ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

عرايس شهر اكتوبر

16-10-2009
فرح حبيبة حبيبي

19-10-2009
فرح دودو هانم

20-10-2009
فرح sweetylolla85

22-10-2009
كتب كتاب sweetyronaaa

23-10-2009
فرح pascotta

28-10-2009
فرح D.mero

30-10-2009
كتب كتاب farm

عرايس شهر نوفمبر
2-11-2009
فرح sweetyrona

13-11-2009
فرح لولا صيدلانيه

19-11-2009
فرحlola_law2000

بنات في قاعه فاتحه جديدة جمب قاعه هول ستايل الي في اخر 45 حد يعرف ديه بكام ياريت تقولولي لو تعرفوا

بنات حد شاف الحجات ديه فى مكان قبل كده




















وادخلوا هنا ضروري
http://forums.3roos.com/t490101.html#post10472539

R قلبى وعمرى;10469968:
ازيكم يا بنات يارب تكونوا بخير طبعا انا بقالى كتير مش بدخل لظروف عندى وياريت المشرفة تشيل اسمى من ليسته الافراح خلاص مفيش نصيب اتمنى تدعولى كلكم لانى تعبانه جداااااااا ومحتجالكم بجد

R قلبى وعمرى;10469968:

mesk_2005;10470061:

وهوريلك صورة لواحد بس كان خطوبه مش زفاف وبتعملى عند اى خياطه حسب طلبك لشكله

اتفضلي ياقمر الصورة

لوءة;10470328:

بصى ياقمر الكاب ده بتلبسيه وانتى طالعة من عند الكوافيره عشان يغطيكى لغاية ما توصلى القاعة المنفصلة الخاصة بالنساء وانتى طالعة بتلبسيه بردة

اانا كنت لابساه فى كتب كتابى ..لما خرجت من عند الكوافيره ...

وفى منه انواع .

كنت سألت على واحد فى اتيليه عندنا فى الزقازيق وهو كان عباره عن جاكت وفيه زى حاجة من ورا بتحطيه على وشك وكان ايجاره بستين جنيه ....

لكن مش عجبنى قوى عشان كان قصير وفستانى فيه تطريز كتير ومفتوح

ودكتورة عارفاها ..مفصله واحد وبتأجرة للبنات مجانا :D ربنا يكرمها ...

وهو عبارة عن خمار ستان ابيض كبير لحد الركبة تقريبا وفيه من ورا زى زعبوط:wink: ومتركب فيه جزء قماش تلى بس كان شكله حلو ..ومداريكى ..

والله يا حبيبتى مش معاى صورة يارب اكون افدتك بالشرح المفصل

مسلمة موحدة;10471559:
`

مسلمة موحدة;10471559:

هوني على نفسك يا حبيبتي لعله خيرا

مقدرش طبعا اقولك متزعليش لان طبيعي جداً انك تزعلي بس أكيد ده خير بإذن الله
عايزة اقولك اني كنت مخطوبة سنة وشوية وبعدها سبحان الله خطوبتي اتفسخت ورجعت بعد حوالي 7 شهور !!! متخيلة بعد ما كان جالي ناس تانين وشافوني وشفتهم وسبحان الله رجعت الخطوبة تاني
هوني على نفسك وادعي بالخير وكتري من الصدقة والاستغفار والدعاء والقيام وربنا يقدرلك الخير ويرزقك الزوج الصالح عاجل غير آجل

ميس الريم;10472660:

السلام عليكم ورحمة الله وبركاته

16-10-2009
فرح حبيبة حبيبي

النهارده فرح البنوته العسوله الذوق هدير ربنا يكرمها يارب زواج مبارك ان شاء الله يا هدير
بس متنسيش ناس القاهره ماشي؟وانا منتظره العزومه اللي وعدتيني بيها .
بارك الله لكما وبارك عليكما وجمع بينكما في خير يارب العالمين(f)(f)(f)(f)

يا حبيبتي ربنا يصلح لك الحال يارب ,,,, شوفي أنا كمان مريت بظروفك

صحيح زعلت شويه وبعدين فكرت وقلت سبحان الله ان الله لا يأتي إلا بخير ,,,,,

مش تزعلي نفسك كتير لان الحزن من مداخل الشيطان

قومي كده واتوضي وصلى ركعتين شكر لله وقولي كما كان يقول الحبيب صلى الله عليه وسلم ان اصابه ما اهمه فكان يقول
الحمد لله على كل حال ....
وشوفي يا اختي ،،،،، ما أصابك لم يكن ليخطئك وما أخطأك لم يكن ليصيبك والحمد لله.
ومين عارف؟ ان كان لكم نصيب مع بعض يمكن ترجعو وان لم يكن فربنا ان شاء الله مخلي لك الأحسن ان شاء الله ..
وحاولي تغيري اسمك من الكونترول علشان ما تفكريش كتير .
ربنا يصلح لك وإيانا الحال ان شاء الله.(f)(f)

مسك ولوءة الله يفتح لكم يارب من كنوزه ويثبتكم ، انا كده فهمت خاصة بالصوره
جزاكما الله خيرا .....(f)(f)(f)(f)(f)(f)

إهيء إهيء .... انا كده هعيط :ss:

كلامك بجد شرح صدري -خاصة كلمة هوني على نفسك - الله يشرح صدرك يارب ويزيل كل عثره ف طريقك ...

