ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

اشرى;10475541:

بنات انا امبارح اشتريت علب خزين اشتريت كدة علب بلاستيك الى هما 3 جوا بعض بس ماما بتقولى عليهم صغيرين مش عارفة بقا بجد مضايقة ياريت لو واحدة عندها صوراو حاجة تفيدنىوتورينى اية هو الحجم المناسب ياريت
كان نفسى اصورلكم بتاعتى بس للاسف الريدر بايظ عاما هبق اصورهالكم
مستنية الصور لانى لو اكتشفت ان الى جبتهم صغيرين ممكن ارجع واحدةواخلى واحدة اصلى جايبة 2 كل واحدة 3 ق
هما طولهم حوالى 25 سم ومدورة

انتي قصدك علب التلاجة البلاستيك ولا انهي، لو كده يبقي حجمهم كويس اوي، انا كنت جايبة بردو 6، 3 مدورين وتلاتة مستطيلين، وكنت بشوف اللي حجمهم كبير او وسط كده، وعايزة اقولك اني دلوقتي حساهم جم كبار زيادة عشان انا اكيد مش هملاهم كلهم وغير كده عشان يبقي فيه مساحة في التلاجة لحاجات تانية.

اشرى;10475541:

بنات انا امبارح اشتريت علب خزين اشتريت كدة علب بلاستيك الى هما 3 جوا بعض بس ماما بتقولى عليهم صغيرين مش عارفة بقا بجد مضايقة ياريت لو واحدة عندها صوراو حاجة تفيدنىوتورينى اية هو الحجم المناسب ياريت
كان نفسى اصورلكم بتاعتى بس للاسف الريدر بايظ عاما هبق اصورهالكم
مستنية الصور لانى لو اكتشفت ان الى جبتهم صغيرين ممكن ارجع واحدةواخلى واحدة اصلى جايبة 2 كل واحدة 3 ق
هما طولهم حوالى 25 سم ومدورة

العلب الصغيرة دى مهمة على فكرة
يعنى مثلا اتبقى من الاكل شوية صلصة و لا شوية رز من الغدا
او مثلا سلطة طحيننة او سلطة خضرا اتبقت من الغدا او اى حاجات صغيرة خسارة تترمى
او حتى عاوزة تعملى ماسك لوشك لبن بنشا و شيلية فى التلاجة
خليها العلب الصغيرة حلوة و ليا استعمالات كتير

ميرسي لكل البنات ال باركولي والحمد لله اليوم عدا على خير بس رحت متاخره من الزحمه وكانت اعصابي خلاااااااص بس الحمد لله ادعولي ربنا يتمملي على خير وابقى عروسه حلوه
انا بقا كنت عايزه صور لطرح فيها تاج وتكون ادوار
وعايزه اعرف هي بتتعمل ازاي الطرحه دي ؟؟ اوديها للخياطه وهي هتعرفها ولالا؟؟
وكمان اعملها كام دور انا فستاني كبير وليه ديل اعملها كام دور واعملها طويله ولا قصيره؟؟
عايزه بقا اسال البنات ال راحت ل ايمي الكاشف هي كانت بتلف ايه اول حاجه على الراس علشان الطرحه؟؟

miko85;10475454:
بصي لو شعرك ناعم هاتي استشوار القطع دا مش هياخد معاكي وقت انا جايبه بانوسيك بس هو ضعيف شوي عايز شعر ناعم اما عن مكواه السيراميك انا جايبه بيبي ليس الحمر ال بخار وفي انواع لللشعر الجاف والمبلول في نوع st30 اوst27 ده للشعر الجاف والمبلول....بما انك هتسافري لخطيبك اوعي تفكري تعملي شعرك هناك الاسعار هناك رهيبه ههههه الاستشوار 120 ريال والوش بس 60 ريال فعملي حسابك باه...

