بروكولي;10268366:
سلام عليكم بنات شخباركم مع الوحام
انا للحين هذي حالتي في عالم ثاني من التعب
جود
ان شاء الله تبلغين بشوفة البيبي في حضنج ان شاء الله
قلب البتول
ماجوفين شر وان شاء الله يرتفع نسبة دمج انتي جم واصلة النسبة عندج؟ انا اخر مرة يوم يجيكون طلع عندي 10 وانا بدون حمل يكون 13 وان شاء الله ماينزل اكثر
بنات بسألكم في وحدة معانا بصراحة مو متذكرة اسمها كانت تقول ان الجنين مو مبين ابدا شخبارها احد يعرف عنها اي اخبار طمنونا عليها وان شاء الله تكون بخير
ممم بعد شبي اقوووول اي تذكرت اخذتو لكم ثياب العيد ولا لااااا؟ انا كلش ما خذت لي شي مالي بارض اطلع واتشرى حدي امس شوي رحت السيتي سنتر واخذت لعيالي جم بدلة ومو مقتنعة فيهم بس لان هذي اول واخر طلعة لي في شهر رمضان كلش ما اقدر امشي ولا اقدر اتنفس ودقات قلبي للحين كلة سريعة وماشية على حبوب الضغط ومدوخني احسه يزود الترجيع عندي ادعو لي
سلامتج بروكولي شكلج ما تتغذين عدل وجاهده نفسج من الزين
في مسؤوليه البيت .. ارتاحي شوي وخلي اليهال عند امج او حماتج لين ما تصيرين زينه شوي