ملف استفسارات بنات مصر للديكور

الحب هو الحياة;11108681:
بنات محتاجة رايكم فى الريسبيشن عندى هو مش كبير وحيتحط فيه صالون وسفرة كلاسيك
عايزة تفيدونى بارائكم عشان الدهانات وعايزة اعمل حيطة مختلفة
مستينية رايكم والتقسيمة وكمان الشباك ده اعمل فيه ومش حينفع يتشال عايز حل له ؟ودى الصورة

newlife;11129159:
بصى يا حب البنات قالوا آراء حلوة وفى المرفقات عملت تصور بس طبعا ايدى مش كانت مظبوطة وعامة الحيطة اللى جنب الباب دى وناحية الصالون ممكن تحطى فيها كونسول مدهب ومعاه كرسيين نفس الاستايل حتستغليها وتكملى بيها شكل الصالون الكلاسيك بتاعك وبالنسبة للسفرة يستحسن تبقى فى الحيطة 190 اللى جنب الشباك بالنسبة للون الحيطات المختلفة فبصى ممكن الحيطة اللى فيها كنبة 2 اللى جنب الطرقة عشان الحيطة الكبيرة اللى جنب البلكونة حيكون جزء منها متغطى بالستارة طبعا حتكون اكبر شوية من البلكونة عشان انتى حتعملي براقع عشان العفش كلاسيك والحيطة بلون مختلف ناحية السفرة تبقى الحيطة اللى وراء السفرة يعنى اللى جنب السبال ال 190 دى وبس ده اقتراحى

tota_10;11128041:
قولكوا يا بنات عندى حاجه كده عاوزة أسألكم فيها
انا شقتى مستلماها متشطبه وفيها الحمام سيراميك ابيض والحوض والبانيو وكله ابيض
المشكله بقا ان الحوض من تحت كده باين الماسورة بتاعته فاهمننى ؟ هى شكلها مضايقنى
وقلت لخطيبى ينفع نشترى عمود كده من اللى بتسند عليه الحوض وقاللى مش هينفع نركبه ولا حتى نغير الحوض ونجيب واحد تانى ليه عمود يقف عليه عشان البلاعه بتاعه الحمام تحت الحوض علطول
ممكن يكون فيه حل بقا للموضوع ده؟
سؤال تانى بخصوص سيراميك المطبخ الأبيض بردو اعمل مطبخ لونه ايه يليق عليه؟

GANNA OKASHA;11126638:
ازيكم يابنات محتاجاكم فى استفسار بس ياريت متكسفونيش احنا جبنا عندى فى الشقة مواسير السباكة للمطبخ والحمام اللى هى يعنى بتاعة حوض المطبخ وحوض الحمام والغسالة والبانيو والتواليت والحمد لله مركونين فى الشقة :094: مركبنهمش المهم بقى عايزة اعرف مصنعية الراجل اللى بيركبهم تقريبا كام لاننا مزنوقين عالاخر فى المصاريف وقلت لو المصنعية بسيطة يعنى 200 او 300 جنيه نتفق مع سباك ويركبهم عشان يبقى خلصنا من حاجة شكلها كده اسعار وهمية بحلم صح :057: اصلى مش شايفة انها تستاهل اكتر من كدة ده يدوب الراجل هيقطع المواسير ويلحمها حسب مساحة الحيطان ويركبها بس مش اكتر انتو بقى ايه رايكوا ياريت كل اللى وضبت شقتها تقولى السباكه كلفت كام بالله عليكم متنسونى :087:

GANNA OKASHA;11126638:
ازيكم يابنات محتاجاكم فى استفسار بس ياريت متكسفونيش احنا جبنا عندى فى الشقة مواسير السباكة للمطبخ والحمام اللى هى يعنى بتاعة حوض المطبخ وحوض الحمام والغسالة والبانيو والتواليت والحمد لله مركونين فى الشقة :094: مركبنهمش المهم بقى عايزة اعرف مصنعية الراجل اللى بيركبهم تقريبا كام لاننا مزنوقين عالاخر فى المصاريف وقلت لو المصنعية بسيطة يعنى 200 او 300 جنيه نتفق مع سباك ويركبهم عشان يبقى خلصنا من حاجة شكلها كده اسعار وهمية بحلم صح :057: اصلى مش شايفة انها تستاهل اكتر من كدة ده يدوب الراجل هيقطع المواسير ويلحمها حسب مساحة الحيطان ويركبها بس مش اكتر انتو بقى ايه رايكوا ياريت كل اللى وضبت شقتها تقولى السباكه كلفت كام بالله عليكم متنسونى :087:

maro2010;11128016:

