ملف استفسارات بنات مصر للديكور

انا كمان معاكى يا مسك بيلا كازا اسعارو نار اناو الله نفسي اجيب سفرة مودرن و دايخة بردو عشان الاسعار انا عايزة حاجة فى نفس الحدود بتاعتك انا رحت دمياط بصيت السفر اغلبها كلاسيك و المودرن اللى الفينيش بتاعو نضيف ب 20 و 22 و شفت واحدة تدى على مودرن شويه بس الفينيش مكانش بيرفكت كانت ب 13 و نص
انا رحت مفكو حلوان انا و خطيبى و قلتلو انا صحباتى قالولى عليه جامد اول ما دخلنا و شاف الحاجات شتمنى و الصراحة انا كنت حشتم نفسى هههههه الموديلات هناك ما عجبتنيش و كلها حاجات قديمة بس يمكن يكونو حطو حاجات احسن لان انا رحت من فترة


سؤال يا بنات اطقم الحمام اللى هيا بتبقى سيت كدة مع بعض ممكن الاقيها فين بسعر رخيص و كويس و يا ريت لو حد قالى المنشية يقولى فين بالظبط ما يسيبهاش عايمة كدة

يابنات لو حد يعرف يجيبلي صور دهانات لدرجات الموف الغامق او البتنجاني بحيث يليق علي البيج
لاني عايزة اعمل جدار واحد بس في الرسيبشن والباقي بيج
بس يكون الموف اللي مايل علي ازرق ده
انا طلعته في البرنامج بتاع الالوان بس مش عارفة احفظ الصورة علي الجهاز
لو حد يعرف احفظ الصورة ازاي برده ياريت يقولي

hekaya_wa;10593897:
يابنات لو حد يعرف يجيبلي صور دهانات لدرجات الموف الغامق او البتنجاني بحيث يليق علي البيج
لاني عايزة اعمل جدار واحد بس في الرسيبشن والباقي بيج
بس يكون الموف اللي مايل علي ازرق ده
انا طلعته في البرنامج بتاع الالوان بس مش عارفة احفظ الصورة علي الجهاز
لو حد يعرف احفظ الصورة ازاي برده ياريت يقولي

شوفى دول كده ينفعوكى ولا عايزه درجات تانيه؟؟؟

ميرسي كتير ياجميل



هو تقريبا انا عايزة الدرجة اللي متعلم عليها دي او اغمق منها شوية عشان تليق علي البيج
بس لو تعرفي تجيبهالي علي جدار كامل عشان اتخيل شكلها يبقي كويس اوي
المشكلة انا مش عارفة احدد درجة اللون كويس عشان مخدة الصالون اللي معايا لونها غريب اوي لونها درجة موف اللي مدي علي ازرق كده وفيها ضي بني معرفش ازاي
هو الصالون اصلا مش درجة المخدة هو فاتح لكن انا عايزة اعمل الغامق عشان يليق مع البيج

انا صورت المخدة بس معرفش لونها باين ولا ايه
معلشي بقي ياجماعة اللي تحت المخدة ده مزكراتي:(--عندي امتحانات بقي وكده:o

دي صورة اودة صاحبتي الي جابتها من مفكو :)



ودي مكتب الكمبيوتر

ما شاء الله اوضة الاطفال جميلة اوي
ياتري مفكو دي فين؟
وياتري جابتها بكام
يارب تملاها كلها عيال

ههههههههه صعب تملاها عيال لانها اودتها هي...واختها هههههههههههههههههههههههههه
دي اودتها ف بيت باباها
كانت تقريبا ب6 او 7
ومفكو ف القاهرة له فرعين وف اليكس له فرع
ف القاهرة له فرع ف حلوان معرفوش
وفرع ف مكرم عبيد ف اوله
وف اليكس ف شارع فوزي معاذ ف سموحة زي ما توتي لسه قايله :)

الاوضة حلوة ما شاء الله
انا لسة كنت فى مفكو فى فرع المهندسين (3 ش لبنان) ماكنش فيه الحاجات دى.. اوض الاطفال اللى فيه كانت كلها بنى,,,

