ملف استفسارات بنات مصر للديكور

يعني من واقع خبرتك ياتوكي اجيبها منين احسن؟

على فكره يا بنات ياريت تعملوا موضوع جديد لان الموضوع بقى 309 صفحه عشان الاداره متقفلش الموضوع

صافي 2;10605651:

ممكن ياحبيبتي تنزلي لنا صور للي اشتريتوه

عشان أوريه لماما

لأن أنا فرحي بعد امتحاناتي باسبوعين ان شاء الله

و بقول لماما هنروح يوم لارض ابو هنديه ونجيب كله بعد الامتحانات

بس هي مش مطمنالي(a)

وعيزانا ننزل نعمل عموله دلوقت

وبصراحه أنا لسه بفتح المنهج لاول مره في حياتي

فمش عايزاها تعرف ومش عايزة انزل

معلش ممكن كام صورة يطمنونا


شكرا مقدما

والله يا حبيبتى الصور للاسف مش متوفره حاليا بس لو توفرت في اي وقت اكيد هنزلها باذن الله

انا هقول حاجه يعنى من باب النصيحه
انا لما جيت اتجوز كنت عايزة اجيب مودرن لكن خالتى الله يكرمها قالتلى على حاجه وفعلا حسيت بيها دلوقتى
قالتلى الريسبشن بلاش يبقى مودرن انما الشقه من جواه العبي فيها زى ما تحبي
اولا الريسبشن للضيوف يعنى لازم يبقى شيك مش شرط يبقى نظام صالونات وكلاسيك اوى واويمه والكلام ده لا ممكن تحطى انتريهات بما انى مبحبش المدهب والسفره تكون كلاسك بس سمبل
لان زى ما قالت الريسبشن انتى مش هتقعدى فيه ده للضيوف والضيوف الرسميين كمان اكتر لان لو صاحبتك هيبقى صعب تقعديها في الريسبشن طبعا
وكمان الناس " الضيوف الرسميين" مبتقدرش المودرن اوى ده غير ان المودرن في القاهره اغلبه ان مكنش كله ام دى اف

كمان مع اى مناسبه هتعمليها في بيتك حفله او حتى حفله خطوبة لبنتك ان شاء الله " لان طبعا العفش الاصل فيه انه مبيتغيرش والمفروض انه يعيش وده طبيعي مع الريسبشن لان استخدامه بيكون قليل"
مينفعش المودرن لان المناسبات بتكون عايزة حاجات كلاسيك وتوحى بالشياكة والقيمة

طيب الله يخليكو اللى اشترا من القوات المسلحه يقولى اوض النوه والانتريهات اسعارها كام خصوصا اوض النوم المودرن وارقام تلفون القوات المسلحه كام انا مش عارفه اوصل للتلفونتهم حتى مش فى 140 الدليل وبالنسبه ليكى يا شهيده ميرسر على ردك ويريت لو تعرفيلى سما دا فى منطقه اسمها ايه او تجيبيلى رقم التلفو ن بتاعهم واسعارهم كانت ايه محدش فى دمياط يعرف مسجد قباء دا ومحدش عرف يدلنى انا اسفه والله انا حاسه انى دوشاكو معايا بس انا حاسه انى هموت من الحزن لانهم بيضغطو على عشان اجيب كلاسك وانا بكرة الكلاسيك دا مووت مش عارفه اعمل ايه ومعدتش وقت للعموله

هبه الجندى;10610206:
طيب الله يخليكو اللى اشترا من القوات المسلحه يقولى اوض النوه والانتريهات اسعارها كام خصوصا اوض النوم المودرن وارقام تلفون القوات المسلحه كام انا مش عارفه اوصل للتلفونتهم حتى مش فى 140 الدليل وبالنسبه ليكى يا شهيده ميرسر على ردك ويريت لو تعرفيلى سما دا فى منطقه اسمها ايه او تجيبيلى رقم التلفو ن بتاعهم واسعارهم كانت ايه محدش فى دمياط يعرف مسجد قباء دا ومحدش عرف يدلنى انا اسفه والله انا حاسه انى دوشاكو معايا بس انا حاسه انى هموت من الحزن لانهم بيضغطو على عشان اجيب كلاسك وانا بكرة الكلاسيك دا مووت مش عارفه اعمل ايه ومعدتش وقت للعموله

