ملف استفسارات بنات مصر للديكور

على طريق العرس;10560448:
الناس الناس الناس :ss:
لو يسيبونى عليهم الناس دى :D
والله انا شايفه ان الناس تجيب االمعقول يعنى هتجيبى الحاجه الحلوه والكويسه بس مش بكترة العدد اصل انا والله بسمع اعداد غريبه فى الفوط والاطقم بتاعة الملايات والحاجات دى تحسى ان البنت داخله حرب مش جواز كإن الحاجات دى هتنقطع من الدنيا لا هيطلع منها جديد ولا هيبقى موجود منها اصلا :D



اه صح بينفع برضه فى موضوع الشنط
هو وقت الفرش ان شاء الله هتلاقى الدنيا تتظبط اكتر انت حطى فى بالك بس الاساسيات ووقتها هتلاقى نفسك بتظبطيها على اد المتاح
ولو حاجه مالهاش مكان اشحنيها على بيت ماما تانى :D مفيش مشكله خزنى هناك:wink:

ربنا يكون فى عون اهلنا ويرزقهم برزقنا ههههه
انتى عارفة واحدة صاحبتى الدنيا كلها اتملت عندها تحت السرير الخزينة والدولاب وكله
المهم جت اخته اتخطبت بقيت تجيب حاجات وبيتهم اتملى وجابت حاجات عندها شالت لها فى البوفيه ههههه فضيت مكان وحطيت حاجتها من كتر الحاجة اللى جبتها وقالتلى ماتجبيش كتير والخددايات كمان بتاخد مكان على الفاضى قالتلى متكتريش منها

tota_10;10560694:

كده محدش يرد عليا .. أنا محتارة بجد وعاوزة أخد رأيكوا .. طب انا هوضحلكوا الريسيبشن عامل ازاى .. :D
هو اول ماتدخلى من باب الشقه عندك حيطه على ايديك اليمين أدى الأولى .. وبعدين فى الوش حيطه فيها الشباك أدى التانيه .. وبعدين على الشمال واحده أدى الثالثه ..
الرابعه بقا تبقا فى ظهرنا و امتدادها يدخل على طرقه لحد الأوض اللى جوه
تمام كده .. انا بفكر بقا التلاته اعملهم لون فاتح والرابعه دى اعملها لون أغمق .. فهمتونى ؟؟
الفكرة دى كويسه ولا ايه رأيكوا .. وياريت تقترحوا عليا لون ومايكونش غامق وانا قلتلكوا الريسيبشن هأحط فيه السفرة وأنتريه شيك للضيوف .. ونسيت أقولكوا الأرض بورسلين لونه بيج أو لون الرمل كده
ردوا عليا عشان كده هعيط :confused::confused:

انا راى تعملى الحيطة بتاعة الصالة لون محايد وفاتح وحيطة الصالون او السفرة تكون بلون السفرة او الصالون تختارى واحدة فيهم
اعملى اللون الاساسى البيج الفاتح
اما اوضة النوم فيه الوان فواتح كتير زى البيج والسيمون والاخضر الفاتح والروز والموف
بس لو حتعملى موف خليها كلها موف فاتح وحيطة السرير موف غامف سنة بسيطة عشان الاوضة متصغرش واى خدمة ياسكر

الحب هو الحياة;10560320:
موضوع الخزانة حاعمله ان شاء الله عشان معنديش مساحة
والله ولا اسراف ولا حاجة بس ساعات بتلاقى حاجة تعجبك فبتجبيها وطبعا مش خارج عن الرينج المعقول
ولازم تجيبى الوان كتير والعادات الجميلة بتاعتنا
نفسى الناس تقلد الغرب فى حاجة واحدة كل واحد فى حاله ميدخلش فى خصوصيات التانى وكمان معندهومش حوارات دى جابت ومجبتش وشغل عواجيز الفرح بتاعنا ههههه
وميرسى على الافادة ياسمسمة
بخصوص الرف اللى فوق انا قولت حلم فيه الشنط والاحذية الجديدة اللى حاشتريتها قبل الجواز

حب الحياة معاكي حق ياقمر لو احنا نقلد الغرب في اللي قولتي عليه هنبقي كده(y)
وهم فعلا معندهمش التجهيزات دي بيجيبوا احتياجم بس اللي هيستعملوا
نعمل ايه بقي احنا كده هههههههههههههههههههههههه:21_131:

ريومة228;10555490:
الدهانات بجد معرفش ويارب تعملي اللي انتي عايزة
النخف لو عايزة حاجات الاستيل دي انزلي العتبه مليانة محلات وفي كمان في اول عباس العقاد علي الشمال كده في الدور التاني
اما لو عايزة مودرن او استيل برضوا درب البربرة مليانه نجف كتيررررررررررر
وفي شارع اسمه الكهرباء في الاوبرا

انا كنت رايحه المناصره مع خطيبى وشوفت فى الطريق شارع كااااااااااامل كله نجف
الشارع ده حد يعرفه وحلو ولا لآ

Jumanaa;10556103:
النجف لو مودرن من شارع الكهربا فى العتبه اللى فى ميدان الاوبرا عند جامع الكخيا او من ميدان الجامع ولو كلاسيك درب البرابره ملياااااااااااان كل الاشكال والاسعار

الحب هو الحياة;10556512:
السعر كده حلو جدا بس طبعا لازم تتاكدى من السمك وكل ما يكون تقيل افضل

الوزة فوق افضل
الحيطان كلهالون موحد اعملى بيج فاتح واعملى حيطة واحدة بلون الصالون
الطرقة اعمليها لون الصالة متعمليش اسبونش او شغل فيها

بصى القطيفة مش عملية بتلم تراب وعايزة عناية دائما

sally2007;10557880:
انا عاملة حيطة وحطة عندى فى صالونى بنفس لون الصالون انا عندى الصالون دهبى فى بنى فعملت حيطة وحده وراء الكنبة بنى وعملت الزويا اللى فى الجناب دهبى والحيطة اللى قصاد الحيطة البنى عملت الاجناب بتعتها بنى وزويها دهبى وباقى الاوضه لونها سن الفيل

ودى صور الصالون عندى
دى الحيطة البنى الكاملة




ودى الحيطة اللى قصادها وده قصدى بانى عملت الاجناب كده بنى يعنى وحددت الزوايا بدهبى



اما الوزرة فحطيهاتحت خط السقف انا عملها عندى فى اوضة نومى وشكلها الحمدا لله جميل ودى الوزة اللى فى اوضه نومى وكنت جايبها من محل يوتن وسعر الوزرة الوحده 30 ج وانا كنت جايبة 4 رولات عشان يقضوا سقف الاوضه

ودى صورة الوزة اللى فى اوضتى هى دى الصورة اللى لقتها باينه ليه عندى هتلاقيها فوق الستارة

شكرا قوى ليكم يابنات ربنا يكرمكم يارب

سالى حاجتك حلوه قوى ماشاء الله
انا فعلا قررت اعمل الطرقه كلها لون البيج المصفر ده احسن والعامود اللى جمبه فكرت اعمله بالطوب الفرعونى مع حراف الحيطان كده متخيلين كمان خلاص انا جبت المشايه بتاعت الطرقه زيبرا دهبى فى اسود فده ساعدنى اكتر وهعملان شاء الله باب مروحه فة بدايه الطرقه اللى هو بيتفتح على الناحيتين وشكل الشيش بالظبط ...........
بس المشكله انه جوزى عايزنى اروح معاه للراجل اللى بيدهن واوصفله انا عايزه شكل الدهان ايه تعتيق ترخيم وكده وانا محتاره وخايفه اتلخبط فيهم والراجل يضحك عليا فلو حد يعرف يجيبلى صور الدهانات ويساعدنى يبقى كتر الف خيرها ..........

بسكوتة تو;10558305:
يابنات هموت خلاص من الدوخة

عايزة شكل ستارة للرسبشن تكون شيك ومودرن وكل الاشكال علي النت مش عجباني ياريت اللي تكون لفت في محلات الستاير وشافت موديل حلو وشيك تقلي وتنزلي الصورة

ولو حد عنده اى صورة للستاير تقدر تفدني بيها متبخلوش عليا

يقعد في عنكم وعفيتكم

انا خلاص قربت اشحت ولا ايه:(

بصى ياسيتى انا كنت زيك كده من اسبوع بالظبط وكنت هعيط كمان بس جيت ليله ما هنروح نجيب القماش الراجل قاللى شوفى عندك لو فى شكل معين عايزاه ووريهولك وربنا مايوريكى بقى هههههههههههههه

فضلت طول اليوم كانى عندى امتحان وادور عندى فى الكومبيوتر وخلاص على بليل قررت وجمعتهم فى فولدر وخلاص هنزلهم على الموبايل عندى الا والنسخه ضربت هههههههههههههههههههههههههههه

