نزلت كرامتى عشان عيالي؟؟

أختي أنا مع كلام أم جنى... والله كلامها عين العقل ريلج مامنه فايدة هذا أنتي سنين وتحاولين معاه ومافي فايدة الريال بايع ومخلص وأنتي لأن ذالة روحج له هو متعنظز وجايف روحه..

جوفي حماتي أول ريلها مايصرف فلس حمر على عيالها وهي تاخذ من أهلها وتعطيهم بس عقب ماتطلقوا غصبن عنه ينقطع من معاشه ويدش في حسابها وكاهي الحمدلله الحين مو محتاجة ويعطونها نفقة المطلقات والدنيا ماشية..

جوفي آنه بما أني أعرف ريلج شخصيا وأعرفج وعارفة بالوضع ماراح آقول لج صبري وعساه يوم يرد لعقله لأن ريلج مامنه فايدة بالمرة.. حتى أول أمس جفت أخوه جدامي تعوذت من إبليس الصراحة...

اعذريني اختي بس انا مع الاخوات

ما كان المفروض تذلين نفسك لهالدرجة لشخص ما يقدرك ولا يحترمك ولا حتى يحبك . ولا تقولين عشان العيال لان مثل هالاب وجوده مثل عدمه ، المفروض تخليه يروح لأنه وحده بيندم وبيرجع لك اذا فيه خير وبيعرف انه ماله غنى عن بيته، لكن انتي اللحين ذليتي نفسك كذا تظنين ان المشكلة انحلت؟؟ بالعكس عقدتي الموضوع زيادة لأنه بيسوي اللي يبيه وهو عارف ومتأكد انه مهما سوى فيج انتي ما بتفتحي فمك بكلمة وحدة واذا شكيتي لحد بيقول والله زوجتي من اول راضية . انا استغرب ليش الحرمة تعتبر نفسها انسان ضعيف ما عنده شخصية وبتموت اذا زوجها بعد عنها وعادي عندها تذل عمرها وترمي بكرامتها وتبوس رجوله عشان ما يتركها حتى لو الغلط راكبه من فوق لتحت !!!!

اعذريني على صراحتي عزيزتي بس لازم تكوني اقوى من كذا . وادعو الله تعالى يسهل عليك ويهديه للطريق الاقوم.

وكل من شارك في الرد على موضوعى انا بالفعل قاعدة افكر بالأنفصال لأنه صاير حقير ما يفكر فينى ابدا عايشة بوحدة فظيعة ما يعلمها الا الله الحمد الله انى اقرأ القرآن ومتجهه لله سبحانه وتعالى والله العظيم يا بنات ان بنتى من الجمعة حفت وبكت من الصباح الا يطلعها وتقول له انت ما تحبنا كل تطلع بروحك الا قال انزين بطلعكم والمفروض امج اللي تطلعكم هاي واجبها مو واجب ابوكم تخيلوا الوقح الا تقول ابيك انت تطلعنى انا احبك انت انزين ليلتها ما طلعها وعدها امس الصبح وامس الصبح عقب ما لبست وبرزت وهو برز ويبون يطلعون الساع 11 الا الحقير رفيجة اتصل تعال نطلع على طول كنسل وقال لها بطلعك المغرب وعقب الصياح والتلفونات جاه ووداها السينما وعشاها ..........

تخيلوا بنتى اليوم شنو كاتبه لأبوها بابا ارجوك ارجوك ارجوك اذا تحبنى ابيك تطلع ماما مرتين بالاسبوع او ان ما احبك تخيلوا والله العظيم لين قرأت رسالتها جابتها لي قالت ماما انا كتبت لبابا هالورقة ابيه يقرأها جلست ابكى واحضنها ان شوفوا بنتى الصغيرة اشلون تحس فينى وهو بسرعة وبسرعة خلاها تقرأ الرسالة ومو عارف شنو قاعدة تقول المسكينة الا يقول لها اوكي اوكى ..... والله العظيم جالسة ابكى على حظى اخاف انفصل وما يصرف عليهم وعيالي اللي يموتون جوع وبيتلتهون ... حسبي الله ونعم الوكيل فيه انشالله اتمنى اصير ارملة قبل ما اصير مطلقة.........

