شلون تنظمين يومج

تمام يا ريت

خبرينا عن يومش خلنا نستفيد

اني استخدم لتنظيف الفرن جف الرش

وتنظيف الحمام اسوي خلطة صابون تايد + معجون ( نسيت اسمه من رامز)
+ ارش مستر مصل عالأرضية +داك برائحة الزهور عجيب

بس يغيت أسألكم ابغي ريحة العطر ادوم بالغرفة شلون؟؟؟؟؟؟
ما عندكم طريقة تخلي الريحة تبقى جم يوم؟

و الله لحد الحين ما شفت شي ثابت بسرعه تروح الروائح

للحمام استخدم duc الي ينحط بالتواليت و تدوم الريحه بس الغرف ما اعرف

يتوم شلون راحت فلوسش؟؟؟؟
وشلون تطلع ليكون عليكم حسيب الحين؟؟؟؟؟؟؟
ما عليها شر الوالده

مسز يتوم اشتغلت وياها نتفه لكن حليوه

يا ريت اني بعد اشتغل والتنظيف الشامل يوم الجمعه اكرف كرف والغسال اني بعد يوميا يوم ثيابي ويه ابو علي ويوم ثياب علوي ويم الفوط ولا املحقه الغساله كل متروسه ما ادري اطلع قرار ممنوع تبديل الثياب ؟؟؟؟

لحين صاخه من علوي ومن عفسته بس لين اقعد على الكمبيوتر يفضحني عشان جدي نسبة 1% لين اقعد في البيت كل في الشغل

هذا علوي وهي صورته اوضح ليش عشان تصدقون اني يكون خاطري اقعد في الليل لان كل البنات يتجمعون بس ما يحصل لي حتى لو نايم كأن احد اقعد على طول افر لي

ما شاء الله الله يحفظه كم عمره ؟؟

يا ريت يعني انتين و ilshj مفروض نظامكم مثل الشي لأنكم تشتغلون

زوجي زامات و الحين يقول بينزلونه نهار فإذا صار نهار ما في طباخ غدى يعني ما في تنظيف يعني على خفيف بس

الحين حسيت روحي بصير فاضيه و خاطري اشتغل و الا اني شايله الموضوع من بالي

قعدت الصبح و ياه و و يا حسون و لما تيسروا شفت ما في شي يسوى اني ما انام علشانه و رجعت نمت صايره كله اناااااام بررررررد

و من شوي قعدت و رتبت على السريع لأني اوردي مثل ما قلت لكم ارتب من الليل و بقى علي الكناس طبعاً متعوده مو الحين بعد الغدى لأن حسون بيعدم المكان بعدين


مستغربه منكم ليش كل يوم غسال؟؟؟ حددوا لكم يومين في الإسبوع و بس جدي ما تلحقون

خيو احنا جدي ومو ملحقين
يوم ثيابي ويه ابوعلوي وثياب علوي بروحهم ما اخلطهم والفوط بروحهم خيو اني مو لاصقه في الغساله اشغلها واتباعد عنها

ليش ما تشوفين ليش شغله تسلين بدل قعدتش البطاليه عن الملل

علوي عمره 7 ونص

تقريبا اني ويا ريت مثل النظام بس يختلف عفاس بيبيها اني لحين صاخه عن العفسه واني ما اطبخ لاني ويه ابو علوي دواماتنه للعصر ما يمدينه نتغدى واني اطلع من الشغل دايركت بيت ابوي اروح لعلوي لانه عند امي
العشا علي طباخه بس ما اطبخ في شقتي انزل تحت عند عمتي يعني حتى غسال فرن ما عندي اصلا لحين ما اشتريت سلندر لي

اي و الله مفتكه لأن الطباخ هو الي يجيب التنظيف و الحاله

و الله دورت و عجزت و صراحه شلت الموضوع من بالي و الحين امي وخواتي كله يحننون عليي على الشغل

يلا وظفيني وياش خخخخ

قولي ويش شهاداتش وخبراتش حتى لو مو وياي يمكن اشوف ليش ويه عملائنا اقريها عدل
قولي ليتوم تشوف ليش كل فاضين لا شغله ولا شي لعبنا لعبتنا تركتهم وبعدهي نساتي ما راحت

