بنات اللي وزنها فيه زياده 20 الى 30 كيلو تدخل

بنات أبقولكم شي الرجيم اللي مكتوب فوق بالصفحة رجيم السبع أيام

اللي كل يوم بوع مع الشوربا الحارقة للدهون أخذته من صديقتي قبل أربع سنوات لأنها طلعت فيه عارضة أزياء لكن يوم جربته صار عندي دوخة وفقر دم عالي ,,,,,,وتعقدت من الريجيمات بعدها


بنات الأحسن ..... غيروا عاداتكم الغذائية بس

وكولوا باعتدال وبس


لأن هالرجيمات مسوينها على ناس وناسبتهم لكن ماتصلح لأي جسم



حبيت أحذركم لأني حسيت معكم بالأمل اللي ماحسيته من قبل



وماأبي إلا سلامتكم ..........


محتكم كثيييييييييييييييييير ,,,بنوته

أدري زودتها بس عندي سؤال صغيييير لأم هيا ولا يهونون السامعين


الرز البني اللي في ريجيمك ينفع أشيله صحيح نخالة لكن هذي النخالة فايدتها لاتكاد تذكر


ينفع أحذف الرز ,,,؟؟؟

ايش أحط بداله ؟؟؟ وإلا مو لازم شي ؟؟؟؟


باااااااااااااااي ,,,آسفه مع السلامة ((حنا عرب ))

السلام على كل من في المنتدى

انا يا خواتي ربيعة ام هيا وهي اتصلت بيه ووصتني أبلغكن انها ياتغييب عنكن فتره يمكن اسبوعين لانه المكان الي سارت له ما فيه كومبيوتر
وانشاءالله يوم ترد ابوظبي باتتواصل وياكن..

والسموووووووووووووحه

انشاء الله ترد لنا بالسلامة (ام هيا)

بس حبيت اقولكم اللي بسويه :
انا وزني 62 وطولي 155 يعني يبغا لي انزل 6 كيلو بس .......... وطبعا صعبة انزلهم ............. وانا حاولت كثير لين تعبت ............ وكل ما أسوي رجيم ورياضه ينزل وزني كيلوين ويوقف عند الستين ومايتعداها ..... :confused:

وانا جربت اسوي الرجيم الصاروخي بس ماقدرت استمر علية لأني بسرعة مليت .........

بس الطريقة اللي راح اتبعها ان شاء الله هي:

في الصباح :

اجلس مبكرة واسوي رياضة خفيفة على الجوع ........ بعدين اتمشى لأن الرياضه على الجوع يخلي الدم يحرق الدهون بدال مايحرق الأكل :up: وبعدين ارتاح ربع ساعة ......... وبعدين افطر فطور خفيف ابتعد فية عن الخبز والسندويتشات والعصيرات ..... لأن العصيرات هي اللي تزين الوزن وتنفخ البطن ...... وبعدين اجلس بدون اكل لين الظهر... واذا جعت في هذي الفترة احاول اخفف الجوع بالماء...

في الظهر:

اتغدى خضروات او فواكه بعدين ارتاح ربع ساعة ........ بعدين اتمشى لمدة ربع ساعة او نص ساعة...وبعدين اجلس بدون اكل لين العشاء .....

في العشاء:

اتعشى زبادي او شوربة وارتاح ربع ساعة بعدين اتمشى نص ساعة وبعدين اجلس بدون اكل لين وقت النوم....


وراح ابدأ هذا الكلام من بكرة ان شاء الله (السبت 12/5/1424هـ)

واكيد راح اضيف اضافات في الأكل وراح انوع بس ماني مثبتة الحين....

ودمتم سالمين

يحليلكم والله انا بس اشجع لان وزني تمام بس قلت يالله نشجع خواتنا الي بالمنتدى وان شاء الله الكل يكون راضي بالوزن الي راح يوصله

قولوا امين

هدوء الليل

بنات شوفو هذا الموضوع ايش رايكم فية

[WEB]http://www.3roos.com/forums/showthread.php?s=&threadid=46642[/WEB]

اختي مكنونة حلو ذي الريجييم ترى وااايد و مرييح غير متعب ابدا..بصراحة اانه اتبعته لمدة 3 اسابيع و اانه بالرابع بدلييته لريجيم هوليوود..لان فيه الوزن صج ينزل بس يعني على راحة شوي شوي..و خصوصا اذا كنتي من الاوزان اللي موب وايد واايد كبيرة...مثل ماقرييت انتي بس 6 كيلو تبين تنزليين..مادري والله جربيه يمكن تنزليين عليه بس صج صج والله وااايد حلو...اانه نزليت عليه يمكن 4 و لا 3ونص كيلو بصراحة اانه معدل نزولي بطيء بعد..مادري عنكم انتو....جني طوليييت؟؟؟:smile:

يلله و بالتوفييج كلنا..اانه الحيين اليوم الثاني بريجييم هوليوود للاخت كويتية دلووعة.ز. و ااحس وزني قاعد ينزل....