ادعيلي انا كمان بالله عليكي يا مسلمه ....(f)(f)

ليه يا بنتي عادي وبعدين اللمه هتكون في البيت يعني كده كده هتبقى زحمه
اعزمي الناس والمفروض ان اللي هيجيلك هييجيلك بفرحته مش بفرجته وان شاء الله يتمم لكم على خير ياقمر(f)(f)(f).

[/CENTER]

ازيك يا وردى...
اولا أنا هرد عليكي لاني مريت بنفس الظروف دي

ثانيا هو مش لازم ييجي كل اسبوع كفايه في الشهر مرة ويوم اجازة والدك طبعا
ماهو فيه تليفون في الفتره دي ولا ايه؟؟!!

بصراحة والله والله مش ماما واخواتي بس اللي كانو بيتخنقو منه دانا نفسي كنت ببقي مخنوقالهم ومخنوقالي ....
وعلى فكره هو كان في محافظة تانيه يعني كان بييجي كل فين وفين كمان مش تقوليلي كل اسبوع.
وكمان يتغدى كل اسبوع؟؟؟ دا السكر لوحده من غير اضافات داخل عالخمسه جنيه:D:D
شوفي بقى لما تعمليله غدا ويكلي :ss:

العمليه مش ناقصه خنقه يابنتي وباعدو الفتره شويه علشان خاطر مامتك واخواتك وانتي استحملي شويه وزى المتجوزين ما بيقولو بكره تزهقو :D:D

ومش كل شويه تقولي لخالك ولا لعمك تعالى اصل خطيبي جاى النهارده طب ما كده كده مش هتعرفو تتكلمو مع بعض ولا ايه؟؟

ومامته اسالي عليها حتى لو هى مش بتسال واعملي حاجه بسيييييييييييييييييطه تخليكي فرحانه وانتي بتكلميها .... احتسبي الاجر عند الله .. بس كده:wink:

الحب هو الحياه ازيك ياقمرايه .... شكرا على التوضيح جزاك الله خيرا (f)(f)

[/CENTER]

جميل يا مسك .... واما تلاقيهم قوليلي لقيتيهم فين لان انا بشوفهم عالنت ما صادفتش لقيتهم بره ...

النهارده الجمعه ما تنسوش سورة الكهف فتح الله لي ولكم (g)

[/CENTER]
[/CENTER]

الف مبروك لحبيبة حبيبى وهتنوري اليكس ياقمر
وتسلم ايدك على الدعوة الجميله اللى دعيتهالى
بنات النهارده ان شاء الله فى ساعه اجابة بالله عليكم ادعولى ربنا ييسرلي امور زواجى وميتعقدش اكتر من كده ويبعد عنى الحاقدين يارب

وعشان المخالفه هو مفرش السفرة اجيب واحد كفايه لا ايه

mesk_2005;10472674:
الف مبروك لحبيبة حبيبى وهتنوري اليكس ياقمر

mesk_2005;10472674:

وتسلم ايدك على الدعوة الجميله اللى دعيتهالى

بنات النهارده ان شاء الله فى ساعه اجابة بالله عليكم ادعولى ربنا ييسرلي امور زواجى وميتعقدش اكتر من كده ويبعد عنى الحاقدين يارب

وعشان المخالفه هو مفرش السفرة اجيب واحد كفايه لا ايه

Warde;10472359:
كان عندى إستفسار:

هو الخطيب فى الأغلب يعنى وبناءاً على تجاربكم لازم يجى كل أسبوع، صح ؟

وهل كل مرة يجى فيها لو مثلا بيجى يوم الجمعة، لازم يتغدا ؟؟


المشكلة اللى عندى:

خطيبى شايف إنه لازم يجيلنا كل أسبوع .... المشكلة بقى فى مامتى وأخواتى الصغيرين بقوا يتخنقوا منه لما بيجى ، على فكرة مامتى منتقبة ولازم طبعا تقابله بالنقاب فا ده يمكن اللى بيخليها بتتضايق .. وكمان أنا معنديش إخوات صبيان ، و بابايا ظروف شغله صعبة فا مش فاضى وصعب جدا يفضى ... فدايما خطيبى بيجلنا ومفيش راجل فى البيت ! وصعب كل مرة أطلب من حد من قرايبنا الرجالة يجى كل مرة !! فا مش عارفه هل ده كده غلط ؟؟

محدش هنا مر بنفس الظروف ديه؟؟ يفيدنى ؟

عارفين أنا إبتديت أتخنق من القيل والقال ديه والتقاليد ومش التقاليد وماما تقعد تقولى المفروض يجيب .. المفروض يقول .. المفروض .. المفروض ... وأخواتى بقى ماشاء الله عليهم ... كل لما يعرفوا إنه جاى ... اللى ترمى كلمة واللى مش عجبها كذا وكذا .... أنا فعلا تعبت ... أه والمفروض أكلم مامته وأسأل عنها..

طب لو هى مكلمتنيش تانى بعد لما كلمتها ، المفروض أستنى سؤالها عنى ولا المفروض أكلمها تانى !!!! أخته ... من ساعة لما أنا إتخطبت وأنا دايما اللى بسأل عليها ... هى لسه متزوجه قريب ... عمرها مكلميتنى وسألت عنى !!!!

أنا فعلا تعبت !

أنا أسفة جدا على إزعاجكوا بس فعلا مش هاعرف أقول الكلام ده غير هنا !
ياريت لو المشاركة مخالفة، اللى عايز يفيدنى يراسلنى على الخاص، أكيد أى كلمة هتفيدنى أعمل إيه !