والمصيبه انه الراجل الكتالوج اللى معاه مكنش معاه جالى الصبح لاننا كنا نازلين وكاله البلح وقالى الكتالوج عروسه خدته امبارح تتفرج عليه ههههههههههههههههههههههههههه

يعنى على الحميد المجيد انا وهو هههههههه وكان احساس ابن لذينا :mad:
بس الحمدلله قولتله اكيد بتوع القماش عندهم كتالوجات قاللى طبعا فقولت الحمدلله خلاص نشوف هناك لانى برضه كنت حفظت شكل اللى انا عايزاهم للاوض لكن الصالون والسفره لا خااااااالص
وهناك بقى جابوا الكتالوج وشوفت

يعنى انتى اتفرجى كده وحددى ولو للاوض بس
وهناك شوفى عند محلات القماش وهيساعدوكى ان شاء الله

الحب هو الحياة;10560736:
انا راى تعملى الحيطة بتاعة الصالة لون محايد وفاتح وحيطة الصالون او السفرة تكون بلون السفرة او الصالون تختارى واحدة فيهم
اعملى اللون الاساسى البيج الفاتح
اما اوضة النوم فيه الوان فواتح كتير زى البيج والسيمون والاخضر الفاتح والروز والموف
بس لو حتعملى موف خليها كلها موف فاتح وحيطة السرير موف غامف سنة بسيطة عشان الاوضة متصغرش واى خدمة ياسكر

ميرسى يا حبيبتى .. بس ازاى حيطه الصاله وحيطه الصالون مانا قلتلك ريسيبشن واحد .. يعنى أربع حوائط هحط فيهم الصالون والسفرة :ss:

توته انا فاهمه قصدك لانى عندى زيك كده رسيبشن كله على بعضه
بس انا عملت ايه بقى؟
عملت لون اساسى بيج مايل للاصفر لانه محايد
وخليت الحيطه اللى عند الصالون ورا الكنبه يعنى هى بلون القماش
واللى عند السفره وراه بمعنى اصح لون تانى بلون السفره فهمانى؟؟

انا من دلوقت الحاجه الي بحس اني مش هستخدمها بقول مش جايباها
وبمناسبة نعين فين
هو ماينفعش نشيل الحاجه ف دولاب اودة الاطفال؟؟ ماهو هيبقى فاضي
ولا ايه

kitty_kity;10564015:
انا من دلوقت الحاجه الي بحس اني مش هستخدمها بقول مش جايباها
وبمناسبة نعين فين
هو ماينفعش نشيل الحاجه ف دولاب اودة الاطفال؟؟ ماهو هيبقى فاضي
ولا ايه

اه طبعا يا كيتى ينفع اوى
بس انا كنت بتكلم عن اللى عندهم الدولاب الكبير بس لكن لو فيه دولاب تانى اكيد مش هيبقى فيه مشكله ان شاء الله

sally2007;10557880:
انا عاملة حيطة وحطة عندى فى صالونى بنفس لون الصالون انا عندى الصالون دهبى فى بنى فعملت حيطة وحده وراء الكنبة بنى وعملت الزويا اللى فى الجناب دهبى والحيطة اللى قصاد الحيطة البنى عملت الاجناب بتعتها بنى وزويها دهبى وباقى الاوضه لونها سن الفيل

ودى صور الصالون عندى
دى الحيطة البنى الكاملة










ودى الحيطة اللى قصادها وده قصدى بانى عملت الاجناب كده بنى يعنى وحددت الزوايا بدهبى






اما الوزرة فحطيهاتحت خط السقف انا عملها عندى فى اوضة نومى وشكلها الحمدا لله جميل ودى الوزة اللى فى اوضه نومى وكنت جايبها من محل يوتن وسعر الوزرة الوحده 30 ج وانا كنت جايبة 4 رولات عشان يقضوا سقف الاوضه

ودى صورة الوزة اللى فى اوضتى هى دى الصورة اللى لقتها باينه ليه عندى هتلاقيها فوق الستارة

اولا حلوه شقتك ياحبيبتي تتهني بيها بس سؤال هي الستاره ديه بتتفك وكده ولا معموله ازاي اصلا ؟

ريومة228;10560737:
حب الحياة معاكي حق ياقمر لو احنا نقلد الغرب في اللي قولتي عليه هنبقي كده(y)
وهم فعلا معندهمش التجهيزات دي بيجيبوا احتياجم بس اللي هيستعملوا
نعمل ايه بقي احنا كده هههههههههههههههههههههههه:21_131:

الحمدلله على كل شىء وربنايكرمنا والله انا بجيب الضرورى وبحاول ما اجبش زيادات وربنا يفرحنا

mesk_2005;10560843:

وده شرح بالصور لطريقة ترتيب الملابس

اتفضلي ياحب

اولاً القمصان :

نطبق القميص ليظهر بهذا الشكل

وبذلك تحصلين على قمصان مطبقة بشكل منظم وحيز اقل وذلك برصها فوق بعضها

ثانياً البناطيل:

نطبقها برضه بالشكل ده عشان متاخودش حيز كبير

[COLOR=darkorchid]ثالثاً البيجامات والاطقم :[/COLOR]

يفضل تطبيقها داخل بعضها
حتى يسهل عليك البحث عنها
وعدم بعثرتها عند استخراج كل قطعة بمفرده

وفى الاخر تكون بالشكل الجميل ده

رابعاً الجوارب (الشربات) :

ليها طريقتين
اما ان نثنيها من المنتصف بهذا الشكل

[COLOR=plum]ونرصها طوليا فى كرتونة مخصصة [/COLOR]

او تلف بهذا الشكل
[COLOR=plum]ونرصها ايضا فى كرتونة مخصصة لها[/COLOR]

خامساً الفوط :

تلف ايضاً مثل الجوارب بهذا الشكل

وبهذه الطريقة تأخذ حيز أقل

[COLOR=red]منقوووووووووووووول مع بعض التعديلات البسيطه[/COLOR]
[COLOR=red]وديه شويه حجات انا جبتهالكم[/COLOR]

[COLOR=plum]ديه علاقه للطرح[/COLOR]

[COLOR=plum]وديه كمان [/COLOR]

[COLOR=plum]وديه ممكن تحطى فيها الشرابات او الجوانتيات او البندنات [/COLOR]

[COLOR=plum]ديه بقى الشنطه اللى بيتشال فيها ان كانت بدله او فستان سواريه [/COLOR]

[COLOR=plum]على فكره انا عاوزه اشترى الشنطه ديه بس مش عارفه منين عاوزه اشيل فيها فستان فرحى [/COLOR]

[COLOR=royalblue]ودول اللى قدرت اجيبهوملك ياحب ويارب اكون افادتك ياقمر زي مابتفيدينى دايما فى حجات كتييييييييييير[/COLOR]
[COLOR=royalblue]اه على فكره البطاطين واللحفه احنا بنبقى شاريينهم بالعلب او الشنط البلاستيك بتاعتهم اوعى ترميهم خليهم وطلعى بس على ادك انتى وجوز وخلى الباقى زي ماهما وحطيهم تحت السرير [/COLOR]
[COLOR=royalblue]انا هعمل كده ان شاء الله[/COLOR]
وتقبلي تحياتى ياقمر

تسلمى ياقمرة فيه علقات حلوة اوى

tota_10;10563556:
ميرسى يا حبيبتى .. بس ازاى حيطه الصاله وحيطه الصالون مانا قلتلك ريسيبشن واحد .. يعنى أربع حوائط هحط فيهم الصالون والسفرة :ss:

انا اقصدى تختارى حيطة واحدة تكون لون ياما لون الصالون ياما لون السفرة ده اللى اقصده بحيطة واحدة

البنوتة اللى كانت بتسال على المطبخ انا الاكسسوارات دى اشترتها لوحدها سواء الترولى او السله الدوارة و كل الاكسسوارات و 850 المتر على الوميتال يعتبر غالى انا عاملة المتر ب 500 لان الراجل جارنا بس حتى لو كارمنى مش حيكرمنى بفرق 350 جنيه

و بالنسبة للدولاب انا عندةى نفس المشكله انا عندى دولاب و معنديش شوفينيرة و لا عسكرى فالبطاطين و الحاجات الزيادة ححطها كلها فى السرير و حطلع فوط و ملايات على اد استخدامى احطهم فى الدولاب فى رف واحد عشان بقية الرفوف تاخد هدومى يا دوبك
بس المشكله بقى مش عارفة احط شنطى و جزمى فين و طرحى و بنداناتى و الاكسسوارات بتاعتى خصوصا ان السراحة مفيهاش الا درجين بس :(

