ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

يا بنات انا عروسة من ليبيا و حابة نسالكن كم سؤال و يكون بارك الله فيكن ع الاجابة اسئلتي كالاتي :
1- عايزة اعرف ماركة مكياج و كريم اساس ممتاز ايخلي وجهي متل اوجوه فنانات سينما يعني زي نانسي عجلرم في اغنية لمسة ايد ؟
2- ممكن اعرف قمصان النوم مع الارواب الطويلة و الحلوة و بيجامات الشفون كم سعرها في مصر؟
3- ادا انا حابة اشتري قمصان من مصر مين بيعرف وحدة تبعتلي صور لاحلي قمصان و تدلني ع طريقة عشان اشتريهم ؟
4- الصالون في مصر اديه ايكلف بريد واحد متل في برنامج ضيف البيت الي بيقدموا اشرف عبدالباقي ؟
وانا اسفه ع التطفل عليكن يا امورات

سؤال اخر يا بنات هل العطور الها فترة صلاحية و تنتهي و بتتغير ريحتها انا فرحي لسه ممكن في شهر 07 او في شهر 03/2010 فادا ابتديت اشتري من اليوم في مشكله او لا انا بنتظر فيكم ما تتاخروا عليا

حبيبة مادو حمد الله على السلامه والف مبروك وربنا يكرمك بالذريه الصالحه عاجلا غير اجل يارب وكل المتجوزين يارب

يابنات عندى سؤال عن اكسسوارات المطبخ
عاوزه اعرف ايه هى الاكسسوارات اللى اجيبها واسعارها
كان فى بنات قالوا انى ما اخليش اللى هيعملى المطبخ يجيبلى الاكسسوارات لانه بيغلى فى الاسعار

وعاوزه اعرف ابدا فى المطبخ امتى التقفيله يعنى قبل الفرح باد ايه

صباح الخير يابنوتات

انا محتاجه منكم اسامي محلات النجف فى المنصوره وطنطا ياريييييييييييييييييت ضروري

منورانا يانرجس :)
البرفانات لو اتعانت كويس في مكان ضلمة وماتفتحتش مي هيجرالها حاجه
الميك اب لو اشتريتيه ماتفتحيش العلب...لان صلاحيتها بتبدا من اول ماتتفتح
الصلاحية بتكون على حسب نوع الحاجة
يعني الحاجات السايلة صلاحيتها اقصر...حوالي 3 شهور...زي الشامبوهات ..الماسكرا...الكريم المرطب اللوشن وكدا
كريم الاساس وكريمات الترطيب والتنظيف الي هي مش لوشنات يعني قوامها اصلب شوية والحاجات دي ممكن ل6 شهور
الباودر والروج ممكن لحد سنة
وربنا يتمم لك بخير ان شاء الله
وبالنسبة لبقية الاسئلة البنات بيفيدوكي ان شاء الله

semsema_semsemy;10444015:
حبيبة مادو حمد الله على السلامه والف مبروك وربنا يكرمك بالذريه الصالحه عاجلا غير اجل يارب وكل المتجوزين يارب

يابنات عندى سؤال عن اكسسوارات المطبخ
عاوزه اعرف ايه هى الاكسسوارات اللى اجيبها واسعارها
كان فى بنات قالوا انى ما اخليش اللى هيعملى المطبخ يجيبلى الاكسسوارات لانه بيغلى فى الاسعار

وعاوزه اعرف ابدا فى المطبخ امتى التقفيله يعنى قبل الفرح باد ايه

بصى ماسورة اللى بيتعلق عليها المجات والعليقات دى ب 30 ج المتر تقريبا على ايامى
وعليقات حرف S
دى الواحده بجنيه وربع وحامل الكاسات وحامل المناديل بصى روحى العربى هتلاقى كل اكسسوارات المطبخ انا جايبه من عنده كنت بنزل بنفسى انا وخطيبى
العربى فى ميدان الجامع وفى الرويعى

محلات النجف ف طنطا معرفش اسامي بس هقولك اماكن
هتلاقي ف شارع سعد الدين...من اوله وانتي نازلة من القنطرة...خديه كله كدا هتلاقي اكتر من محل
في ف سعد الدين منير محروس عنده نجف
في محل او اتنين قصاد سوق ناصر
في شابوه الي ف شارع البحر...
في محل ف شارع البحر بردو قريب من المعرض كدا
اممم لو افتكرت حاجه تانية هقولك