pascotta;10476113:
ميرسي لكل البنات ال باركولي والحمد لله اليوم عدا على خير بس رحت متاخره من الزحمه وكانت اعصابي خلاااااااص بس الحمد لله ادعولي ربنا يتمملي على خير وابقى عروسه حلوه
انا بقا كنت عايزه صور لطرح فيها تاج وتكون ادوار
وعايزه اعرف هي بتتعمل ازاي الطرحه دي ؟؟ اوديها للخياطه وهي هتعرفها ولالا؟؟
وكمان اعملها كام دور انا فستاني كبير وليه ديل اعملها كام دور واعملها طويله ولا قصيره؟؟
عايزه بقا اسال البنات ال راحت ل ايمي الكاشف هي كانت بتلف ايه اول حاجه على الراس علشان الطرحه؟؟

البنات كانوا قالوا انها طلبت منهم بونيه قطن اللي هو زي البندانة بس متقفل كده، ولو مكنش يبقي لازم بندانة، بس البونيه ده هتلاقيه في محلات الطرح اللي في جنينة مول في الدور الارضي وخصوصا محل دانتيلا، انا جبته من هناك.

وانا بفضل مادام الفستان له ديل طويل يبقي الطرحة تبقي قصيرة عشان يبقي فيه رقة ونسبة وتناسب في الشكل، وكمان عدد الادوار بقي حسب الشغل اللي في فستانك من ورا كمان عشان لو فيه شغل وحركات متخبيهاش.

اشرى;10475541:

بنات انا امبارح اشتريت علب خزين اشتريت كدة علب بلاستيك الى هما 3 جوا بعض بس ماما بتقولى عليهم صغيرين مش عارفة بقا بجد مضايقة ياريت لو واحدة عندها صوراو حاجة تفيدنىوتورينى اية هو الحجم المناسب ياريت

كان نفسى اصورلكم بتاعتى بس للاسف الريدر بايظ عاما هبق اصورهالكم
مستنية الصور لانى لو اكتشفت ان الى جبتهم صغيرين ممكن ارجع واحدةواخلى واحدة اصلى جايبة 2 كل واحدة 3 ق

هما طولهم حوالى 25 سم ومدورة

بصى ياقمر انا جبت طقم كده كان ب25 جنيه تقريبا زجاج مش بلاستيك و5 قطع وانا انصحك تجيبى زجاج لانه صحى اكتر من البلاستيك
وكترى منهم لانك هتحتاجيهم كتير عشان الجبن ولو فى اكل متبقى مثلا وكده يعنى

وسيبى اللى عندك دى كويسه وهاتى كمان طقمين اكبر شويه وحاولى يكون زجاج
ومعلش مش هعرف اصورلك اللى جبته لانى مش فاكره مكانه لان الحاجه كلها متقفله
كان نفسى افيدك اكتر(f)

nanono;10474508:
سلام عليكم يابنات

بصوا انا هسألكوا سؤال وياريت كلكوا تجاوبونى بجد بس الاول هعلق على حاجة

كان فى بنوتة بتقول المفروض اكلم حماتى كل اد ايه ولو هى متكلمتش برضه اكلمها ولا ايه؟

بصى انا بصراحة هقولك رأيى

اولا مفيش حاجة مفروضة يعنى مفيش مدة معينة بس المشكلة انك لازم تسألى نفسك انتى بتكلميها ليه؟؟

لازم تكون نيتك لله ساعتها والله صدقينى هتلاقى نفسك بتكلميها كل فترة مناسبة وبتطمنى عليها مهما هى عملت لان مش هى هدفك انتى هدفك ربنا يعنى حتى لو هى متكلمتش انتى اتكلمى بس طبعا مش معقول كل يوم ده انتى مش بتكلمى خالاتك كل يوم ده انتى ممكن متكونيش بتكلمى خطيبك كل يوم اساسا :D بس اللى اقصد اقوله انك ملكيش دعوة بيها انتى مش بتعاملى الناس بشخصايتهم واخلاقهم هما انتى بتعامليهم بشخصيتك واخلاقك انتى وصدقينى دورى ع النت كده وجمعى نوايا كتير وانتى بتكلميها واستحضرى النوايا دى هتلاقى نفسك مهما عملت مش فارق معاكى وانتى زى مانتى لان هدفك اكبر واعظم من التفاهات بتاعتنا .