لا حول و لا قوة إلا بالله

nodoo;9917736:
وكل من شارك في الرد على موضوعى انا بالفعل قاعدة افكر بالأنفصال لأنه صاير حقير ما يفكر فينى ابدا عايشة بوحدة فظيعة ما يعلمها الا الله الحمد الله انى اقرأ القرآن ومتجهه لله سبحانه وتعالى والله العظيم يا بنات ان بنتى من الجمعة حفت وبكت من الصباح الا يطلعها وتقول له انت ما تحبنا كل تطلع بروحك الا قال انزين بطلعكم والمفروض امج اللي تطلعكم هاي واجبها مو واجب ابوكم تخيلوا الوقح الا تقول ابيك انت تطلعنى انا احبك انت انزين ليلتها ما طلعها وعدها امس الصبح وامس الصبح عقب ما لبست وبرزت وهو برز ويبون يطلعون الساع 11 الا الحقير رفيجة اتصل تعال نطلع على طول كنسل وقال لها بطلعك المغرب وعقب الصياح والتلفونات جاه ووداها السينما وعشاها ..........

تخيلوا بنتى اليوم شنو كاتبه لأبوها بابا ارجوك ارجوك ارجوك اذا تحبنى ابيك تطلع ماما مرتين بالاسبوع او ان ما احبك تخيلوا والله العظيم لين قرأت رسالتها جابتها لي قالت ماما انا كتبت لبابا هالورقة ابيه يقرأها جلست ابكى واحضنها ان شوفوا بنتى الصغيرة اشلون تحس فينى وهو بسرعة وبسرعة خلاها تقرأ الرسالة ومو عارف شنو قاعدة تقول المسكينة الا يقول لها اوكي اوكى ..... والله العظيم جالسة ابكى على حظى اخاف انفصل وما يصرف عليهم وعيالي اللي يموتون جوع وبيتلتهون ... حسبي الله ونعم الوكيل فيه انشالله اتمنى اصير ارملة قبل ما اصير مطلقة.........

انتي اتقولين تبين الانفصال من قلبج ولا بسبب الظروف؟
يعني لو اتحسين بوادر انه يتعدل شنو بتحسين؟ اتوقع بتشيلين فكرة الانفصال..

اوكي اذا الحياة مستحيلة انفصلو بس في احتمال كبير تندمين.. ليش يا اختي ما اتحاولين تحقرينه فترة وتعيشين حياتج ولا مفتكرة فيه مع القيام بكل واجباتج؟

لو اهو ما يبيج جان من زمان قطاج انتي والعيال بره.. يمكن يبي يجوف شي ناقصه بالبيت واهو نفسه مو عارف شنو يبي..

الرياييل لما تلحقينهم يشردون ولما تتغلين يحفون عليج.. صيري جوهرة مو قادر يطولها والامور ان شاء الله بتتغير بس لا تشردين العيال.. حاولي تصلحين والاجر عند رب العالمين والله يكون بعونج..

اتمنى تكونين قريتي مداخلاتي بموضوعوج.. وانا عن تجربة اعرف احساسج.. واقول لج صدقيني انتي اتقولين تبين الانفصال لكنج ما تقصدينه.. حاولي تعدلين ولو ما انتهت الامور لاحسن بعدين لكل حادث حديث بس بتكونين مرتاحة لانج سويتي اكثر من اللي تقدرين عليه

