا بالكم من رقبة البيبي و من المنطقتين الطريتين في مقدمة و مؤخرة الرأس

و ربنا ييسر لكم كل عسير

RAINBOW2000;10594736:
ازيكم يا بنات يا حوامل يا حلوين انا قصداكم فى خدمة و عارفة انكم مش هتكسفونى انا عاوزة اجيب هدية لصاحبتى هى جابت ولد عاوزاكم ترشحولى محل كده من بنوع حاجات البيبى يا ريت يكون فى نطاق المهندسين او وسط البلد او الهرم و يا ريت ترشحولى اجيب ايه محتارة بصراحة

وربنا يكرمكم كلكم و يقومكم بالسلامة و ادعولى ربنا يرزقنى و ابقى معاكو فى التجمع ده قريب

ببصى يا قمر طبعا الاول شوفى ميزانيتك كام...

ممكن تجيبى لبس .. سالوبيت او اتنين حتى لو مقاس اكبر شوية ينفع البيبى من سن 3-6 شهور...
وممكن تجيبى الالعاب اللى بتتعلق على السرير بتبقى حاجة شبه دى:


وممكن تجيبلها كرسى زى ده:



الاماكن بقى:
فى المهندسين فى:
لفلى Lovlely ده موجود فى الشارع اللى على ناصيته بنك CIB اللى موجود فى أول جامعة الدول من ناحية ميدان سفنكس
وفى زيرو تو فايف موجود فى شارع الكروم

فى الدقى فى أور كيدز فى ميدان المساحة

الهرم فى سيف ستورز فى شارع الهرم وفى محلات موجودة فى كايرومول

وسط البلد فى محلات كتير فيها لبس اطفال زى شاليمار والمهد .. بس مش بعرف اوصف وسط البلد خالص للاسف

عروس البحر;10594761:
قصة كبيرة طب قوليلي لو انا ماشية مثلا هفضل ماسكة الكارسيت كدة في ايدي؟

والله لاقيت ناس ماسكة البيبي مش رافعاه قريب من رجليهم عالأرض طيب ماكدة خطر جداااااااااااااا ولو رفعوه صعب بردو

هو مفيش كاريكوت خفيفة ولا كله اوبشن واحد ؟

والبيبي لما يخرج من المستشفى بتحطوه في ايه؟

السرير حلو جدا اللي انتي حاطة صورته طبعا بس انا ان شاء الله بفكر اجيبه مبطن مش خشبي عشان لما النونو يكبر اطبقه واشيله

ممكن تمسكى الكارسيت بس مش عارفة بيبقى تقيل ولا ايه... اصلا فى الاول انتى مش هتخرجى كتير وحركتك هتبقى صعبة لوحدك ..
البيبى لما يخرج من المستشفى يا اما تشييليه فى كاريكوت لو بتجبيها او فى الكارسيت.. الكارسيت مناسب للبيبى من اول مايتولد..
على فكرة السرير ده بيتفكك حتة حتة يعنى ممكن تفكيه وتشليه عادى

whiteoff;10593261:
بنات انا النهاردة روحت مازر كير في كارفور الاسكندرية عنده حاجات تحفةةةةةةةةة و بيجامات تيني كدة تحفة ايه رأيكم اجيب للبيبي بيجامات و هو لسة نونو كدة اصل بصراخة شكلهم تحفةةةةةةةةةةةةةة

اه يا توتا عادي وايه المشكلة، اومال هتلبسيه ايه في البيت، في بنات كتير جابوا بيجامات عادي، عشان حتي تبقي تغيير عن سالوبيتات الخروج، بس شوفيها بقي تدفي كويس وكده.