ههههههههه صعب تملاها عيال لانها اودتها هي...واختها هههههههههههههههههههههههههه
دي اودتها ف بيت باباها
كانت تقريبا ب6 او 7
ومفكو ف القاهرة له فرعين وف اليكس له فرع
ف القاهرة له فرع ف حلوان معرفوش
وفرع ف مكرم عبيد ف اوله
وف اليكس ف شارع فوزي معاذ ف سموحة زي ما توتي لسه قايله

ههههههههههههه
انا بحسبها في شقتها
عامة خيييييير
ان شاء الله تتجوز قريب وتعمل احلي منها وتملاها عيال برده

حد يقولى يا بنات انا نازله الاسبوع الجاى بأذن الله اجيب العفش وعايزه اماكن حلوه فى القاهره هنا لانى معرفش غير القوات المسلحه يا ريت حد يفدنى بجد واكتشفت كمان ان خطيبى ميعرفش اماكن خالص عشان خلاص هعيط :confused::confused::confused::confused::confused::confused::confused::confused:لانى سألت كتير اوى

هاااى يابناويت وحشتونى جدا رجاء خاص جدا ومستعجل ونفى تردوا عليا فيه لانى قربت اتجنن خلاص انا باذن الله نويت اعمل شقتى مودرن انا عندى اوضتين مقفولين واحده باذن الله نوم والتانيه ليفنج هحط فيها كورنر بيتفتح سرير وتربيزه للتي فى اما الازمه اللى شاغلانى بقى:confused: الاوضه التاله مفتوحه على الصاله والصاله باذن الله هيبقى فيها سفره المهم الاوضه دى المفروض هتبقى زى الصالون يعنى استقبال الضيوف واكيد مش هتبقى كل الشقه مودرن واجيب الصالون كلاسيك وكل اللى بلاقيه بيبقى شبه الانتريهات بتاعت الليفنج واكتر حاجه عجبتى كانت عند ان اندد اوت ودى صورتها
http://inoutfurniture.com/index.php?main_page=popup_image&pID=513
بس كمان كل الانتريهات المودرن بتبقى صغيره قوى وبحس انها مش هتكفى الضيوف حتى لو كان العدد صغير وكمان هيبقى شكلها قليل فى الاوضه فممكن تقولولى ايه رايكوا فى الانتريه ده وهل شكلوا حلو لاستقبال الضيوف ولا شكلوا انتريه لليفنج وكمان ممن اجيبلوا ايه متلا علشان احطوا معاه يعنى ممن اعمل كرسين قماش مشجر واعمله مخدات من نفس القماش مع العلم ان اللى انا مختراه مش القماش المقلن هو قماش شكلوا زى الخيش كده بس ناعم قوى ولونه بيج ساده والغامق ده جلد بنى غامق قوى فممكن افكاركوا بليز لانى عارفه ان افكاركوا مشاء الله جامده جدا وكمان ممكن اعملوا الوان الحيطان ايه بس ماتكونش تقليديه وممكن الاقى فيناماكن فيها حاجات احسن من كده
وشكرا مقدما ياقمرات ومعليش طولت عليكوا:888345:

