ملف استفسارات بنات مصر للديكور

اشرى;11112126:

المفاجاة هى حبة صور كدة من شقة ماى سيستر

دى صورة حيطة معمولة فى الركنة

ودى ستارة الركنة
اول صور انا مصورة الستارة وقافلة من ورا البلات اوت

والصورة التانية دى مش قفلت البلاك اوت على الاخر عشان اوريكوا الفرق واهميتة الفظيعة فى حجب الضوء و الشمس

ها بقا اية رايكم؟؟؟؟؟؟؟؟؟؟

ماشاء الله حلوه قوى يا اشرى
عقبالك يارب
قوليلنا يا قمر الحيطه دى معموله ازاى يعنى اقول للنقاش يعمل ايه؟
وياترى اتكلفت كام ونوع الدهان ايه؟

الحب هو الحياة;11108681:
بنات محتاجة رايكم فى الريسبيشن عندى هو مش كبير وحيتحط فيه صالون وسفرة كلاسيك
عايزة تفيدونى بارائكم عشان الدهانات وعايزة اعمل حيطة مختلفة
مستينية رايكم والتقسيمة وكمان الشباك ده اعمل فيه ومش حينفع يتشال عايز حل له ؟ودى الصورة

علي فكرة مع الاختلاف بس انتي كده شبه تقسيمة الريسيبشن بتاعي جدا لو انا فهمت صح من الصورة، يعني البلكونة بتاعتي في نفس المكان علي الجنب كده وحاطة جنبها كنبة الصالون وفيه الحيطة اللي شمال البلكونة ويمينها حاطة كرسيين وكرسيين باقي الصالون.
ومكان الطرقة دي عندي عامود صغير في الحيطة، ومكان الشباك بتاعك عندي الطرقة بقي، فانتي اعملي زيي، خللي الصالون هو اللي ناحية البلكونة كده عشان القاعدة والهوا اكتر والسفرة تبقي في وشهم ناحية الشباك، بس تقسيمة السفرة بقي حسب مساحات القطع نفسها، يعني لو البوفيه اعرض واحد حطيه في اتلحيطة اللي علي اليمين الكبيرة وقصاده مثلا النيش والترابيزة في النص تبقي متوسطنة وقريبة من الشباك، ولازم تعملي الستاير والنجف زي بعض او شبه بعض جدا مع اختلاف بسيط غير ملحوظ في اللون مثلا زيي بردو مادام مفتوحين علي بعض.
بالنسبة للصالون انا البلكونة عشان في الجنب كده وكان نفسي الستارة تبقي حجمها حلو وباين الموديل بتاعها فخلتها اعرض من البلكونة شوية وعشان كمان بحب منظرها وهي ورا الكنبة الرئيسية بتاعة الصالون، بس مكلتهاش لخر الحيطة لأن فيه تكييف في الطرف الاخير، فوقفتها عنده.
وبتاعة الشباك هتعمليها اده وبس بس نفس الموديل وممكن تغيري اللون زي ما انا عملت، لكن النجف الافضل والاصح انه يبقي واحد هنا وهنا.

عاشقة الرحمن دينا;11111416:
الحب هوا الحياه
بعد الفحص و التمحيص و رسم المكان بالابعاد بالظبط بالظبط
وجدت ان الحيطه الصغيره و الحيطه الكبيره علي نفس الخط المستقيم بالظبط

هل هذا صحيح؟

لا يا دودو، لاحظي ان في فرق في مساحات الحيطة اليمين والشمال، فكده اليطة الصغيرة والكبيرة مش قصاد بعض خالص

la jolie;11108716:
ازيكو يا بنوتات عملين ايه
هوريكو مطبخى بس ردو عليا بصراحه فائقه هو لسه مركبناش الرخامه والراجل قال لما تتركب هيجى يدهنو ويلمعه هو المطبخ مهجور :042:بس متتخضوش من الكركبه:085: بسم الله الرحمن الرحيم