وربنا يرزقك الاخلاص يارب ويجمعكوا على خير ويسعدكوا

انا بقى عايزة اسألكوا كلكوا عمالين تقولوا بعد الفرح لما نرجع ناخد دش , يعنى انا دافعة كل الفلوس دى على الكوافير عشان فى الاخر البنات والستات بس هما اللى يشوفونى وهو ميشوفنيش غير بالمكياج العادى اللى هحطه بعد الدش؟؟؟؟؟؟؟؟؟؟؟

هو انا حطاه لمين اصلا ؟؟ وكمان شعرى ؟؟؟؟؟

هو انا طبعا كده كده مش هدفع الالافات اللى انتو بتقولوها دى عن الكوافيرات لانى عمرى مهروح لكوافير من دول وادفع كل الفلوس دى عشان شوية ماكياج وشعر ربنا هيحاسبنى ع الفلوس دى جدا لا وكمان بتقولوا ناخد دش ونضيع كل ده :confused:

قولولى بقى اعمل ايه واللى متجوزين ياريت يفيدونى :confused:

عايزة اسال حد جرب كوافير مجدى وسيد انا سمعت عنه كتير وفى بيشكروا فيه ونسبه بسيطه اعترضت عليه وكمان حد يعرف اسعاره ايه لانى عايزة اعمل فورمة وميكب ومش هعمل صبغه ولا حاجة وايه تانى كوافيرات تكون بتعمل ميكب سيمبل ويكون حلو ومش غالى طبعا

بصوا يابنات البرواز ده تحفه علي الحقيقة انا شفته في محل عند فتح الله وفي النص مرايه كان عامل 350 جنيه بس وهم وانا تفحصت هههههههههههههه وفي واحده عملته ليه 150 جنيه بس بدل المرايه ححط صورتي الي عايزة تقولي واخليها تعملها او تاخد رقمها جميل اووي

قصة كبيرة;10475537:
انا مانصحش اى بنت مابتعرفش تعمل سشوار لنفسها قبل الجواز انها تجيب سشوار لبعد الجواز
خليكى فى المكواة أحسن
السشوار صعب للى مش متعود عليه وبياخد وقت
انما المكواة سهل جدا انك تتعلميها
وانسى انك كل شوية تكوى شعرك فى اول الجواز مش هتلاحقى وشعرك هيتدمر.. اعملى شعرك كيرلى وحبى نفسك وحبك شعرك زى ماهو . ماتعقديش نفسك.. وخليكى واثقة فى نفسك كويس عشان جوزك يحبك زى مانتى

طب ممكن اعرف الكيرلى يتعمل ازاى بالموس والجيل ولا لا؟؟

ومعلش اجيبهم منين وبعدين مهو بعد الكيرلى هيهيش اما ينشف وشكلنا هيبقى وحش ادام جوزنا

سويزااا;10448303:
انا من اليكس يا باشا ممكن تورينا بقى ولا ايه


محدش يعرف خياطة كويسة تعرف تشتغل فساتين سوراية حلوة اوريها صورة مثلا وتعلم زيها ؟؟؟

نادية بدر رهيبة في الموضوع ده انا جبتلها صورة فستان فرحي من على النت عملته بالظبط و كل الناس اتهبلت عليه و افتكرته مش من مصر اصلا و هي في شارع سوريا عند سكر الكزافير

صباح الخير


بنات انا جديده معاكوا مخطوبه من اسبوعين

اتمنى تقبلونى صديقه معاكوا


انا كنات عيزه اسال عن مطابخ قبنورى هى حلوة ولا لا

انا سمعت انها غاليه اوى بس شكلها حلو بس بعد فترة المفصلات بتعتها بتفك يعنى تقفلها مش حلو


لو حد يعرف مكان ممكن اعمل فيه مطبخ الوميتال يعنى يقدر يصمم لى مطبخ زى قبنورى عشان يعنى

اضمن ان القفيل هيكون كويس

لانى مش بحب المطبخ الخشب


اتمنى تدلونى وميرسى ليكوااااا

بنات انا كان فرحي شهر 11 بس ابن عمت خطيبي اتوفي امبارح وحناجل الفرح لحد بعد العيد

يعني علي 15 _12 تقريبا مش عارفه لسه محددتش بس تفتكروا الوقت ده حيكون شتا

وساقعه جامده ولا ايه واسعار القاعات حتكون نزلت شويه ولا ايه رايكم والي يعرف القاعه الجديد الي جنب هول ستايل في اخر 45 حلوة ولاالا ويارب تردوا

السلام عليكم ورحمة الله وبركاته

سؤال فنى يندرج فى حديثنا النفسى للحموات .. حد هنا شقتها جنب حماتها ؟
هل الموضوع ده بيعمل مشاكل على المدى البعيد ؟!!