شكراً

اولا المشاركة دى للأسف مخالفة لقوانين الموضوع :ss:
اعملى بيها موضوع و تعالى هنا قولينا على اللينك بتاعها
ماشى يا قمرايه(f)
المهم بأه
ايه لازم يجى دى ؟!:qaq:

و هو انتى يعنى مش عاوزة تشوفيه كل يوم :21_207:و لا هو مش عاوز يفضل معاكى :21_148:اعتقد ان ده مش لازقة و لا من باب الغلاسة و لا حاجة يعنى:D:D

اذن دا لازما و حتما و لابد يجى:21_8:
بصى انا عارفة انك فى موقف محرج و زى الفل .. بجد ربنا معاكى
بس ممكن تحاولى مع مامتك شوية كدة و انتى طبعا عارفه طبعها
مثلا تقوليلها يا ماما ما هو لازم من الزوق اننا نعزمه على الغدا كل اسبوع ودا يعتبر تقليد ناس كتير بتعمله و لا انتى عاوزاه يقول علينا بخلاء و مستخسرين غدوة و بعدين يعنى هو حيقعد اد ايه 3 او 4 ساعات .. و كل اللى فى البيت موجودين وووووو شوفى بأه تقنعيها ازاى بأى كلام:wink:


لأن تخيلى لو قولتيله لأ متجيش كل اسبوع متقوليش مش حيزعل حتى لو فى مبررات او حق كده دا احراج ليه
و ممكن كده تحاولى تنبهيه بلطافة مثلا تقوليله دا ماما نفسها انك تجيلنا تتغدا معانا كل يوم ما هو احنا بيت واحد بس المشكلة ان علطول بابا مش فاضى عشان يبقى موجود .. و كده يعنى:Z_cool_c:

اما عن انهم فى البيت بيغلسوا عليكى فخدينى جمبك بقى و نعقد نعيط سوا :confused::confused:
غلاسة من نوع رمى الكلام اللى ملوش لازمة و المفروض دى برضه و ان توضيب البيت و التنضيف فجأه بيبقى كله عليا و اخواتى البنات و ماما ملهومش دعوة :sm215: بس ساعات بيساعدوا و الله و لكن بيحسسونى انه مش انتى اللى عاوزاه يجيى اتصرفى بأه :sa36:

معلش برضه استحملى فى الاول صعبه و انوى نية خير و حاولى متضايقيش نفسك عشان ميجيش يلاقيكى مخنوقة ومودك مش حلو و اليوم يبوظ و تقلب بخناقة معاه ولا حاجة و تطلعى كله عليه:UP202: هههههههه

حاولى تحددوا معاد لكتب الكتاب عشان محدش يبقى ليه عندكوا حاجة

اما بقى عن طنط العزيزة :dd: خليها عليكى فى الاول معلش اسألى عليها مرة و لا مرتين كده و بعد كده المفروض هيا كمان تتصل بيكوا فى البيت و بمامتك و لو كده يبقى ماشى و الا يبقى هيا اللى مش بترد على السؤال مع ان هيا اللى المفروض تكون بتكلم مامتك فى التليفون و تسأل عليها و حيبان ان الغلط عندها و سيبك من اخته طالما مش بتكلمك بس متزعليش منها خليكى عادى معاها و لو كلمتك كلميها حلو برضه
و انا عندى نفس المشكلة دى برضه و عمله خلافات كتير و الحمد لله لأنى لقيتها مش بتتصل فمش اتصلت و الموضوع اتعقد:ss:

بس كده .. ربنا معاكى و معايا يا بنتى

سؤال بأه .. لو المطبخ معمول لاكيه مغسول دا حلو ولا الالوميتال احسن ؟
و عاوزة اعرف نوع غسالة اوتوماتيك بس بابها من فوق عشان عندى مشاكل فى ظهرى و مش بقدر اوطى انا شفت توشيبا فوق اوتوماتيك بس البياع قالى مفيهاش ميه سخنه و و فيه موديل تانى فيه و صلة ميه سخنة بس السباكة عندى مش ينفع نوصل للغسالة ميه سخنه
حد شاف حاجة تانية ربنا يخليكوا قولولى :21_201:

ميس الريم;10472727:

السلام عليكم ورحمة الله وبركاته

ازيك يا مسك(f)(f)(f)

ربنا يصلح الحال يارب وييسر لك كل عسير ويقرب لك الرزق البعيد يارب العالمين (f)(f)

طبيعي واحد ....:eek:

ولا هو انت عندك كام سفره لامؤاخذه يعني :D:D:D

هههههههههههه اكيد سفرة واحده
بس انا بشوف ناس بتقول انا بجيب اتنين واحد عادي والتانى بيبقى كله مطرز عشان كده سألت بس
هو يابنات لو انا عندي سفرة مودرن هيبقى المفرش لايق عليها اصلا ولا ايه

