ملف استفسارات بنات مصر للديكور

دلوعة الغالى;11098236:
طبعا متاكدة ياحبيبتى ممكن تلاقى اقل من 1000 وممكن اكتر كمان

وبالنسبة للالوميتال بيبدا من 650 او 700 لغاية 1000 ده اللى انا اعرفه

وان شاء الله البنات تفيدك اكتر

البنوتة اللى بتسال على النجف جبيه قبل الفرش احسن طالما انتى عارفه هتفرشى موردن ولا كلاسيك وانا كنت من فترة صغيرة فى المكان اللى جنب شارع عبد العزيز اللى هو شارع مليان حاجة الكهرباء فيه نجف حلو اووووووى

مش عارفه انا اصلا كان فى دماغى ان الالوميتال اغلى بابا كان قالى كده :047:
كويس انك جبتى السيره دى علشان اسأل والا كنت هفضل مش عارفه لحد اخر لحظة:037:

ريومة228;11098587:








F: عروسة محتارة جدا F:
بصي ياقمر انا لفيت علي جميع انواع المطابخ احسن حاجة الخشمنيوم بس سعره غالي اوي معدي 1200 و1500
والالومنتال بيبتدي 750 و850 و 1000 و1200 ومش اغلي من كده
طبعا 750 مش حلو خاااااااااااالص والفيبر خفيف موت وكل ماكان الفيبر تقيل وطبقات بيكون كويس وطبعا كل ماعملتي كويس السعر هيزيد
الخشب بقي انواع كتير اوي وانا هعمله مطبخي خشب زان ابيض وبياخد قشرة علي مااظن اسمها فروميكا دي فيها الوان كتير احمر ازرق بني نبيتي والوان كتير الراجل بيبقي عندة الالوان وانتي اختياري اللي انتي عايزاه
انا اخترت لون بني
وانا هبدء انزل واتفرج علي النجف وانا خايفة اجيبه واشيله يترب مني

دي صور مطابخ خشب واخدة القشرة اللي بقوالك عليها وملمسها ناعم جدااااااا وسهلة اوي في التنضيف















وبيبقي شكلهم كده وبيليق علي المودرن اوي








[/

QUOTE]


ربنا يجازيكى خييييييير
جميلة اوووووووى المطابخ دى هو انا بفكر اعمل واحد من الاتنين الاواخر دول
طيب هو الخشب الزان اللى هتعمليه ده نوعه حلو والمتر منه بكام؟؟؟؟
والفورميكا دى غاليه ولا رخيصة ؟؟؟

[QUOTE=عاشقة الرحمن دينا;11100373]يا مسهل ارد بقي



بصي يا قمر اولا بالنسبه للمستوي انا مكنتش عاوزه مستوي و خطيبي عاوز درجتين
اتفقنا اننا هنعماها درجة واحده ان شاء الله
بس علي فكره انا لسه حاسه انه هيضيق الدنيا
فلو معرفتيش تقنعي خطيبك يلغي الدرجتين دول ( زي ما انا فشلت ) اعملي درجه واحده

ابعدي عن موضوع الستاره خالص لو مودرن
لو كلاسيك ممكن بس برده مش بحبها

الارج بقي انا عملتوا و عاوزه الحق ندمت عليه
اه صحيح شكلو حلو بس اولا الراجل معملهوش زي اللي في دماغي
ثانيا بيضيق المكان يعني شقه اخو خطيبي فوق شقتي بالظبط و نفس الديزين بس بعد الارج حسيت ان شقتي اضيق
بس هوا شكلا حلو



انا اري انك لو عملتي المطبخ احمر في بيج متعمليش الارض ابيض * اسود انا حاسه ان كده الالوان كتير
بس بصراحه مش عارفه تعملي الارض ايه
مفيده انا صح ؟



هدورلك علي الصور اللي كنا بنقي منها و انزلهوملك ان شاء الله


اولا مش لازم يبقي في فاصل خصوصا لو المساحه صغيره
الفكره بتاعتك حلوه انا كنت عاوزه اعملها بس خطيبي مرضيش



لا مش هيتقفل و يبقي اوضه و لا حاجه
هدورلك علي صور و احطهالك



:093::093: هوا ده الكلام انا موافقه




الحاجات حلوه يا قمر يا رب تتهني بيها
السجاجيد علي لون الفرش و الستاير علي لون الفرش

