ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

بنات بليز محدش يعرف اتليه فرحه الي في عمارات العبور عنوانه هناك فين بالظبط
واخبار فساتين الأفراح هناك ايه والأسعار

بنات الي بتسأل على محلات النجف ف المنصوره
قنديل طبعا على المشايه وده ارقى ازواق
جاليري جنه امام كليه حقوق تحت كوك دوور
في كام محل في شارع السكه القديمه

mesk_2005;10441431:
تسلم ايدك ياقمر ويارب نتحط فى الليسته قريب بقى

ربنا يخليكى ياقمر ودعواتك ليا

بسكوتة تو;10441511:
ان شاء الله انزل اجبهم جزاكي الله خير يا حب هو الحياة ميرسي ياحببتي

يابنات المفروض اجيب لون الستاير يمشي مع العفش ولا الوان الحيطان

الستاير تليق مع الموبيليا ياقمر لانها الحيطان ممكن تكون لون محايد

نرجس الشرق;10443932:
يا بنات انا عروسة من ليبيا و حابة نسالكن كم سؤال و يكون بارك الله فيكن ع الاجابة اسئلتي كالاتي :
1- عايزة اعرف ماركة مكياج و كريم اساس ممتاز ايخلي وجهي متل اوجوه فنانات سينما يعني زي نانسي عجلرم في اغنية لمسة ايد ؟
2- ممكن اعرف قمصان النوم مع الارواب الطويلة و الحلوة و بيجامات الشفون كم سعرها في مصر؟
3- ادا انا حابة اشتري قمصان من مصر مين بيعرف وحدة تبعتلي صور لاحلي قمصان و تدلني ع طريقة عشان اشتريهم ؟
4- الصالون في مصر اديه ايكلف بريد واحد متل في برنامج ضيف البيت الي بيقدموا اشرف عبدالباقي ؟
وانا اسفه ع التطفل عليكن يا امورات

ماركات ميكب وكريم اساس كريولان وبرجوا الاصلى عند مزايا ووجوه
القمصان واللانجيرى فيه لاسو وجوياوشارمين وزى ما لقاء قالت ماركة ميلك وماركة كى بى ومودا بلاس

نرجس الشرق;10443957:
سؤال اخر يا بنات هل العطور الها فترة صلاحية و تنتهي و بتتغير ريحتها انا فرحي لسه ممكن في شهر 07 او في شهر 03/2010 فادا ابتديت اشتري من اليوم في مشكله او لا انا بنتظر فيكم ما تتاخروا عليا

البرفات هاتيها من دلوقتى عشان حتتعتق لكن الميكب قبل الفرح بشهر

semsema_semsemy;10444015:
حبيبة مادو حمد الله على السلامه والف مبروك وربنا يكرمك بالذريه الصالحه عاجلا غير اجل يارب وكل المتجوزين يارب

يابنات عندى سؤال عن اكسسوارات المطبخ
عاوزه اعرف ايه هى الاكسسوارات اللى اجيبها واسعارها
كان فى بنات قالوا انى ما اخليش اللى هيعملى المطبخ يجيبلى الاكسسوارات لانه بيغلى فى الاسعار

وعاوزه اعرف ابدا فى المطبخ امتى التقفيله يعنى قبل الفرح باد ايه

ابداى فى المطبخ قبل الفرح بشهر

حبيبه مادو;10445105:
ازيكم كلكم يا حبايبى وحشتونى عاملين ايه انا هسافر ان شاء الله يوم الاربع السعوديه وهبقى اكلمكم من هناك لما اوصل واستقر واشغل النت علطول عشان اكلمكم واوريلكم الصوور والشقه وكل حاااااجه لانى مش لاحقه والله وهمشى دلوقتى من عند ماما كمان ويه بقى ماشى وادعولى بقى عان انا زعلانه ومخنوقه اووووووى


وسلامى ليكوا كلكم وكتكوته وموررررووو وروزى ورامزينا ودينا ودندن وكلكم والله مش مركزه


وعشان المخالفه

اجيب كام طقم ملايات مشجر ومطرز؟؟؟؟

اهلا بالعروسة القمر منورة التجمع وحشتنا اوى ووحشانى التوتر بتاعك
متزعليش ياقمر دى سنة الحياة والنت دلوقتى بيرقب المسافات ربنا يهنيكى
لابستى ايه فى الصباحية :tongue:

mesk_2005;10445138:
تروحى وترجعى بالسلامه ياحبيبتى ومتزعليش نفسك من حاجه خالص وكله بيعدى
وخلى بالك من نفسك