yoyo butterfly;10597050:
هاااى يابناويت وحشتونى جدا رجاء خاص جدا ومستعجل ونفى تردوا عليا فيه لانى قربت اتجنن خلاص انا باذن الله نويت اعمل شقتى مودرن انا عندى اوضتين مقفولين واحده باذن الله نوم والتانيه ليفنج هحط فيها كورنر بيتفتح سرير وتربيزه للتي فى اما الازمه اللى شاغلانى بقى:confused: الاوضه التاله مفتوحه على الصاله والصاله باذن الله هيبقى فيها سفره المهم الاوضه دى المفروض هتبقى زى الصالون يعنى استقبال الضيوف واكيد مش هتبقى كل الشقه مودرن واجيب الصالون كلاسيك وكل اللى بلاقيه بيبقى شبه الانتريهات بتاعت الليفنج واكتر حاجه عجبتى كانت عند ان اندد اوت ودى صورتها
http://inoutfurniture.com/index.php?main_page=popup_image&pID=513
بس كمان كل الانتريهات المودرن بتبقى صغيره قوى وبحس انها مش هتكفى الضيوف حتى لو كان العدد صغير وكمان هيبقى شكلها قليل فى الاوضه فممكن تقولولى ايه رايكوا فى الانتريه ده وهل شكلوا حلو لاستقبال الضيوف ولا شكلوا انتريه لليفنج وكمان ممن اجيبلوا ايه متلا علشان احطوا معاه يعنى ممن اعمل كرسين قماش مشجر واعمله مخدات من نفس القماش مع العلم ان اللى انا مختراه مش القماش المقلن هو قماش شكلوا زى الخيش كده بس ناعم قوى ولونه بيج ساده والغامق ده جلد بنى غامق قوى فممكن افكاركوا بليز لانى عارفه ان افكاركوا مشاء الله جامده جدا وكمان ممكن اعملوا الوان الحيطان ايه بس ماتكونش تقليديه وممكن الاقى فيناماكن فيها حاجات احسن من كده
وشكرا مقدما ياقمرات ومعليش طولت عليكوا:888345:

اولا ربنا يقدملك اللى فيه الخير وتخلصي شقتك وتكون زي ما انتي عايزة ان شاء الله

طبعا كلامك مظبوط جدا بخصوص ان ما ينفعش نعمل في الريسبشن حته مودرن وحته كلاسيك

الصورة جميله ومش بطال الطقم وكل الاطقم المودرن يا اما ركنات على حرف L
يا اتنين كنبه وكرسي

فكرة الكرسين الزيادة دي فكرة مش بطالة ولو هتجيبي الطقم دة الخدادية بيج وفيها وردة اورنج اعملي الكرسين بنفس القماشة دي

والصورة مسهلة عليكي اوي لون الحيطة اعمليها نفس الصورة بالظبط

والمودرن على فكرة ميزته الوسع يعني ما ينفعش تعملي مودرن وتملي الشقة عفش كتير لا مدام مودرن يبقى انتي اختارتي الوسع واحساس بالمساحات الواسعه الفاضية او اللى فيها حاجات بسيطة

كملي الديكورات باباجورة شيك اللى بتكون وقفه على الارض

وكمان اللوحات اللى بتكمل بعض بيكونوا اتنين او تلاته جنب بعض

سجادة شيك

كل دة هيكمل المنظر

في محل بتاع مودرن حلو اوي اسمه اي ديزاين اعرف فرع المعادي على كورنيش المعادي جنب ماندرين قويدر بتاع الحلويات

بنات حد يجيبلي نمره محل من المحلات اللي في معرض القوات المسلحه عايزه اسالهم ع حاجه بس الفرع بتاع اخر مترو المرغني ماشي ياقمرات ياريت النهارده و مرسيه ليكوا