tota_10;10471753:
ازيكم يا بنوتات يا أحلى عرايس
انا محتاجه رأيكم فى حاجه مهمه .. انا دلوقتى ان شاء الله خطوبتى هتكون فى شهر 12
ادعولى بس ربنا يسهل الأمور وتمشى كلها على خير ..
بما انى لسه صغيرة واول واحده فى عيلتى كلها تتخطب ياريت اللى عندها خبرة فى الحاجات دى تساعدنى .. دلوقتى انا هعمل الخطوبه دى بدبلتين وتوينز وبس يعنى مافيش شبكه دلوقتى عشان انا خطيبى أدى فى السن بالضبط واحنا لسه متخرجين من الكليه السنه دى :o
وهنخلى الشبكه ان شاء الله مع كتب الكتاب كمان سنه ونص او سنتين
بالنسبه للخطوبه بقا لما تكون بدبلتين كده تبقا حاجه محرجه انى اعزم ناس غير قرايبى وقرايبه ؟؟
يعنى انا هعملها عندى فى البيت وانا عندى الريسيبشن الحمد لله واسع وناويه أؤجر كراسى وهعمل بوفيه وكده وعايزة اعزم ناس من جيرانى واصحابى وكده .. بس هو بيقولى انا مكسوف تعزمى ناس كتير على دبلتين بس ..وانا بقول وفيها ايه كل واحد حر فى خطوبته واللى حاسس انه هيتعب نفسى عشان دبلتين ودى فى نظره حاجه هايفه مايجيش .. وبصراحه انا عاوزة افرح واعزم جيرانى واصحابى مش عاوزاها عائليه كده وهاديه لأن الشبكه وكتب الكتاب بعد سنتين يعنى بعييييد .. :eek:
يعنى حاسه انى لازم اعزم ناس كتير فى الخطوبه دى لأنه لسه بدرى على الخطوه الجايه ..
انا اهلى مش عندهم مانع نعزم ناس كتير فى البيت ونعمل بوفيه حلويات ونجيب كراسى وكده وهو بيقول لأ ماينفعش .. مين فينا اللى صح .. ؟؟

انا اسفه انى طولت بس حبيت اشرح بالتفصيل عشان تفهمونى .. (f)(f)

برضه يا قمراية المشاركة دى للاسف مخالفة لقوانين الموضوع :ss:
لما تحبى تاخدى رأى البنات هنا فى حاجة اعملى بيها موضوع و تعالى هنا حطيلنا اللينك بتاعه و البنات حيروحوا يردوا عليكى هناك(f)
ماشى (f):21_140:

اولا سييييييييييييييييييييييييبك من كلام الناس كدا كدا حيتكلموا او حيحسدوا :sm2441:
ثانيا متزعليش خطيبك عشان كلام فاضى او اى حاجة فيها فلوس و منظرة
ثالثا البيت مش حيقضى ناس كتير اصلا المقربين و جيرانك عشان طبعا ميزعلوش طالما تعرفيهم و قوليلوا كدا بس من غير خناق الله يكرمك و اصحابك البنات بردوا عادى
و انتى حاولى تقدرى موقفه و انه محرج منك و من اهلك و خايف تقولوا عليه حاجة
ففهميه ان انتى مش يهمك الشبكة و لا المناظر الفاضية و ان هو عندك اهم و قيمته بالنسبة ليكى مش فى الشبكة و قوليلوا ان مفيش حاجة تكسف عشان نستخبا منها و انت راجل و سيد الرجالة كمان بيفرحوا اوى من الكلام ده هههههههههههه و ان انا كده حبقى مبسوطة و اصحابى حواليا و يشوفوا خطيبى و متزعلنيش بأه:shy:
بس و اسكتى كده و حيسمع كلامك علطول:2_106:


sosomedo ربنا يكرمك و يسعدك بحاجتك يا رب:9_33:

عاوزة اعرف اجيب معالق حلوة منين تكون شيك و للاستخدام العادى لأنى مش ناوية اجيب شنطة معالق اركنها للضيوف دى فلوس ربنا حيحاسبنا عليها
فعاوزة اجيب شنطة او طقم كامل 12 من كل حاجة و شيك لينا و للضيوف
انا شفت ماركة اسمها هوم بشوفها كتير فى حاجات المطبخ بس عللبة المعالق بتاعتها مكتوب عليها انها صينى فهل دى تبقى حلو و لا حتبوظ من الميه ؟

tota_10;10471753:
ازيكم يا بنوتات يا أحلى عرايس
انا محتاجه رأيكم فى حاجه مهمه .. انا دلوقتى ان شاء الله خطوبتى هتكون فى شهر 12
ادعولى بس ربنا يسهل الأمور وتمشى كلها على خير ..
بما انى لسه صغيرة واول واحده فى عيلتى كلها تتخطب ياريت اللى عندها خبرة فى الحاجات دى تساعدنى .. دلوقتى انا هعمل الخطوبه دى بدبلتين وتوينز وبس يعنى مافيش شبكه دلوقتى عشان انا خطيبى أدى فى السن بالضبط واحنا لسه متخرجين من الكليه السنه دى :o
وهنخلى الشبكه ان شاء الله مع كتب الكتاب كمان سنه ونص او سنتين
بالنسبه للخطوبه بقا لما تكون بدبلتين كده تبقا حاجه محرجه انى اعزم ناس غير قرايبى وقرايبه ؟؟
يعنى انا هعملها عندى فى البيت وانا عندى الريسيبشن الحمد لله واسع وناويه أؤجر كراسى وهعمل بوفيه وكده وعايزة اعزم ناس من جيرانى واصحابى وكده .. بس هو بيقولى انا مكسوف تعزمى ناس كتير على دبلتين بس ..وانا بقول وفيها ايه كل واحد حر فى خطوبته واللى حاسس انه هيتعب نفسى عشان دبلتين ودى فى نظره حاجه هايفه مايجيش .. وبصراحه انا عاوزة افرح واعزم جيرانى واصحابى مش عاوزاها عائليه كده وهاديه لأن الشبكه وكتب الكتاب بعد سنتين يعنى بعييييد .. :eek:
يعنى حاسه انى لازم اعزم ناس كتير فى الخطوبه دى لأنه لسه بدرى على الخطوه الجايه ..
انا اهلى مش عندهم مانع نعزم ناس كتير فى البيت ونعمل بوفيه حلويات ونجيب كراسى وكده وهو بيقول لأ ماينفعش .. مين فينا اللى صح .. ؟؟