فين محلات اكسسوارات المطابخ فى اسكندريه يابنات؟

حتلاقى فى كارفور وسوق سوريا وفتح الله فرع سموحة وفرع دوان تاون

دكتوره بس عسوله;10445294:
يابنات بليز محتاره ومبقتش عارفه اجيب اطقم اطباق ايه غير الصينى؟؟؟؟
البايركس اللى هوا عسلى ورصاصى دا مش هجيب منه اصلا
اجيب ايه بقى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
محتاره اركوبال ولا اركوبيكس ولا المفروض الاتنين ؟؟؟؟؟؟؟؟
وللاستخدام اجيب ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هاتى واحدة فيهم للاستخدام ياقمر

callypso;10445528:
كل سنة وانتى طيبة يا جميلة وان شاء الله السنة اللى جاية


هو تيوليب اللى فى ألكس دة زى بتاع القاهرة ؟؟ وهو بيبيع ايه بالظبط ؟

تيوليب بيبع كريستالات وفضيات وادوات مطبخ ده اللى فى سموحة فى واحد تانى فى صلاح سالم المنشية بيبع مفروشات

nonastar;10446038:
يا بنات يا قمراااااااات عايزه اسالكم على حاجه ضرورى عايزه اعرف اكبر سعه لتريه للميكرويف يعنى 28 لتر ده كبير ولا صغير ولا فى اكبر ولا ده كويس بليييييييز يا بنات ردو عليا ضرورى وكمان الفرن الكهربائى ال 25 لتر برده كبير ولا صغير وياخد صنيه فرن مقاس كام مثلا يعنى والميكرويف برده ال 20 لتر صغير ولا كبيييييييييييييير

وربنا يباركلكم كلكممممممممممم يااااااااااااااااارب ويتمملنا كلنا على خيييييييييييييييييير امين يارب العالمين

اكبر مقاس 40 لتر فى الفرن والميكروويف هاتى اكبر حاجة افضل

أمة الغفار;10447104:
جزاكِ الله خيراً يا مسك مخدتش بالي غير لما خرجتي



طيب ده لو كتب كتاب في الجامع بس ونص ساعة وخلاص
لكن لو كتب كتاب وشبكة مع بعض وهبقى عازمة ناس وفي قاعة وإسلامي وهنبقى بنات مع بعض نغني ونرقص وكده بيتهيألي عادي ألبس فستان خطوبة يكون فيه شغل شويه ولا إيه؟
وبردوا إيه رأيكم طوبي ولا بينك؟ والإتنين لايقين مع بشرتي

خليكى فى فستان خطوبة
ولو حاجة سيمبل شوفى ده
ღ ღ°•.••محتارة تلبسى ايه فى كتب الكتاب تعالى اتفرجىღ ღ°•.••

tota_10;10447392:
أنا أعصابى تعبانه اوى يا بنات ادعولى ربنا يفك كربى .. حتى كمان مش عاوزة انزل اشترى اى حاجه فى جهازى .. حاسه بعجز فظييييع .. وحاسه انى مش قادرة اتحرك من مكانى من الهم ..

وعشان المخالفه .. حد يقولى أحسن ماركات للأجهزة الكهربائيه (غساله - ثلاجه -بوتجاز - تليفزيون - مكواه -سخان)

ربنا يفك كربك ويسعدك
غسالة وايت ويل او وايت بوينت او اريستون
تلاجة توشيبا او هيتاشى او وايت ويل
بوتاجاز تكنوجاز او كريازى القديم
تليفزيون ال جى
مكواة بانوسينك او مونيلكس
سخان اريستون او يونيفرسال

pascotta;10448530:
:(انا زعلانه ربنا يخليكي متحسسنيش ان فرحي كمان يومين كتب كتابي يوم 15 والفرح يوم 23 بليييييييييييييييز صلحيها علشان انا كده خفت



احنا عندنا بتاعنا 34 لتر بس لو هتجبيبه للتسخين يبقى مفيش داعي للكبير


تسلميلي يا كتكوته انتي وفلاور وعقبالك يا فلاور

حالا حنزله ياقمر متقلقيش وربنا يهنيكى ويتمملك بخير

pascotta;10448722:
انا يا نونا بقول تشوفي استخدامك هيبقى لانهي اكتر بعني الميكرويف اجسن حاجه فيه هي التسخين لكل الاكل والاكل بيطلع طازه وجميل وبينجز في الوقت
اما الفرن فكده كده مع البوتجاز يعني انا شايفه انه الميكرويف احسن
اما عن الاتنين مع بعض انا معرفش بصراحه عنه حاجه

