تجمع الحوامل اللاتي يلدن في شهر 3 (مارس- اذار) 2010

Daloo3t_Obooy;10439084:
احساسي يقول انه ولد لان الدكتوره في اخر موعد قالت احتمال كبير ولد كنت 12 اسبوع والكل يقول مبين عليج انه ولد، لان على قولتهم الولد حمله خفيف ومافي ترجيع ولوعه كثر البنت، وهم يقولون احلويتي وهذي من اعراض الأولاد والبنت تسمر الأم شوي يقولون، انا ماعندي فكره صراحه ماذكر اني لاحظت هالشي على اختي او احد من اهلنا ...

عموما انا احب الاثنين واللي يجي من الله حياه الله اهم شي اشوفه بالسلامه بكره واتطمن على كل شي وابشركم وياي :)

يتوم;10443224:
جود الحمد لله على كل حال ..

بس شلون تدشين الخامس وانتي 16 اسبوع ؟؟

لازم 18 اسبوع تدشين الخامس ..

јǿđ;10443465:
زوجه اخو زوجي ربت اليوم الصبح
بروح لهم الساعه 4 او 4 ونص كذا
جابت ولد :D

ذا اول ولد لهم
ربي يبارك لهم ان شاء الله فيه

Daloo3t_Obooy;10443578:
الحمدلله على سلامتها ويتربى في عزهم الولد ان شاء الله ،،،

ماقلتي لنا شنو سموه ؟؟؟ :)

بحرينية_حلوة;10443010:

صباح الخيييييييييييييير ..

و حشتووووني هال 3 أيام اللي ما دشيت فيهم النت .. الويك اند كان مزحوم شوي و امس ما داومت لأن كان ظهري يعورني شوي و ان رحت الشغل و قعدت على المكتب 8 ساعات بينقص ظهري .. فقررت اني ما داوم و أريح شوي =) .. الحمدلله صرت أحسن اليوم

خل أقول لكم عن موعدي مال يوم الخميس .. طبعا رحت و انا خايفة كالعادة .. بس الحمدلله من أدش العيادة و اجوف الدكتورة أرتاح ( سبحان الله ) .. رقدتني عالسرير تبي تسمع نبض قلب البيبي ( فديييييت قلبه انا ) .. الا اول شي مافي صوت بس هوا .. جان انا اموت من الخوف عقب حركت الجهاز صوب اليمبن جان سمعت دقات قلبه ( الله يحفظه يارب ) .. سيده جافتني و ابتسمت و انا شوي و أصيح .. أقول حق زوجي سمعت ؟!!! يقول اييي و اهوه يضحك ( الحمدلله رب العالمين )
عاد قلت لها أبي أجوفه .. جان تقول لا انتي توج داشه 17 اسبوع و احنا اولريدي بنسوي لج أشعة لي دشيتي 20 اسبوع ان شا ءالله .. الحمدلله تطمن ان كل شي بخير و قالت لي تقدرين تاكلين اي شي تبين .. لأن خبركم بداية الحمل في ممنوعات .. بس الحين قالت لي اخذي راحتج .. :D
اي وقلت لها بليز دكتورة لا تقولين لي شنو جنس البيبي .. ضحكت الا تقول اذا انتي سألتي نقول بس اذا ما سألتي ما نقول من نفسنا ..

انزين جني وايد بربرت و عورت راسكم ؟!!!
سامحوني بس هاس كلام 3 أيام متيمع :o

حنين أم .. أنا مثل Dloo3at-oboy .. جايفة جم شي في الانترنت و ناوية ارسي على واحد منهم ان شاءالله و أسويه أوردر ( ماحب اني اوزع أكثر من شكل ) .. يعني يمكن على الشهر الياي لأن مابي كل شي يتراكم علي مرة وحدة ..

Jod .. استانست لج واااااااايد انج خبرتي أمج .. و الحمدلله انها تقبلت الموضوع .. و الله يتمم لج على خير يا رب

قبل يومين كنت قاعده مع خواتي و قعدت اسألهم عن التجهيزات و جذي و سويت لي خطة بسيطة اني ابتدي من الشهر الياي ان شاء الله شوي شوي عشان ما يتراكم علي كل شي و عقب اشتري كل شي بسرعة بسرعة .. و صديقتي أمس قالت لي بعد اني اجهز من وقت شوي و ما انتظر لي الأخير لأن سبحان الله مو كل وحدة نفس الثانية .. يمكن وحدة تجدم في ولادتها و تتوهق بعدين .. فلازم نكون في ال safe side :wink:

و الله يتمم لنا كلنا على خير يا رب

لوليكي;10443178:

الولادة رح تكون بماليزيا لان السفر طويل ومتعب كتير.وانا لحالي مابعرف اتعامل مع البيبي وخايفة من الولادة كتير.

حاليا زوجي بيدرس وبيدرس بالجامعة بس الاهم هي الدراسه ووقت ما تنتهي دراسته رح نرجع ان شاء الله .
اتعرفت على عرب بس بعاد عنا مو جنبنا.
الساعة عندنا 5:27

أظن الفرق 5 ساعات

јǿđ;10443788:
هههههههههههه اي احيانا قلب البتول في ناس تسوي جذي

والله انا اللي افكر فيه ما باخذ وايد
لأنه اغلبيه هلي بالسعودية
هنا ماعندي الا اهل امي

يمكن بحدود 50 او 70
بس ما بكثر

طبعاً في توزيعين غير سيديات القرآن بس بفكر بشي حلو عشان اسويه

قلب البتول;10443755:
جود : ذكرتيني اشتري تمر لان مخلص بس بشتري التمر اليابس احبة اكثر واذا قربت الولادة بشتري التمر اللين بس خل اجوف نتيجة تحليل السكر اول عشان اعرف اي قد اكل منة

قلب البتول;10443804:
انزين واهلج اللي بسعودية ما بجون اباركون لج شكل امج بتتعب معاهم ما بجون المستشفى بس شكلهم بجون البيت لج على غذاء او عشاء برزي روحج عاد ههههههههههههههههههههههههه يبي لج كم قطعه حلوة للبس في البيت هذا اذا اهلج من النوع اللي يجي البحرين