ايه حكاية المستوى مع الرجاله اليو مين دول:037:
انا هحاول اقنعه اصلا يلغى المستوى بس يارب انجح :039:
والله البنات ادونى افكار كتير ربنا يخليهم
وخصوصا حكاية انه هيضيق المكان دى انا خفت صراحة ولما فكرت فيها تانى وشوفتها كده
حسيت فعلا انه هيضيق ...
هحاول كمان اخليه يلغى فكرة الارج دعواتكم كده
انا بحب الوسع اوووووووووووووووووووى بتخنق من المكان الضيق
يااااااااااااارب يوافق ياااااارب

يعنى بلاش شطرنج طيب اعمله ايه ؟؟

ايه رأيكم فى البلاطة الفضى اللى بتلمع فى الارضيه؟؟
هحاول اجيب صورة ليها
مش قولتولى الحيط اجيبه لون ايه؟؟

ياريت البنوتة الي اتفقت مع النجار ع المطبخ المتر ب 1000 خشب وعبيه طبقة الفورميكا دي ولا لاء وياريت تبعتيلي نمرة النجار ضروري ع الخاص...ربنا يجازيكي كل خير يارب.....وياريت اعرف انهي احسن من البنات الوميتال ولا الخشب الي عليه طبقة فورميكا وانهي اغلي وانهي انضف.........

ممكن اعرف مواعيد العمل لمعرض القوات المسلحة فرع مصر الجديدة والعباسية ضروري

الحب هو الحياة;11104182:
ازيك ياحبيبتى انا كنت بسال عليكى امبارح
الف سلامة على والدتك
ماشاء الله الموبيليا جميلة ربنا يهنيكى ايه نظام اسعارهم ؟
بالنسبة للسجاد والستاير على حسب الاوضة
يعنى النوم والسفرة بيكون على حسب الدهانات عشان تفتحى فيهم لانهم عادة غوامق
اما الانترية الصالون على حسب الوان الموبيليا وتدرجاته

ربنا يخليكى ياحب والله يسلمك يارب
وميرسي لكل البنوتات اللى ردوا عليه انا مش عارفة اعملهم كلهم اقتباس مش عارفه ليه
وبالنسبة للأسعار للي سألوني
النوم انا عملتها عموله عشان مساحة الغرفة عندي بس بجد مفرقتش عن الجاهزة خالص واتكلفت 10000 مقفلين بنقلها للشقه
والسفرة جيباها من القاهرة زي ماقولتلكم من معرض القوات المسلحة اللى فى العباسية واتكلفت 12000

تسلمى ياقمر على الموضوع واهم حاجة استفدتها انها تنفع لدهانات اللاكيه ودهانات البلاسيتك مش الزيت :014:

فى محلات الدهانات ياقمر وفى اسكندرية لقيت فى كارفور هوم سنتر


اللون ده تحفة بس ده حيبقى كمبيوتر عشان يتصبط
انتى تقدرى تلعبى فى الستاير فى4درجات اختارى منهم 2 والعبى فيهم مع الاخضر
هما الاوف وايت والبيج والاورانج والاخضر الفاتح اوى قلب الخساية :085:

[/CENTER]

بصراحة اللون ده تحفة جدا انا عملت عندى الاخضر الفاتح بس اسبونش وطلع تحفة بصراحه وبقيت الشقه عملاها سن الفيل البيج الفاتح يعنى
فشوفى انتي كده هتعملى بقيت الشقة بيج ولا اوف وايت
وبالنسبة للستاير انا من رأي متغمقيش فيها اعمليها الوان فاتحه هتبقى احلى بكتير
وربنا يتمملك بخير يارب

يابنات انا لو فرحي في الصيف ابتدي انزل للعفش امتي واجيبه امتي ياريت تفيدونييييييي

zizi hosny;11104746:
ياريت البنوتة الي اتفقت مع النجار ع المطبخ المتر ب 1000 خشب وعبيه طبقة الفورميكا دي ولا لاء وياريت تبعتيلي نمرة النجار ضروري ع الخاص...ربنا يجازيكي كل خير يارب.....وياريت اعرف انهي احسن من البنات الوميتال ولا الخشب الي عليه طبقة فورميكا وانهي اغلي وانهي انضف.........