انا رايى الميكروويف الفرن موجود فى البوتاجاز

بنات اليكس فيه محل مفروشات فتح قريب فى محطة الرمل شارع سعد زعلول اسمه ريفولى فى وش محل الاهلى للملابس
النهاردة كتب كتاب القمر ميرو الف مبروك وربنا يتممللها بخير
[BLINK]13-10-2009
كتب كتاب D.mero[/BLINK]

عرايس شهر اكتوبر

15-10-2009
فرحMuslma

15-10-2009
كتب كتاب pascotta

16-10-2009
فرح حبيبة حبيبي


19-10-2009
فرح دودو هانم

20-10-2009
فرح sweetylolla85

23-10-2009
فرح pascotta

28-10-2009
فرح D.mero

30-10-2009
كتب كتاب farm

عرايس شهر نوفمبر
2-11-2009
فرح sweetyrona

13-11-2009
فرح لولا صيدلانيه

19-11-2009
فرحlola_law2000


عروسه شهر ديسمبر
17-12-2009
فرح R قلبى وعمرى

أمة الغفار;10448501:
جزاكم الله خيراً يا إيمي و يا فلورا

ربنا يفرج عنك ياتوتا
متستسلميش واستغفري
ولازم فعلا لما نلاقي ضيق كده نراجع حالنا مع ربنا لن
كون أوتينا من قبل ذنوبنا وربنا كريم وهيفرج عننا كلنا بإذن الله

والله يعزك يانونا
لسه متحددش كتب كتابي دعواتك ربنا يبعد المشاكل والخلافات ونحدده
هوه فيه مسجد الشرطة القاعة بتاعته شوفتها مرة حسيت إنها شيك بس لسه متأكدتش من الفصل بين الرجال والنساء جامد ولا لأه وسعرها رمزي 600
ممكن بالنسبة للإنشاد الفرق النسائية من أول 400 لحد 2000 وفي كمان أقل من 400 لو نقصتي فقرات
وأنصحك تبعدي عن الدي جي ولو جبتي فرقة تأكدي لا يجيبو دي جي ولا طبله لأن الدي جي أغلب الأناشيد بتاعة الأفراح بيدخل فيها درامز وساعات أدوات موسيقية خفيفة غير الطبلة فيبقى كده عملنا إيه؟!
وأصلا الدي جي بينيم لو فرقة بيقوموكي ترقصي ويجيبو صحابك معاكي وكده وبردوا في فرق بتعمل إسكتشات حلوة بس أبعدي عن إلى بيلبسو فيها لبس رجال عشان التشبه وكده
بس كزفة وكده بتبقى جميلة جدا وأكدي بس يبقى بصوتهم من غير دي جي وبيستخدمو دف بس لو عملتي بحث على النت هتلاقي فرق كتير بس بلاش سندس نايمه شويه بس مش وحشه
ولو عندك أصحاب بيعرفو يغنوا أغاني أفراح بتبقى حلوة بردوا والأناشيد بجد عسل ودمها خفيف والحمد لله بتعجب كله
أنا غالبا هعمل حاجة في كتب الكتاب صحابي يغنولي لأنهم بيعرفوا ويعملولي زفة بالدفوف
وفي الفرح بإذن الله هجيب فرقة وغالبا هتبقى الأنصار بس هأكد عليهم دف وبس لأن الدي جي ياااااي فعلا لا محصله أغاني ولا أناشيد
ربنا ييسر لك وييسر لي ولكل العرايس ياااااااااااااااااااااارب
آه وعند الرجال ولاد خالي شباب بيعرفو يغنوا (أناشيد أفراح)بس بمن غير دف عشان عند الرجال وشيخ يدي كلمة لذيذة يعني نصايح ليه وليه بخفة دم كده : ) وأممممم و المأذون يكتب بس هنختاره حد ملتحي وكده بحيث ميطلبش أكشف وشي وكده
دعواااااااااتك

ربنا يكرمك يارب ويتمملك على خير

بس انا مش فاكرة مسجد الشرطة كراسى القاعات فيه بتتحرك ولا ثابتة حاولى تشوفى الاول لانى فاكرة ان كان فى حاجات ثابتة وعشان كده كنت بسألك هتعملوا كل ده فين وازاى ولما تتأكدى قوليلى ويااااااارب تحددوا المعاد قريب يارب

وعلى فكرة مسجد الشرطة فى قاعتين جمب بعض وبينهم باب وربنا يكرمك يارب ولاتنسينى من صالح دعائك

nanono;10449772:
ربنا يكرمك يارب ويتمملك على خير

بس انا مش فاكرة مسجد الشرطة كراسى القاعات فيه بتتحرك ولا ثابتة حاولى تشوفى الاول لانى فاكرة ان كان فى حاجات ثابتة وعشان كده كنت بسألك هتعملوا كل ده فين وازاى ولما تتأكدى قوليلى ويااااااارب تحددوا المعاد قريب يارب