ايمي انا قصدي المشاركة اللي قبل دي انا كنت يسأل على البريست باد و التيتينة و البيبرونة

whiteoff;10595867:
ايمي انا قصدي المشاركة اللي قبل دي انا كنت يسأل على البريست باد و التيتينة و البيبرونة

اها معلش مخدتش بالي، البادز كانت هدي جابت فارلين وبيتغسلوا وقالت خامتهم حلوة اوي.
انتي ابقي اتفجري وقارني وافتحي شوفي الخامة لو ينفع.

whiteoff;10587091:
بنات عايزة اعرف ايه احسن نوع بريست باد اللي بيتغسل ؟
انا كمان عجباني البيبرونة الشيكو اللي هي مايلة دي اجيب بقى مقاس ايه و الحلمة الشفافة ولا الصفرا؟
كمان في ناس بتقولي التيتينة مش ليها لازمة بس انا شايفاكم بتتكلموا عنها طيب هي ايه فايدتها ؟

طولت عليكم معلش ماما جديدة بقى و مييييييييح :)

مي والبنات قالوا ان الحلمة الشفافة احسن وبتعيش اكتر وانضف من الصفرا.
والتيتينة عشان تهدي البيبي شوية او تشغليه لما يقعد يعيط او يزن، بس بردو مش بحب انه ياخدها كتير بزيادة عشان التعود وكمان عشان فترة التسنين بصراحة بخاف تتسبب في حاجة غلط، بس هاتي واحدة كفاية ولا اتنين بس عشان تبدلي فيهم لو واحدة اتوسخت او وقعت، وممكن تجيبي واحدة الاول وتشوفي هايحبها ولا لا، وبعدين ابقي هاتي تاني.

عروس البحر;10594761:
قصة كبيرة طب قوليلي لو انا ماشية مثلا هفضل ماسكة الكارسيت كدة في ايدي؟

والله لاقيت ناس ماسكة البيبي مش رافعاه قريب من رجليهم عالأرض طيب ماكدة خطر جداااااااااااااا ولو رفعوه صعب بردو

هو مفيش كاريكوت خفيفة ولا كله اوبشن واحد ؟

والبيبي لما يخرج من المستشفى بتحطوه في ايه؟

لو مشاويرك على الرجلين يبقى أسهل حاجة ليكي وأأمن حاجة للبيبي الشيالة ... ممكن أصلا تجيبي لك واحدة حلوة وغالية شوية هتبقى برضو أرخص من الكارسيت والبيبي بيستعملها لحد ما يكمل سنة أو أكتر ... وعادي تركبي عربية أو مواصلات وهو في الشياة مش هتضايقك ... ولما يكبر عليها لو عندك عربية يبقى اشتري ساعتها كرسي للأطفال اللي أكبر من سنة ... ولو مش عندك خلاص مش هتجيبي حاجة وهيركب جنبك عادي بقى في المواصلات وانتي تمسكيه كويس


بالنسبة للتيتينة مزاياها الصراحة أكبر بكتير من إن الواحدة تقلق من تعب إن البيبي يبطلها ... هما بداية سهل يبطلوها لو عرفتي انتي تشغليه عنها إزاي ... التيتينة بتنظم رضعات البيبي ... إزاي؟؟؟ لو البيبي بيرضع وقت ما يحب تلاقيه مش بيرضع مدة ومش بيشبع كويس وكل شوية عايز يرضع تاني وانتي تبقي عايزة تولعي في نفسك ... فالتيتينة بتشغليه بيها لحد ما ييجي معاد الرضعة يقوم يرضع في معاده كويس ... ده غير إن الرضاعة لو زادت عن الحد بتعمل غازات والبيبي يتعب ... الحاجة التانية التيتينة بتنيم البيبي ... عبدالله مش بينام من غير رضاعة لحد النهاردة على فكرة:( ... الحاجة بقى الأهم وهي إن التيتينة دي بتخليهم صامتين :D ودي الصراحة لوحدها نقطة مهمة بشكل مش طبيعي بجد ... الأطفال اللي مش بتاخد تيتينة لما يكبروا شوية تلاقيهم بيزنوا كتيييير ... التيتينة بقى عاملة زي زرار mute

