شوق وحنين للجنة;10444732:
إزيكم يا بنات دى اول مشاركة ليا
أنا بجد بشكركم اوى لإن انتم ساعدتونى كتير لما كنت بجهز لفرحى وكنت بدعيلكم كتير اوى أنا الحمد لله اتجوزت من 4 شهور تقريبا وبجد مش هقدر اوصفلكم استفدت منكم اد ايه ربنا يباركلكم يارب
بجد الجواز ده أحلى حاجة فى الدنيا الحمد لله رب العالمين ربنا يسعد كل اتنين متجوزين ويرزقهم الذرية الصالحة ويرزق كل البنات بالازواج الصثالحين
ربنا يجمع كل قلبين على طاعته
وعايزة اقولكم من خبرتي البسيطة لكل بنت هتتجوز قريب او اتجوزت
خليكي كل يوم مختلفة بجد دى حاجة مهمة اوى مش عايزين نهمل ف نفسنا ولو يوم واحد جوزك ده اغلى حاجة عندك ف الدنيا خليه دايما يشوفك ف احلى صورة حاولى تسعديه ع اد ما تقدرى
بجد هتاخدى ثواب كبييييييييييير اوى
ساعديه انه دايما يقرب من ربنا فكريه دايما بالأذكار خلو بيتكم بيت مسلم جميل بعيد عن الاغانى والمسلسلات والافلام واى حاجة تغضب ربنا
هتلاقوا ربنا مبارك لكم ف كل حاجة
اسعديه ولو بوردة تحطيها ع مخدته او تستقبليه بيها
كل يوم وهو نازل الشغل ادعيله كتير
معلش طولت عليكم انا متأسفة
بجد ربنا يسعدكم كلكم انا بحبكم اوى فى الله
وعشان المخالفة
عايزة اعرف الاقى منتجات حبيبة فين ؟ وأسعارها كويسة ولا لا؟
وجزاكم الله خيرا
ربنا يهنيكي حبيبتي ويجعل ايامك كلها سعاده
tota_10;10447392:
أنا أعصابى تعبانه اوى يا بنات ادعولى ربنا يفك كربى .. حتى كمان مش عاوزة انزل اشترى اى حاجه فى جهازى .. حاسه بعجز فظييييع .. وحاسه انى مش قادرة اتحرك من مكانى من الهم ..
وعشان المخالفه .. حد يقولى أحسن ماركات للأجهزة الكهربائيه (غساله - ثلاجه -بوتجاز - تليفزيون - مكواه -سخان)
ربنا بفك كربك بس اهدي كده واذكري الله واستغفري كتييير وقوليلنا مالك ولو ممكن تفضفضي لينا ده هيريحك
eng_banota;10448285:
هااااااااى بنوتاتى حبايبىىىىى ... اخبراتكو ايه؟... يارب تكونو جميعا كويسين وبخير
اولا واخيرا احب اشكر كل اللى اتفضل بالرد عليا واشكر برده الباقى لحسن المرور الكريم
يا بنات بليز ركزو معايا ... انا المشاركات عندى بعضها مش بتكون باينه كلها فى بعضها بيكون نصها اليمين مختفى والشمال هو اللى باين وبالتالى مش بعرف اتابعها خالص ... فبليز هو ده سببه ايه ؟؟؟؟؟؟؟
البنوته اللى كانت بتسأل على حد من بنها انا تحت امرك فى اى حاجه ... اصلى انا من بنها العسل:)
من بناتيت منتدى عروس الحلوين ... عايزه اعرف ايه افضل اماكن لبيع الانجيرى فى وسط البلد ... انا عارفه ممر كده فى كذا محل من ضمنهم واحد اسمه دنيا النغم والباقى جنبه يا ترى فى وسط البلد غيرهم؟؟؟؟
اخر حاجه بئا ادعولى انا وخطيبى... مش بيقولى كلام حب خااااااااااااااااااااااااااااالص اهئ اهئ اهئ ومش عارفه اعمل اييييييييه:confused:هو ده كده طبيعى ؟؟؟ دانا كنت فاكره ان ايام حطوبتى ده هسمع فيها كلام حب لما ازهق... الموضوع ده ليه حل ولا افقد الامل ... فيدو اختكو الغلبانه والنبى
يارب جميعا تبئوا فى اتم صحه واحسن حااااااال ويوفقكم جميعا انتو وانا وبنات المسلمين... قولو امييييييييين... ومرسيه مقدما لكل اللى هيتفضل بالرد عليا ...وبحبكو جداااااااااااااا
بصي لو حكايه ان المشاركات عندك بيظهر جزء وجزء لآ موجود عندك باستمرار يبقي ده ممكن يكون من نسخة الويندوز عندك علي الجهاز فشوفي كده او اعملي سكان للجهاز كله
وماتزعليش ياتوتا من خطيبك هو اكيد محوشلك كل حاجه حلوه بع الجواز ان شاء الله ومش معني انه مبيقولكيش كلام حلو يعني مثلا انه مش مهتم بيكي لا طبعا هو بس عارف ان المفروض يبقي فيه حدود بينه وبينك لانه مش زوجك دلوقت وربنا يارب يعجل بزواجك وتتهني ياقمر
drlayali;10449441:
بنات بليز محدش يعرف اتليه فرحه الي في عمارات العبور عنوانه هناك فين بالظبط
واخبار فساتين الأفراح هناك ايه والأسعار
اتيليه فرحه عنوانه عمارات العبور عماره 12 وليهم في الدور الارضي ودي اسعاره بتبدأ من 800 وانتي طالعه وفي نفس العماره في الدور 12 بس ده فيرست يوز واسعاره اغلي طبعا وفيه كمان سكاند يوز بيبدا من 1800 وفيه حاجات حلوه عنده
شوق وحنين للجنة;10451170:
آمين يارب ربنا يكرمك ويتمم ليكى على خير ويسعدك فى الدنيا والآخرة
سؤالى بقى حد يعرف حارة اليهود بيتباع فيها ايه ؟
بصي ياقمر حاره اليهود فيها حاجات كتير بتتباع بالجمله للتجار بس انا بروحها بجيب منها تحف وبراويز زي الشمعدانات والساعات وحاجات تانيه كتير بس بصراحه حاجات تحفه بروحلها مخصوص
وتمنها ارخص من المحلات اللي بره