من عنيا يا هبه
هجبلك الرقم لانه مع جوز اختى بس اان شاء الله على بكرة تكون النمرة عندى
بس انتى طالما انك مقتنعه بحاجه اعمليها وطالما مقتنعه بالمودرن اعملى مودرن لان دى شقتك ودى حياتك
طبعا اللى بينصحك بالستيل بيحاول يقلك عالصح بالنسبه له لكن مش شرط ان ده يكون الانسب لك
وان شاء الله تيجي تقليلنا انك جبتى عفش حلو وعلى مزاجك وذوقك

roro8484;10609843:
على فكره يا بنات ياريت تعملوا موضوع جديد لان الموضوع بقى 309 صفحه عشان الاداره متقفلش الموضوع

حبيبتى ده موضوع مثبت ومش حيفتح موضوع جديد الالما المشرفة تقفل ده

يا بنات ياريت اللى مش بيحب المودرة مايققلش من شياكته لو سمحتوا

لان دة ليه اشكال وشياكة والستيل او الكلاسيك ليه اشكال تانيه بشياكتها

الفيصل هنا الذوق

المكان الشيك بحسن تنسيقة مش بنوع العفش

في الحالتين ممكن ناس تعمل مودرن وملخبط والوان مش لايقة هيبقى شكله وحش جدا

وناس تجيب كلاسيك افخم حاجة وتحط الوان كئيبة واخر لخبطة هيبقى شكله بلدي موت

فياريت اللى بيحب المودرن مايقللش من قيمة والكلاسيك وكمان اللى بيحب الكلاسيك ما يقللش من قيمة المودرن

اقصد نخلي الكلام حيادي مش متحيذ حسب الاراء الشخصيه

ومرسي يا بنات ليكوا كلكوا على ذوقكوا وتعاونكوا بجد ومش عايزة حد يضايق مني انا بس مش عايزة نحبط البنات اللى بتحب حاجة معينه

شهيدة;10610148:
والله يا حبيبتى الصور للاسف مش متوفره حاليا بس لو توفرت في اي وقت اكيد هنزلها باذن الله

انا هقول حاجه يعنى من باب النصيحه
انا لما جيت اتجوز كنت عايزة اجيب مودرن لكن خالتى الله يكرمها قالتلى على حاجه وفعلا حسيت بيها دلوقتى
قالتلى الريسبشن بلاش يبقى مودرن انما الشقه من جواه العبي فيها زى ما تحبي
اولا الريسبشن للضيوف يعنى لازم يبقى شيك مش شرط يبقى نظام صالونات وكلاسيك اوى واويمه والكلام ده لا ممكن تحطى انتريهات بما انى مبحبش المدهب والسفره تكون كلاسك بس سمبل
لان زى ما قالت الريسبشن انتى مش هتقعدى فيه ده للضيوف والضيوف الرسميين كمان اكتر لان لو صاحبتك هيبقى صعب تقعديها في الريسبشن طبعا
وكمان الناس " الضيوف الرسميين" مبتقدرش المودرن اوى ده غير ان المودرن في القاهره اغلبه ان مكنش كله ام دى اف

كمان مع اى مناسبه هتعمليها في بيتك حفله او حتى حفله خطوبة لبنتك ان شاء الله " لان طبعا العفش الاصل فيه انه مبيتغيرش والمفروض انه يعيش وده طبيعي مع الريسبشن لان استخدامه بيكون قليل"
مينفعش المودرن لان المناسبات بتكون عايزة حاجات كلاسيك وتوحى بالشياكة والقيمة