أنا عايزه أعرف بس عشان لما نبقى ندور على شقة، وغالبا دايما بلاقى إن العريس بيدور حولين منطقته وكده ..

RAINBOW2000;10473980:
بصى يا حبيبتى الموضوع ده حساس شويه و محتاج يتعالج بالراحة لان خطيبك لو حس ان اهلك مش مرحبين بيه هتبقى مشكلة و لو انت دخلتى معاهم فى مشكلة الوضع هيبقى صعب برضه لانه هياثر على علاقتك بخطيبك انا شايفة انه هو لو جه كل اسبوع يوم الجمعة مثلا ده معدل معقول اوى من غير غدا و لا حاجة يجى بالليل كده يقعد شويه و خلاص و مفيش اى لزوم لوجود حد من قرايبك انت بتقولى خالك او عمك او كده لانه لو كده هتبقى القعدة ان خطيبك قاعد مع عمك و لا خالك فملهاش لزوم يعنى انت كلمتى مامتك بالراحة و قوليلها ان ده دلوقتى زى ابنك و انا عاوزاة يقرب منكو و تقربوا منه و كده و الوضع تعبنى نفسيا انى حاسة ان اخواتى مدايقين منه و كلمتين كده و انك مش عاوزتة يوصلة الاحساس ده و عاوزاة يحس انه واحد مننا و مش غريب كده يعنى و انه لما ييجى ساعتين كل اسبوع مش حكاية و لو بابا مش موجود ما انت موجودة و ب 100 راجل و فيكى البركة اظن دى الوسيلة الوحيدة لحل الموضوع

بالنسبة لمعاملة حماتك فانت عامليها زى ما بتعاملك لو بتكلمك كتير كلميها كتير مبتكلمش متكلميش الا كل فين و فين و المناسبات و خلاص على كده يعنى متبقاش هى مبتتكلمش و انت تكلميها كل يوم مثلا فاهمانى و ربنا ييسرلك الامور و يفرحنا بيكى عن قريب

جزاكى الله خيراً
ربنا ييسرلك الخير حيث كان بإذن الله

semsema_semsemy;10474584:
والله فعلا يابنات موضوع الاتصال بحماتك ده اولا واخيرا ابتغاء مرضاة الله وكمان مرضاة زوجك
انا واحده من الناس حماتى عمرها ما اتصلت تسال عليا ولا حد من بناتها وانا كل مره ببتدى وبسأل
وعدم اتصالهم مش قلة اهتمام ولا حاجه بس الواحد بيلتمس الاعذار للناس وفعلا بتكبرى فى نظرها اووووى وفى نظر جوزك بسؤالك عنها

جزاكى الله خيراً

danasam;10474669:


بالنسبه للبنوته اللي بتقول اكلم حماتي اد ايه
بصي ياقمر
لو هي بتكلمك على طول
كلميها على طول

لو كل فين وفين كلميها بس يعني كل اسبوع 10 ايام
جت مناسبه انتي فاهمه
مش عدد ايام معين يعني


مش بتتكلم خالص يبقى في المناسبات كليمها
تعبت والا حد تعب والا حد فرح اتكلمي فاهمه
اعياد ومواسم وحجات من دي
ولما خطيبك يقولك كمان كلميها
وربنا يكتبلك الخير

جزاكى الله خيراً

nanono;10474508:


اولا مفيش حاجة مفروضة يعنى مفيش مدة معينة بس المشكلة انك لازم تسألى نفسك انتى بتكلميها ليه؟؟

لازم تكون نيتك لله ساعتها والله صدقينى هتلاقى نفسك بتكلميها كل فترة مناسبة وبتطمنى عليها مهما هى عملت لان مش هى هدفك انتى هدفك ربنا يعنى حتى لو هى متكلمتش انتى اتكلمى بس طبعا مش معقول كل يوم ده انتى مش بتكلمى خالاتك كل يوم ده انتى ممكن متكونيش بتكلمى خطيبك كل يوم اساسا :D بس اللى اقصد اقوله انك ملكيش دعوة بيها انتى مش بتعاملى الناس بشخصايتهم واخلاقهم هما انتى بتعامليهم بشخصيتك واخلاقك انتى وصدقينى دورى ع النت كده وجمعى نوايا كتير وانتى بتكلميها واستحضرى النوايا دى هتلاقى نفسك مهما عملت مش فارق معاكى وانتى زى مانتى لان هدفك اكبر واعظم من التفاهات بتاعتنا .