دودى ميرسى على الرد ياقمر

بس ممكن العنوان بالتفصيل لانى من المنصوره مش من القاهره وممكن اروح اجيبهم وانا بجيب النجف ان شاء الله

semsema_semsemy;10444133:
دودى ميرسى على الرد ياقمر

بس ممكن العنوان بالتفصيل لانى من المنصوره مش من القاهره وممكن اروح اجيبهم وانا بجيب النجف ان شاء الله

الرويعى قدام جراج العتبه أنزلى العتبه وألف من يدلك
طمنينى خطيبيك وصل؟

لسه يادودى والله الرحله 3 ساعات تقريبا انا عماله الف فى المنتدى عشان الهى نفسى بدل التفكير

تسلمى ع الاهتمام بجد

اه في كمان جاليري وليد النجار ف بطرس بعد تقاطع الحلو
وفي عمر بن عبد العزيز ف اكتر من محل...وانتي داخله من البحر كدا بعد الطيبات بشوية...وفي محل عند تقاطعه مع حسان ابن ثابت

lekaa139;10441053:



ايوة ياجميلة بالظبطططط

وفعلا اللي بتقولية دة مامتي قالتلي علية لاني لاقيت كل اللي عندي هوت شورت وقمصان قصيرة بحمالة

او نص كم بس قصير مووت وفعلا بشتري بقى حجات تنفع زي مابتكلمي كدة

ربنا يخليكم للي زينا ياااااااارب :D ويابنات علفكرة كمان ماركة JIl اللي قدام جويا في وسط البلد محمد فريد جبت منها حجات عسووولة واسعارها برضة 80 و90 وكدة بس لسة مش غسلتهم ولا جربتهم بس قطنهم حلو اوووي وكمااان شارمين تحفةةةة وعندهم الفوط بتاعتهم جميلة اوووووي

والبرنس الرجالي كمان من عندهم حلو اوي ومكملش 200 جنية

وماركة MILK بتكون بنطلون ساتان والبدي قطن وبتكون ب100 و110 و150 يعني في الحدود دي وحلوة

وماركة K.B برضة جميلة اوي

:)

كل الماركات اللى قلتيها يا لقاء جميلة و حلوة ما شاء الله

انا كمان كانت كل هدومى هوت شورت و لبس دلللع و حمالات و كدة و قلت لو رحت لحماتى اصلا مش هقعد بقمصان نوم حتى بكم لانى مش بحب الاستايل ده و كنت بلبس لبس خروج كالما انا برة اوضة النوم

بس ربنا قدر انى بعد 3 شهور من جوازى اعمل عملية اجهاض و فوجئت لما جيت ادخل المستشفى انى معنديش حاجة اقدر البسها

بعد الشر عليكم كلكم يا بنات بس الواحد بجد لازم يبقى عامل حسابه للحاجات دى :)

Muslma;10439126:

بنااااااات ادعولى فاضل 3 ايام على الفرح:rolleyes:

انا نزلت النهاردة الكوافير وعملوا لى ماسك وحمام كريم ومسكت ابرة كده حطيتها فى الانف قالت للبثور بس وجعتنى جداااااااا:confused:

بس كويسة

بس مرهقة مووووووووت ونفسى اناااام جدا وحاسة ان وشى مرهق اوى وخسيت:rolleyes:

الحمد لله جبت الفستان خلاااااااص
بقى معاااى اخيرا باركولى
وجبت شوز الفرح من اربل اللى بعباس العقاد حلو ولا ايه؟:eek:

وحجزت كمان فستان الحنة الحمد لله

وجبت الاجهزة دى ماشاء الله
(y)
تلاجة كريازى نو فرست 20
وبوتجاز كريازى قديم

وغسالة توشيبا فوق اوتوماتيك 10

وسخان اوليمبك

بس المكواة اجيبها ايه عايزاها بخار

وكمان الكاسيت ؟(f)

الف مبروك يا مسلمة وربنا يتمم بخير انتى وكل البنات يارب وقوليلى ربنا يكرمك اسعار الغسالة والبوتجاز والتلاجة وجزاكى الله خير

[QUOTE=اشرى;10440995]