حاولي تطبقين اللي نصحتج فيه من قبل حتى لو كان صعب.. ما بتخسرين اكثر من وضعج الحين لكن لو تسرعتي بالطلاق.. تكونين قطعتي كل سبل التصليح.. حاولي حبيبتي وما بتندمين .. ضغطي على نفسج شويه علشان الكتاكيت على الاقل

om 3moory;9657111:
الله يكون بعونك
برأيي انك ماكان لازم تتصلي فيه لأنه هو الغلطان واللي مقصر في حقك
وقتها كان لازم تتصلي بأبوه او ابوكي وهم يكلموه ويحطو حد لتصرفاته
انتي انسانه ولك حقوق ولك كرامه وانا ضد اللي يقول تنازلي وضحي
لأنك اذا تنازلتي مره معناها طول عمرك بتتنازلي
اعتذر اذا كلامي قاسي عليكي بس انقهرت عليكي واردت مصلحتك
ادعيلك انه ربي يهديلك زوجك

(y)

السلام عليكم لاحول ولاقوة الا بالله والله مدري وش اقول بس ماحبيت اطلع من دون رد وانصحك حبيبتي باالاكثاااااااااااااااار من الاستغفاااار والحوقلة .....اللي هي لا حول ولا قوة الا بالله .....

والله ما اعرف شاقلوج بس تتطلقين صعبه لان اول شئ العيال جدا بيتأثرون من الطلاق واكثر منج بس انتي حاولي تلهين روحج عنه درسي طلعي اعيالج مع خواتج او رفيجاتج جوفي لج شغله تبعدج عنه اشوي والله يهديه لج ان شالله وانتي تحسين انه في مشكله جنسيه باعدته عنج والسبب في غيابه عن بيتج اذا الجواب نعم حاولي تساعدينه في التخطي من هذا الموضوع عندج مركز بتلكو للدكتوه بنه بوزبون عرضي مشكلتج عليها يمكن تساعدج

شوفي اختي ، ابغض الحلال عند الله الطلاق، والطلاق كلنا نعرف امر صعب عالوحدة بس هذا ما معناه ان الزوجة اذا حست ان الحياة خلاص مستحيلة مع الزوج تروح تقعد معاه غصب .

انتي شوفي نفسك شنو تبين اللحين بالضبط ، هل تقدرين تستمرين بهالوضع لبقية حياتك خاصة انه من كلامك واضح انه زوجك ما بيتغير ، او خلاص تشوفين الانفصال افضل حل؟

اذا الزوجة عزمت خلاص عالطلاق فمن الافضل تستشير محامي اولا بالموضوع وكيف ممكن تحفظ حقوقها وحقوق اولادها بالقانون .


وبالنهاية ادعو الله تعالى من قلبي انه يهدي زوجك للطريق القويم ويرجعه لعقله ويعرف انه ماله الا زوجته تصونه واولاده يراعوه في كبره.

طمنينا عنج نودو..
الله يصلح الاحوال ان شاء الله

ما هميته تركنى وسافر يستانس بروحه عقب ما واعدنى ان يسفرنى ورحت شريت ل يثياب للسفر وكنت مستانسة عقب كنسل معاي وهو خلانى امام الامر الواقع سافر السبت الخميس خبرنى ان بيسافر تخيلوا وانا قلت له ان انا مو مستانسة في حياتى معاك ابي انفصل عنك وبربي عيالي احسن تربية الا يقول لا تخلينى اخسرج انا احبج يقول الحين انتى ما صحتى ولا سويتى فوضى لين اتأخر وابات برع البيت وووو الحين جاية تصيحين عشان بسافر وما بسفرج قلت له انت ما منك فايدة انت تعرف ان انا مو راضية على هالعيشة لكنك دايسنى تحت ريلك وما تحترمنى الا يقول انا احبج واحترمج من يقول انا ما احبج ......... وشنو ذلف من يوم السبت مشغول بالعسل ولا شال السماعة يتصل يسأل عنى وعن عياله ولا مسج حسبي الله عليه.... الله يحرق قلبه نفس ما قاعد يحرق قلبي اشوف حوبتى فيه انشالله آآآآآآآآآآآآآآآآآميييييين يارب.............