وربنا يرزقك الاخلاص يارب ويجمعكوا على خير ويسعدكوا

جزاكى الله خيراً

فعلا إننا نعامل الناس بأخلاقنا إحنا هو ده أسلم طريق بس المشكلة بقى كرامة الواحد بقى بتطلع وبتخلينا نعامل الأخرين بالمثل !

أنا عايزه أسألك إزاى أجمع نوايا يعنى ؟ يعنى ممكن تورينى مثال ؟

قصة كبيرة;10474850:


بالنسبة بقى لموضوع الاتصال بالحما
المفروض طبعا ان هى اللى تكلم مامتك وتسأل عنها دايما .. ومفروض اخت خطيبك تكلمك وتسأل عنك..
انا برضه ماحدش كان بيعبرنى خالص ولا حد كان بيتصل بماما.. حتى هدية عيد الام ماحدش فيهم كلف خاطره وقال لجوزى يجيب... ال جوزى بينسى ومالوش فى الحاجات دى خالص ولا حتى بيفتكر عيد ميلاده.. على الرغم اننا روحنالهم البيت انا وماما عشان هدية عيد الام... ما علينا.... وواضح اننا كلنا هنا كده ماحدش بيتصل بينا انا مش عارفة ليه!!! انا حتى لما جوزى بيسافر هم برضه مش بيكلمونى يطمنوا عليا وانا حامل وتعبانة مفروض يعبرونى..

والمشكلة ان جوزى كان دايما يعملى مشاكل ويحسسنى ان انا اللى مقصرة عشان مابكلمهمش كتير ويتخانق معايا.. انا طبعا كنت كل ماسمعلى كلمتين كنت اكلمهم وانا متضايقة وحاسة انى مقهورة انى ماباخدش حقى وباخد فوق دماغى وبس.. بس فى الاخر ا لواحد بيعامل ربنا .. لما تعملى اللى عليكى بزيادة احسن من انك ماتعمليش ا ى حاجة

أيوه ده الموضوع طلع منتشر !!
بجد ديه حاجه غريبه !!! مش عارفه بقى هل الموضوع طبيعى وإحنا عشان مركزين فيه أوى فا مكبرينه ، بس لأ على فكرة ..

لأن عارفين مثلا أهل خطيبى ، أخته لسه متزوجه بقالها يجى 3 شهور .. يعنى أكيد هى ومامتها مروا بكل التفاصيل ديه، يعنى إن حماتها تتصل بيها وكده ، يعنى ((المفروض)) :ss: إنهم يكونوا خدوا بالهم من التفاصيل ديه ويعملهوا بقى مع خطيبة إبنهم !!

بجد دى حاجه توجع الدماغ وبجد مفيش وقت للكلام الغريب ده، أنا كل اللى هاعمله إنى هاعامل ربنا وهادعى إن ربنا يهدينا جميعا ويبقى عندنا رحمة ورأفه بالناس ونسأل عنهم ...

pascotta;10476113:
ميرسي لكل البنات ال باركولي والحمد لله اليوم عدا على خير بس رحت متاخره من الزحمه وكانت اعصابي خلاااااااص بس الحمد لله ادعولي ربنا يتمملي على خير وابقى عروسه حلوه
انا بقا كنت عايزه صور لطرح فيها تاج وتكون ادوار
وعايزه اعرف هي بتتعمل ازاي الطرحه دي ؟؟ اوديها للخياطه وهي هتعرفها ولالا؟؟
وكمان اعملها كام دور انا فستاني كبير وليه ديل اعملها كام دور واعملها طويله ولا قصيره؟؟
عايزه بقا اسال البنات ال راحت ل ايمي الكاشف هي كانت بتلف ايه اول حاجه على الراس علشان الطرحه؟؟

lasposadelnilo;10476174:

