حنين ام;10433570:
حوامل الله يسهل علينا ان شاء الله ونولد بالسلامة :wink:
بسألكم عن الفيتامين انا الدكتورة كتبت لي فيتامين اسمه elevit وحاليا ما في الصيدليات والحين انا ما اشرب شي :ss:
Daloo3t_Obooy;10434020:
لا حبيبتي خذي راحتج في الهذرة احنا نستانس على هذرتج وخبرتج :)
الحمدلله انج تطمنتي على سلامة البيبي واحنا بس هالوسواس ذابحنا الا مانحس فيه والا مادري شنو، انا نفسج ماحس الا كلش خفيف بشد والا الم خفيف في البطن تحت ثواني ويروح تحسين هالشي طبيعي؟
وابي اتأكد من شغلة بعد متى يبين الحبل السري وينعرف مكانه والله مادري شلون وريلي كله يقول لي لاتوسوسين مايدري ومايحس لأنه مو كرشته هههههههه
بس الحمدلله بكره موعدي وان شاء الله الدكتورة تطمني ويبين جنس البيبي هالمره عدل وابشركم :)
engineera83;10434124:
يتصفح الموضوع حالياً: 4 (4 عضو و 0 ضيف) engineera83, لوليكي, يتوم, روح الربيع
شخباركم بناااات اقصد كروووشااات وشخبار بيبياتكم
لوليكي;10434257:engineera83
هلا حبيبتي الحمد لله انا منيحة
بس اليوم حاسة بوجع في ظهري
كيفك انت؟
قلب البتول انا فلسطينية مغتربة بماليزيا
قلب البتول;10432427:
عجل بنكبرج وبنسميج ام محمد
Daloo3t_Obooy;10433975:
والم الظهر عندي انا واصل التوب هالأيام من اقعد من النوم احس ظهري بينقص نصين والنومة في الليل كله اتقلب مادري شلون ما ارتاح على وضع كلش لأني كنت متعودة انام على بطني والحين مايصير :(
јǿđ;10435102:
اووه ذاك مذكير اللي بالرفاع الغربي
لااللي توصل لج مسجات هو الواحه سنتر اللي بالبحير (y)
قلب البتول;10436150:
جوفي عمري انا اذا اروح الى الاشعه تلون الدكتورة الحبل السري تسوية ازرق واحمر وانا اجوفة هالهو قريب من البيبي او بعيد وارتاح وفي ناس اقولون الحبل ساعات اكون بين رجايل الجنين فما يبان نوع الجنين لكن لما يتلون اصير معرفة الجنين احسن وافضل
ويلى ننتظر اخر الاخبار عاد مو تفرحين وما تفرحينا معاج انزين بسألج احساسج فيج شنو نبي نعرف صدق احساس الام يصدق او لا
روح الربيع;10434633:
والله اذا تعبت ماعاد يجي لي نفس ادخل نت والحمدلله هاليومين احسن
شقوره;10436222:
عادي حبيبتي تصدقين عاد محد يسميني ام محمد الا زوجي في بعض الاوقات لمى بيناديني في مكان زحمه يستحي فيقول لي ام محمد
ههههههههههه سكتي انا زوجي ما يناديني بأسمي اذا نطلع ولا بأسم عيالي ساعات اشك فية اقول لة انته تعرف شو اسمي اذا نطلع ويبي انا ديني اقول لي هلا او الو عبالة يتكلم الاخ بالتلفون وتعودت علية اللحين
يعني انتي الدكتوره تسوي لج اشعه ملونه كل مره؟؟؟ وشسم الدكتوره الي اتابعين عندهى ؟؟
لا ما اسوي كل مرة اشعه ملونه بس في نهاية الاشهر لان خطر الحبل السري يكون بنهاية الاشهر لان المكان اصير ضيق ويكبر البيبي وفي بداية الاشهر اتراوني اياه بدون الوان
انا اسوي اشعه عند فهيمة المطوع مع ان في وايد دكاترة بس انا ما ارتاح الا لها
јǿđ;10435203:
مرحبا بنات شخباركم؟
امس رحت مع ابوي واختي السعودية .. كان عندها موعد
وانا اليوم المفروض موعدي لأنه تأجل
المهم خلصت وابوي طلع معاها من الغرفه انا رديت من دون ما ابوي يحس
وسألت الدكتور لو وحده حامل عادي تقويم
قال لي انصحها تبعد عن التقويم الين ما تولد .. واانا اهني توهقت
رحت سألت الريسبشين قالوا التنظيف عادي
وربي سهلها لي
ابوي راح المبنى الثاني وانا رحت سألت دكتورة اسنان عن موضوع التنظيف
قالت لي اهم شي اشعه والبنج ما تسويهم
ف انا يلست مترددة حدي بالسيارة
اقول حق ابوي اولا
ف قلت لهاذا تأخرت 4 او 5 شهور عن علاج اسناني عادي تسويه لي بعدين
قال لي ليش! اذا بتتأخرين يعني انتي ما تبين .. قلت له لا
صار لي ظرف مو بإيدي
قال انتي حامل
قلت له ايه انا حامل وبعد يومين بدخل الخامس وما ابي امي تعرف
عشان ما تحن على المووضوع
المهم سكت ما قال شي
كانت له صدمه ههههههههههههه
ما عبر عنها الا بالسكوت لوول
بعدها رحنا مجمع الظهران .. شرينا حق عيال عمي 3 فساتين
الصراحه رووعه محلاتهم هناك حق البيبيز ورخيصه اسعارهم وتسوى
يعني الفستان الواحد اللي حده كيوت حق هالسنوات (5 \ 7 \ 10 ) تلاقينه ب 12 او 10 او 9
المهم شرينا وطلعنا و رحنا بيت عمي
يلسنا سوالف وضحك وتعشينا .. لين الساعه 1 ابوي تكرم ورد من بيت عمتي خذانا
وعلى ما وصلنا البحرين الساعه 2
بس جد تعبت .. ابوي من النوع اذا يسوق
لازم سرعه .. وشوارع السعوديه الصراحه لا علي عليها
وواااايد مأساه اخس من البحرين
يعني كل شوي الا مرتفع الا حفرة صغيرة الا تعديل الشوارع وما اعرف ايش
قلت آخر مرة اجي اذا كذا ..