انا اسفه انى طولت بس حبيت اشرح بالتفصيل عشان تفهمونى .. (f)(f)

انا عملت زيك كدا :) لاني اتجوزت بالتقسيط
ولما جينا نلبس الدبل عزمنا اعمامي وخالاتي وبعض ناس من اهله لان اعمامي هما اعمامه لانه ابن عمي
وكنا معرفين الناس ان دي الدبل بس والشبكة لسه قدام...فمفيهاش مشكلة بس حاولي تقنعيه بالراحة ولو حسيتيه مش حابب قوليله الي تحبه بس دي حاجه كان نفسي فيها واتمسكني بقى
هو انا الي هعلمك بردو هههههههههههههههه

mesk_2005;10472575:
بنات حد شاف الحجات ديه فى مكان قبل كده



























































وادخلوا هنا ضروري
http://forums.3roos.com/t490101.html#post10472539

أول واحدة عندي...

وتاني واحدة شفتها ف محلات...بس مالهاش لازمة من وجهة نظري لانها بتخلي الاناناس يبقى زي الي محطوط على وش الكيكة
وانا لما بعملها ف صينية مدورة عادية بيبقى الاناناس داخل جوه الكيك كدا بيبقى الز الز الز ههههههههه

وتالت واحدة شفتها ف فتح الله بس سيليكون

Warde;10472359:
كان عندى إستفسار:

هو الخطيب فى الأغلب يعنى وبناءاً على تجاربكم لازم يجى كل أسبوع، صح ؟

وهل كل مرة يجى فيها لو مثلا بيجى يوم الجمعة، لازم يتغدا ؟؟


المشكلة اللى عندى:

خطيبى شايف إنه لازم يجيلنا كل أسبوع .... المشكلة بقى فى مامتى وأخواتى الصغيرين بقوا يتخنقوا منه لما بيجى ، على فكرة مامتى منتقبة ولازم طبعا تقابله بالنقاب فا ده يمكن اللى بيخليها بتتضايق .. وكمان أنا معنديش إخوات صبيان ، و بابايا ظروف شغله صعبة فا مش فاضى وصعب جدا يفضى ... فدايما خطيبى بيجلنا ومفيش راجل فى البيت ! وصعب كل مرة أطلب من حد من قرايبنا الرجالة يجى كل مرة !! فا مش عارفه هل ده كده غلط ؟؟

محدش هنا مر بنفس الظروف ديه؟؟ يفيدنى ؟

عارفين أنا إبتديت أتخنق من القيل والقال ديه والتقاليد ومش التقاليد وماما تقعد تقولى المفروض يجيب .. المفروض يقول .. المفروض .. المفروض ... وأخواتى بقى ماشاء الله عليهم ... كل لما يعرفوا إنه جاى ... اللى ترمى كلمة واللى مش عجبها كذا وكذا .... أنا فعلا تعبت ... أه والمفروض أكلم مامته وأسأل عنها..

طب لو هى مكلمتنيش تانى بعد لما كلمتها ، المفروض أستنى سؤالها عنى ولا المفروض أكلمها تانى !!!! أخته ... من ساعة لما أنا إتخطبت وأنا دايما اللى بسأل عليها ... هى لسه متزوجه قريب ... عمرها مكلميتنى وسألت عنى !!!!

أنا فعلا تعبت !

أنا أسفة جدا على إزعاجكوا بس فعلا مش هاعرف أقول الكلام ده غير هنا !
ياريت لو المشاركة مخالفة، اللى عايز يفيدنى يراسلنى على الخاص، أكيد أى كلمة هتفيدنى أعمل إيه !

