mesk_2005;10540393:
يابنات عاوزه اقولكم حاجه عن تجربه والله بالنسبه للفصال فى الموبيليا فاصلوا جامد لأن السعر اللى بيقولوه بيبقى بعيد اوى عن سعرها عشان لما انتى تضربيلهم سعر ميكونوش خسروا برضه فى الاوضه
انا لما روحت دمياط شفت هناك اوضه نوم كانت ب15000 واعدنا نفاصل لغياه لما نزلناها 11000 وشوفناها فى معرض تانى ب11000 اصلا وفاصلنا لغايه 9000 وهو هو الخشب والديزاين والتفنيش وكل حاجه وكان معانا كمان نجار كويس اوي ومن دمياط كمان
عشان كده بقولكم فاصلوا جامد والسفرة كمان اللى شوفتها امبارح الرال اول ماقالى قال 14000 مع انه قبلها بفترة كان قايليى 13500 نزلنا معاه من 14000 ل 11000
وربنا يباركلنا فى حاجتنا ان شاء الله
عندك حق فعلا لازم الفصال جامد وكمان نزلوا سعر الاوضه النص ومتخافوش وبعدين علوا معاه بعد كدا هما مش هيبيعوا لو خسرانين
والكلام دا عن تجربه
الحب هو الحياة;10559189:
عندى سؤال
انا عايزة اعرف ترتيب رص الدولاب للعروسة تحط ايه فى ارفف الدولاب وتحط ايه فى الشفونيرة وايه احلى واشيك اشكال لترتيب الملابس والفوط والبطاطين واطقم الملايات ولو امكن التوضيح بصور وشكرا ليكم
بصى يا ست البنات
الدولاب اولا بتجبيله المفارش البلاستيك اللى بتتباع بالمتر دى اوكى بتحطيها
ثانيا الدلفه اللى على ايدك اليمين بتبقى بتاعت جوزك ان شاء الله بيبقى فيها رف من فوق ودا بيتحط فيه لبس البيت بتاعه ان كان برمودات او شورتات او تى شيرتات
وطبعا الشماعات بيتعلق فيها لبس الخروج بتاعه
من تحت الدلفه ف الارضيه ممكن تحطى الشوزات بتاعته الجديده او الجزم الجديده
الدلفتين التانين هيبقوا بتوعك انتى ويارب يكفوا بقى لو مكفوش مفيش مانع تقتحمى الدلفه بتاعته هتعملى ايه
الللى فى النص بترتبى فيها لبس البيت بتاعك من اقطان ولبس دلع وبيبقى فى درجين من تحت بتخصصى واحد ليكى لملابسك الدخليه الاندر والبرا وواحد ليه
وياريت تتقمى لبسك عشان متغلبيش بمعنى لو عندك طقم شورت وفقيله الاندر بتاعه وطبقيه معاه بشكل حلو وحطيهم فوق بعض ولما تلبسيه وخلاص ابقى رجعيه ف الدولاب اخر حاجه
عشان لما تيجى تلبسى يبقى فى تغيير عشان احنا بنستسهل وناخد اللى فى وشنا فخلى اللى لبستيه تحت والجديد فوق لما الرصه تخلص هتلاقى نفسك بترجعى تلبسى الاولانى تانى يارب تكون وصلتك فكرتى
طبعا الدلفه الشمال هيتعلق فيها لبس خروجك والانجيرى ومن فوق هتحطى الشنط بتاعتك ومن تحت الجزم الجديده
الايشاربات لو حطيتى مع كل طقم من لبسك الايشارب بتاعه هتوفرى على نفسك ويبقى سهل عليكى تجيبى اللى عيزاه
الشوفنيره
اول درج انا معرفش انتى عندك شكلها ايه انا عن نفسى كلها ادراج ودا افضل عشان تشيل كتير
انا حاطه فيها البندانات والايشاربات
التانى والتالت فوط وبشاكير
والرابع ملايات
لو لسه عندك ملايات عندك حلين يااما تحطيهم فى الدلفه الوسطانيه من فوق خالص اعملى جزء للفوط الفاضله وجزء للملايات
او تحت السرير
وتحت السرير طبعا هتحطى اللحفه والبطاطين والكوفرتات
بالنسبه للفوط بتبرميها زى السويس رول كدا وترصيها جمب بعض
الملايات بتبقى بعدلتها لما بتفكيها فوق بعض
ومتنسيش التعطير الدولاب حطى مكعبات المسك بين الهدوم او الاكياس المعطره اللى بتتعلق عشان تدى ريحه حلوه للدولاب وللهدوم
وهحاول اجيبلك صور لطرق ترتيب الدولاب ان شاء الله
mesk_2005;10559406:
منورة ياحبيبتى والله ووحشتيييييييييييييييييينى
اصدقي ياحب لفتى نظري لحاجه مهمه جداااااااااااا
البطاطين بتاعتى هحطها فييييييييييييييين وانا مش عملت شفونيره انا ضماها مع السراحه
وحاسه اصلا ان الدولاب يادوبك هياخود هدومي وهدوم جوزه مش عارفه اوديها فين ههههههههههههه
ربنا يستر بقى
انا هدور ياحبيبتى على الموضوع ده ولو لاقيت حاجه هنزلها ان شاء الله
تحت السرير فى الحته اللى متقفله البطاطين واللحفه
