Warde;10478623:
جزاكى الله خيراً
فعلا إننا نعامل الناس بأخلاقنا إحنا هو ده أسلم طريق بس المشكلة بقى كرامة الواحد بقى بتطلع وبتخلينا نعامل الأخرين بالمثل !
أنا عايزه أسألك إزاى أجمع نوايا يعنى ؟ يعنى ممكن تورينى مثال ؟
بصى يا قمر انا اقصد تدورى على احاديث او ايات تجمعى منها نوايا وانتى بتكلميها بحيث قبل متتصلى تفكرى نفسك كده انتى بتكلميها ليه عشان الاية الفلانية بتقول كذا فانا هاخد ثواب كذا والحديث الفلانى قال كذا وعشان كمان لو اتضايقتى تفكرى فى الاحاديث والايات
بصى انا عارفه انه صعب وكلنا زيك مش بس فى موضوع الحموات لا فى كل الامور بس الواحد بيحاول على اد ميقدر يفكر نفسه دايما هوبيعمل اى عمل ليه ويحاول كل اعماله تكون لربنا ويعد يفكر نفسه دايما بأحاديث وايات عشان يقدر يكمل وهكذا
يعنى حتى الاكل والشرب نحطله نية اننا مثلا بناكل ونشرب عشان نكون مسلمين اقوياء ونقدر على العبادات وعلى معاملة الناس كويس وعلى الانتاج و و و و فاهمانى؟
وممكن موضوع حماتك تاخديه بكذا نية مثلا ادخال سرور على قلب مسلم , مثلا السؤال على مريض وهكذا ومثلا الكاظمين الغيظ والعافين عن الناس وهكذا بقى دورى على فضل كل حاجة عشان تقدرى تقوى نفسك وكمان تاخدى ثواب وده فى كل حياتنا طبعا وكلنا بنحاول نعمل ده ساعات كتير بنقع لكن كل شوية لو فكرنا نفسنا وخدناها عادة ان شاء الله كل حاجة هتتظبط وربنا يهدينا ويكرمنا جميعا يارب وكمان متنسيش الدعااااااااااء والاستغفار ومعلش لوهطول عليكى كمان هقولك حاجة تانية انتى كمان اشرتى ليها وهى ان عشان احنا مركزين على الموضوع ده
خلى لحياتك معانى تانية اكبر من كل الكلام ده, فاهمانى؟ يعنى حطبى لنفسك رسالة فى حياتك عايشة عشانها وجوة الرسالة دى اهداف وطموحات شخصية و عامة ودعوية وكله هتلاقى نفسك بتبصى لكل الامور دى بتفاهمة وبتعدى كل حاجة لانك عايشة لحاجة اكبر بكتير واهم وعايزة تحققيها عشان ربنا .
معلش بجد طولت عليكى بس انا بحبكوا جدا فى الله وبقولكوا اللى فى دماغى وبنستفيد من بعض .
سؤال بقى : حد فيكوا هيعيش فى شقة ايجار جديد وياترى اخبار الايجارات ايه ؟ ياريت كل اللى تعرف حاجة تقوللى