شكراً

بصي انا بالظبببببببط مريت بنفس الموقف ده
ف الاول اول ماتخطبنا بابا قال لخطيبي ماتجيش عندنا نهائي تخيلي؟ :D
الواد لانه كان بقالنا سنتين بابا رافض الخطوبة اصلا فماصدق انه وافق
وفعلا ماكانش بيجي
وانا كنت هموت هههههههههههه
ماعلينا المهم بابا لما لاقاه التزم اوي كدا...قال انا كنت فاكر انه هيعمل زي كل الناس ويقول كل اسبوع جاي او كام مرة ف الاسبوع خصوصا اننا قرايب اصلا
فقاله خلاص يبقى يجي مرة كل اسبوعين ولا حاجه
وبعدين بقت مرة كل اسبوع
بس ماكانش بيجي على غدا...كان بيجي بعد المغرب او بعد العشا
وانا بقى كنت بجيبهاله بزووق
كنت بقوله النهارده يوم اجازتك واتغدا مع اخواتك وكدا...قال يعني انا الي مضحية بانه يتغدا معايا :D
اصل مامتي بردو كانت بتدايق...ومش حكاية بخل ولا توفير....هي كدا وخلاص..غيرة
وهي واخويا كانوا بيغيروا موووت اما يجي
بالعكس بقى كان اما خطيبي يجي اخويا يخرج هههههههههههههههه
وكانوا بيتدايقوا اما يكلمني ف التليفون
واوقات كانت ماما تقوله لا مش هديهالك تكلمها
وحوارات عجيبة يعني ... الواد ده استحمل مرمطة كتير اوي :D
لحد ماجه عندنا يوم العيد الكبير الي فات...وكان بابايا هنا...لان بابايا مسافر :)
فقاله بقى انا المفروض اني مش بشوف خطيبتي غير يوم ف الاسبوع ده لو نفع
كمان لما بكلمها كل شوية حد يقعد يقولها اقفلي او طنط تاخد السماعة وتقولي مع السلامة
بابا بيقوله ماهو المكالمات ممكن تكون بتطول وكدا...وبعدين انت عايز تكلمها ليه اساسا :D
لو عشان تطمن عليها كفايه دقيقتين تلاته تكون اطمنت
قام قاله لا...انا بحتاج اكلمها...بتوحشني ياسيدي
:D:o
بجاحة متناهيه يعني
المهم من بعدها اتفق معاه انه يجيلنا مرة ف الاسبوع بالكتير وتبقى يوم الجمعة بعد المغرب...بس خطيبي قال خليها بعد العشا عشان قريبين من بعض ومش كل شوية هينزل ويطلع...بيتحرج ينزل يصلي ويطلعلنا تاني :)
يعني مثلا بيجي على 8
ويمشي 11 بالكتير
وارتحنا على كدا
ماعلينا المهم دلوقت...انتي المفروض تقعدي مع اهلك وتفهميهم انه خطيبك وله حق يجي...مش شرط تعملوا غدا او تجيبوا الي محدش جابه
كفايه فاكهه
انتي تعملي نوع حلويات مثلا
مع شاي ... ومرة بيبسي او عصير
وخلصت الليلة
بس حاولي انك تحلي الموضوع عشان مايحصلش موقف يحرجه ويخليه ياخد موقف منهم
لو مانفعش خالص بقى يبقى خليه يتكلم هو مع باباكي...ويقوله انك بتقوليله مايجيش...ومايجيبش سيرة مامتك خااااالص عشان باباكي لو عرف انك موصلاله ان مامتك الي مش عايزاه يجي هياخد موقف منك ويزعل

وبالنسبة لحماتك...انا كنت بكلم حماتي كل يوم :)..وعمري مافكرت هي بتتصل ولا لا...كنت انا الي بتصل بيها وباخوات جوزي وكدا
بس بعد ماحصل موقف كدا وحسيت ان محدش باقي عليا...دلوقت بكلمها كل اسبوع مرة بالكتير..وهي بتتصل بقى
لو ماتصلتش مابتصلش
واخواته بردو كدا...
هو صحيح المفروض الواحد يعاملهم كانهم اهله...بس للاسف مش كل الناس تستاهل المعاملة دي
معادش حد بيقدر...انا بكلمك بجد لانك اختي
انا ماكانش في اهبل مني ف الدنيا كلها...كل الناس كانت بتقولي الي بتعمليه ده اووووفر اوي وهيتفهم انك مرمية عليهم وكدا
كنت بقول وماله...مانا فعلا بحب خطيبي وعملت المعجزات عشان اتخطب له
بس بعد ما الموقف ده حصل اكتشفت اني غبية غباء غير عادي هههههههههههههههه
ماعلينا...المهم ربنا يوفقك ويكرمك وطمنينا عليكي

السلام عليكم ورحمة الله وبركاته

هى أسعار الأجهزة الكهربائية على المدى البعيد بتغلى ولا بترخص ؟ يعنى لو هنفترض نفس الإمكانيات؟

- - -

مش عارفه أشكركم إزاى على ردودكم وكمان اللى بعتولى على الخاص، كل كلمة ليكوا خلتنى أهدا وأحس إنى مش لوحدى ، جزاكم الله جميعا بالخير كله بإذن الله :)

الحب هو الحياة;10472548:


انا شايفة ان والدك كان لازم يحدد له من الاول امتى يجى البيت ومكنش يسمح انه يجى ومفيش راجل فى البيت
طيب انتوا ليه مش بتخرجوا يعنى طالما بيجى اسبوعيا ممكن تخرجوا مرة ولا مش مسموح؟

[/CENTER]

هاعمل إيه بس !! ظروف بابا كده !!
وإحنا بنخرج أه ، إختى الصغيرة بتيجى معانا دايما.

ميس الريم;10472660:

ازيك يا وردى...
اولا أنا هرد عليكي لاني مريت بنفس الظروف دي

ثانيا هو مش لازم ييجي كل اسبوع كفايه في الشهر مرة ويوم اجازة والدك طبعا
ماهو فيه تليفون في الفتره دي ولا ايه؟؟!!

بصراحة والله والله مش ماما واخواتي بس اللي كانو بيتخنقو منه دانا نفسي كنت ببقي مخنوقالهم ومخنوقالي ....
وعلى فكره هو كان في محافظة تانيه يعني كان بييجي كل فين وفين كمان مش تقوليلي كل اسبوع.
وكمان يتغدى كل اسبوع؟؟؟ دا السكر لوحده من غير اضافات داخل عالخمسه جنيه:D:D
شوفي بقى لما تعمليله غدا ويكلي :ss:

العمليه مش ناقصه خنقه يابنتي وباعدو الفتره شويه علشان خاطر مامتك واخواتك وانتي استحملي شويه وزى المتجوزين ما بيقولو بكره تزهقو :D:D

ومش كل شويه تقولي لخالك ولا لعمك تعالى اصل خطيبي جاى النهارده طب ما كده كده مش هتعرفو تتكلمو مع بعض ولا ايه؟؟

ومامته اسالي عليها حتى لو هى مش بتسال واعملي حاجه بسيييييييييييييييييطه تخليكي فرحانه وانتي بتكلميها .... احتسبي الاجر عند الله .. بس كده:wink:

[/CENTER]

ميس الريم، شكراً جدا جدا على كلامك، ربنا يجمعك بخطيبك على خير إن شاء الله.

