mariam87;11152986:
و اخيرا استلمنا الشقه الحمدلله بس لسه بيعملوا العماره من برا بيشطبوها
و خطيبي بدأ في الكهربا و بعدها هنبدأ في الكرانيش ان شاء الله و عايزة مساعدتكم
بالنسبه للكهربا حاليا ايه نظام اعمل فيش فين و كم فيشه و كلام دده و سبوتاات؟؟
مبروك يا قمر ربنا يكملك علي خير ان شاء الله.
بصي اماكن الفيش ممكن تاخدي فكرة مننا سريعة بس لازم انتي اللي تركزي وتفكري كويس وتدي تصور للأماكن اللي هتحطي فيها حاجاتك حسب استخدامك وتحددي علي اساسها هتعملي فيش فين وكده، بصي يا ستي انا عملت في اوضة النوم فيشة كهرباء وفيشة تليفون عند كل كومودينو بس التليفون عند واحد بس فيهم عشان مش حفلة هي بقي :085::085:
وطبعا فيه واحدة تانية جنب باب الاوضة وكهرباء بردو.
وفي البلكونة فيشة كهرباء واحدة.
وفي المطبخ عملت في 3 اماكن مختلفة فيش كهرباء وواحدة منهم بس اللي هي في اخر المطبخ يعني عند الباب بتاعه كده ضفت كمان فيشة تليفون وجايبلها تليفون من اللي بيتعلقوا دول الصغيرين.
والحمام فيشتين كهرباء واحدة عشان الغسالة والتانية لأي حاجة بقي جنب الباب مع النور.
والاوض كلها طبعا اعملي حساب التكييف من دلوقتي حتي لو مش ناوية تجيبي من الاول عشان مترجعيش تندمي او تكسري بعد كده.
والليفينج بردو عاملة فيها فيشة تليفون وفيش الكهرباء حسب هتحطي جواها ايه تي في بس ولا ايه كمان وممكن الكمبيوتر مثلا وفين.
والريسيبشن بقي عاملة فيشة تليفون في كل واحد فيهم احتياطي والكهرباء بردو اتنين باين انا نسيت بس عشان انا كده كده قلت انا عمري ما هحط التي في بره واستخدامي ليها هايبقي لحاجات معية وقتية وخلاص بس بردو وزتع الكهرباء بشكل كويس.
والأباليك بقي اخترت مكانها حسب التوزيعة اللي في دماغي للبوفيه والنيش والصالون.
اه وشوفي لو هتعملي حساب للسلك بتاع اريال التي في وكمان الدش طبعا عشان يبقي كله في الحيطة مش باين بردو، شوفي هتحطي فين تي في واعملي او اعملي في كل اوضة بردو اختياطي عشان لو حبيتي قدام تيجيبي واحد تاني مثلا في اوضتك او اوضة الاطفال غير الاساسي اللي بره.
المهم اكتبي كل ده عشان متنسيش وقولي للكهربائي بقي وهو هيعد المطلوب ويقولك هاتي من كل نوع عدد فلاني بفتحة واحدة ولا اتنين وكده، وتبقي واخدة الورقة دي معاكي وانتي بتشتري المفاتيح والاكباس عشان اللخبطة.
اصلي انا جبت كل حاجة ليها لون مختلف حسب الدهان والمكان اللي هي فيه، بس طبعا الاوضة الواحدة تبقي كلها لون واحد، انا اقصد ان الشقة ككل مشكلة يعني.
وايه كمان يا جميلة.
وطبعا هو نفسه هايقولك رأيه في حاجات بردو عشان بيبقي عارف اماكن الاسلاك فين واذا كان ينفع يكسر في الحتة دي ولا لأ عشان ممكن تكون خرسانة او عامود اساسي من البيت فهماني.