صافي 2;10612575:

جزاك الله خيرا يا شهيدة وربنا يرزقك الشهاده في سبيله ويبلغك منزله الشهداء

انا هاعمل بس الصالون كلاسيك ان شاء الله

ربنا يبارك فيكى وجزانا واياكى عالدعوة الحلوة




بالنسبه لموضوع الاستيل او الكلاسيك انا بقول نصيحه اتقالتلي وهيا مش حكر ولا فرض راي على حد
ولما عيشت الواقع لقيتها صح فبقلها للي يحب يستفيد منها



هبه
ان شاء الله اول ما يتوافر معايا رقم المحل هبعتهولك

lekaa139;10604320:

بصي ياجميلة شوفي كدة عند بتوع الادوات المنزلية

طقم كوبايات مربع يكون رخيص

او روحي اماكن زي العتبة واسئلي اكيد الحجات الخام دي هتكون موجودة هنااك

زي الاماكن اللي بيتباع في الخرز والحجات دي

ويارب يوفقك ياااارب وتبقي اشهر حد بيعمل شمع

وندور بعذ كدة بقى على ماركة * كلاسيك *

:D(y) ادعيلي بقى كتيييير وانتم يابناات بجد افتكروني دايما وادعولي لاني محتاجة دعاءكم اووووي

ربنا يكرمك يا لولو يارب ويوفقك يا قمر ويحققلك كل اللى بتتمنيه

بس الظاهر يا لولو الموضوع اصعب مما كنت اتصور :(

انا بقى اللى محتاجه الدعاء دلوقتي

kitty_kity;10605248:
كلاسيك انزلي وسط البلد
لما كنت هناك كان في قوالب الشمع وحاجات زي كدا قريب من العتبة بس للاسف انا مش بعرف الحتة دي اوي
وماتجيبيش حاجه غالية لانك لو جبتي غالي هتضطري تغلي سعر الشمع
ممكن لو عايزة تعملي شمع على شكل مربع ويتباع لوحده مش بالمربع بتاعه تجيبي القوالب دي ستانلس
ودي انا شفتها هناك وكانت مش غالية ياقمر

ايه ده معقووووووووووووووووووووول ؟

طيب ما تحاولي تفتكري او تسأليلي فين بالظبط

لأن انا اعرف ان الحاجات دى فوق ال100 جنية

بالله عليكي لو تعرفي تسأليلي لأنى المفروض ابدأ اول الاسبوع

إن شاء الله

شهيدة;10604336:

وعلى فكرة لو تعرفو الشارع اللى ورا النادى الاهلى في هناك محلات اجهزة تقريبا اسمه شارع عبد العزيز وجنبه في محلات تانيه منها محل بيبيع الادوات المنزليه وحاجات المطبخ ممكن تبقو تروحوه

ايوة اسمه اسواق العتبة والموسكي، والتاني اللي جنبه شارع عبد العزيز، هما تبع بعض بس منفصلين.

roro8484;10609843:
على فكره يا بنات ياريت تعملوا موضوع جديد لان الموضوع بقى 309 صفحه عشان الاداره متقفلش الموضوع

المواضيع دلوقتي بقت تتفتح كل شهر عربي جديد مش زي الاول بعدد المشاركات.