مكرووونة;10472795:
اولا المشاركة دى للأسف مخالفة لقوانين الموضوع :ss:
اعملى بيها موضوع و تعالى هنا قولينا على اللينك بتاعها
ماشى يا قمرايه(f)
المهم بأه
ايه لازم يجى دى ؟!:qaq:

و هو انتى يعنى مش عاوزة تشوفيه كل يوم :21_207:و لا هو مش عاوز يفضل معاكى :21_148:اعتقد ان ده مش لازقة و لا من باب الغلاسة و لا حاجة يعنى:D:D

اذن دا لازما و حتما و لابد يجى:21_8:
بصى انا عارفة انك فى موقف محرج و زى الفل .. بجد ربنا معاكى
بس ممكن تحاولى مع مامتك شوية كدة و انتى طبعا عارفه طبعها
مثلا تقوليلها يا ماما ما هو لازم من الزوق اننا نعزمه على الغدا كل اسبوع ودا يعتبر تقليد ناس كتير بتعمله و لا انتى عاوزاه يقول علينا بخلاء و مستخسرين غدوة و بعدين يعنى هو حيقعد اد ايه 3 او 4 ساعات .. و كل اللى فى البيت موجودين وووووو شوفى بأه تقنعيها ازاى بأى كلام:wink:


لأن تخيلى لو قولتيله لأ متجيش كل اسبوع متقوليش مش حيزعل حتى لو فى مبررات او حق كده دا احراج ليه
و ممكن كده تحاولى تنبهيه بلطافة مثلا تقوليله دا ماما نفسها انك تجيلنا تتغدا معانا كل يوم ما هو احنا بيت واحد بس المشكلة ان علطول بابا مش فاضى عشان يبقى موجود .. و كده يعنى:Z_cool_c:

اما عن انهم فى البيت بيغلسوا عليكى فخدينى جمبك بقى و نعقد نعيط سوا :confused::confused:
غلاسة من نوع رمى الكلام اللى ملوش لازمة و المفروض دى برضه و ان توضيب البيت و التنضيف فجأه بيبقى كله عليا و اخواتى البنات و ماما ملهومش دعوة :sm215: بس ساعات بيساعدوا و الله و لكن بيحسسونى انه مش انتى اللى عاوزاه يجيى اتصرفى بأه :sa36:

معلش برضه استحملى فى الاول صعبه و انوى نية خير و حاولى متضايقيش نفسك عشان ميجيش يلاقيكى مخنوقة ومودك مش حلو و اليوم يبوظ و تقلب بخناقة معاه ولا حاجة و تطلعى كله عليه:UP202: هههههههه

حاولى تحددوا معاد لكتب الكتاب عشان محدش يبقى ليه عندكوا حاجة

اما بقى عن طنط العزيزة :dd: خليها عليكى فى الاول معلش اسألى عليها مرة و لا مرتين كده و بعد كده المفروض هيا كمان تتصل بيكوا فى البيت و بمامتك و لو كده يبقى ماشى و الا يبقى هيا اللى مش بترد على السؤال مع ان هيا اللى المفروض تكون بتكلم مامتك فى التليفون و تسأل عليها و حيبان ان الغلط عندها و سيبك من اخته طالما مش بتكلمك بس متزعليش منها خليكى عادى معاها و لو كلمتك كلميها حلو برضه
و انا عندى نفس المشكلة دى برضه و عمله خلافات كتير و الحمد لله لأنى لقيتها مش بتتصل فمش اتصلت و الموضوع اتعقد:ss:

بس كده .. ربنا معاكى و معايا يا بنتى

كلامك جميل أوى وريحنى ربنا يكرمك يامكروونه.

شوفتى إنتى قلتى إيه ، المفروووووض تكلم مامتك ..

عارفين أنا كرهت الكلمة ديه أوووووووووى "المفروض" أنا بنام بيطلعلى عفريت "المفرووض"

المهم، بصى ياسيتى أهى طنط عمرها ماكلمتنا فى تليفون البيت ، تخيلى!! ولا إحنا بصراحة !!
اللى بيحصل إنها بتكلمنى على الموبايل وبتسلم عليا وبعدين تقولى سلميلى على مامتك وبس كده !! وأنا لما أحب أسلم عليها أكلمها على موبايلها!!

شوفتها ديه قبل كده !!

kitty_kity;10473063:


بصي انا بالظبببببببط مريت بنفس الموقف ده
ف الاول اول ماتخطبنا بابا قال لخطيبي ماتجيش عندنا نهائي تخيلي؟ :D
الواد لانه كان بقالنا سنتين بابا رافض الخطوبة اصلا فماصدق انه وافق
وفعلا ماكانش بيجي
وانا كنت هموت هههههههههههه
ماعلينا المهم بابا لما لاقاه التزم اوي كدا...قال انا كنت فاكر انه هيعمل زي كل الناس ويقول كل اسبوع جاي او كام مرة ف الاسبوع خصوصا اننا قرايب اصلا
فقاله خلاص يبقى يجي مرة كل اسبوعين ولا حاجه
وبعدين بقت مرة كل اسبوع
بس ماكانش بيجي على غدا...كان بيجي بعد المغرب او بعد العشا
وانا بقى كنت بجيبهاله بزووق
كنت بقوله النهارده يوم اجازتك واتغدا مع اخواتك وكدا...قال يعني انا الي مضحية بانه يتغدا معايا :D
اصل مامتي بردو كانت بتدايق...ومش حكاية بخل ولا توفير....هي كدا وخلاص..غيرة
وهي واخويا كانوا بيغيروا موووت اما يجي
بالعكس بقى كان اما خطيبي يجي اخويا يخرج هههههههههههههههه
وكانوا بيتدايقوا اما يكلمني ف التليفون
واوقات كانت ماما تقوله لا مش هديهالك تكلمها
وحوارات عجيبة يعني ... الواد ده استحمل مرمطة كتير اوي :D
لحد ماجه عندنا يوم العيد الكبير الي فات...وكان بابايا هنا...لان بابايا مسافر :)
فقاله بقى انا المفروض اني مش بشوف خطيبتي غير يوم ف الاسبوع ده لو نفع
كمان لما بكلمها كل شوية حد يقعد يقولها اقفلي او طنط تاخد السماعة وتقولي مع السلامة
بابا بيقوله ماهو المكالمات ممكن تكون بتطول وكدا...وبعدين انت عايز تكلمها ليه اساسا :D
لو عشان تطمن عليها كفايه دقيقتين تلاته تكون اطمنت
قام قاله لا...انا بحتاج اكلمها...بتوحشني ياسيدي
:D:o
بجاحة متناهيه يعني
المهم من بعدها اتفق معاه انه يجيلنا مرة ف الاسبوع بالكتير وتبقى يوم الجمعة بعد المغرب...بس خطيبي قال خليها بعد العشا عشان قريبين من بعض ومش كل شوية هينزل ويطلع...بيتحرج ينزل يصلي ويطلعلنا تاني :)
يعني مثلا بيجي على 8
ويمشي 11 بالكتير
وارتحنا على كدا
ماعلينا المهم دلوقت...انتي المفروض تقعدي مع اهلك وتفهميهم انه خطيبك وله حق يجي...مش شرط تعملوا غدا او تجيبوا الي محدش جابه
كفايه فاكهه
انتي تعملي نوع حلويات مثلا
مع شاي ... ومرة بيبسي او عصير
وخلصت الليلة
بس حاولي انك تحلي الموضوع عشان مايحصلش موقف يحرجه ويخليه ياخد موقف منهم
لو مانفعش خالص بقى يبقى خليه يتكلم هو مع باباكي...ويقوله انك بتقوليله مايجيش...ومايجيبش سيرة مامتك خااااالص عشان باباكي لو عرف انك موصلاله ان مامتك الي مش عايزاه يجي هياخد موقف منك ويزعل

وبالنسبة لحماتك...انا كنت بكلم حماتي كل يوم :)..وعمري مافكرت هي بتتصل ولا لا...كنت انا الي بتصل بيها وباخوات جوزي وكدا
بس بعد ماحصل موقف كدا وحسيت ان محدش باقي عليا...دلوقت بكلمها كل اسبوع مرة بالكتير..وهي بتتصل بقى
لو ماتصلتش مابتصلش
واخواته بردو كدا...
هو صحيح المفروض الواحد يعاملهم كانهم اهله...بس للاسف مش كل الناس تستاهل المعاملة دي
معادش حد بيقدر...انا بكلمك بجد لانك اختي
انا ماكانش في اهبل مني ف الدنيا كلها...كل الناس كانت بتقولي الي بتعمليه ده اووووفر اوي وهيتفهم انك مرمية عليهم وكدا
كنت بقول وماله...مانا فعلا بحب خطيبي وعملت المعجزات عشان اتخطب له
بس بعد ما الموقف ده حصل اكتشفت اني غبية غباء غير عادي هههههههههههههههه
ماعلينا...المهم ربنا يوفقك ويكرمك وطمنينا عليكي

شكراً أوى ياكيتى على كلامك.

عارفه إنتى دوستى على الجرح، عارفه لأنى مضايقه من أهلى وبالذات من بابايا إنهم مش عاملنلى قيمة كده ومش بيشددوا علي خطيبى كده عشان يحس بقيمتى !!

على فكرة خطيبى أصلا كان زميلى فى الكلية و فين وفين لما أخيرا إتخطبنا بعد لما هو إتخرج وخلص جيش كمان !

فا يعنى عايزه أقولك ، متزعليش من اللى والدك بيعملوا ، ياااريت أنا بابايا كان زى باباكى كده..
ماشاء الله ربنا يخليهولك :)

جزاكى الله خيراً على كلامك وبجد ربنا يسعدك ويفرحك بزوجك قريبا إن شاء الله.

ازيكم يا احلى بنات
عاملين ايه وحشتوني جدددددددددددااااااااااااااااااااااااااا
بقالي كتير مبدخلش نت علشان اتجوزت في شهر 7 اللي فات
عقبال كل البنات
ولو في اي استفسار انا تحت امركم


وعلشان مبقاش مخالفه
ايه احسن حلل كويسه؟؟

danasam;10473616:
ازيكم يا احلى بنات
عاملين ايه وحشتوني جدددددددددددااااااااااااااااااااااااااا
بقالي كتير مبدخلش نت علشان اتجوزت في شهر 7 اللي فات
عقبال كل البنات
ولو في اي استفسار انا تحت امركم


وعلشان مبقاش مخالفه
ايه احسن حلل كويسه؟؟

اهلا بعرايس شهر 7 ال فات انا كمان اجوزت شهر 7 ال فات
واحسن نوع حلل زهران او نوع استالنس الايطالي