yoyo butterfly;10597050:
هاااى يابناويت وحشتونى جدا رجاء خاص جدا ومستعجل ونفى تردوا عليا فيه لانى قربت اتجنن خلاص انا باذن الله نويت اعمل شقتى مودرن انا عندى اوضتين مقفولين واحده باذن الله نوم والتانيه ليفنج هحط فيها كورنر بيتفتح سرير وتربيزه للتي فى اما الازمه اللى شاغلانى بقى:confused: الاوضه التاله مفتوحه على الصاله والصاله باذن الله هيبقى فيها سفره المهم الاوضه دى المفروض هتبقى زى الصالون يعنى استقبال الضيوف واكيد مش هتبقى كل الشقه مودرن واجيب الصالون كلاسيك وكل اللى بلاقيه بيبقى شبه الانتريهات بتاعت الليفنج واكتر حاجه عجبتى كانت عند ان اندد اوت ودى صورتها
http://inoutfurniture.com/index.php?main_page=popup_image&pID=513
بس كمان كل الانتريهات المودرن بتبقى صغيره قوى وبحس انها مش هتكفى الضيوف حتى لو كان العدد صغير وكمان هيبقى شكلها قليل فى الاوضه فممكن تقولولى ايه رايكوا فى الانتريه ده وهل شكلوا حلو لاستقبال الضيوف ولا شكلوا انتريه لليفنج وكمان ممن اجيبلوا ايه متلا علشان احطوا معاه يعنى ممن اعمل كرسين قماش مشجر واعمله مخدات من نفس القماش مع العلم ان اللى انا مختراه مش القماش المقلن هو قماش شكلوا زى الخيش كده بس ناعم قوى ولونه بيج ساده والغامق ده جلد بنى غامق قوى فممكن افكاركوا بليز لانى عارفه ان افكاركوا مشاء الله جامده جدا وكمان ممكن اعملوا الوان الحيطان ايه بس ماتكونش تقليديه وممكن الاقى فيناماكن فيها حاجات احسن من كده
وشكرا مقدما ياقمرات ومعليش طولت عليكوا:888345:

ماشاء الله يا قمر حلو اوى

و اى حاجة الاستيل ده حلو جداً وهي دي الانتريهات المودرن

البديلة للصالونات الكلاسيك

انتى ممكن لو الاوضة كبيرة اوى تعملي اتنين كنية وكرسيين

لكن لو مش اوى هي كده حلوة وممكن كرسيين زي ما قولتي

من نفس القماشة او قماشة مشجرة وتكون ماتشينج اوى معاها

وكمان تعملى منها مخدات للطقم مثلاً


الحوائط ممكن اللون المشمشي طالع موضة بس يكون هادي

او حاجة نبيتي كده مع حيطة مصلاً فيها تقليمات بيج وجملي

والاكسسورارز بتدي شياكة اوى للبيت وخاصة المودرن

وربنا يتملك على خير يارب

بنات بالله عليكم عايزة منكم طلب ضروري جداااااااااا ومصيرييييييييييي

فين ممكن الاقي الكوبايات المربعه دي ف القاهره





عايزاها ضروري جدا ويارب حد يرد عليا النهارده

لو حد شافها ف اى اى مكان يقولي بالله عليكم

طيب انت ممكن تجيبى كوبايات فيها شمع و بعدين تفضيهم اكيد هتلاقى مربع دى اسهل حاجة

sosomedo;10600797:
طيب انت ممكن تجيبى كوبايات فيها شمع و بعدين تفضيهم اكيد هتلاقى مربع دى اسهل حاجة

ههههههههههههههههه

ياريييييييييييييييييييت

ماهو انا يا حبيبتي عايزاها ف شغلي

علشان ان شاء الله هشتغل ف الشمع فعايزة اعمل فيهم

قصة كبيرة;10567718:
سؤال وماتنطشوش زى كل مرة لو سمحتوا
عايزة حد يوصفلى مكان معرض القوات المسلحة اللى فى العباسية بالتفصيل واجازته الجمعة ولا السبت؟؟؟ وفاتح لحد الساعة كام؟؟؟؟

المعرض فى برج مصر للسياحه نفسه هتلاقيه اول دورين تحت فى ميدان العباسيه والمواعيد بصى اللى انا فكراه انه فترتين والتانيه بتبدا من 6 الى 10 مساءا

baata;10573212:
بنات هو انا ليه مش بتوصلي ان الموضوع اترد عليه في التجمعات ؟
عشان المخالفه اجيب بتاعت التوابل ديه منين من القاهره و سعرها كام ؟

سعرها معرفش لكن انا شفتها فى مركاتو مول فى اول عباس العقاد

بنات
حد يعرف اسعار التابلوهات الجوبلان كام تقريبا؟
وهل الافضل اجيبها من مصر ولا من السعوديه؟
عشان فى ناس قالولى ان التابلوهات دى حلوه هناك
بليز ردو عليا بسرعه عشان مام مسافره ولو كده اخليها تجيبلى معاها وهى جايه