تجهيزات واستفسارات حوامل مصر :)

الكوفيرتات دي بتبقي قطن ولا خامه تانيه
وانا هاولد في شهر 4 محتاجه بطانيه ولا

بنات ممكن حد ينزلنا لينك اللسته بتاعه النونو

البنات اللى هيولدوا في الشتا باذ الله
اللحاف دة انا جبتة لمايا من التوحيد والنور ب 120 جنية هو فايبر والدباديب اللى علية دى بارزة اية رائكو ؟؟؟

عسوول اوي يا توتي ماشاء الله

ميكو ايوة ياقمر هاتي بطانيه او اتنين كمان وبرضه هاني لحاف شهر 4 برد على البيبهات

انا اشتريت الحاجات دي اول امبارح.

ده طقم قصافة ومقص ومبرد كمان دلع بقي :lol::lol: في علبة بلاستيك ب 19 تقريبا نسيت الكسور كانت كام من كارفور.


وده طقم فرشة ومشط من الصياد ب 21


ودي ليفة بس ناعمة من خامة الفوط والبشكير كده وده وشها فيه الجزء المدور ده زي للمساج كده او بردو ادعك به جسم البيبي بس طبعا لما يكبر شوية، فانا هستخدمها علي الوش التاني اللي مفهوش حاجة خالص عشان الجلد بيكون طري ومش يستحمل اي حاجة ودي ب 20، وكان فيه شكل تاني اكبر سنة ومش فيه جزء المساج ده.

سؤال بقي عشان هتجنن، انا لسه مخلصتش باقي محلات الاطفال والحوامل بس سألت في كذا مكان او في صيدليات علي بادز الرضاعة ودايما بلاقيها اللي هي بتترمي مش بتتغسل، المهم لقتها بقي اخيرا في محل قدام دار الدفاع نوع كده نسيت اسمه اوله حرف m ومستورد لقيت منه 4 قطع من اللي بيتغسلوا ب حاجة و80 :|:|:|:|:| والنوع التاني من اللي بيترمي نسيت كام قطعة بس كتير نقول مثلا 30 بنفس السعر تقريبا، فانا اتصدمت صدمة رهيبة وصوتت في المحل علي الاسعار دي وكمان ال 4 يبقوا بسعر ال 30 لمجرد انهم بيتغسلوا ويتعاد استخدامهم ليه يعني، وكمان ياريتها حاجة مهمة اوي او جهاز ولا اي حاجة ، مش ممكن بجد، قولولي بقي جبتوها منين، انا نسيت هدي كانت جابتها منين الفارلين بتاعتها وكانت بكام وكام واحدة.

ااااه نسيت كان فيه حد من الماميهات بيسأل من فترة تقريبا علي لبس تنكري لابنه، انا لقيت في نفس المحل ده لبس تنكري اشكال كتيرة بس مبصتش علي الاسعار عشان الوقت كان خلاص، المحل ده جنب تاكي عالطول اللي في شارع النزهة قدام دار الدفاع الجوي.

http://forums.3roos.com/showthread.php?p=10453785#post10453785

شرفوني

سؤال كمان نسيت اسأله، ياريت ياريت ياريت :o:o:o
لو حد اشتري هدوم بيت شتوي للحمل وخصوصا في الشهور الاخيرة يقولي منين عشان انا زهقت وقرفت ومش لاقية حاجة خالص ، بلاقي اه مقاسات كبيرة بس الموديلات بتاعتها مش مناسبة للحمل يعني قصدي انها بتبقي ضخمة كلها علي بعضها فوق وتحت وانا اصلا مش مليانة فوق جامد، وبتبقي نازلة ستريت كده مش علي واسع زي بلوزات الخروج بتاعة الحمل، وفي الاخر اشتريت جلابية قطيفة لذيذة بس هي علي مقاسي دلوقتي يعني ممكن متكفنيش في الشهرين اللي جايين ده اولا ثانيا انا مش بستريح فيها خالص وخصوصا في النوم بتعوقني اوي في التقليب وكده وكمان لازم البس تحتيها بنطلون وقصة، وانا في الشتا بالذات بفضل ترنجات او بيجامات، المهم ركنتها وجوزي اداني ترينج بتاعه تصدقوا كان كبير عليه شوية وكفاني دلوقتي وكويس، اخرتها يعني البس حاجة جوزي او اشتري رجالي يعني ولا اعمل ايه.

