تجمع حوامل و امهات البحرين لشهر الفضيل " رمضان" 1430ه

صوت خيو نورتي

وينش كل نوم وحشتينا؟؟؟؟؟؟

شروووق عليكم بالعافية .. مسكينة السمجة شكلها معوبل خخخخ لكن اكيد طعمها حلو .. محشية في الفرن؟؟
الكباب شكله مغري
ام عبود وقنوت و بطة .. يووووو حتى امي جدي .. اذا تحط الطبخة تقول اكليها مالت ملل اليوم و ما استوت عدل عشان المدح بس اخواني يوم التجمع مدح من النوع الثقيل :D

ام فوفو و فاتي هلا و غلا .. بخير الله يسلمكم

ام زينة لا تحاتين .. احين المكان ضيق على البيبي غير انش صايمة

فراولة اني بعد تتكور و ساعات احس بالكوع مالها يعور .. البارحة مسكينة بنوتتي فيها ابو فاق خخخ كأن جدي يسمونه

تهون .. ذكرتش البارحة رايحة السيتي سنتر و شفت بجايم لاسنزا و ذكرتش بس ما اشتريت لأن قريب بسكرون بس دخلت و طليت
الليلة بروح اشتري لي حق النفاس لأن خلصت اغراض البيبي خلال هاليومين بخلي موضوع التجهيزات

بالعافيه عليها الحلوة

يله احنا في انتظارهم التجهيزات

يتوووووووووووووووم .. يوووو ذكرتيني بروحي ايام اللوعة و الترجيع .. اني في حالتي و يجون لي ناس ريحتهم تغث و تجيب الزوعة غصب .. سيدة كنت اشغل المبخر و ارش عطر .. لوع الله جبدهم

فراولاية اني زوجة اخوي صادها تكيس و هي حامل و سووها عملية و هي في الشهر السابع اذكر كانت دكتورة صباح بيج في العسكري

نوورة هلا و غلا

تهاني .. لا مو نووم .. الساعة 9 و نص قاعدة بس خليت الثياب في الغسالة و على ما اغسل و جدي


خاطري انام لأذان الظهر ما اعرف رغم اني انام الساعة 4 و نص


شخباركم بعد؟ :D

هلا الله يسلمج صوت صج صوت عاد لا تخرعيني

كلش ولا العملية الله لا يقول ان شا ءالله

فراولاية .. بعيد الشر عنش .. زوجة اخوي لأن كان من النوع الخطير على حياة البيبي
انتين ان شاءالله طبيعي لو كان شئ خطير انجان الدكتورة قالت لش
لا تحاتين الله يبعد عنش الشر خيو

تسلمين حبوبة شلون يعني خطير على البيبي ؟؟

اي انا قلت لو في شي جان قالت الدكتوره عنه

ما ادري بس اذكر الدكتورة قالت لها آرجنت لازم عملية
برب اشيل الثياب و يمكن ارجع بعد الصلاة

اي ما تشوف شر ان شا ءالله

حياج الله حبوبة

افففففف بنات ملل تعالو خلنا نسالف احس بملل وتعب

باك وين راحو ؟؟

يله حبيباتي اشوفكم على خير ان شا ءالله

سامحيني ام زينة انا تعبانة شوي ورايحة البيت اشوفج باجر ان شا ءالله

فراوله انا ولدي انقلب من الشهر السابعوعن التكيس ماظنتي ينزل لان انا اخر مره ياتني الدوره العام في رمضان وبعدين عرست وبعدين حملت وطرحت ورجعت حملت

ماعليج شر فراوله والله وياج

مساءء الخير

اليوم اول ما قعدت الصبح قاعدة ارجع
والم ماني قادرة منه
رجعت على السرير ماني قادرة وارد ارجع
قام زوجي قال لي بنروح المستشفى قلت له تعبانة ابي انام
وقام مسكين غير الفراش على ما اسبح ورديت نمت
عاد الساعة 11 قعد الا انا قاعدة ما نمت
قال لي يالله نروح المستشفى ما في فايدة من القعدة

اتصلت بدكتورتي وقالت لي تعالي ورحت لها طلع الضغط مرتفع وزفتني لاني صايمة وخلتني افطر قدامها
وقاست البيبي وقالت لي انه اوكي بس قالت لي لازم اسوي ان اس تي .. علشان دقات قلب البيبي
وقالت لي ان بعد 4 ايام اجي مرة ثانية

واروح كل يوم اقيس ضغطي
بس لين ما اوصل 37 اسبوع وتكتمل رئة البيبي

وعطتني حبوب عن الترجيع
وبس هذا اللي صار

اي وعطتني بعد اجازة ابتداء من يوم الاحد لمدة 8 ايام
يعني اتمددت اجازتي اسبوووع خخخخخ اقول لها بتنتهي اجازتي الا تقول لي قولي لهم بتولدين الاسبوع الجاي شلون اتداومين
وما ادري من صدقها باقي اسبوع واولد
اصلا ماني مصدقة

,,السلام عليكم.. شخبااااركم امهات الدبة وامهات الكتاكيت؟؟
بطة ماتشوفين شر حبوبة.. يالله هانت مابقى شي
واحنا وراكم,, حاسة ان باقي لي واجد على الرغم ان مابيني وبينكم شي

ام زينة و فراولة ان شاءالله مافيكم الا الخير
بطة ما عليش شر خيوو زين رحتين للدكتورة .. افطري خيو الله ما يرضى بمضرتش
ام عبود .. امش فن خخخ تبي لها واحد يقنع و يمدح ع ثيل عشان تصدق

دمعة هلا عيوني .. دبتي تسلم عليش :D

بنات قولولي شاسوي عشان اولد بسرعه