الخشب احسن من الاولومتيال وطبقة الفورميكا دى عشان الخشب يتدهن الوان تانية غير اللون البنى كمان عشان ينفع يتغسل ويتنظف بالمية
الخشب اغلى من الالومتيال المتر من الف وطالع

zizi hosny;11104834:
ممكن اعرف مواعيد العمل لمعرض القوات المسلحة فرع مصر الجديدة والعباسية ضروري

المواعيد 10:30صباحاً الى 3 عصراً ومن 6 المغرب الى 10 مساءً
معرض العباسية اجازته الجمعة
ومعرض مصر الجديدة اجازته السبت

zizi hosny;11104854:
يابنات انا لو فرحي في الصيف ابتدي انزل للعفش امتي واجيبه امتي ياريت تفيدونييييييي

الشراء الجاهز قبل الفرح بشهر ونص

zizi hosny;11104854:
يابنات انا لو فرحي في الصيف ابتدي انزل للعفش امتي واجيبه امتي ياريت تفيدونييييييي

بصي ياحبيبتى لو جاهز انزلي قبلها بشهرين ولا حاجه ولو هتعملى عموله انزلى من دلوقتى اتفرجى ودوري هتعملي عند مين عشان هما مواعيدهم بتبقى بايظه خالص ومحدش فيهم بيصدق فى معاده
ولو شقتك جاهزة وهتودي فيها على طول انزلي حتى من دلوقتى عادى
انا عندى قريبتى نزلت امبارح تتفرج على العفش وهى فرحها فى 7 وهتجيبه وتسيبه على التلميع فى الاخر خالص فشوفي ظروفك انتي ايه
وسمعت كمان ان الموبيليا بتبقى اسعارها اقل فى الشتا بس مش عارفه ليه

mira2005m;11102158:

من اى محل دهانات زي جوتن وسكيب


او محلات مستلزمات وديكور زي السلاب ودارى

طيب معنكيش فكرة ممكن يكون اسعارهم كام؟:025:

الحب هو الحياة;11104966:
الخشب احسن من الاولومتيال وطبقة الفورميكا دى عشان الخشب يتدهن الوان تانية غير اللون البنى كمان عشان ينفع يتغسل ويتنظف بالمية
الخشب اغلى من الالومتيال المتر من الف وطالع

المواعيد 10:30صباحاً الى 3 عصراً ومن 6 المغرب الى 10 مساءً
معرض العباسية اجازته الجمعة
ومعرض مصر الجديدة اجازته السبت

الشراء الجاهز قبل الفرح بشهر ونص

بس شهر ونص مش قليل عشان الواحد يلحق يفوق لنفسه ولا ايه

zizi hosny;11105477:
بس شهر ونص مش قليل عشان الواحد يلحق يفوق لنفسه ولا ايه

اصل الجاهز مفيش اسهل منه حتشترى وحتوداى الحاجة على الشقة بعد ما تكون خلصت دهانان وكله
بس لوفيه موديلات معينة فى دماغك يبقى لفى بدرى يعنى من الشهر ده او اللى جاى عشان لو حتعملى عمولة

طيب بالنسبة للدهانات انا عندي الريسبشن مفتوح ع بعضه والجزء الي جوه الصالون والي برة السفرة والصالون من اوله في كتفين ع الجناب كنت عاوزة اهعملهم مقلم اوف وايت في بيج والحطين بتوع الصالون الي في وش بعض سبونش او ستوك ولا اخليه حيطة واحدة بس الي فيهم كده مع العلم ان باقي الريسبشن اوف وايت عاوزة اعرف رايكم.

zizi hosny;11105616:
طيب بالنسبة للدهانات انا عندي الريسبشن مفتوح ع بعضه والجزء الي جوه الصالون والي برة السفرة والصالون من اوله في كتفين ع الجناب كنت عاوزة اهعملهم مقلم اوف وايت في بيج والحطين بتوع الصالون الي في وش بعض سبونش او ستوك ولا اخليه حيطة واحدة بس الي فيهم كده مع العلم ان باقي الريسبشن اوف وايت عاوزة اعرف رايكم.

انا بفضل يكون لون مختلف فى الريسبيشن حيطة واحدة مش اتينين
واللون الحيطة المختلفة يكون ماشى مع الصالون او السفرة على حسب ناوية تعمليه فين
والاوف وايت بيليق عليه كل الالوان المهم الوان الموبيليا

mesk_2005;11099109:

ازيكم يابنات وحشتوني معلش انا بختفي لفترات متباعده كده فجأه

ادعوا لأمي الغاليه لانها كانت تعبانة جدا وفى المستشفى ودخلت العمليات :( امبارح ادعولها ربنا يشفيها يارب

بصوا انا عاوزه اوريكم صور غرفة نومي والسفرة وقولي رأيكم بس بصراحة
الدولاب هو جرار

وده السرير هو مش باين كله بس ايه رأيكم فى شكله ده

وديه السراحه والعسكري ضمناهم فى بعض عشان المكان يعنى كبرنا السراحه شويه

وده شكل الرخام بتاعها وعملالها دورجين صغيرين من فوق ده واحد منهم

وده الكومون

السفرة بقى
ده الدلسوار أو البوفيه

وده النيش

والسفرة شكلها من تحت

على فكرة ديه من معرض القوات المسلحة اللى فى العباسية
قولوي رأيكم بقى
وعشان لكي الكتير ده متزهقوش منى