بصي انا رايي الفستان ليه ديل طويل يفضل الطرحه الدوار وتكون قصيره وحلوه دورين...انا بتاعني لما فردتها لقتها عباره عن قطعه مدوره مقسومه اتنين مش اد بعض بخيط مكشكك بحيث لماتتنيها علي بعض يبقي في طول اطول من طول...
كمان ايمي كاشف كويسه جدا ولو عايزه ايه تتقاهم معاكي بالنسبه للتاج خديه معاكي وهي هاتضبطك بس علي فكره ايمي مش بتعمل طرحع الا اذا هي جاتللك وهي بلف قبل الطرحه بونيه قطن وبعدين متر التل...

ميكو ميرسي كتير انك رديتي عليا بس سوال غلس هوا يعني ايه سيشوار قطع
وايه الفرق بين انواع البيبي ليس مبلول وناشف يعني انا ممكن اشتري واحده ومش اعمل بيها شعري الا وهوا ناشف
والا ايه معلش محتاجه منك توضيح ياقمر

ومسيرسي ليكي يا قصه ياكبيره
انا اقصد تغير في شعري انا بقالي حوالي 6 سنين مش سشورته
من اول اتحجبت قبل الحجاب كنت على طول بعمله ولما بطلت حسيت انه ناعم ومكنش بابشاعه اللي تخليني اسشوره اصلا كنت غبيه
انا بعالجه بالخروع عشان يتقل هوا ناعم بس خفيف موت وانا طول عمري بقصه ودولت خطيبي حاكم عليا مقصوش غير بعد الجواز وانا شعري اطرافه خفيفه موت ولو قصيته هرتاح وعاوزه اتعود لما احب اعمله اعمله بحاجه بسطه وعمليه ازاي عشان مخربهوش
وعلى فكره هوا شافني بعد كتب الكتاب بشعري ومكنتش عاملاه
وانا بحب اصلا اعمله كيرلي وانكشه كده عشان هوا خفيف اصلا
فاهمني كده اريد حالا بقى
اكوي ولا اسشور بلنسليه ليا افضل
بس فهموني براحه عشان انا اصلا معرفش في انواع ابيبي ليس ولا المكوات ولا كل ده
انا عندي سيشوار من السعوديه بقاله معايا سنين هوا ايطالي
ونضيف وده اللي كنت بستخدمه زمان

الاستشوار القطع فيه قطع بتتكرب فيه معاه فرشه ومشط وكده بس هو ضعيف عايز شعر ناعم...كمان المكواه السيراميك في انواع كتير براون وامجوي وبيبي ليس ,,,والبيبي ليس ده فيه منها انواع للناشف بس وفي للناشف وال مبلول...ولو شعرك ناعم سشوريه احسن بالستشوار ال معاكي مدام بتعرفي تعملي بيه

tota_10;10476878:

بصى يا جميل مش لازم تدفعى الالاف على شويه مكياج وهيروح انا من رأيي تدفعى على العنايه ببشرتك وجسمك ودول اهم طبعا :wink: وموضوع المكياج ده محلول انا ليا واحده صاحبتى ماراحتش كوافيره ولا اى حاجه هما بنتين اصحابنا شاطرين فى المكياج ولف الطرح ظبطوها وخلوها زى القمر .. وبعدين موضوع الدش ده اساسى طبعا بس مش تغسلى شعرك وتضيعى السيشوار ولا المكواه اللى انتى عاملاه فيه .. يعنى تعملى بالدش على جسمك كده عشان تبقى فريش ورايقه وطبعا العرق والحر بعد يوم مرهق مش هقولك يعنى :)
وبس يا ستى ادى كل الحكايه .. ومبرووووووك مقدما ..

