تجمع الحوامل اللاتي يلدن في شهر 3 (مارس- اذار) 2010

يتوم;10252483:
انا للحين ما خذيت موعد في المركز .. بس اتابع في الخاص .. يقولون المواعيد وايد تتأخر ما دري متى راح اتفرغ واروح

يعتمد على مدة حملج يعطونج موعد هم اول موعد لج بيعطونج اياه في الرابع انا عطوني موعدي بعد اسبوعين من اليوم اللي سجلت فية وبيكون موعدي يوم الاحد الجاي وانا اكون دخلت الشهر الرابع هي نظام مركزنا ما ادري شنو انتوا ويمكن بعد مركزنا غيروا نظامهم انا حملاتي السابقة كان النظام اللي قلت لج علية

عي المها ون;10254902:
بنات انا حظي نحس مع الدكتورة امس مارحت واليوم اتصلت قالت خلي الموعد بالليل وريلي عنده شغل ماعندي الا بكره الله كريم

لا تقولين نحس وكل تأخيرة فيها خيرة وما زلنا نتتظر اخبارج وانا اقول ما خبرتنا عيون المها عن زيارتها اتراج ما سرتي للدكتورة

خوالي;10256232:
شخباركم اليوم يابنات ان شاء الله بخير

انا اليوم حدي تعبانه وكله ضاربني كسل ونوم مادري ليش

ما فيش الا العافية ان شاء اللة والحامل كلة جدي يوم تصحصح ويوم تتكيسل عادي انا اليوم بعد ما اشتغلت وايد بالشقة مالي مزاج وظهري يألمني يادوب سويت الفطور

јǿđ;10256579:
مرحبا بنوتات شخباركم؟
اليوم جاني صداع وقسم انه توه خف عني
يوم رحت المستشفى وعطوني ادول
من الصبح بس الحين خف شوي
قلت للدكتور يعطيني اجازه يومين
وغربلتني المسؤووله كل ساعه تتصل فيني
زهقت من هالشغل ويا ليت يسوى والله
قلت لزوجي بكرة يوم اجازتي بروح ادور لي شغل ثاني
و يا رب اني احصل \\ زوجي يقول اذا ما عجبج الشغل مش مجبورة
استغيلي واجلسي بالبيت معززة مكرمه \\ بعدين فكرت فيها صعبه
ع الاقل انا اشتغل الحين والحمدلله راتبنا يكفينا ويزيد
بس اذا راتب واحد صعب كثير

يلا ربي يفرجها واحصل بكرة شغل ودوامه زين وراتبه كويس
دعواتكم بنات

ان شاء اللة عمري تحصلين شغل احسن وهالايام محد يقدر اعيش براتب واحد ولا تنسين ان مسئولياتكم اتزيد والرجال هم كدة طبعهم ما بقول لج اشتغلي الرجال عزيزين نفس ويعتبرون مصرف البيت عليهم بس هالايام الزوجة مع الزوج يتعاوننون والهدف حياة مستورة وكريمة

سلام عليكم يابنات وكل عام وانتن بخير يارب وبصجة وسلامة وعافية

ورمضان الجاي ان شاء الله تكون بيبيهاتنا ي حضننا يااااااااااارب

انا معاكوا ان شاء الله بإذن الرحمن

مرحبا بنات شخباركم؟
باقي لي كم يوم وادخل الرابع وحدي مستانسه

بالبركه اختي جوود وان شاء الله تحصلين شغل زين وراتب عالي عالي عالي خخخخ

شخباركم كروشات ومباركن عيدكن مقدما

ان شاء الله خلصتوا شغلكم انا اليوم سرت السوق زحمه زحمه من الخاطر بس الحمد لله خلصنا انا وهزاعي حبيبي

وموعدي بعد العيد متحمسه ابا اعرف فيني بنت ولا ولد

خوالي ان شاء الله الله يسمع منج يا رب

زين سويتي .. وان شاء الله تعرفين قريب ولو انه احس تصبرين شوي
احلى بس كل واحد وله رايه :)
ربي يسهل عليج ويتمم عليج على خير

عروس البحر;10262667:
سلام عليكم يابنات وكل عام وانتن بخير يارب وبصجة وسلامة وعافية

ورمضان الجاي ان شاء الله تكون بيبيهاتنا ي حضننا يااااااااااارب

انا معاكوا ان شاء الله بإذن الرحمن

حياج اللة معانا بس متى موعد ولادتج ان شاء اللة

јǿđ;10263859:
مرحبا بنات شخباركم؟
باقي لي كم يوم وادخل الرابع وحدي مستانسه

اللة يديمها من فرحة يارب شخبارج مع الشغل حصلتي شغل احسن او للحين

يلى ان شاء اللة اتحصلين شغل ترتاحين لة قبل العيد علشان تعزمينا بالهالمناسبة على سحور مرتب فية كل ما تشتهية الحوامل عشان الكل يأكل

خوالي;10264058:
بالبركه اختي جوود وان شاء الله تحصلين شغل زين وراتب عالي عالي عالي خخخخ

شخباركم كروشات ومباركن عيدكن مقدما

ان شاء الله خلصتوا شغلكم انا اليوم سرت السوق زحمه زحمه من الخاطر بس الحمد لله خلصنا انا وهزاعي حبيبي

وموعدي بعد العيد متحمسه ابا اعرف فيني بنت ولا ولد

يلا ننتظر موعدج عشان اتحمسيني اسوي اشعه بس خايفة من المفاجئة يا ربي تكون بنوته

اي نسيت اخبركم اليوم كان موعدي بالمركز الحكومي والنتيجة ان دمي نازل بس انا متعدودة على ان اكون كلة نازل سواء في الايام العادية او في الحمل