قولولى رأيكو ايه يا بنات بصراحه انا ان شاء الله هجيب الرخامه خضرا فى نقط سودا ايه رأيكو ؟ ولا اجيبها لونها ايه ؟

حبيبة قلبي الف مبروووووووووووك والممطبخ ماشاء الله جميل ياريت تقوليلي المتر بكام وتبعتيلي نمرة النجار ع الخاصصصصصصصصص ضرورررررررررررري جدااااااااااااااااااا ميرسي ياقمر

توتي انا بحب شكل التبيستري وكل حاجة بس حاسة انه افضل يكون محطوط في النص مش مطرف كده، فافضل انك تعملي ستارة علي الشباك.
قوليلي بقي الوان السفرة والصالون نفسهم ايه عشان نشوف الدهانات.
ولو لقيتي المسافات واسعة بزيادة بين كراسي الصالون حطي بينهم ترابيزات اركان.

افيدوني يابنات
انا هانزل باذن الله اجيب العفش بتاع شقتي
فعاوزه افهم حاجه
الشقه اوضتين وصاله وريسبشن ياخد اوضتين
عاوزه يبقى ستايل الشقه كله مودرن
يعني النوم مودرن والليفنج ركنه ومكتبه والريسبشن سفره مودرن ان شاء الله
مشكلتى بقى مع السفره احط ايه؟
اكيد مش هينفع احط صالون لان الشكل هيبقى بيئه مودرن جنب استيل؟
ولا هاحط انتريه مودرن
وكده يبقى عندى ركنه وانتريه ؟؟؟؟؟!!!!
طب انا مش فاهمه اعمل ايه وحاسه انى متلخبطه خالص

ريومة228;11109399:







F: دلوعة الغالى F:
ربنا يخليكي ياقمر



F: الحب هو الحياة F:
مرسي ياقمر








F: اشرى F:
بصي ياقمر انا مطبخي امركاني مفنوح وفي بار عملت الرخامة وتحت الرخامة البار من جوة المطبخ عملت تقفيله كده عشان احط الغسالتين الفول اتوماتك والاطباق جنب بعض
والحوض عملت الرخامة بتاعته عشان كان لازم يركبوا قبل ماالراجل المطبخ ياخد المقاسات
ودي غير رخامة المطبخ نفسه

F: mesk_2005 F:
الف سلامة علي مامتك ربنا يقومهالك بسلامة يارب
ومشاء الله حاجاتك جميله يارب تتهني بيهم ياقمر

F: عروسة محتارة جدا F:

الراجل قال لخطيبي خشب زان وقشرة الفروميكا

وطبعا الخشب الزان كويس

والراجل بيحسب الخشب والقشرة والمفصلات والمقابض بس والاكسسوريز ده لوحده وانتي بتجبيه وهو بيركب

F: zizi hosny F:

حاضر ياقمر بس هبقي اجيب النمرة من خطيبي والراجل في مدينه نصر

F: la jolie F:

بسم الله مشاء الله ياقمر جميل اوي يارب تتهني انتي بيه

الرخامة هتيها زي ماقولتي كده هيكون جميل اوي

وعملتي سعر المتر بكام

والاستلام كان بعد كام يوم

يابنات انا مخنوقة اوووووووووي ومش عارفة اعمل ايه

مش عارفة بابا مرضيش علي السعر ده وقال غالي اوي وانا شايفة كويس جدا عشان انا شوفت شغل الراجل ده بجد نضيف اوي

وهو كلم نجار جنبنا وقالو المتر 600 بس مش عارفه نفس الشغل ده ولا ايه انا حاسه انه مش هيعمل نفس الشغل اللي انا عايزاه وانا بجد هنفجر انا جبت ناس كتير للمطبخ وسبحان الله مش عايز يتعمل وانا خاااااااااااااالص بقي جبت اخري مش عارفه اعمل ايه

