قلب البتول;10431479:
بنات شخباركم جميعا انا للحين صامدة ماعرفت نوع البيبي واهلي زادت اسألتهم يبون يعرفون شو فيني مع اني ما مرة حملت وخبرتهم شو فيني اسويها مفاجئة
انا رحت الطوارىء عشان اجيك على البيبي لان صار لي يوم ما حسيت بحركته وخفت وقالي زوجي قومي الطوارىء بدل الوسواس اللي ذبحني المهم رحت وكان كل شيء اوكي وجفت البيبي يتحرك وحاولت اخليهم اخبروني شو فيني ما رضوا
يلا بنتظر موعدي 20- 10 وبجوف الدكتورة بتخبرني او لا اذا خبرتني كان بها واذا ما خبرتني بنتظر الى السابع او بداية الثامن بعدين بسوي اشعه عشان اعرف نوع البيبي
المشكلة ان زوجي اللي قاعد يحن علي يبي يعرف شو فيني ويبي هالمرة بنوته وانا اقول اللي ربي بيكتبة لي خير وبركة والسلامة والصحة دائما هم في المرتبة الاولة
بنات انا زدت على القائمة معلومات عن البلد وعدد الابناء عشان نتعرف على بعض اكثر ولان ما شاء اللة العدد زاد ونخربط فيما بينا واللي معلوماتها ناقصة او غلط تخبرنا
ما شاء اللة معظم البنات بكريات واللي عندهم عيال اغلبهم عندهم اولاد يعني اكيد خاطرهم هالمرة ببنوتات
واسمحولي على الهدرة الوايدة
لا حبيبتي خذي راحتج في الهذرة احنا نستانس على هذرتج وخبرتج :)
الحمدلله انج تطمنتي على سلامة البيبي واحنا بس هالوسواس ذابحنا الا مانحس فيه والا مادري شنو، انا نفسج ماحس الا كلش خفيف بشد والا الم خفيف في البطن تحت ثواني ويروح تحسين هالشي طبيعي؟
وابي اتأكد من شغلة بعد متى يبين الحبل السري وينعرف مكانه والله مادري شلون وريلي كله يقول لي لاتوسوسين مايدري ومايحس لأنه مو كرشته هههههههه
بس الحمدلله بكره موعدي وان شاء الله الدكتورة تطمني ويبين جنس البيبي هالمره عدل وابشركم :)