اختكم
cat

هذا الرجيم رائع اتبعتة انا ونزل من وزني بس مااستمريت علية يقولون فية مضاعفات للجسم بس أنا أشوفة ينزل الوزن بسرعة نزلت في أسبوع 3 كيلو بس ماأستمريت عليه مثل ما قلت إلي تبي تضعف تآكل كل شيء مفيد وتمتنع الأكلات إلي تسبب السمنة مثل الحلويات والدهون وتآكل كل شيء مفيد أن بقولوكم على طريقة كنت أسويها قبل إتباعي لرجيم أم فرج

أولا كنت آكل بس في إتزان يعني أكلي يكون خضار وفواكة وألبان وإي شيء كان بزيد الوزن كنت أبتعد عنة وممارسة الرياضة صارت عادة عندي وإذا أكلت إي شيء فية دسم أتبع طريقتين الأولى آكل بس ماأشبع أقوم من الأكل وأنا مو جوعانة لا أخذت كفايتي من الأكل لم أملاء معدتي ثاني شيء أقوم أمشي بالبيت هذي الطريقة مشيت عليها خمس شهور ونزل وزني 11 كيلو في فتر الخمس شهور هذي ولحد الآن وزني مستمر في النزول شوي شوي إيش رأيك أختي أعطيتك تشجيع وأنتي الحكم

يسلموووووووووووو

السلام عليكم ورحمه الله وبركاته ...

ارجو المعذره خواتي لاتي تغيبت والسبب خارج عن ارادتي بس والله ما غبتن عن بالي واقول ياربي كيف بتحمل اكمل الريجيم وخواتي في المنتدى بعيد عني لاكن الحمدالله استمريت بس الصراحه خبصت فيه تعرفن مشكله والله يوم تسيريتن للناس ويقولون غداكم عندنا وعشاكم عندهم والله البلشه خاصه اني من فتره ماشافوني وعشان كذي لازم يخترب الريجيم بس ان شاءالله بستمر ان شاءالله برد ابوظبي قريب ماصدقت ييت عند ناس عندهم كمبيوتر وقلت بكتب لكن وانا قبلها خبرت ربيعتي وقلت لها تخبركن اني مش في بوظبي عشان تعرفن ليش ماتواصلت وياكن ...

هلا خواتي واشكركن من كل قلبي علا مبادرتكن الطيبه للتشجيع اشكر


كل من ساهمت في الرد علا الوضوع واحب لقولكن اني بديت احس ان رادتي صارت اقوى عن قبل واني اتبغت ااريجيم اللي قلت لكن عليه بس ما وزنت اللي يشوفني يقول كنج ضغفانه شوي واايد استانست احس انه فيه فايده الحمدلله ....


بنوته زي القمر اذا تبين تحذفين الرز مو مشكله بس ماتزيدين شي وبالتوفيق اختي يالله لازم نكون مع بعض غشان الاراده تم قويه والله يوفقج...

ام هيا الحمد لله على السلامة

وانا بعد وياكم

مهممممممممممممممم حدا
قريت كتاب مفيد جدا اسمة التخلص من الوزن الزائد الى الأبد وبصراحة المعلومات اللي فية روعه.

راح اكتب لكم نبذة منة

أساليب غير فعالة لإنقاص الوزن (الريجيم السريع):
اساليب الريجيم السريع عادة ما تؤيد طرق إعجازية لتخفيف الوزن. ولكن ثبت أن هذه الأغذية لا تحتوي على كميات كافية من العناصر الغذائية. إن افضل غذاء فعال لتخفيف الوزن هو ذلك الغذاء الذي يحتوي على سعرات حرارية محدودة. ومع ذلك فإنة متوازن من حيث احتوائة على عناصر غذائية كافية.

وفيما يلي بعض اغذية الريجيم السريع المشهور وتقييمها الغذائي:
1- التركيز على صنف واحد من الغذاء بناءً على الأعتقاد بأن تناول صنف واحد من الغذاء يمكن ان يؤدي الى تخفيف الوزن. ولكن هذا الغذاء غير متوازن وضار بالصحة.

2- تناول كمية قليلة جدا من النشويات (الكربوهيدرات) اقل من 100 غم نشويات يوميا . هذة الكمية غير كافية وتؤدي الى فقدان الماء. فالجسم في هذه الحالة سيسترد مافقدة من الوزن بسرعة.

3- تناول كميةقليلة جدا من الدسم: في الأغلب يقتصر الطعام على الخضروات والفاكهه. اختيارات الطعام محدودة . صعب التطبيق ولا يحتوي على كمية كافية من العناصر الغذائية التي يحتاجها الجسم. فالجسم في هذه الحالة سيسترد مافقدة من الوزن بسرعة.