وعطتني تحليل حق مزرعه ابوال النتيجة بتخبرني عنها في موعدي الجاي

وسحبوا مني دم لتحليل السكر والنتيجة بعد في موعدي الجاي اللي بيكون تاريخ 10- 10-

قلب البتول ان شاء الله ما فيج الا العافيه
كثري من الاكلات اللي فيها حديد

مرحبا حوامل شخباركم؟ ان شاء الله تكونون بخير انتوا واللي ببطونكم ...
اخيرا اشتغل المنتدى عيزت وياه كم صار لي كم يوم متملله بدونكم ينيت وانا اشوفه مايشتغل صراحه وايد وحشتوني ووحشتني سوالفكم والله ...
انا صار لي يومين مو مداومه احس بشد في ريولي ويداتي كلش ماعبر اقوم من الفراش، تعبت نفسي هاليومين يزعم اتفن واطبخ، قلت بالمره بروح اسوي تحاليل دم وبول رحت الهلال والحمدلله كان على التحاليل تأمين صحي وتحاليلي كانت اوكي ...
بس اليوم موعد الالتراساوند ان شاء الله اتطمن يارب، انا حمدلله حملي ماكان فيه ترجيع بس لوعه بعد الفطور ودوار راس، وبالنسبه عن الصداع انا سألت وقالوا لي البندول الأزرق عادي بس اهم شي مو اكسترا الأحمر، في وحده منكم تستخدمه لاني والله خايفه يأثر او شي ...

بنات انا عايزة اعرف طول البيبى للبنات اللى فى الاسبوع ال12 كام؟
البيبى بتاعى طوله 4 سم بس وخايفة عليه

سلام عليكم بنات شخباركم مع الوحام
انا للحين هذي حالتي في عالم ثاني من التعب
جود
ان شاء الله تبلغين بشوفة البيبي في حضنج ان شاء الله

قلب البتول
ماجوفين شر وان شاء الله يرتفع نسبة دمج انتي جم واصلة النسبة عندج؟ انا اخر مرة يوم يجيكون طلع عندي 10 وانا بدون حمل يكون 13 وان شاء الله ماينزل اكثر

بنات بسألكم في وحدة معانا بصراحة مو متذكرة اسمها كانت تقول ان الجنين مو مبين ابدا شخبارها احد يعرف عنها اي اخبار طمنونا عليها وان شاء الله تكون بخير

ممم بعد شبي اقوووول اي تذكرت اخذتو لكم ثياب العيد ولا لااااا؟ انا كلش ما خذت لي شي مالي بارض اطلع واتشرى حدي امس شوي رحت السيتي سنتر واخذت لعيالي جم بدلة ومو مقتنعة فيهم بس لان هذي اول واخر طلعة لي في شهر رمضان كلش ما اقدر امشي ولا اقدر اتنفس ودقات قلبي للحين كلة سريعة وماشية على حبوب الضغط ومدوخني احسه يزود الترجيع عندي ادعو لي

قصة كبيرة;10268127:
بنات انا عايزة اعرف طول البيبى للبنات اللى فى الاسبوع ال12 كام؟
البيبى بتاعى طوله 4 سم بس وخايفة عليه

اختي اتوقع ان الطول طبيعي لان في هالشهور كلش صغير وانا سمعت من فترة ان وحدة طرحت جنينها بو اربعة اشهر وحطوه في علبة تحليل البول اكرمكم الله يعني حجمه كلش صغير :eek:

تسلمى يا قمر طمنتينى

السلام عليكم بنات صج مابغى يفتح االموقع لاعت جبدي
احب اطمنك على البيبي رحت سويت تلفزيون الحمدلله كل شي اوكي جيكت على كل شي وقالت الطول طبيعي بس الاخ ولا الاخت ماعطينا ظهره تحاول تبي تشوف الويه مارضى الا بالزور على جنب بعد بس قالت لي الحمدلله كل شي طبيعي

وامس على الفطور حنيت على ريلي اني اروح بيت هلي لانه ماشتهي شي اكله في بيت اهل ريلي الا الثريد قال مايقدر يوديني ويوم على االفطور الا الخدامه حارقه الصالونه وصايره طعم الثريد حراق على طول رحت رجعت وماكلت الا على الساعه 8 طلبت لي اكل وقلت له شفت ماكسبت في اجر ميته يوع تميت

Daloo3t_Obooy;10268072:
مرحبا حوامل شخباركم؟ ان شاء الله تكونون بخير انتوا واللي ببطونكم ...
اخيرا اشتغل المنتدى عيزت وياه كم صار لي كم يوم متملله بدونكم ينيت وانا اشوفه مايشتغل صراحه وايد وحشتوني ووحشتني سوالفكم والله ...
انا صار لي يومين مو مداومه احس بشد في ريولي ويداتي كلش ماعبر اقوم من الفراش، تعبت نفسي هاليومين يزعم اتفن واطبخ، قلت بالمره بروح اسوي تحاليل دم وبول رحت الهلال والحمدلله كان على التحاليل تأمين صحي وتحاليلي كانت اوكي ...
بس اليوم موعد الالتراساوند ان شاء الله اتطمن يارب، انا حمدلله حملي ماكان فيه ترجيع بس لوعه بعد الفطور ودوار راس، وبالنسبه عن الصداع انا سألت وقالوا لي البندول الأزرق عادي بس اهم شي مو اكسترا الأحمر، في وحده منكم تستخدمه لاني والله خايفه يأثر او شي ...

الحمدلله انج تطمنتي \ لا تجهدين نفسج كثير
اما عن الباندول يفضل تاكلين حبه وحده وما تكثرين منه
انا اكل بس حبه اذا جاني صداع