شلون تنظمين يومج

ما في أسماء

هلا نور الموضوع

اني ناويه اسوي جدول علشان نتبعه كلنا ونشوف بس للحين

بقول لش الي المفروض نسويه ع السريع الأشياء الضروريه

الشغل يبتدي من الليل

قبل لا تنامين حاولي تلمين كل شي على الأرض و رتبي المكان على السريع علشان تقعدين الصبح المكان مرتب بس عليش تنظفين

جيبي سله حطي فيها الأشياء المنثوره على الأرض وحطيها فيها وخلي في كل غرفه سلة مهملات علشان ما يصير فيه اي وسخ على الأرض و في الليل شيلي أكياس الزبايل و حاولي تطلعونها هي و كيس المطبخ علشان ما يكون فيه روائح في الشقه

انزين نرجع للسله الي حطينا العفسات فيها اخذي السله ودوري فيها على الشقه و حطي كل شي مكانه علشان ما تروحين و ترجعين أوكي

خلاص الحين المكان مرتب روحي نامي و الصبح

طبعاً طبخ لو عندش وتنظيف المطبخ و غسل المواعين و كنس الشقه و مسح الأرض لو سيراميك على الأقل مكان الي تقعدون بس

و غسيل الحمامات حسب الحاجه

وترتيب الغرفه الي نمتون فيها

هذا الشغل اليومي


و كل اسبوع

نظفي الأبواب و امسحي الغبار عن المكتبه و المناظر و جدي

لما تكنسين زيحي الكراسي و كنسي تحتها

نظفي الثلاجه و لا تنسين فوقها

امسحي خزاين المطبخ من برا وفوق و الأرضيه



الأشغال الشهريه

يعني تاخذين الغرفه و تنظفينها من فوق لتحت يعني المطبخ نمسح الكاشي تبع الجدران و ننظف الخزاين من داخل و نرتبها

نغسل الستاير مثلاً

ننظف الجدران و مفاتيح الكهرباء

وجدي يعني


أتمنى ما اكون نسيت شي بس بعد اوعدكم بالجدول وبنتناقش فيه و نعدله على حسب آرائكم و احتياجاتنا

هلا مسوزة
منور بوجودش
مشكورة عمري ما قصرتين
وناطرين الجدول

يوم السبت شتغلت عددددددددددددل
غسلت ثياب و شلت فراش السرير وغسلته وحطيت غيره و كويت ثياب و غسلت الحمام
وكنست وصارت غرفتي عجيبة ان شاء الله اتم على هالحاال و عطرتها وما ننسى الطبخ يوميا طبخ وعقبه تنظيف الفرن وغسل المواعين

واستفدت واااااااااااجد من ردودكم وان شاء الله كلنا أنظم وقتنا ونصير امهات مثاليات

خيو ما في اسماء
اصلا ما تحتاجين جدول انتين من تقومين من نومتش انتين فكري تبيدين من الحجره لو الصاله لو المطبخ وجدي
لاني في الليل اخطط ويوم ثاني اقوم اغير لاني شامله الشقه كلها بنظفها كلها


خيو مسز عزيزة وغاليه الطناز شاملني وشاملنش
على قولتش تنظيف يومي واسبوعي وشهري
اني عندي بس يومي اسبوعي

اليومي خفيف لاني اشتغل
بس تنظيف على السريع مواعين اكلنه وكناس مكان العشا (الوجبه الوحيده في البيت)
الاسبوعي
اقشع كل شي
اغير الفراش وامسح الحجره كامل
الحمام والابواب والمطبخ والكاشي واباعد الكراسي وامسح تحتها يعني هذا كل اسبوع
هذا نظامي وعندي عقده اني وشقة حمي تحت بعض مرت حمي ما تمسح باب الشقه من بره واني كل ما دشيت شقتي وشفت بابها تلوع جبدي واحس ان باب ملولح اجي وارش عليه وامسحه

يا ريت الحمدلله يوم استفدتين
انشالله نشاط عاد مو كسل

شنو الادوات اللي تستخدمونها للتنظيف بالعاده
بالنسبه لي استخدم بيوض بس ما اكثر منه لتنظيف الكاشي اسبوعيا استخدمه
وشاريه منظف النوافذ على زهور كأن من رامز
بليدج حق حجرتي والابواب
خلطة غسل الحمام
بيوض وصابون فودر ولين خلصت احط ديتول

احس شقتي امخمره مع اني دايما اهويها زوجي اقول لي عادي ما يحس بش بس الحين ما اقدر اسوي بخور لان محرم اذكر وحده في المنتدى تقول ان تحط شي في المكنسه عشان تنزل الريحه وهي تكنس ما ادري شنو اسوي
عطوني حل

اليوم كسل فظيع ههههه

اليوم أول يوم دوام لزوجي و تيسر هو وولده و قعدت شوي اقرا قرآن كسل و أدعيه الحمد لله مواظبه عليهم وما يمنعني الكسل خخخخ

بعدين اوردي النت كان مفتوح زوجي دخل قبل لا يروح الشغل طليت طله بعدين قمت نمت البرد الصبح لا يقاوم هههه