ربنا يكرمك يا قمر شوفتيه فين الطقم الاركوبيكس يعنى اسم المحل والعنوان بالظبط عشان اديه لخطيبى يجبهولى عشان انا مش من القاهرة ربنا يكرمك وكان لونه ايه

إزيكم يا بنات دى اول مشاركة ليا
أنا بجد بشكركم اوى لإن انتم ساعدتونى كتير لما كنت بجهز لفرحى وكنت بدعيلكم كتير اوى أنا الحمد لله اتجوزت من 4 شهور تقريبا وبجد مش هقدر اوصفلكم استفدت منكم اد ايه ربنا يباركلكم يارب
بجد الجواز ده أحلى حاجة فى الدنيا الحمد لله رب العالمين ربنا يسعد كل اتنين متجوزين ويرزقهم الذرية الصالحة ويرزق كل البنات بالازواج الصثالحين
ربنا يجمع كل قلبين على طاعته
وعايزة اقولكم من خبرتي البسيطة لكل بنت هتتجوز قريب او اتجوزت
خليكي كل يوم مختلفة بجد دى حاجة مهمة اوى مش عايزين نهمل ف نفسنا ولو يوم واحد جوزك ده اغلى حاجة عندك ف الدنيا خليه دايما يشوفك ف احلى صورة حاولى تسعديه ع اد ما تقدرى
بجد هتاخدى ثواب كبييييييييييير اوى
ساعديه انه دايما يقرب من ربنا فكريه دايما بالأذكار خلو بيتكم بيت مسلم جميل بعيد عن الاغانى والمسلسلات والافلام واى حاجة تغضب ربنا
هتلاقوا ربنا مبارك لكم ف كل حاجة
اسعديه ولو بوردة تحطيها ع مخدته او تستقبليه بيها
كل يوم وهو نازل الشغل ادعيله كتير
معلش طولت عليكم انا متأسفة
بجد ربنا يسعدكم كلكم انا بحبكم اوى فى الله
وعشان المخالفة
عايزة اعرف الاقى منتجات حبيبة فين ؟ وأسعارها كويسة ولا لا؟
وجزاكم الله خيرا

flower20009;10439563:

انا بردو نفس السؤال بس لبنات القاهره

فيه طبعا سمير وليم اللي في اشارة روكسي، وفيه واحد تاني بقي متخصص في لوازم الكوافيرات وكده بس عمري ما دخلته بس الواضح انه محل كبير ومعروف، بصي انتي اكيد هتعرفيه لو فكرتك بمكانه عشان انا بحس انك خبرة في جسر السويس والتجنيد :D:D:D
هو اسمه سعيد سالم تقريبا، عند كوبري التجنيد ، لو تعرفي فرع موبينيل اللي هناك تحت الكوبري اللي قصاد حدائق 6 اكتوبر، انا بشوفه من فوق الكوبري دايما او بعدي عليه من بره كده.

pascotta;10440832:
ana ayza el ayma ya banat

الف مبروووووووك يا بسكوتة معلش جت متأخرة بس مكنتش عايزة اعمل مشاركة مخالفة ومكنش عندي ردود قبل كده علي حاجة.

بنات فيه عرض في سبينس علي بيبي ليس ب 170 وده الموديل بتاعها بس مش باين من الصورة ولا التفاصيل هي عادية ولا للمبلول كمان بس اظن العادية:
Babyliss Hair Iron Ceramic St26

ايه ده العروووووووووووووسه هنا يبنات اقبضوا عليها
حبيبه مادو الف مبروك ياقمر وربنا يارب يرزقك بالذريه الصالحه
احكيلنا بقى لبستى يوم الفرح لما روحتى :) وفى الصبحيه لبستى ايه
على فكره السؤال ده اجباري ههههههههههههههههه
الف مبروك ياقمر

ازيكم كلكم يا حبايبى وحشتونى عاملين ايه انا هسافر ان شاء الله يوم الاربع السعوديه وهبقى اكلمكم من هناك لما اوصل واستقر واشغل النت علطول عشان اكلمكم واوريلكم الصوور والشقه وكل حاااااجه لانى مش لاحقه والله وهمشى دلوقتى من عند ماما كمان ويه بقى ماشى وادعولى بقى عان انا زعلانه ومخنوقه اووووووى


وسلامى ليكوا كلكم وكتكوته وموررررووو وروزى ورامزينا ودينا ودندن وكلكم والله مش مركزه