وحاجة كمان مستغرباها جدا وخنقتني اوي ومش مصدقة، انا قلت خلاص مش هدور في محلات البيجامات العادية ولا المعارض، لا هاروح عالطول محلات لبس الحوامل وهناك اكيد اكيد بقي هلاقي طلبي، رحت محل واحد منهم بس لقتها بتطلعي موديلات كتير مقاس كبير بس مش اوي بردو وكمان خامتهم مش تقيلة اوي، فبسألها هما دول مخصوصين للحمل ولا مقاس كبير وخلاص، قالتلي لا مقاس كبير مفيش لبس بيت بينزل للحوامل اصلا، فتنحت كده ومشيت، ياريت بجد تقولولي بسرعة عشان الجو عمال يبرد وانا بجد مش عارفة اعمل ايه وكمان المرحلة اللي انا دخلاها دي هايبقي فيها زيادة اكتر من الفاتت في الجسم.

السلام عليكم
ازيك كلكم عاملين ايه
ربنا يتمملكم علي خير يارب
انا لسه حامل جديدة في الشهر التاني ربنا يكمل علي خير يارب
انا ساكنة في المنوفية وكنت متابعة مع دكتورة في تلا اسمها نسرين امان
كنت بسال لو حد تابع معاها او يعرفها او يعرف دكتورة كويسة في منطقة شبين او طنطا او تلا ياريت يفيدني

CuTie KaTkOoTa;10757629:
سؤال كمان نسيت اسأله، ياريت ياريت ياريت :o:o:o
لو حد اشتري هدوم بيت شتوي للحمل وخصوصا في الشهور الاخيرة يقولي منين عشان انا زهقت وقرفت ومش لاقية حاجة خالص ، بلاقي اه مقاسات كبيرة بس الموديلات بتاعتها مش مناسبة للحمل يعني قصدي انها بتبقي ضخمة كلها علي بعضها فوق وتحت وانا اصلا مش مليانة فوق جامد، وبتبقي نازلة ستريت كده مش علي واسع زي بلوزات الخروج بتاعة الحمل، وفي الاخر اشتريت جلابية قطيفة لذيذة بس هي علي مقاسي دلوقتي يعني ممكن متكفنيش في الشهرين اللي جايين ده اولا ثانيا انا مش بستريح فيها خالص وخصوصا في النوم بتعوقني اوي في التقليب وكده وكمان لازم البس تحتيها بنطلون وقصة، وانا في الشتا بالذات بفضل ترنجات او بيجامات، المهم ركنتها وجوزي اداني ترينج بتاعه تصدقوا كان كبير عليه شوية وكفاني دلوقتي وكويس، اخرتها يعني البس حاجة جوزي او اشتري رجالي يعني ولا اعمل ايه.

وحاجة كمان مستغرباها جدا وخنقتني اوي ومش مصدقة، انا قلت خلاص مش هدور في محلات البيجامات العادية ولا المعارض، لا هاروح عالطول محلات لبس الحوامل وهناك اكيد اكيد بقي هلاقي طلبي، رحت محل واحد منهم بس لقتها بتطلعي موديلات كتير مقاس كبير بس مش اوي بردو وكمان خامتهم مش تقيلة اوي، فبسألها هما دول مخصوصين للحمل ولا مقاس كبير وخلاص، قالتلي لا مقاس كبير مفيش لبس بيت بينزل للحوامل اصلا، فتنحت كده ومشيت، ياريت بجد تقولولي بسرعة عشان الجو عمال يبرد وانا بجد مش عارفة اعمل ايه وكمان المرحلة اللي انا دخلاها دي هايبقي فيها زيادة اكتر من الفاتت في الجسم.

بيجاماتك القديمة لو لسه على مقاسك فكى خياطة الوسط وألبسيها انا عملت كده

DodyCat;10765282:
بيجاماتك القديمة لو لسه على مقاسك فكى خياطة الوسط وألبسيها انا عملت كده

قصدك علي استك البنطلون يعني، بس المشكلة اني اصلا مجبتش لبس شتوي في الجهاز :'(:'( ومش لاقية حاجة في السوق حلوة او تنفع والخامات مش مرنة انها تنفع لأخر شهرن يعني بتكفيني لما بقسيها دلوقتي وحساها هاتبقي ماسكة او لازقة علي الجسم كده في الاخر لو بطني كبرت، فمش عارفة ايه الحل.