اختي تقول قولي حق امي وخاصه انها متقبله فكرة الحمل
بس انا قلت لما ادخل السابع بقولها
انا مو مستعيله وايد
دلع7;10435336:
هلا حوووووووووووووووووامل شلونك شلون الحمل معاااااااااك انه ابي بسسسسسسس اكل ابللللللللع
كله يوووووعااااااااااااااااااااااااااااااااااااااااانه كل اشوي اروح افتح الثلاجة واكل شي شلون بنات عن حركة البيبي بولدي احس بحركتة عدل هالمرة احس الحركة اقل ماادري لانها بنوته تدلع خخخخخخخخ والوسوووووووووووووووواس ذابخنيييي مانصدق نولد ونشووووووووف بيبياتنا بصحة وسلللللااااااااااااااااامة
شقوره;10436361:
ضحكتيني بسالفة زوجش يذكرني بابوي اذا برع ماينادينه باسامينه يا تششش ياهلوو ههههههههههههههههه
دكتوره فهيمه صراحه رحت لهى بداية حملي وعجبتني واايد بس انه كنت ابي دكتوره شامله للمتابعه يعني تسوي تحاليل وجذي تصدقين انه اتابع عند هدى ولا ادري اذا اهي الي بتشرف على ولادتي او لا فولادتي الاوليه كنت اتابع الصبح ففلولاده يمكن مرتين مرو علي دكاتره ومره دكتور الي حط لي ابرة الظهر وبعدين الي تابعو ولادتي كامل اهمه الممرضات واهمه الي ولدوني وبعدين يات دكتوره للخياطه فمادري احين شنو بيصير النظام
اله بسالج دكتوره فهيمه تولد بعد يعني لو تطلبينهى وتختارين المستشفى اتيي اتولدج؟؟
قلب البتول;10431223:
ايوووووووووووووووووووووووووو توج عروس مبروك ولو انها متأخرة
وزوجج ما ادري لازم بيعرف شو فيج بس اتفقي معاه على السرية التامة
وما خبرتينا عرفتي شو نوع البيبي او للحين وانتي خاطرج بشنو يكون بكرج
قلب البتول;10431322:
دمعه وينج ليش مو مذكور اسمج بالقائمة معانا
شخبار الحمل معاج وشو اخر تطوراتج وهالعرفتي نوع البيبي او لا وشخبار متابعتج مع الدكتورة
ومتى تاريخ ولادتج
يلا نبي نعرف الاجوبة عاد
وهال عندج اعيال قبل او اول حمل لج
قلب البتول;10436374:
على حركة البيبي انا اوسوس وايد فيها وتوني رايحة امس الطوارىء على هالسالفة
بس نسبيا الحركة مع الايام تزيد انتظري وجاينج الخير اهو رفيس وبكسات وتقلب
شو قررتين تسمينها اللحين
јǿđ;10437151:
مرحبا بنات شخباركم؟
بروح بيتنا بعد ربع ساعه
عشان امي تبي تروح بيت بنت خالتي
توها منتقله بيت جديد جعله مبارك عليهم
وزوجي يقول قولي حق امج عن خبر حملج لا تسمعه من غيرك وتزعل
ما فينا شدة ف انا قررت اقولها
بس والله خايفه حدي
لأني مجربه امي حتى ما كلفت نفسها مرتين تقول لي مبروك
هالمرة الله يعين بس
والله خاطري بيوم بحياتي اسمعها منها
الله يهديها .. دعواتكم بنات تتقبل هالموضوع بصدر رحب
ويوم ارجع بقولكم شنو صار
قلب البتول;10431188:
هلا خوالي اشلونج وشلون ولد معاج
وبما انج بتسوين صورة تفصيلية نبي اخبارج بالتفصيل بعد
وربي يطمن قلبج قلبنا على اللي في بطنا
شقوره;10436462:
زينب الجفيري جم تاخذ فكل متابعه ؟
سؤال خارجي انتي من وين هههههههههههههههههه
خوالي;10438169:
هلا حبيبتي قلب البتول
شخبارج وشخبار عيالج ان شاء الله بخير
اليوم سرت وحياتج ف المستشفى من 8 الصبح لين 12 الظهر الا تحالين وخرابيط
وعلى حظي دكتور اجنبي بس معاملته وايد حلوه
المهم يوم كشف يبا يسمع دقات قلب نونوتي وهو يدور يدور ماشي صوت الا مال الهوا
وقلبي طاح فبطني بعدين ياب جهاز الالتراسواند الصغير وظهر مكان قلبه ووحط جهاز القلب عليه وسمع والحمد لله اوكي
وقالي سيري سوي الصوره
يوم سرت عاد هني مت من الخوف زياده اقولج البيبي اوكيك الحمد لله بس قالت لي المشيمه نازله تحت قالت مافي خطوره الحين بس عقب مب زين
بنات اذا حد عندها معلومه بخصوص هالشي تخبرني لاني وايد خايفه بس الحمد لله كلشي بيد رب العالمين