ليا سؤال وياريت المتزوجات يفيدونى .. عملتوا ايه فى ازاله شعر الجسم قبل الفرح فى كل حته فاهمنى طبعا :o و بعد الجواز بكام يوم ولا أسبوع اتصرفتوا ازاى يعنى .. أصلى مش عارفه ايه المفروض يتعمل ويقعد اد ايه عشان لو هنسافر شهر عسل ولا حاجه :o

لازم طبعا تعملي الجسم كله وبعدين الشعر مش هايطلع تاني يووم علي طوول هاتروحي شهر العسل وهو ليسه ماطلعش لو طلع كام شعرايه هابقي خدي معاكي براون سيلك بيل واعملي بيه..

towtty;10477794:
صباح الخير


بنات انا جديده معاكوا مخطوبه من اسبوعين

اتمنى تقبلونى صديقه معاكوا


انا كنات عيزه اسال عن مطابخ قبنورى هى حلوة ولا لا

انا سمعت انها غاليه اوى بس شكلها حلو بس بعد فترة المفصلات بتعتها بتفك يعنى تقفلها مش حلو


لو حد يعرف مكان ممكن اعمل فيه مطبخ الوميتال يعنى يقدر يصمم لى مطبخ زى قبنورى عشان يعنى

اضمن ان القفيل هيكون كويس

لانى مش بحب المطبخ الخشب


اتمنى تدلونى وميرسى ليكوااااا

مطابخ قبنوري هايله جداا بس مشكلتها غاليه مووت انا اعرف واحد في حلميه الزيتون اسمه العالميه شارع سليم الاول ده باه روحي اتفرجي عليها وهلاتقي عنده كل اوانه المطابخ خشمنيوم والومنيتال وهاف خشمونيوم انا عملت عندي مطبخي وكمان كنت خارج القاهره واوصله لحد البيت وخد تنمن التوصيل والتركيب ب150 جنيه...ومتر الومتيال كان 850 تقريبا والهاف خشمونيوم ب1000 والخشمونيوم ب 1200 بس السعار دي من سنه....

السلام عليكم يا بنات

يا رب يتمم لي و يتمم لكل العرايس على خير

كنت عايزة اسأل المعرض بتاع المفارش السوري و الهندي اللي بيبئي في قاعة المؤتمرات بيبئي في شهر كام ؟؟؟؟

ضروري يا بنات تقولوا لي

و كمان عاية اجيب بطانية مورا اسباني حلوة و طقم حاف شيك اجيب منين بتبئى كام اسعارهم ؟؟؟

انا من المهندسين

و اخر سؤال المفروض اجيب كام لحاف و بطانية و طقم ملاية ؟؟؟

جزاكم الله خيرا يا رب

اشرى;10474727:

انا مش معااااااكى يا كيتى مش خسارة القمر والعسل دة يضيع أجر منة على حاجة عبيطة زى دى كبرى دماغك وبعدين الى اعرفة ان خطيبك ابن عمك يعنى حماتك تبق مرات عمك يعنى وزرك هيبق وزرين دى صلة رحم كبرى دماغك ومهما هما يعملوا اتصلى بردو
انا والللللللللللللللللللللللللللله بتصل بحماتى بالعبييييييييييييييييييط ساعات من الاحراج بحس انى لما بكلمها وشى بيسخن ومش ببق عارفة اقول اية اصلا بس اهو بتصل وخلاص وهما ما شاء الله عليهم ولا حد بيعبرنى اساسا:D:D:D:D بس انا بتصل بردو وهفضل اتصل على طوووووووووووووووووول
وكانت النتيجة ان الحمد لله حماتى بقت مرتبطة بيا جدااا الحمد لله وبتزعل لما مروحش او اتصل وخطيبى كمااااااااان بقا بيحب كدة ومن بجاحتة لما بتاخر فى الاتصال بيزعل
وابعتيلى يا هانم اللينك بتاع الفضفضة عشان عايزاة