هما بيبقوا 3 أشكال ... فيه اللي بتبقى عاملة زي اللمبة


دي اللي كانت موجودة أيامنا احنا وقالوا بتعمل تشوهات في سقف الحلق وكلام كبير بس مش أكيد طبعا لسبب بسيط أوي إن أنا شخصيا كنت باخد تيتينة وسقف حلقي وسناني زي الفل الحمد لله :D

فيه المقشوطة ودي أصح للبيبي في موضع سقف الحلق وبالعكس بتبيقى أريح له ... بس بقى الشكل الجديد اللي شيكو وأفنت وغيرهم منزلينه (شكله ده بقى أحدث حاجة) وعلى فكرة ده أصغر شكل كما اللي هو بيبقى مفرود زي الصفرا اللي في الصورة ... على فكرة اللي في الصورة دول كانبول بيبيز

أمةالله;10596313:
لو مشاويرك على الرجلين يبقى أسهل حاجة ليكي وأأمن حاجة للبيبي الشيالة ... ممكن أصلا تجيبي لك واحدة حلوة وغالية شوية هتبقى برضو أرخص من الكارسيت والبيبي بيستعملها لحد ما يكمل سنة أو أكتر ... وعادي تركبي عربية أو مواصلات وهو في الشياة مش هتضايقك ... ولما يكبر عليها لو عندك عربية يبقى اشتري ساعتها كرسي للأطفال اللي أكبر من سنة ... ولو مش عندك خلاص مش هتجيبي حاجة وهيركب جنبك عادي بقى في المواصلات وانتي تمسكيه كويس

طيب يا مي سؤال صحيح نسيت اسأله من فترة، مش الكار سيت مفروض يتحط في الكنبة اللي ورا في العربية صح مش قدام، ولازم يتثبت بحزام الأمان بتاع العربية ولا كفاية بتاعه هو وبس، اصل عربيتنا مفهاش حزام للكنبة الخلفية، فيها اللي قدام بس، يبقي ساعتها ايه الحل ده لو انا نازلة لوحدي بيها مثلا من غير جوزي وانا اللي سايقة.

أمةالله;10596313:
لو مشاويرك على الرجلين يبقى أسهل حاجة ليكي وأأمن حاجة للبيبي الشيالة ... ممكن أصلا تجيبي لك واحدة حلوة وغالية شوية هتبقى برضو أرخص من الكارسيت والبيبي بيستعملها لحد ما يكمل سنة أو أكتر ... وعادي تركبي عربية أو مواصلات وهو في الشياة مش هتضايقك ... ولما يكبر عليها لو عندك عربية يبقى اشتري ساعتها كرسي للأطفال اللي أكبر من سنة ... ولو مش عندك خلاص مش هتجيبي حاجة وهيركب جنبك عادي بقى في المواصلات وانتي تمسكيه كويس


بالنسبة للتيتينة مزاياها الصراحة أكبر بكتير من إن الواحدة تقلق من تعب إن البيبي يبطلها ... هما بداية سهل يبطلوها لو عرفتي انتي تشغليه عنها إزاي ... التيتينة بتنظم رضعات البيبي ... إزاي؟؟؟ لو البيبي بيرضع وقت ما يحب تلاقيه مش بيرضع مدة ومش بيشبع كويس وكل شوية عايز يرضع تاني وانتي تبقي عايزة تولعي في نفسك ... فالتيتينة بتشغليه بيها لحد ما ييجي معاد الرضعة يقوم يرضع في معاده كويس ... ده غير إن الرضاعة لو زادت عن الحد بتعمل غازات والبيبي يتعب ... الحاجة التانية التيتينة بتنيم البيبي ... عبدالله مش بينام من غير رضاعة لحد النهاردة على فكرة:( ... الحاجة بقى الأهم وهي إن التيتينة دي بتخليهم صامتين :D ودي الصراحة لوحدها نقطة مهمة بشكل مش طبيعي بجد ... الأطفال اللي مش بتاخد تيتينة لما يكبروا شوية تلاقيهم بيزنوا كتيييير ... التيتينة بقى عاملة زي زرار mute