لأن صراحه ما عندي شغل رتبت و كنست من الليل و ما عندي طباخ اليوم بسوي شي خفيف بما ان زوجي في الشغل و الشقه اوردي مكمله تنظيفها بس كنت برتب الكبت بس ما عليه يتأجل ههههه


يا ريت زين احد استفاد من الموضوع


ilshj

و الله اسمش معقدني في الكتابه شمعناته؟؟؟

ومستحيل ما في شهري متى تنظفون المراوح و الشفاطات و الدرايش كل هادي تكون شهريه والا انتين شطوره و تسوينها ويا الأسبوعيه ؟؟؟

ilshj

او هو رديت كتبت الإسم هههه

الحمامات و انتين بكرامه انظف بسائل اسمه أكيد زين يبيض ترويبة القاشي بدون ما يذوبها مثل الفلاش

و الحين شريت رش مستر مسل كنت اعيب على هالماركة و اخيرتي اخدت منها هههه المهم انظف المغسله و التويلت و الجدران بالرش و الأرضيه بالسائل أحس الرش أسرع وعملي وما أتملل من غسال الحمام لأنه عقدتي اي و استخدم هاربيك لداخل كرسي الحمام صدق عجيب خصوصاً الأسود قوي بس البرتقالي ريحته أحلى

الأرضيات أمسحها بديتول على ياسمين ريحته عجيبه أول مره يعجبني شي على ياسمين

الأبواب و المكتبه و المرايا سويت لي هالمره خلطه في علبة رش و طلعت اوكي بدل منظف الزجاج لأن الي كان عندي من رامز و انصميت فيه ريحته تفطس هههه حطيت سائل صحون و ديتول بالياسمين و ماي ورجيتهم و صارت خلطه حلوة للأمانه الخلطه من موضوع وحده في المنتدى تحط وياها كلوركس بس خفت يختربون البيبان وما حطيته بس حلوه الخلطه بعد

الفرن استخدم فيري المذيب صدق عجيب يذوب الدهون عدل مثل الدعايه رشي وامسحي و عندي بعد واحد غير نسيت اسمه كأن جف الرش زين بس للاستخدام اليومي يعني مو قوي مثل فيري المذيب

وشاريه هالمره منظف ماركة كلوركس للمطبخ رش بس مكتوب عليه بدون مبيض


الله يسلمش عن الريحه اذا طابخه سمك و الا حمصه قويه ابخر بلبان او شبه بس ريحتهم تزعجني

لكن مثل ما قلتين احط في المكنسه زيت عطري من بودي شوب في كيس المكنسه من بره و لما اكنس آخ تفوح الريحه و تدوخ وممكن تستخدمين اي عطر حتى لو رش مفكره هالمره آخد عطور الي يجون توله بيصيرون حلوين مع البخور لربيع

وساعات اشغل فواحه بنفس نوع الزيت

وممكن تاخدين ملطف جو احس عادي مو نفس البخور تحسينه للفرح

ممممممممم اول مرة اشارك في هذا الموضوع :)

والله من حملت احس الامور متخربطة عندي .. الصبح اوقت الساعة على ال6 بس ما اقووم الا سبع وشيء هههه ..
ابدل واجهز نفسي واقعد زوجي حق الدوام وعلى ما اهو يلبس اكون رتبت الغرفة على السريع وشربت لي شيء .. طبعاً عمتي جزاها الله الف خير اهي اللي تسوي الشاي والحليب من الصبح لانة عندنا صبيان في المدرسة فتسوي لهم وانا من ضمنهم بعد ..
قبل كنت اروح الدوام بروحي بس اللحين اخلي زوجي يوصلني لانة ما اقدر .. ليما يخلص زوجي من الدوام يجيني .. واحيانا اطلع من الدوام من وقت ..
اذا زوجي عندة شغل نروح نكمل شغلة ونتغدى برى اذا لا نرجع البيت ونريح ..

ليلة الجمعة اطلع من اخوي ومرتة وزوجي نشووف لنا مطعم او حديقة نقعد فيهم ..

يوم الجمعة يوم النوم الطويل واكون في بيت عمي طول اليوم ..

يوم السبت اكون نص دوام وبعدها اروح بيت امي واتغدى معاهم واقعد الى الليل ..

ilshj;11030530:
شنو الادوات اللي تستخدمونها للتنظيف بالعاده
بالنسبه لي استخدم بيوض بس ما اكثر منه لتنظيف الكاشي اسبوعيا استخدمه
وشاريه منظف النوافذ على زهور كأن من رامز
بليدج حق حجرتي والابواب
خلطة غسل الحمام
بيوض وصابون فودر ولين خلصت احط ديتول

احس شقتي امخمره مع اني دايما اهويها زوجي اقول لي عادي ما يحس بش بس الحين ما اقدر اسوي بخور لان محرم اذكر وحده في المنتدى تقول ان تحط شي في المكنسه عشان تنزل الريحه وهي تكنس ما ادري شنو اسوي
عطوني حل

استخدمي فواحة العطر من بدي شوب... او معطر جو ريحتة حلوة من لايف ستايل .. اذا كلش علج البان ..