يحبج بأي جزء بالضبط .. انج عايشه معاه تمثال بالبيت ولا مربيه ؟؟
وين يصرفها كلمه احبج ...
فعلا شر البليه ما يضحك.... كان الله في عونك اختي ...

حبيبتي نودو.. تحتاجين استراتيجية جديدة تتعاملين وياه.. احس انه فيه امل

هالاستراتيجية الجديدة اللي اتعاملها معاه .....عاونينى شنو اسوى ......

بسم الله الرحمن الرحيم وبه نستعين... اتوكلي على الله واللي فيه الخير اله بيسويه

بذكرج بآية:" انه من يتقي ويصبر فان الله لايضيع اجر المحسنين"

الله يهده ويسخرة لك ويحفظ لك اولادك يجعل لهم قر عين لكي

حاسه فيك

وشكله مايستاهلك

وبعد بيزيد بأخطائه بحقك
الله يساعدك

هلا حبيبتي....شوفي انا قريت موضوعك من الاول والاخير

وحسيت قد ايش انتي تعانين وحاسه بالحرقه الي تمرينها....بس كلام الاخت ام جنى صحيح وما اقدر ازود عليه...

شوفي هو من النوع الي يستقوى على ضعف غيره...والي مقويه سكوت اهله
بس شفت ان في تحسن في الفتره الاخيره معاك....بانه قال احبك

حبيبتي حطي ببالك ان لكل فعل رده فعل مساويه له بالمقدار ومعاكسه له بالاتجاه
يعني بدل ماتشوفين زوجك يسوي كذا....؟؟؟
شوفي الاسباب الي خلته يسوي كذا...؟؟؟

وراح امسك نقطه نقطه معاك ونتكلم فيها....

بالنسبه للمصروف....الحمد الله انه يسرف عليكم ويعطيكم كل شي

بالنسبه لسهراته وخروجه....حبيبتي لكل رجل لغه لا يفهمها الا الرجل الاخر...فاحيانا صعب اننا نفسر طلعاتهم وخرجاتهم...
بس واقع ان زوجك يخرج للتونس والخرجات والجمعه والسهره فزوجك من النوع الي يحب يونس نفسه ولا يعرف حدود للوناسه...
فانتي لازم تغيرين نفسك عشانه....؟؟؟
بتقولين لي اكثر من الي اسويه...بقولك لا فالطريقه الي تعاملتي معاه فيه طريقه ضعف واذلال وانتي ماتصارحين نفسك...انتي طالعي عمرك....انتي تحبينه وتبينه او لا...؟؟؟
والا تسوين هالشي لعيالك...؟؟؟
لو تسوينه لعيالك ماكان صبرتي على هالاشياء الي يسويها مثل كذا....صدقيني بداخلك حب له رغم الي يسويه لك....
فانتي تحنين لحنانه وتحبين عطفه لك...طبعا اتكلم عن حنانه وعطفه السابق وانا اتوقع وانا اقول لك هالكلمات اتوقع انك تتذكرين الحين لحظات مريتي فيها معاه كانت لحظات حلوه...