بصي يا حب انا برضه متفقة مع البنات في فكرة الستارة واعمليها على اد الشباك اتوكلي على الله فيها
اما بالنسبة للحيطة بتاعة اللون المختلف ممكن تعملي ال 190 لانها شكلها كدة هتكون في وش الصالون انا كنت عاوزة اقولك الحيطة ال 350 بس ما دام هتحطي فيها الصالون يبئى اكيد هتعملي الستارة بطول الحيطة فمش هينفع تعمليها بلون مختلف والحيطة الاجباري دي ممكن تعملي عندها شكل ديكوري يعني ممكن تعمليها بالون مختلف يا اما فيه فكرة معرفش تنفع ولا لأ انتي ممكن تجوفيها من جوه مثلا يعني بطول الحيطة تتحفر لجوة على شكل ارج من فوق ويا اما تكسيها بمراية او انك تعمليها الدهان المختلف سبونج مثلا وتحطي جواها على الارض فاز طويلة او اباجورة يعني حاسة انها كدة هيكونلها فايدة
وكمان لو ينفع تحطي البوفيه في الحيطة ال285 لانها هتكون في وش الباب وطبعا البوفيه هيكون فيه مراية فهيدي وسع للمكان
وربنا يتمملك شقتك على خير يا قمر

[CENTER]

tota_10;11128041:



بقولكوا يا بنات عندى حاجه كده عاوزة أسألكم فيها
انا شقتى مستلماها متشطبه وفيها الحمام سيراميك ابيض والحوض والبانيو وكله ابيض
المشكله بقا ان الحوض من تحت كده باين الماسورة بتاعته فاهمننى ؟ هى شكلها مضايقنى
وقلت لخطيبى ينفع نشترى عمود كده من اللى بتسند عليه الحوض وقاللى مش هينفع نركبه ولا حتى نغير الحوض ونجيب واحد تانى ليه عمود يقف عليه عشان البلاعه بتاعه الحمام تحت الحوض علطول
ممكن يكون فيه حل بقا للموضوع ده؟
سؤال تانى بخصوص سيراميك المطبخ الأبيض بردو اعمل مطبخ لونه ايه يليق عليه؟

CuTie KaTkOoTa;11130648:
الأبيض هايليق معاه الوان كتيرة جدا، بستاج واحمر واورنج وبيج غامق شوية اي حاجة، بس المهم ابعدي عن الغوامق مش عملية خالص في السيراميك، خصوصا لو حمام اما لو مطبخ هو هايبقي الوضع احسن شوية بس بردو منصحكيش عشان بتجرب وبتتبهدل ده في ارض مثلا لكن لو حوائط بس ممكن.

maro2010;11132489:

ميرسي يا قمر على اهتمامك وفكرة الكوشنز جميلة اوي :ok:يعني عادي لو حطيت الجزامة في وش الباب طيب ايه رأيكم في الجزامة دي بالله عليكم قولولي بكل صراحة



وانا صورت المدخل حيطة حيطة عشان اتـأكد اكتر من آرائكم:03:
دي الحيطة اللي جمب الباب و ساعة اما صورتها كان لسة الدهان ما كملش بس عامة هي اخدت لون بيج وهي دي اللي بفكر احط عندها الكونسول او مراية طويلة




ودي الحيطة التانية



وكان فيها شباك مدايقني بس الراجل بتاع الستاير قالي هيعمل عندها ستارة تشبه ستارة الطرقة وكأنهم بيكملوا بعض زي كدة تقريبا



ودي طبعا فيها شمعدانة في نص معرفش اسمها ابليك ولا ايه ما علينا ايه رأيكم لو حطيت طربيزة صغننة وعليها فاز او كوشنز زي ما نيو لايف قالت؟


ودي بقى الحيطة التالتة اللي في وش الباب انا عملتها مقلم بالشكل ده




سؤالي ايه رأيكم لو حطيت عندها الجزامة وفوقها فاز مثلا وفوقيها اصلا فيه شمعدانة تانية او ابليك برضه ما علينا:040: المهم ايه رأيكم لو حطيت على الجنبين بتوع الشمعدانة دي اتنين تبستري او تابلوهين قوليلي انهو احسن


والحيطة دي تبع حيطة الباب برضه الجزء ده عندي مستخبي اللي هو جوة ده في ضهر الباب احط عنده ايه