يتوم الله يقومش بالسلامه

و احس لما كنا حوامل حتى لو ما اشتغلنا ما نحس ان المكان مو نظيف لأن محد ويسخ بس خل يجي البيبي وشوفي النثره الي بتصير في البيت هههه

انا انظف الحمام بفلاش الخفيف اللي لونة اصفر .. وبعدين اغسلة وامسحة .. واعيد علية بمبيض .. واخر شيء الديتول .. وحاطة مال الريحة اللي اتوماتيك .. بالبطارية مثل المجمعات .. بس عمتي ما ترضى اغسل بهذلين الاشياء لاني حامل بس انا اعاند واغسل ..

لا والله يا مسز عادل .. انا عايشة في بيت عمي بالإيجار يعني عندنا يهال وايد ولوعة جبد :(

ان شاء الله تجهز شقتنا وننتقل البيت الجديد ياااااااااااااااااااااارب ..

يتوم الله يسهل عليش انشالله عرفتيني مع اني زعلانه منش لكن ما في قلبي عليش شي
شخبار بيون خاطري فيها

الجهال اخلون الواحد ما يسوي شي في البيت لاني اخد فاصل تبديل او فاصل رضاعه او اسوي له شي في المرضعه ولين تملل هذي بروحه شغله لازم اقعد وياه شوي الاعبه

ilshj
صدقيني لين عرفتين قصته بتتعودين عليه
الله يسلمش ايميلي همسات وكل اشتراكاتي في المنتديات همسات بس لما كنت ابغي اشترك في عروس نسيت الحبات عنقريزي وصارت همسات جدي وتعودت عليها قمت بدلت كل اشتراكاتي ابها الاسم
حاولي تكتبينه همسات بس الحروف انجليزي

المراوح اسبوعيا انظفهم (اخلي ابو علي انظفهم)
البيبان مثل ما قلت اليش من اشوف بيبان مرت حمي جيت ارش على بابي وانظفه مع انها نظيفه بس ما تحب اتنظف باب الشقه الرئيسي بالدات ما ادري ليش

يبي لي اروح بدي شوب اخد لي معطر حق المكنسه
ما احب ريحة اللبان

رش مستر مسل
خيو هذا مال ويش بعد

هلا هلا همسات .. والله تصدقين كنت ناسية خب صايدني زهايمر الحمل مرض النسيان بس اللحين تذكرت ..

وبيون الحمد لله زينة بس تغار من اختها وايد .. وراح يجيهم اخو ثالث ان شاء الله الشهر الجاي ..

على سالفة الرضعة انتي تعطينة حليب صناعي لو تشفطين لة ؟؟

انا شريت شفاطة والله يستر بعدين ..

ومستر مسل هذا .. انقذني يا مستر مسل اللي يحطون دعايتة في التلفزيون .. لونة برتقالي اعتقد ..

سكتي همسات بروحي في المكتب :(
واللي اهنية الجدد كلة سكارة .. كأنهم متخرعين علية ..

ههههههههههههه
الله يعينش عليهم الفلبينيه الخبله تقول لي عن اللي وياكم ام حسن حتى تفيل ما تعرف شلون توظفت


عرفته ها المستر

الشفط اتعب ويقلل الحليب
الصناعي اتعب كل غازات

الله يسهل عليش وعلى مرت اخوش وقولي لامش تسوي ليكم شبه عن العيون

ايييييي اكا ام حسن شالت علية من الساعة 12 تتكلم في التلفون ومرة وحدة تصيح وتهد الشغل وتطلع ..

ذكرتيني والله فلووسي كلها راحت :(

فوق ال1000 دينار كلة بسبتها

امم ما ادري والله شريتها والله يستر استخدمها او لا ..

وامي الله يذكرها بالخير :(

خلها تقووم علشان تشببنا .. من انخطبت وامي راسها افتر ... تسوي اشياء غريبة ..
تروح بيت الجيران بس بدفة بدون حجاب تقول لهم بنتي راحت تزوجت ما تبيني .. وفي البيت تقعد تصيح بنتي راحت مني ..

وديناها المستشفى تقول حق الدكتور بنتي راحت انا مجنونة اللحين بدونها ..

الله كريم ويشافيها يارب ..

هلا بنات

اشوف تعرفون بعض وسوالف من ورانا

ilshj
اي و الله الحين سهل بس خساره همسات حليو

وهذا عليو الي في الصوره ؟؟ الله يخليه


يتوم

لا كلش خطر المواد الي تستخدمينهم ماله داعي

ترى ولدش بيجي فيه الضيقه ، أصلاً الوحده بروحها مو زين ليها الا بعد حامل الله يهديش بس

و الجهاز الي تقولين عنه غليد أو أيرويك لو واحد ثاني لأن يقولون في واحد فيه مثل المروحه ريحته فضيعه بس سمعت في السعوديه و لا ادري اذا في في البحرين ؟؟

اني عندي قليد سينس آند سبراي