Daloo3t_Obooy;10233892:
انا حصلت لي فستان قصير من Riva وتوبين من Mamas & Papas وجينز وبنطلونين من كوخ الأمومه ...
بنات من عندها فكره عن المراكز الصحية الحكومية اذا يفتحون السبت للحوامل؟ لأني انا اشتغل ومايصير كل شهر اخذ يوم اجازه، انا ولا مره رحت مستشفى من حملت حسيت ان لازم اروح اتابع الصوبين الخاص والحكومي وعيزت وانا اتصل في مركز منطقتنا ابي موعد واسأل محد يرد ...
واذا مايفتحون السبت تعرفون مراكز خاصه تسوي هالتحليلات كل شهر؟ عشان اخذ النتايج لدكتورتي ...
لأن دكتورتي في الخاص تاخذ ضغط ووزن بس وماطلبت مني تحليل دم وبول ...
عن مواعيد يوم السبت ما اعتقد فية ما مرة بحملاتي كان في يوم سبت مواعيد بس اسالي المركز احسن
انا ما رحت شخصيا يوم اسجل بالرعاية خليت زوجي اروح اخذوا معلومات منه وعطوة ورقة فيها الاشياء المطلوبة اوديها ومكتوب تاريخ موعدي فانتي بعد خلي زوجج اروح عنج اسجل اسمج مع الحوامل
وعلى فكرة ما يحتاج تاخذين اجازة يوم الموعد لان اللي يشتغلون امشونهم بسرعه وانتي اختاري الوقت اللي اناسبج لان انتي تختارين الساعه جم تبين موعدج اختاري 7 عشان بسرعه اتخلصين وترجعين الدوام
والمركز كل زيارة يقيسون الضغط والوزن والبول ونسبة دمج وحجم بطنج ويسمعون دقات القلب وفي الشهر 5 تقريبا يقيسون السكري اذا في عايلتج ناس فيهم سكري اذا لا في الشهر السابع تقريبا يسوونه
تقدرين تروحين في الليل قبل موعدج في الخاص بيوم وتخلينهم يجيكون نسبة الدم و تحليل البول وتودين النتيجة معاج لدكتورتج بالخاص
بس نصيحتي تابعي بالخاص والحكومي وانا ما اجوف في الخاص زود وايد على الحكومي غير ان فيها اشعه ويبي لها مصاريف خاصة في الثامن والتاسع كل اسبوع او اسبوعين يبي لج روحة لدكتورة