اللف مبرو ك وربنا يرزقك بالزرية الصالحة يااااااااااااااااااااارب

بصي يا أشري..انا لحد حالا بتصل الحمد لله
ومحدش عمره غلطني او قال اني كان ممكن اعمل اكتر من الي عملته
انا عمر ماخطيبي احتاج يقولي اعملي حاجه ليهم...عارفه يعني ايه؟؟؟
يعني اي مناسبات او من غير مناسبات كنت اتصل واجيب هدايا وابعتها معاه وكل حاجه تتخيليها
لكن اما تلاقي حد صراحة يقول لبابا بنتك هي الي كانت بتعمل وبتعمل...
يبقى لازم تتلمي بقى ولا ايه؟؟ :D:D
انا الي زعلني بس اني حرجت بابايا جدا...لما الكلام ده اتقاله مقدرش يرد....
كمان كان هو ف بيتهم
فلما جم بيتنا وعادوله نفس الكلام مامتي الي ردت بقى وقالتلهم معلش اصل بنتي صغيرة وعلى نياتها :D
فطبعا لو انا حتى قلت اني هعاملهم زي الاول كان بابا وماما دبحوني
وانا لاني حسيت اني فعلا صغرت اهلي...انا من نفسي الي قلت بعد كدا المعاملة بالمثل
انا بردو حماتي كانت ممكن وانا بكلمها تقولي سلمي على ماما...
وحوارات كدا..
دلوقت قلت لخطيبي لازم واجب أهلي يتعمل بنسبة 100 % قبل مانا افكر اني ارد على حد فيكم
وده الصح...انا اقاطعتش حد بالعكس كنت بتصل ويردوا عليا وحش..وكان خطيبي يقولي معلش وارجع اتصل تاني
فكفايه يعني..فعلا انتي لما بتعملي لنفسك قيمة من الاول بيفضلوا الناس شايلينك على راسهم
واما توطي من الاول هتفضلي توطي
انا كنت زيك كدا واكتر والله
بس الدنيا علمتني
يعني مثلا...انا مخطوبة بقالي 3 سنين ونص...ماحصلش انهم جولنا بدون مناسبة...وحتى ف المواسم وكدا محدش بيجي...والكلام كل فين وفييييييين
دلوقت بقى...بعد الموقف الي انا اخدته..وصممت عليه...بيتصلوا بينا كل اسبوع مرة او مرتين
لا وايه؟؟...متصلين عايزين يجولنا
كلمت خطيبي بقوله خير في حاجه؟؟ يقولي لا زيارة عادية
ياسلاااااااام...من امتى؟
يابنتي الدنيا فيها ناس عجيبة
ربنا يهدي


بنات انا لسه فاضل على فرحي يجي سنة وربع...ايه الي اعمله من دلوقت وايه استنى عليه؟

whiteoff;10477485:
نادية بدر رهيبة في الموضوع ده انا جبتلها صورة فستان فرحي من على النت عملته بالظبط و كل الناس اتهبلت عليه و افتكرته مش من مصر اصلا و هي في شارع سوريا عند سكر الكزافير

ازيك ياجميل:)
مبروك الحمل

طب ممكن تقوليلي عملتلك الفستان ف اد ايه؟
وبكام؟


يابنات بالنسبة لموضوع الحموات والمفروض وكدا
اولا في اعراف بتسري على الكل..
انا اخت خطيبي وهي بتكلمني وبتقولي انتي زعلانه ليه وحد قصر معاكي ف حاجه؟
قلتلها مش انتي اتخطبتي؟ قالتلي اه...هي متجوزة حاليا بس اقصد فترة خطوبتها :)
سالتها بقى طلع ان الي بنطلبه مش كفر ولا حاجه
ده حق
حق اهلي عليا انهم لما يجوزوني لواحد يحسوا ان اهله فرحانين بيا ومقدريني
مش من اولها راميني ومطنشيني
امال لما نتجوز هيعملوا فينا ايه؟

معاملة الحموات


عن تجربة ونصيحة


عاملى حماتك كانها مامتك بالظبط

اي موقف اعتبريها مامتك وتتصرفي ازاي

اولا ابتغاء مرضات الله

ثانيا عشان خاطرك جوزك او خطيبك

ثالثا كما تدين تدان

زي ماتحبي مرات اخوكي تعامل مامتك

او مراة ابنك تعاملك

انا جوزي ابن وحيد مالوش اخوات ومامتة مش ملاك بتغير علية واحساسها انى خطفتة منها

اي كلام اي شئ بعدي


المهم متعملهوش مشكلة

واللي مخطوبة تتصل عادى مرة كل اسبوعين او بلاش تتصل وهيا بتكلم خطيبها تقولة اديني ماما اسلم عليها

وربنا يوفقكم

شوفواااااااااا دة


تعالى شوفى ازاي تختارى شبكتك