هما بيبقوا 3 أشكال ... فيه اللي بتبقى عاملة زي اللمبة





دي اللي كانت موجودة أيامنا احنا وقالوا بتعمل تشوهات في سقف الحلق وكلام كبير بس مش أكيد طبعا لسبب بسيط أوي إن أنا شخصيا كنت باخد تيتينة وسقف حلقي وسناني زي الفل الحمد لله :D

فيه المقشوطة ودي أصح للبيبي في موضع سقف الحلق وبالعكس بتبيقى أريح له ... بس بقى الشكل الجديد اللي شيكو وأفنت وغيرهم منزلينه (شكله ده بقى أحدث حاجة) وعلى فكرة ده أصغر شكل كما اللي هو بيبقى مفرود زي الصفرا اللي في الصورة ... على فكرة اللي في الصورة دول كانبول بيبيز

هههههههههههه
بجد مش قادره ابطل ضحك
كله كوم وزرار الميوت ده كوم تانى mute :D
احسن تشبيه بجد


انتى فين مش شايفاكى على الميل ليه يا ميوي لما جه وقت الجد مش لاقيتك
عايزه اخد رايك فى السترولر اللى عايزه اجبها وانتى كنتى قولتيلى حتساعدينى :o وانا محبتش ازن من زمان غير لما ييجى وقتها :o


يابنااااااااااات هدى الحمدلله كويسه وبخير وعلى المنتدى كمان ماشاءالله ربنا يحفظها يارب هيا ولولى

ميكو بصي السرير ده معمول للتوائم ولو عندك المساحة صغيرة، لقيته بالصدفة عالنت ومكتوب سعره 700$ زائد 150$ شحن :ss::ss::ss:

ودول كمان، بصي المبطن ده جراكو، والسرير العادي اللي حاطين فيه فاصل ده او مقسوم من النص كاتبين انه ينفع للشهور الاولي بس وب 25$ بس اكيد ده للفاصل بس اللي بيقسم السرير :)

hoobie;10585820:
بصي انا شخصيا مش بحب الكاريكوت دي خالصومجبتهاش بحس انها مش عمليه وتقيله وكمان اخاف اشيل فيها البيبي ..وهي كمان هتقعد معاكي كام شهر بس وبعد كده مش هيبقى ليها لازمه ..لكن الكرسي هيفضل معاكي اقل حاجه سنه ونص ..و لو بتقارني بين الكاريكوت والعربيه فأكيد العربيه احسن كتير وممكن تستعمليها من اول شهر عادي لان فيها وضع النوم بس هاتي حاجه كويسه مش ضروري تبقى ماركه معروفه بس متبقاش صيني على الاقل ..كرسي العربيه بصراحه انا عندي واحد في البيت وكنت بحط عليه محمد عادي ..

طب انواع مش صينى زى ايه؟
دى مصر كلها بقت صينى مش لاقيه غيره او امريكانى وبيبقى غالى اوى

m@hy;10592681:
الاسعار معقولة جدا مش غالى
طبعا انا بتكلم على اللبس
لكن العربيات و الكارسيت و السراير و الاطقم بتاعتها غالية شوية

طيب فين فى المنشة؟؟؟
فى محل اسمو المدينة المنورة عندى حجات لذيذة و حجات مةجودة عند لفلى بس ارخص طبعا منة

و فى كام محل فى النبي دانياال عندهم حجات لذيذة

whiteoff;10593261:
بنات انا النهاردة روحت مازر كير في كارفور الاسكندرية عنده حاجات تحفةةةةةةةةة و بيجامات تيني كدة تحفة ايه رأيكم اجيب للبيبي بيجامات و هو لسة نونو كدة اصل بصراخة شكلهم تحفةةةةةةةةةةةةةة

roshy&hany;10597787:

فين محل المدينة المنورة ده يا ماهى ؟

على صف سنترال المنشية كدا