وعلى فكرة مسجد الشرطة فى قاعتين جمب بعض وبينهم باب وربنا يكرمك يارب ولاتنسينى من صالح دعائك

الكراسي فيه متحركه


بنات ارجوكم تردو على استفساراتى

حد يعرف نادى الظباط اللى فى الزمالك حلو ولالا؟

بنات لو سمحتم كان فى حد من كام جزء كاتب على محل بواقى تصدددير ف عباس العقاد هو مكانه فين بالظبط


كنتو قايلين عند بيجو صح كدا ولا بيتهيئلى:cool:

بنات ايه هيا الابره بتاعت تنظيف الوجه دى وشكلها ازاى معلش الجهل وحش

lekaa139;10449092:
بصي يارشا ماركة حبيبة فيها لحد مقاس 50

مودا بلاس بصراحة مقاساتهم مش كبيرة بس روحي وجربي بنفسك

وكي بي صغيرة مقاساتهم

ممكن في جيل تلاقي مقاسات كبيرة كمان

وكل دول اغلبهم في جنينة مووول ومحلين في شبرا

واحد اسمة سرور وواحد اسمة ستايل ال2 دول كنت بتعامل معاهم وبينزلوا الماركات دي كلها

ومحل مريم اللي في السراج مول

وربنا يوفقك ياجميلة (f)

ممكن يا قمر توصيفيلي فين المحلات ديه بالضبط عشان انا جاهله في الاماكن حبه :)

.tuleeb;10450692:
بنات لو سمحتم كان فى حد من كام جزء كاتب على محل بواقى تصدددير ف عباس العقاد هو مكانه فين بالظبط


كنتو قايلين عند بيجو صح كدا ولا بيتهيئلى:cool:

تيوليب حبيبتي لو قصدك على نادي ضباط الشرطة الجزيرة اللي ادام برج القاهرة انا عملت فيه فرحي في القاعة الصغيرة الحمدلله و شيك اوي بجد و منظميين بس المشكلة بتاعتهم انهم غاليين اوي عايزين وسايط جامدة بس هوا حلو الحمدلله

بنات هو فين الصالون الاخضر جاتنيو ددا؟

دلوعه رعد;10446033:
بصي ياقمر قمصان النوم في منها كتير طبعا قمصان ماركات كويسه عند جويا في سان ستيفانو ومحطه الرمل دول في اسكندريه

والاثاث المودرن حتلاقي عندنا في اسكندريه عند بيلاكازا في جليم وعندك اين اند اوت في كارفور وسنتر هوم في كارفور

انما البرفانات مش بتنتهي بالعكس كل ما مدتها تتطول بس تشليها في مكان مفيش فيه نوم
بتتركز اكتر عايزة مكياج كويس عندك شركه اوريفليم

شكراع الرد بس ممكن اعرف الاسعار او ممكن ادلني ع تسويق بالنت

نورما حبيبتي واحشاااااااااني
جاتينيو ف وسط البلد ف شارع محمد فريد على ما اعتقد..
هو بعد تقاطع محمد فريد مع شارع فؤاد ويارب ماكونش بعك ههههههههههههه
انتي فين واحشاني اوي

eng_banota;10448285:
هااااااااى بنوتاتى حبايبىىىىى ... اخبراتكو ايه؟... يارب تكونو جميعا كويسين وبخير
اولا واخيرا احب اشكر كل اللى اتفضل بالرد عليا واشكر برده الباقى لحسن المرور الكريم

يا بنات بليز ركزو معايا ... انا المشاركات عندى بعضها مش بتكون باينه كلها فى بعضها بيكون نصها اليمين مختفى والشمال هو اللى باين وبالتالى مش بعرف اتابعها خالص ... فبليز هو ده سببه ايه ؟؟؟؟؟؟؟

البنوته اللى كانت بتسأل على حد من بنها انا تحت امرك فى اى حاجه ... اصلى انا من بنها العسل:)

من بناتيت منتدى عروس الحلوين ... عايزه اعرف ايه افضل اماكن لبيع الانجيرى فى وسط البلد ... انا عارفه ممر كده فى كذا محل من ضمنهم واحد اسمه دنيا النغم والباقى جنبه يا ترى فى وسط البلد غيرهم؟؟؟؟
والله يا قمر كان نفسي أفيدك بس للأسف معرفش ان شاء الله باقى البنات يفيدونا