وعشان المخالفه

اجيب كام طقم ملايات مشجر ومطرز؟؟؟؟

أجمل ايام العمر;10440543:
انا بابا بيقوللى ان خشب ان اند اوت اى كلام و مينفعش فى بلدنا و مع استخدامنا و بعد فترة بيتبهدل

:ss:






12 كفاية قوى يا قمرة

و سعرها كدة كويس قوى ما شاء الله

ربنا يتمملك بخير يارب





الفوط الضغننة دى بتبقى فوط بتتحط جنبك فى الكمود بتاعك او فى الشوفونيرة و بتستخدم بعد الجماع عشان تمسحى بيها الافرازات




(y) (y) (y)

ما شاء الله ربنا يباركلك يارب و يرزقك الذرية الصالحة المعافاة عاجلا غير آجلا يارب






هاتى 6 فوط للضيوف و 6 للاستخدام بتاعك انتى و زوجك و 4 بشاكير

و البيجامات 6 كفاية :D






عايزة بس يا حبيبتى اقولك والله ان الاجهزة دى حظوووووووووووووووظ

يعنى انتى استخيرى الله و ادعى و انزلى اشترى و مفيش حد بيجيب احسن حاجة فى الدنيا :)

انا عندى كريازى القديم فى البيت البوتاجاز و شغال ما شاء الله زى الفل



الله يحرقهم يارب ويبعدهم عنك

وعلشا ن المخالفه
كنت عاوزة اسئل عن البراون سيللك ابيل لو حد عنده يفيدنى كويسه ولا بتقصف الشعر ولا بتشيله من جدوره

انا عندى براون سيلك ابيل هدية العروس

منفعتش معايا خااااااااااااااالص

بتطلعلى حبوب و بتطلعلى الشعر تحت الجلد و بهدلت بشرتى جدا ولما سالت عرفت انها مش بتمشى مع كل الناس و انا من الناس اللى ممشيتش معاهم للاسف

مفيش احسن ولا انضف من السويت (y)





انا عندى غسالة الاوتوماتيك ايديال اكواتيك و حلوة بس فيها عيب خطييييييييييييير

بتطلع الغسيل مكرمش جداااااااااااااااااا :ss:

meshmesh 2009;10438931:



اسعار منتجات حبيبة حلوة تمنها فيها و تستاهل تمنها و فروعهم اللى اعرفها فى جنينة مول و فى الرحاب مول





مفيش حخاجة اسمها المفروض

انا مجبتش ملايات فردانى

انا جبت 6 ملايات الىل هم بيكونومعاهم كيس مخدة و 2 خددية و على فكرة سادة كلللللهم و مفيهمش شغل ولا اورجانزا و لا كرانيش ولا اى حاجة

عشان انا ذوقى كدة بحب الحاجات البسيطة ...

و ماليش دعوة بالناس و ماما فضلت تقوللى حماتك و منظرنا قدام الناس و انا بصراحة مشيييت اللى فى دماغى

و كمان مفرش السرير

انا مفرشتوووش

ماما كانت جايبالى واحد من الامارات ب 3000 جنيه

محطيتوش على السرير و فرشت الكوفرتة الفايبر اللى زى المفرش بتاع السرير

و ماما طبعا مكنش عاجبها بس انا كنت شايفة المفرش اوووووفر و كتير قوى و زاحم الاوضة انا بحب الحاجة السيمبل

وعلى فكرة حماتى و كل اللى دخل بيتى قاللى عمرنا ما حسينا براحة نفسية ما شاء الله زى اللى حسينا بيها فى بيتك و ذوقك مفيهوش بهرجة ولا كلكعة

مفيييش احلى من البساطة

ربنا يسعدكم يارب و يتمملكم بخير يارب






المكواة هاتى باناسونيك ممتازة عندى

و بشتغل بيها كتير ما شاء الله



[/CENTER]

ازيك يا هدي يا حبيبتي ربنا يقومك بالسلامة
بصي يا حبيبتي بالنسبة للغسيل عشان ميبقاش مكرمش اغسليه على درجة حرارة 40 وحطي الغسيل مطبق في الغسالة انا دايما بعمل كده والحمد لله بيطلع تمام ومحتاج يتفرد بس بالمكواه ده إذا احتاج مكواه كمان

وعايزة اسأل على حاجه حد جرب مكواه هدوم فيليبس ؟؟؟