السلام
انا اليوم ببتدي بغرفة النوم بس ماراح اطول اذا كثرت ساعتين لاني معزومة
وانا لازم من ارد من بيت امي وزوجي كون عنده دوام ارد والغرفة شكلها متغير 100000000000 درجة
شوفوا شنو الجدول الي سويته عقب امس ما شفت الغرفة حتى الكومودينا الي يم راسي معفسها ليش ما ادري
حاط عليها كوبه وشوربه وبيبسي وخرابيط
وحاط على الارض جنطه فيها العدة ليش مادري
ومسوي دثرة فوق الشوفونيرة وغير كبت المنظفات جاي بياخذ له صابونة معفس الكبت كله
الجدول الي حق اليوم
اول شي
الكومودينا والدثرة الي يمها
الخزانة الصغيرة (انا عندي خزانة صغيرة كلش فيها اربع ارفف حاطها فيها كريماتي والي بعدة استشوار والعدة مكينة الحلاقة )
التسريحه هذه الي كل ما اسويها ااتعفس
عندي سله للملابس (حاط فوقها اغراض) حاط جريدة وكاب وخرابيط هههههههههههههه اليوم شكلي بذبحه
وعندي طاولة بالغرفة حاط عليها ملابسه
بسوي فوق الشوفونيرة
وبعدين بمسح الغرفة واخمه واعطرها وابخرها واسكر الباب
ومرة ثانية اذا انا كنت موموجودة وهو رد من الدوام يبي ينام بخليه ينام بغرفة العيال

وبعدين بشوف لي يوم عالشان اسوي الكبت لان انا بسب بطلت كبته لا تشوفون العفسه الي شفته هههههههههههه صج مادري اضحك ولا ابجي

بيييييييييييييه مسز شوفي هذي طلع زوجي ولا شي يم زوجها
الله يعينش كويتيه عليه

بيييييييييييييه مسز شوفي هذي طلع زوجي ولا شي يم زوجها
الله يعينش كويتيه عليه

ههههههههههههههه مافي احد نفس زوجي الله لا يبلاج

صباح الخير لو مساء الخير ما ادري ..

اليوم انا مو مداومة .. لايعة جبدي ماادري شفيني مع اني قاعدة من الصبح بس مالي مزاج اروح ..

اي والله يا همسات لا رقيب ولا حسيب اذا ابو محمد مشرف علينا الكل لاعب علية .. وتعرفينة كلة برة ما يعرف يقعد على مكتبة .. والمدير الهندي ما يتكلم حتى ويا احد ما يحب احد هال ...

وفلوسي راحت من السرقات :( ذهبي كلللللللللللللللللللة فلوس زواجي ..... الخ

امس الليل تذكرتكم على سالفة غسال الحمام امس قمت اغسلة لانة لاعبين فية الجهال ...

وعلى الثياب انا اجمعهم ثيابي وثياب زوجي .. وثياب كتكوتي الله يجيبة بالسلامة اذا اشتريتهم جدد واغسلهم في بيت امي يوم السبت .. لانة ارتاح اغسلهم اهناك .. ولاني ساكنة مع بيت عمي في بيت اجار على ما يسوون بيتنا .

كويتيه

اعترفي يعني بس هو الي يعفس لازم انتي مشتركه في الجريمه هههه

شكله بيروح فيها عندي لش اقتراح قفلي الغرفه عنه خخخخ :011:
شرايش تصورين الغرفه قبل وبعد

آآآآآخ من غرفة النوم اني عندي مو غرفة نوم مخزن وكل مره انظفها و اكشخها وما في فايده كرهتها

هي ضيقه كلش ومن الضيق ما يمديش تفترين فيها وزوجي الله يحفظه كل شوي يبدل وما يحط الثياب في السله يقول بيرد يلبسهم :031:

ومرات ما اشوف الا فردة جوتي على التسريحه و الا مكوا و قلاصات جاي :023:

ناويين نغير فيها صبغ وسيراميك و لما نغيرها كفو اسمح بالتلاعب هذا بيني وبينكم اني بعد اعفس خخخخ

خاطري ابدلها كامل و آخد من الي موضتهم الحين الي في الأرض وسيمبل و ناعمين لأنها دفشه حدها و المكان صغير بس متعلقه فيها فيها ذكريات الزواج :049:

أففف يتوم عندي غسال ثياب بس مستمله لغسل لأن الحمام بينعدم

اقول له طول هوز الغساله علشان نحطه في التويلت و انتوا بكرامه و الا المغسله علشان مو كل مره اجي اغسل ينعدم لي الحمام الحين شتا و أيا المطر تعالي شوفي الرمل الي يطلع وعععععععع

بس لا حياة لمن تنادي

ومرات ما اشوف الا فردة جوتي على التسريحه و الا مكوا و قلاصات جاي

ههههههههههههههههه

بنات انا قلت حق زوجي ان اليوم بعدل وبسوي ورقة فيها عقوبات الي يعفس مرة ثانية يدفع للثاني 10 دنانير اتعابه ههههههههه وافق مسكين

كويتيه بما انش تشتغلين شنو نظامش

شلون تقسمين اليوم يعني بين شغلالبيت و الأطفال و العناية بنفسش و زوجش؟؟

اممم انا مو متزوجه
اذا تزوجت ان شاء الله جيت هنا اعلمكم هع <<<أمزح
الموضوع مفيد
بالنسبه لي يومي مخربط لكن أعرف كيف انظمه ومااشتهيت
وان شاء الله اذا فضيت جيت علمتكم
سامحوني على القصور

ها يعني السالفه عياره خخخخ

يلا ومنكم نستفيد