اخر حاجه بئا ادعولى انا وخطيبى... مش بيقولى كلام حب خااااااااااااااااااااااااااااالص اهئ اهئ اهئ ومش عارفه اعمل اييييييييه:confused:هو ده كده طبيعى ؟؟؟ دانا كنت فاكره ان ايام حطوبتى ده هسمع فيها كلام حب لما ازهق... الموضوع ده ليه حل ولا افقد الامل ... فيدو اختكو الغلبانه والنبى
هرد عليكي يا قمر بس بعد ما تصلي على النبى عليه الصلاة والسلام وتقولى لا إله إلا الله عشان مينفعش نحلف بالنبى بالنسبة لخطيبك اذا هو مش بيقول كلام حب عشان عارف ان الفترة دى هو لسه مش جوزك ومينفعش انه يقول كلام حب والله عن تجربة انا زوجى فى فترة الخطوبة ما كانش بيقول كلام حب خالص عشان ربنا عز وجل يبقى راضي عننا ووالله اول كلمة حب قالهالى بعد الجواز حسيت انى طايرة وحسيت بفرحة ف قلبي عمرى ما حسيتها قبل كدا فمعلش استحملى الفترة دى هتلاقى حاجات حلوة كتير واحاسيس روعة بعد الجواز بإذن الله

يارب جميعا تبئوا فى اتم صحه واحسن حااااااال ويوفقكم جميعا انتو وانا وبنات المسلمين... قولو امييييييييين... ومرسيه مقدما لكل اللى هيتفضل بالرد عليا ...وبحبكو جداااااااااااااا

آمين يارب ربنا يكرمك ويتمم ليكى على خير ويسعدك فى الدنيا والآخرة
سؤالى بقى حد يعرف حارة اليهود بيتباع فيها ايه ؟

ممكن اعرف تمن البيجامات الشفون كم بمصر وبدلة الرقص ارجو اتردوا عليا يا بنات مصر لاني بجد حايرة ومش عارفه اعمل ايه وطريقة للتسوق من الانترنت كمان لاني من ليبيا

هاي يا بنات مصر الحلوين و صباح الفل عليكم كلكم واحدة واحدة بصو يا جماعة كنت عايزة اسال عن احسن الارضيات اييه و في نفس الوقت سعر السيراميك دلوقتي كام لاني برضو مش عايزة غالي ممكن حد يفيدني في موضوع ده

شعبان بتاع بواقى التصدير فتح فى مدينة نصر اخر شمال فى مكرم عبيد
الشارع اللى على نصيته ماكدونالد فى مصطفى النحاس قدام بنينو
بالمناسبه بنينو عنده ساليزون يجنن

Totta el masry;10440079:
السلام عليكم ورحمة الله وبركاته ازيكوا يا بنات أنا جديده معاكم في قسم تجهيزات عرايس مصر والحقيقة حبكم لبعض وتعاونكم سوا عجبني قوي ربنا يبارك فيكم كلكم على فكرةأنا مخطوبة بس لسه فرحي متحددش عقبال كل بنات المسلمين معلش أنا ليه سؤال ياريت تجاوبوني عليه أقلاقي فين مكان بيبيع أطقم كاملة(برا وبانتي) في القاهرة يكون شكلهم دلع كدة وجديد وتكون أسعاره معقولة وآسفة ولت عليكم وياريت تقبلوني صديقة وميرسي قوي:1_81::X_hell1::1_81:

pascotta;10440832:
ana ayza el ayma ya banat

http://forums.3roos.com/uploaded1/283915_11255425856.doc

N0rma;10450906
:
بنات هو فين الصالون الاخضر جاتنيو ددا؟

sweetylolla85;10451486:

بنات سؤال عاجل لكل اللي كتبو كتابهم في مسجد الشرطه هي القسايم بتطلع بعد قد ايه لاننا نسينا ناخد القسيمه المؤقته والفرح بعد اسبوع وهنسافر ولازم يبقي معانا القسيمه

سؤال تاني امبارح روحت عملت بروفه الفستان واخترت الطرحه اللي هي دورين واخترت البندانه بتاعتها طبعا دول مش كفايه المفروض اجيب طرح ايه تاني تحت الطرح دي
بنات انا نفسيا تعبانه اوووووووووووووووووووووووووووووووووووووووووووووووووووي بجد متحطمه ادعولي ربنا يكرمكم ان ربنا يفك عني

هاتى بندانه قطن بيضه ضرورى
وهاتى متر تل جليتر أبيض أو تل كريستال وكلمى الكوافيره أسأليها لو ليخا طلبات تانى
لو أحتاجتى حاجه تانى أتصلى بيا
وأهدى يا بت لأجى أضربك هيبقى شكلك مرهق