قولولي هو السجاد بيجى على لون العفش ولا الحوائط والستاير المفروض تبقى مايله اكتر للعفش ولا الحوائط برضه؟

عفشك جميل يا مسك تتهنى بيه واوضة السفرة الاستايل بتاعها قريب من اوضة النوم ظريفة كده
عامة لو بتسألى عن السجاد والستاير بتوع النوم والسفرة بما انهم بنى مط بصى بيليق عليه الوانات الموف والبينك وطبعا البيجات والدهبيات والاوكسديه شوفى كده اللى يعجبك فى دول بالنسبة لالوان الستاير والسجاد

اشرى;11102306:

عايزة اخد رايكوا فى حاجة

انتوا عارفين مشكلتى الازلية ان السيراميك بتاع الريسبشن زيتى غامق فى كرنبى فاتح
فمحتارة بجد فى لون الحيطة المخالفة انا هعمل الحيطان كلها اوف وايت ما عدا حيطة واحدة
اعملها اية
انا فكرت فى اللون دة

حاسة تحفة
واعمل الستاير الى فى الريسبش اللون دة((البستاج) على شيفونات
اية رايكم بقاااااا؟؟؟؟
خايفة يقلب بفلاحى

بليز جاوبوا عليا

بصى اللون جميل فعلا بس لو عرفتى تعملى فيه حركة زى اسبونج او ترخيم او فلفيت وكده يبقى احلى بس انتى مش قولتى العفش لونه ايه لو بنى يبقى مش يفرق وتعملى الستاير اللون البستاج الفاتح مع البيج حيبقى جميل لو مودرن

zizi hosny;11105616:
طيب بالنسبة للدهانات انا عندي الريسبشن مفتوح ع بعضه والجزء الي جوه الصالون والي برة السفرة والصالون من اوله في كتفين ع الجناب كنت عاوزة اهعملهم مقلم اوف وايت في بيج والحطين بتوع الصالون الي في وش بعض سبونش او ستوك ولا اخليه حيطة واحدة بس الي فيهم كده مع العلم ان باقي الريسبشن اوف وايت عاوزة اعرف رايكم.

بصى حيطة واحدة بس اللى بتتعمل وبعدين الافضل الحيطة اللى وراء الكنبة بتاعة الصالون كده

ازيكم يابنات وحشتوني معلش انا بختفي لفترات متباعده كده فجأه
ادعوا لأمي الغاليه لانها كانت تعبانة جدا وفى المستشفى ودخلت العمليات :( امبارح ادعولها ربنا يشفيها يارب

بصوا انا عاوزه اوريكم صور غرفة نومي والسفرة وقولي رأيكم بس بصراحة
الدولاب هو جرار


وده السرير هو مش باين كله بس ايه رأيكم فى شكله ده


وديه السراحه والعسكري ضمناهم فى بعض عشان المكان يعنى كبرنا السراحه شويه


وده شكل الرخام بتاعها وعملالها دورجين صغيرين من فوق ده واحد منهم


وده الكومون


السفرة بقى
ده الدلسوار أو البوفيه


وده النيش


والسفرة شكلها من تحت


على فكرة ديه من معرض القوات المسلحة اللى فى العباسية
قولوي رأيكم بقى
وعشان لكي الكتير ده متزهقوش منى
قولولي هو السجاد بيجى على لون العفش ولا الحوائط والستاير المفروض تبقى مايله اكتر للعفش ولا الحوائط برضه؟

عايزة اخد رايكوا فى حاجة
انتوا عارفين مشكلتى الازلية ان السيراميك بتاع الريسبشن زيتى غامق فى كرنبى فاتح
فمحتارة بجد فى لون الحيطة المخالفة انا هعمل الحيطان كلها اوف وايت ما عدا حيطة واحدة
اعملها اية
انا فكرت فى اللون دة

حاسة تحفة
واعمل الستاير الى فى الريسبش اللون دة((البستاج) على شيفونات
اية رايكم بقاااااا؟؟؟؟
خايفة يقلب بفلاحى
بليز جاوبوا عليا

بنات محتاجة رايكم فى الريسبيشن عندى هو مش كبير وحيتحط فيه صالون وسفرة كلاسيك
عايزة تفيدونى بارائكم عشان الدهانات وعايزة اعمل حيطة مختلفة
مستينية رايكم والتقسيمة وكمان الشباك ده اعمل فيه ومش حينفع يتشال عايز حل له ؟ودى الصورة