4- عذاء سائل: يحتوي على سعرات حرارية قليلة جدا. يلغي المرونة في اختيارات الطعام . لا يحتوي على عناصر غذائية كافية. فالجسم في هذه الحالة سيسترد مافقدة من الوزن بسرعة.

5-الوجبات الجاهزة: وهي منتوجات تحل محل الوجبات المنتظمة والوجبات الخفيفة بينها. الوجبات الجاهزة غالية الثمن ومن السهل استرجاع الوزن المفقود.

6- الأغذية التي تركز على اطعمة سحرية او مركبات من الأ طعمة لتخفيف الوزن: اختيارات الطعام محدودة وهنالك شك في احتوائها على العناصر الغذائية التي يحتاجها الجسم. فالجسم في هذه الحالة سيسترد مافقدة من الوزن بسرعة.

ومن المعلومات المفيدة في الكتاب ...... شئ مهم اتمنى امنكم تستفيدون منة.....

اتبع دليل مجموعات الطعام الأساسية:
لكي تحصل غذاء صحي يحتوي على عناصر غذائية متوازنة . اتبع دليل مجموعات الطعام الأساسية اليومي, حيث انة يحتوي على 1200-1500 سعر حراري (حوالي 55%نشويات, 20-25%بروتين, 20-25%دهن):

1- الدهون: حصتين الى 3 حصص بكميات ضئيلة. الحصة الواحدة: ملعقة صغيرة زيت, مرجرين, مايونيز, ملعقة كبيرة من الصلصة الخاصة بالسلطة. خمس حبات زيتون.
2- مجموعة اللحوم والبقول: حصتين الى 3 حصص يفضل ان تكون من الدواجن او السمك او اللحم الهبر: الحصة الواحدة: 30 غم لحم, بيضة واحدة, 1/2كوب بقول مطبوخة.
3- مجموعة الفواكهة: حصتين الى 3 حصص (يفضل ان تكون طازجة): الحصة الواحدة: حبة فواكة صغيرة.1/2كوب عصير فواكة.
4- مجموعة الحليب: حصتين الى 3 حصص: يفضل تناول الألبان المقشودة او قليلة الدسم. الحصة الواحدة: شريحة خبز واحدة.1/2كوب خضروات مطبوخة. 3/4كوب عصير الخضروات.
5- مجموعة الخبز والحبوب والمعكرونة: 4-7 حصص. الحصة الواحدة: شريحة خبز 1/2كوب معكرونة . ارز او بطاطس مطبوخة.
6- اطعمة حرة: اطعمة قليلة السعرات الحرارية يمكن تناولها بين الوجبات: قهوة شاي بدون سكر. حساء خال من الدسم, عصير ليمون, خل , مخللات, خيار.


الرياضة:
تخفض الرياضة خطر الاصابة بالامراض وتساعدك على حرق السعرات الحرارية وتخفيف وزنك . وان ممارسة الرياضة لمدة 30 دقيقة على الاقل ثلاث مرات او اكثر اسبوعيا تحقق الغاية المرجوة ز ومن بعض النشاطات الرياضية المعتدلة المفيدة:
قيادة الدراجة, المشي السريع, السباحة, صعود الدرج.
فالرياضة تساعدك على حرق الدهونز ابدء ببطء ثم زد المدة تدريجيا.

بناااااااااااااااااااات ابشركم نزلت نص كيلو في ثلاث ايام باااركولي :D

صراحة انتوا شجعتوني ...



طولي 172 ((قولوا ماشاءالله)):smile:
و وزني 80:down: و ابغي انزل 15 كيلو


و باتبع هالنظام ((لاني عندي فقر دم))

كل يوم العصر بمشي نص ساعة

و باكل اكل خفيف >>> يعني ببتعد عن الدهون و الارز و هالشغلات
و باكل فواكه و خضار و اشياء خفيفه

انا كنت مجربتنه و نفع و الحين ببدأ

ادعولي



بس المشكلة اللي اعاني منها هي ان وجهي يضعف بسرعة و تبرز عظام الوجه

اذا حد عنه الحل يقولي:smile:

تكفون اغيثوني برجيم مايجوع
بليييييييز :think:

تكفون اغيثوني برجيم مايجوع
بليييييييز :think:

اختي ماسة و لييين انتوا اقروا الكلام اللي انا كاتبتة فوق انا مشيت عليه لمدة اربعة ايام ونزلت كيلو وهو بصراحة مايجوع يعني عطاك الحرية في اختيار الأكل من القائمة وبصراحة ارتحت كثير علية لدرجة اني صرت احس اني خفيفة.......... ولاحظوا ان الرجيم القاسي يجوع فتضطرين انك تاكلين كمية كبيرة يعني ماتقدرين انك تمسكين نفسك.........

وسلامتكم