بنات عايزم مكان يكون فيه سفر حلوة و سيمبل و تكون اسعارها معقولة جوا اسكندريه و يا ريت اللى اشترا من محل يقولى زى مانا عملت و ما تطنشوش اسئلتى زى ما يتعملو دايما و الا حزعل بجد بقى

كيكو والله ماعرف هسألك ازاي..اصل انا مش ف القاهرة بردو :)
بصي هو كان بتاعه كدا عامله زي صينية الكب كيك فيها 16 خانة كدا
وحاجات تانية
وانتي لو تعرفي تدوري عندك على حد بيبيع حاجات لكلية تربية نوعية او فنون جميلة
يعني عندي ف طنطا في مكتبة معروف انها فيها الحاجات بتاعت الكليات دي
فاهماني؟

جزاكم الله خيرا كلكم يااااااااابنات :)

أنا والله الحمد لله برضى بالقليل وبحمد ربنا على كل حال، ومش ببص لبنات خلاتى ولا حاجه، مش ديه الفكرة خالص ، الفكرة إنى خايفة ليكون بخل ، والصفة ديه مع الحياة الزوجية هتكون متعبة جدا !! بس عموما كلامكم وضحلى حاجات هاخد بالى منها إن شاء الله

هى بس ماما اللى علطول بتتكلم فى النقطة ديه :ss:

خير إن شاء الله

طيب يابنات:

اللى مقاس مطبخها 1.70 * 2 متر ، المطبخ كده هيشيل كل حاجه معادا التلاجه ، صح ؟؟

لو حد يقدر يورينى صور لمطبخ بالمقاس ده هيكون إزاى ، يبقى بجد ميرسى جدا جدا


وبالنسبة للمطبخ، كده بقى عندى إختيارات:

1. خشب
2. خشب + طبقة ملامين
3. ألوميتال
4. خشمونيوم

هو إيه الخشمونيوم ده ؟!!!

الخشمنيوم دا حاجة زى الالمنيوم بس بشكل الخشب
بصى يا جميل للمطابخ الصغيرة انصحك يا اما المنيوم يا اما خشمنيوم لان المطبخ الصغير بتتراكم فيه الدهون بسرعة فتنضيف المطبخ حيبقى ممل جدا و لازم كل شويه انا مطبخى اكبر من مطبخك بحاجات بسيطة و عملتو المنيوم و كان جميل جدا ما شاء الله و تقدرى تختارى الالوان و الاشكال اللى انتى عايزاها و ربنا ان شاء الله يكملك حاجتك على خير


على فكرة انا لسه زعلانة منكم عشان محدش بيرد عليا خالص فى اسئلتى :(

بنات انا روحت معرض القوات المسلحه وبجد اجمد شركتين الحمد وزهران بس سؤال هما في كل الفروع هما هما نفس الشركات ؟

السلام عليكم علي احلي منتدي.عاوزة اسأل اي حد عمل مبطخه الوميتال ويكون خامته نضيفة وشيك عمله فين وبكام المتر ارجوكم حد يرد عليا لان محدش من اهلي يعرف خالص وشكرااااااا

انا عملت المطبخ بتاعى الوميتال و كلن المتر ب 50 بس عشان الراجل كان جارنا و انا فى اسكندرية لو عايزة رقم الراجل ممكن ابعتهولك على الخاص بس علاى فكرة شكل القطاع و نوعه بيفرق فى السعر

@lolagalaxy

جزاكى الله خيرا على الرد :)

ممكن لو تورينى صورة توضحيه بس لمطبخك وزعتى فيه الحاجه إزاى ؟ وأكيد التلاجه كانت بره ، صح ؟ :ss:

لو عندك برده صور لمطابخ مساحتها صغيرةن أكون شاكرة ليكى جدا


عندى بقى سؤال:: هو فتحة الشباك اللى فى المطبخ ، الأفضل يكون تحتها البوتوجاز ولا الحوض ؟؟

نوري الابيض
انا عن نفسي بحب مايكونش تحتها حاجه
او مش البوتاجاز
لان البوتاجاز لو عملتيه تحت الشباك هتضطري تشيلي ضهره
سلفتي عملت كدا وانا كنت مستنكرة الفكرة اوي...

وبصفة عامة انا بحب مايكونش تحته حاجه عشان لما افتحه مايبقاش مقيدني
لكن لو لازم فخلي تحته الحوض
او جنبه البوتاجاز بس مش تحته بالزبط عشان الريحة بردو