CuTie KaTkOoTa;10765359:
قصدك علي استك البنطلون يعني، بس المشكلة اني اصلا مجبتش لبس شتوي في الجهاز :'(:'( ومش لاقية حاجة في السوق حلوة او تنفع والخامات مش مرنة انها تنفع لأخر شهرن يعني بتكفيني لما بقسيها دلوقتي وحساها هاتبقي ماسكة او لازقة علي الجسم كده في الاخر لو بطني كبرت، فمش عارفة ايه الحل.

نفس مشكلتى مجبتش فى جهازى شتوى غير بيجامتين ووسعت واحده منها بس مش مريحه نفسى فى حاجه مرحرحه كده
المفروض هنزل اجيب جلبيات للولاده وروب وكده

DodyCat;10765486:
نفس مشكلتى مجبتش فى جهازى شتوى غير بيجامتين ووسعت واحده منها بس مش مريحه نفسى فى حاجه مرحرحه كده
المفروض هنزل اجيب جلبيات للولاده وروب وكده

انا مش بستريح في الجلبيات خالص ومش عارفة اعمل ايه، جبت واحدة بعد ما كنت زهقت ومش لاقية بيجامات، ولبستها فعلا هي قطيفة بس بتضايقني في النوم والتقليب وكمان بحس ان البنطلونات احسن في الشتاء وعملية اكتر، والروب اللي جبته عاجبني اوي ومش رخيص بردون واختي بتقولي لو لبستيه في المستشفي ساعة الولادة هايتبهدل منك اوي والدم وكده.
طيب هتعملي ايه في لبس الرضاعة للخروج بقي، دي كمان ازمة عندي.

CuTie KaTkOoTa;10765699:
انا مش بستريح في الجلبيات خالص ومش عارفة اعمل ايه، جبت واحدة بعد ما كنت زهقت ومش لاقية بيجامات، ولبستها فعلا هي قطيفة بس بتضايقني في النوم والتقليب وكمان بحس ان البنطلونات احسن في الشتاء وعملية اكتر، والروب اللي جبته عاجبني اوي ومش رخيص بردون واختي بتقولي لو لبستيه في المستشفي ساعة الولادة هايتبهدل منك اوي والدم وكده.
طيب هتعملي ايه في لبس الرضاعة للخروج بقي، دي كمان ازمة عندي.

بصي ياقمر بالنسبه للروب في ارواب في محل شعبان بتاع بواقيالتصدير بحوالي 50 وحلو عملي انا كنت جايبه واحد للولاده ..بس الحمدلله متبهدلش خالص بس يمكن لان ولادتي كانت قيصريه ..بالنسبه للبيجامات لا مفر للاسف من الجلبيات انتي ممكن بقى تجيبي بناطيل قطن تحت الجلابيات من التوحيد والنور بس حلوين اوي اوي وناعمين وبيدفوا وهاتي طبعا اكبرمقاس عشان ينفعك لحد اخر الحمل ان شاء الله

دى شوية حجات جبتها

كوفرتة من سنتر بوينت جونيورز



دة ملابس داخلية كلها من الصياد




و دى شاية بس مش هجيب منها تانى عشان صغيرة اوى و مافيش اكبر



سلوبتات الصياد نص كم



حجات من جونيورز بس كبيرة شوية جيين هدية






بيجامااااات







فانيلات داخلية




ببرونة شيكو من لافلى

انا لسة مش جبت سالوبتااات بيت ولا خروج
اجيييييييييييب اد اية؟؟

ازيكم يا بنات
كتكوووووت لا مفر يابنتى من الجلابيات انا برضه بكرهها قوى بس هنعمل ايه
وبلبس تحتيها بنطلونات تقليد الكارينا عشان بيبقوا استكهم خفيف قوى ومش ماسك خاااااالص

ماهى الحاجة جميل ما شاء الله مبروكين عليكى انتى والنونة

كتكوته
بصى انا كنت جايبه ترينج كده امور اللى هيا الحاجات الى سبورت كده
الاستك بتاع البنطلون خفيف اوى وعريض كده مش بيوجع خالص
انا كنت جيباه من بره مش من مصر بس اكيد فيه منه
يعنى انا بكلمك وانا لابساه اهو
فشوقى حاجات كده
وعادى انا لسه لحد دلوقتى بلبس لبسى القديم اللى كنت سيباه عند ماما
واى استك بتاع بنطلون فكيه واعمليله انتى استك من جديد يكون واسع كده


ماهى
الحاجات جميله ماشاءالله اوى وخصوصا الكوفرته جميله ماشاءالله اوى