لولا طب الاكسسوارات دي جبتيها بكام ياجميلة؟

lolagalaxy;10565187:
البنوتة اللى كانت بتسال على المطبخ انا الاكسسوارات دى اشترتها لوحدها سواء الترولى او السله الدوارة و كل الاكسسوارات و 850 المتر على الوميتال يعتبر غالى انا عاملة المتر ب 500 لان الراجل جارنا بس حتى لو كارمنى مش حيكرمنى بفرق 350 جنيه

و بالنسبة للدولاب انا عندةى نفس المشكله انا عندى دولاب و معنديش شوفينيرة و لا عسكرى فالبطاطين و الحاجات الزيادة ححطها كلها فى السرير و حطلع فوط و ملايات على اد استخدامى احطهم فى الدولاب فى رف واحد عشان بقية الرفوف تاخد هدومى يا دوبك
بس المشكله بقى مش عارفة احط شنطى و جزمى فين و طرحى و بنداناتى و الاكسسوارات بتاعتى خصوصا ان السراحة مفيهاش الا درجين بس :(

اعملى خزينة تحت السرير وبالنسبة للسرير اعملى جذامة وحطيها فى الريسبيشن او الليفنج روم لو مش عندك مكان

بالنسبة لوراء السرير الافضل ستارة ولا بروايز زى لبعض لاوضة نوم كلاسيك ؟

kitty_kity;10565285:
لولا طب الاكسسوارات دي جبتيها بكام ياجميلة؟

بصى يا جميلة انا جبت اكسسوارات كتيير اوى لمطبخى اصل انا من النوع اللى بيحب التكنولوجيا و انو يبقى عندى حاجات معقدة:o

بصى يا ستى بالنسبة للترولى و دا اللى بيتحط فيه لاخزين دا بيبقى نوعين فيه واحد اسمو ترولى ازايز و دا بيبقى فيه اماكن تحطى فيها ازايز الزيت و الخل و بردو بيكون فيه رف للخزين العادى
و فيه ترولى خضروات اللى هوا بيبقى رفوف عادى الاتنين نفس السعر بس الوظيفة اكيد بتختلف انا جبت الترولى الازايز بصى بقى يا ستى دا فيه منو احجام فيه 115 و 220 و 250 تقريبا السعر بيبقى متقارب انا جبت الترولى115 على حسب ما افتكر كان تقريبا فى رينج ال 120

اما بالنسبة للسلة الدوارة انا جبت اللى قطرها 60 سم و كانت ب 250 او 260

انا كمان جبت اكسسوار كدة عملتو فى الازاز بتاع المطبقيه لما اجى افتحه لفوق يا دوبك المسو يروح طالع لوحده ما شاء الله و دا اصلا كان رخيص الواحدة تقريبا ب 12 او 15 و انتى بتحتاجى دراعين هوا اسمو تقريبا دراع على بستم هيدروليك

و جبت كمان دراعين اسمهم الساعة دول بردو بتوع الدرفة اللى بتتفتح لفوق بس الميزة بقى انها بتثبت على اى ليفيل فاتحتها عليه

و لانى عاملة درجين كبار اشيل فيهم الحلل و الصوانى دول بيبقو على مجرى ستانلس دا بردو بيتشرى ف انا كنت جايبه 4 يعنى 2 لكل درج
زائد المطبقيه طبعا كنت جايبا مطبقيه اللى بصفاية كنت جايباها ب 125 و على فكرة السعر بيختلف على حسب الحجم لو هيا كبير او صغيرة

اه نسيت اقولك كمان انى كنت جايبا 3 رفوف لازقين فى بعض عشان اححط جواهم المنظفات جوا دولاب ادوات النظافة و كمان علاقة للمكانس جوا الدولاب

على فكرة انا مطبخى مش كبير اوى بس انا اللى صممتو بنفسى عشان ياخد كل الحاجات اللى نفسى فيها حتى الترولى انا عاملاه متنقل على عجل عشان المساحة

اللى فاكراه بقى ان كل الاكسسوارات قطعت 580 جنييه عند الراجل و انا اللى اشتريتها بنفسى و انا كنت سائلة قبل كدة عند واحد بتاع مطابخ عملى البحر طحينة و كان حيدفعنى تمنهم مرتين او 3 مرات كمان

اى سؤال يا بنات انا حاضرة:)

lolagalaxy;10566232:
بصى يا جميلة انا جبت اكسسوارات كتيير اوى لمطبخى اصل انا من النوع اللى بيحب التكنولوجيا و انو يبقى عندى حاجات معقدة:o