بنات بالله عليكم فيدوني واحنا الميزانية ضربت معانا على الاخر كدة فكنت عاوزاكم تساعدوني في اختيار الجزامة والكونسول وكمان تساعدوني في اماكن اقدر الاقيها فيها وكمان اسعارها تكون كويسة

وكمان فكرت اني اعمل كونسول فيورجيه زي ده



بس تفتكروا هيليق مع الجزامة لانها هتكون خشب ولا احط مراية كبيرة بدل الكونسول انا حاسة اني بدأت اعك ومحتاسة الوقت ضيق ومش عارفة اخد قرار وحاسة ان المدخل هو واجهة البيت نفسي يكون شكله حلو مع العلم انا عفشي كله كلاسيك
مستنياكم يا قمرات

maro2010;11132489:

ميرسي يا قمر على اهتمامك وفكرة الكوشنز جميلة اوي :ok:يعني عادي لو حطيت الجزامة في وش الباب طيب ايه رأيكم في الجزامة دي بالله عليكم قولولي بكل صراحة

وانا صورت المدخل حيطة حيطة عشان اتـأكد اكتر من آرائكم:03:
دي الحيطة اللي جمب الباب و ساعة اما صورتها كان لسة الدهان ما كملش بس عامة هي اخدت لون بيج وهي دي اللي بفكر احط عندها الكونسول او مراية طويلة

ودي الحيطة التانية

وكان فيها شباك مدايقني بس الراجل بتاع الستاير قالي هيعمل عندها ستارة تشبه ستارة الطرقة وكأنهم بيكملوا بعض زي كدة تقريبا

ودي طبعا فيها شمعدانة في نص معرفش اسمها ابليك ولا ايه ما علينا ايه رأيكم لو حطيت طربيزة صغننة وعليها فاز او كوشنز زي ما نيو لايف قالت؟

ودي بقى الحيطة التالتة اللي في وش الباب انا عملتها مقلم بالشكل ده

سؤالي ايه رأيكم لو حطيت عندها الجزامة وفوقها فاز مثلا وفوقيها اصلا فيه شمعدانة تانية او ابليك برضه ما علينا:040: المهم ايه رأيكم لو حطيت على الجنبين بتوع الشمعدانة دي اتنين تبستري او تابلوهين قوليلي انهو احسن

والحيطة دي تبع حيطة الباب برضه الجزء ده عندي مستخبي اللي هو جوة ده في ضهر الباب احط عنده ايه

بنات بالله عليكم فيدوني واحنا الميزانية ضربت معانا على الاخر كدة فكنت عاوزاكم تساعدوني في اختيار الجزامة والكونسول وكمان تساعدوني في اماكن اقدر الاقيها فيها وكمان اسعارها تكون كويسة

وكمان فكرت اني اعمل كونسول فيورجيه زي ده

بس تفتكروا هيليق مع الجزامة لانها هتكون خشب ولا احط مراية كبيرة بدل الكونسول انا حاسة اني بدأت اعك ومحتاسة الوقت ضيق ومش عارفة اخد قرار وحاسة ان المدخل هو واجهة البيت نفسي يكون شكله حلو مع العلم انا عفشي كله كلاسيك
مستنياكم يا قمرات

أمة الغفار;11133798:
يابنات ممكن أسعار أوض النوم المودرن في دمياط ؟
والأنتريهات والسفر المودرن
وبيفرق عن الأوض العادية الضخمة في السعر كتير؟!!
وإيه أحسن أماكن في دمياط لأوض النوم والسفر والأنتريهات المودرن؟

الحب هو الحياة;11133931:


ينات حد سمع عن شركة اكسبت للاثاث بتعمل شغل مودرن ؟ هل حاجات حلوة ولا لا؟
عنوانها رقم 11 ش عبد الرحمن الشرقاوي من ش السودان خلف مستشفى سوزان مبارك - المهندسين
عندهم تخفيضات كويسة

لوءة;11134330:
الشركه دي ليها جروب علي الفيس بوك ممكن تتفرجي علي شغلهم

وده صور ليه

الحب هو الحياة;11134408:
ميرسى ياقمر بس انا بسال على خشبه كويس ولا لا؟

emoosmsm;11134441:
انا فعلا شفت الجروب بتاعهم ع الفيس

بس اختي قالتلي انها راحت قبل كده المعرض وتقريبا قالت الخشب مش اوي

فخافت تجيب من عندهم

احنا شاكين اذا كان هو نفس المعرض ولا لأ بس هو نفس العنوان

فخلي بالك الحجات دي مش مضمونه

وع فكره ابقى اسألي كمان قبل ماتروحي سعر الركنه بالتنجيد ولا من غيره

احيانا بيكتبوا السعر وبيبقى قصدهم ع الخشب فققققققققققط من غير قماشه وتنجيده

donyhoney;11134492:
ستارة شباك في موقع غلط هههه اللي مضايق من شباكه

maro2010;11128412:

انتي ممكن تقفلي الجزء اللي تحت الحوض بالمويتال ولو الميزانية تسمح ممكن تعملي الجزء اللي فوق الحوض رخام وكمان هتستفيدي بالتقفيلة وانك تعمليلها تقسيمة من جوة هتنفعك

الحب هو الحياة;11128797:
[/CENTER]
ميرسى ياحبيبتى على الافادة كلك ذوق :083:

بالنسبة للحوض بصى روحى اتفرجى عند كليوباترا حتلاقى موديلات الحوض متقفل تحتها دولاب الومتيال بشكل شيك وخدى خطيبك معاكى وفرجيها حتعجبه الفكرة اوى وتقفلى الدولاب بلون مختلفة كديكور للحمام
بالنسبة لسيراميك المطبخ يليق عليه الالوان لو المطبخ صغير اعملى اورانج او لبنى فاتح او احمر
لو كبير ممكن تدخلى فى الغوامق زى الكحلى والاسود

newlife;11129122:


بصى زى ما حب قالت تقفلى بدولاب الوميتال بلون مختلف تحبيه مع الابيض زى الاحمر او البينك او الزهرى مثلا وتجيبى فرش الحمام اللون الأحمر او البينك او الزهرى بردك حيبقى جميل
بالنسبة بقى للمطبخ فانتى عندك مطلق الحرية ادامك الوان كتير تليق عليه لو حتعمليه الوميتال ممكن الاحمر فى سيلفر او الزهرى فى سيلفر او ولو حتعمليه خشب اعمليه اللون الخشب الطبيعى اللى هو مش فاتح ولا غامق او ممكن تجيبى خشب وحتحطى طبقة فرومايكا الوان

CuTie KaTkOoTa;11130648:
الأبيض هايليق معاه الوان كتيرة جدا، بستاج واحمر واورنج وبيج غامق شوية اي حاجة، بس المهم ابعدي عن الغوامق مش عملية خالص في السيراميك، خصوصا لو حمام اما لو مطبخ هو هايبقي الوضع احسن شوية بس بردو منصحكيش عشان بتجرب وبتتبهدل ده في ارض مثلا لكن لو حوائط بس ممكن.

عاشقة الرحمن دينا;11131011:


بصي عارفه الاحواض اللي بتبقي مرفوعه عن الارض
hung -
hang
اوقات بيقول كده و اوقات بيقولوا كده هتلاقيه في كيلوباترا
روحي هتلاقيه هوا ركبه بس مش واصله للارض هتعجبك اوي
و ممكت كمان تقفلي تحت الحوض بحاجه مش واصله للارض عشان البلاعة



الابيض هيليق عليه الوان كتير
ممكن البني الغامق و الاحمر و الزهري

tota_10;11135144:
طب معلش يا قمرات هتقل عليكوا .. حد عندوا صور للتقفيله الألوميتال اللى تحت الحوض دى ؟





انتى تقصدى ايه بلاش الألوان الغامقه فى المطبخ والحمام ؟ انا أصلا عندى السيراميك ابيض معمول خلاص فى المطبخ والحمام أرضيه وحوائط انا مستلمه الشقه كده وقالوا مش هنغيروا
انا كنت بسأل لما اعمل مطبخ خشب اعمله لونه ايه
طب يا بنات انا كنت بفكر اعمله خشب وعليه طبقه فرومايكا الألوان دى واخلى ألوانها روز فى رمادى هتبقا حلوة ؟؟ ومش عارفه بردو اوزع اللونين ازاى يعنى اخلى المطبخ كله مثلا رمادى وواجهه الدلف هى اللى روز ولا ايه اصلى مش خبرة اوى
لو حد عنده صورة تفهمنى يوريهالى
معلش تعباكوا معايا



عندك صورة ليها ؟؟؟ ياريت توريهالى
وميرسى ليكى جدااااااااا

انا فعلا فكرت فى البنى الغامق لأنى عاوزة اعمل خشب وفكرت اعمله رمادى فى روز بس مش عارفه اعمل ايه
وكمان انا خايفه من البنى الغامق لحسن يطلع كئيب ويضيق المكان اصل المطبخ عندى
210 * 270