ربنا يخليكى يا ريومه بصى ياقمر والله معارفه المتر بكام بالظبط وكده لان كان من فتره بس انا معايا نمرتو وكان الاستلام بعد شهر واحد بالظبط لو عايزه نمرتو ابعتهولك على الخاص يا قمر انتى ممكن تبحثى فجوجل على اسمو هو اسمو التوأمان المطابخ هيجيلك ارقام التليفون والمكان يا قمر

CuTie KaTkOoTa;11113213:
لا يا دودو، لاحظي ان في فرق في مساحات الحيطة اليمين والشمال، فكده اليطة الصغيرة والكبيرة مش قصاد بعض خالص

ما هو لو زودتي عرض الباب 1 متر هيبقوا اد بعض
الحيطة 168 + 100 ( عرض الباب ) يبقي 268
و الحيطو اللي قصادها 285 يعني الفرق 15 سم
و لا انا فاهمه غلط
و 168 ده العرض الكلي للحيطه بما فيها الباب

Didem;11113398:
افيدوني يابنات
انا هانزل باذن الله اجيب العفش بتاع شقتي
فعاوزه افهم حاجه
الشقه اوضتين وصاله وريسبشن ياخد اوضتين
عاوزه يبقى ستايل الشقه كله مودرن
يعني النوم مودرن والليفنج ركنه ومكتبه والريسبشن سفره مودرن ان شاء الله
مشكلتى بقى مع السفره احط ايه؟
اكيد مش هينفع احط صالون لان الشكل هيبقى بيئه مودرن جنب استيل؟
ولا هاحط انتريه مودرن
وكده يبقى عندى ركنه وانتريه ؟؟؟؟؟!!!!
طب انا مش فاهمه اعمل ايه وحاسه انى متلخبطه خالص

انا كمان زيك ياريت حد يفيدناااااااا

ديديم و زيزي
اكيد طبعا ممكن تحطوا انتريه تاني مع الركنة وممكن تخلوا الانتريه دة الخشب بتاعه ظاهر او جاي على كلاسيك شوية عشان يكون بديل الصالون
انا مش هعمل صالون اصلا ولا عندي له مكان


بنات انتوا ناسييني في موضوع الركنات دة ولا ايه، انا والله محتاجاكم جدا

amatalrahaman237 بصى يا قمر انزلى جهاز الخدمات فيها كرنرز جميله اوى اللى ففرع مصر الجديده

بصى يا امة الرحمن

احسن حاجة ف الركنات بجد متجبيش حاجة مكسية

تعرفي خطيبي اللى لفت نظري للموضوع ده لأن واحد صاحبه

قاله حاول تبعد عن الحاجات المكسيه لأن عمرها قصير

وهتلاقيها مع الوقت الدراع من كتر السند عليه اتخلع او نزل لتحت

بصى كده الصور دي




حاجة زي كده اه ممكن تكون شيك بس مصمته وملهاش شكل

فانتى ممكن تعملى الاطار البني الخارجي ده مثلاً خشب مش مكسي







او داخل فيه خشب زي ده بس يكون سيمبل اكتر يعني




او زي كده قاعده ومسند خشب

وكمان ممكن تعملى كسوة الشلتات بتاعته منفصلة بسوستة

تتغير كل فترة وتحسي انك كل شوية عندك حاجة جديدة

انا عن نفسي ان شاء الله لو الشقه اللى هاخدها فيها مكان ركنة

مش هتردد ابداً انى اعمل حاجة كده

اشرى صورتلك الستاير بس الالوان مش طالعه بالضبط

دلوعة الغالى;11116299:

ماشاء الله يا قمر حلوين اوى مبروك عليكى يا جميل متعرفيش يا دلوعه الراجل اللى انتى عملتى عندو الستاير ده بيعمل ستاير مودرن ولا لا ؟ ولو بيعمل ابعتيلى نمرتو على الخاص