بصى يا ستى بالنسبة للترولى و دا اللى بيتحط فيه لاخزين دا بيبقى نوعين فيه واحد اسمو ترولى ازايز و دا بيبقى فيه اماكن تحطى فيها ازايز الزيت و الخل و بردو بيكون فيه رف للخزين العادى
و فيه ترولى خضروات اللى هوا بيبقى رفوف عادى الاتنين نفس السعر بس الوظيفة اكيد بتختلف انا جبت الترولى الازايز بصى بقى يا ستى دا فيه منو احجام فيه 115 و 220 و 250 تقريبا السعر بيبقى متقارب انا جبت الترولى115 على حسب ما افتكر كان تقريبا فى رينج ال 120

اما بالنسبة للسلة الدوارة انا جبت اللى قطرها 60 سم و كانت ب 250 او 260

انا كمان جبت اكسسوار كدة عملتو فى الازاز بتاع المطبقيه لما اجى افتحه لفوق يا دوبك المسو يروح طالع لوحده ما شاء الله و دا اصلا كان رخيص الواحدة تقريبا ب 12 او 15 و انتى بتحتاجى دراعين هوا اسمو تقريبا دراع على بستم هيدروليك

و جبت كمان دراعين اسمهم الساعة دول بردو بتوع الدرفة اللى بتتفتح لفوق بس الميزة بقى انها بتثبت على اى ليفيل فاتحتها عليه

و لانى عاملة درجين كبار اشيل فيهم الحلل و الصوانى دول بيبقو على مجرى ستانلس دا بردو بيتشرى ف انا كنت جايبه 4 يعنى 2 لكل درج
زائد المطبقيه طبعا كنت جايبا مطبقيه اللى بصفاية كنت جايباها ب 125 و على فكرة السعر بيختلف على حسب الحجم لو هيا كبير او صغيرة

اه نسيت اقولك كمان انى كنت جايبا 3 رفوف لازقين فى بعض عشان اححط جواهم المنظفات جوا دولاب ادوات النظافة و كمان علاقة للمكانس جوا الدولاب

على فكرة انا مطبخى مش كبير اوى بس انا اللى صممتو بنفسى عشان ياخد كل الحاجات اللى نفسى فيها حتى الترولى انا عاملاه متنقل على عجل عشان المساحة

اللى فاكراه بقى ان كل الاكسسوارات قطعت 580 جنييه عند الراجل و انا اللى اشتريتها بنفسى و انا كنت سائلة قبل كدة عند واحد بتاع مطابخ عملى البحر طحينة و كان حيدفعنى تمنهم مرتين او 3 مرات كمان

اى سؤال يا بنات انا حاضرة:)

ماشاء الله تتهنى بيهم ياقمر عاجبنى اوى حكاية الدراع اللى بيفتح لفوق مجرد اللمس
قوليلى على المكان اللى جبتنى منه الاكسسورات ياقمرة ؟

بصى يا ستى عارفة شارع خليل حمادة لو انتى جتية من عند القطر تقريبا تالت شارع يمين فيه هناك كذا واحد بتوع اكسسوارات المنيوم انا اشتريت من عند محل اسمو طيبة و فيه هناك القبارى و كذا محل بس طيبة عنده حاجات كتيير بس ما تتخضيش من منظر المحل هوا كل حاجة فوق بعض بس هوا عندو حاجات جميلة اوى

فيه حاجة ككمان حلوة هوا اكسسوار خارجى اسمو حامل صوانى بتحطى فيه الصوانى بتاعتك شكلو جميل اوى و حاجات حلوة كتيير

lolagalaxy;10566416:
بصى يا ستى عارفة شارع خليل حمادة لو انتى جتية من عند القطر تقريبا تالت شارع يمين فيه هناك كذا واحد بتوع اكسسوارات المنيوم انا اشتريت من عند محل اسمو طيبة و فيه هناك القبارى و كذا محل بس طيبة عنده حاجات كتيير بس ما تتخضيش من منظر المحل هوا كل حاجة فوق بعض بس هوا عندو حاجات جميلة اوى

فيه حاجة ككمان حلوة هوا اكسسوار خارجى اسمو حامل صوانى بتحطى فيه الصوانى بتاعتك شكلو جميل اوى و حاجات حلوة كتيير

ميرسى ياحبيبة قلبى وربنا يهنيكى بشقتك وحاجاتك ياقمرة