حبيبتي....شوفي ايش نقاط ضعف زوجك واستغليها....يعني
ومن كلامك لاحظت زوجك يحب الوناسه والمرح....يعني يعشق شخصيه الفتاه ذو 18 من العمر وبعقل امراه مثل عقلك....<<<شفتي كيف التركيب
ويعني سوي هالحركات....
مثلا هو في البيت ويتروش....ادخلي معاه للحمام وغيري له الجو....بس لا تستعجلين عليه ولا تجبرينه على شي...انتي بس ادخلي معاه وسوي له الجو....صدقيني مع مرور الايام بتلاحظينه يبدا يتقرب او يناديك للحمام....
قبل مايطلع للاصحابه....اركضي له واصرخي باسمه واذا وصلتي له ضميه وحاولي انك تتحسسين كل مكان بجسمه وانتي فاهمه قصدي اكيد واهمسي له....حبيت قبل ماتطلع اني اسمي عليك
ومن هذي الحركات الخفيفه الغير مباشره....الي من الممكن تسوينها له وتغيره
يعني مثل تقولين احبك بدون سبب حتى لو كانت صعبه ومو بوقتها وحتى ان مارد عليك
وحاولي انك تكثرين من تقبليه....حتى وان كرهتي بس نوعيه زوجك يحبون المراءه القويه والمراءه الي تدللهم....يعني تحسسينه بالدلع والدلال بدون توقف
يحبون الحركات واللبس الغريب والخطير
البسي له اللبس الغريب...مثلا اشتري لبس نوم فيه حركات مثل نحله او ساحره او اي شي وحطيه على الفراش وسوي نفسك بالحمام تتعدلين او شي وخليه يشوفه...
واذا سالك ايش هذا او ايش هالفستان انتي بحركتك قولي لقيته بالدولاب وحبيت اجربه او شفته بالدولاب ووقلت ماعدت احتاجه بعطيه اختي....وهكذا
واذا ما سال البسيه....وواجهيه امام الامر الواقع...وخليه يتكلم لحظتها

بالنسبه لك حبيبتي....
افهمي نفسك...افهمي احتياجاتك...هو مانعك من المراكز
عندك النت موجود اتعلمي من الدورات...اشغلي نفسك فيها
فالشطاره مو بس بالشهاده او المركز فالشطاره هي النتائج الموجوده على الشخص
اتعلمي غزل الصوف...الرسم
دوري دورات لتهدئه الزوج بالنت
اقري قصص لزوجات مع ازواجهم كيف...

زوجك حببتي بالنهايه....انسان يحب المتعه والوناسه....رغم كل شي يحب الوناسه ويحب التجديد ويكره الروتين....
زوجك يحب المراءه الواثقه بنفسها القويه....وهو كسر هالشي فيك...وهالشي زاد البعد بينك وبينه
وبما انه قال احبك....تدرين ليه للانه شاف قوتك وشاف انك وقفتي دموع ووقفتي توسل وانشغلتي بنفسك وقوتك...

حبيبتي انتي تقدرين تجذبينه لك....كل الي يحتاج خطه يدرس لها وتتم على الطريقه
و صبر ماتستعجلين على الامور....

تحياتي

nodoo;9654988:
مرحبا بنات طبعا تذكرون موضوعى ان زوجى كثير الطلعات والسهرات والسفرات وطبعا العلاقة الجنسية معدومة بينا ونفسيتى تعبت من هالشي الى ان امى اتصلت بأمه وخبرت اهله امه وابوه وواجهوه ان ليش انت كذا وكذا واذا ما تبي البنت انفصل عنها او طلقها لا تظلمها بهاطريقة
هو غضب غضب شديد ان ليش تخبرين اهلي عنى وعشان كذا انا احبك بس طلاق ما بطلق لأن الاطفال لسة صغار بس بننفصل يعنى ياخذ ثيابه ويطلع من البيت قد 3 الى 4 شهور ....


انا بكيت عليه قلت له صل على النبي وتعوذ من الشيطان انا ما خبرت احد غريب الا امك وابوك وهو مو راضي المهم اخذ اغراضه بشنطة وطلع وانا جلست اصيح واتحسب عليه عقب ساعتين اتصلت فيه وقلت له انا احبك وشاريتك ارجوك ارجع البيت قال انتى غلطتى وقلتى لأهلي عنى قلت له انا آسفه وغلطت واذا انت شبيت النار فينى في البيت ما بخبر احد وسامحنى والمهم ذليت روحى الا ان وافق يرجع البيت الليلة على اساس انى اسكت عن طلعاته وسهراته / ما قول غير حسبي الله ونعم الوكيل يمهل ولا يهمل الله يشوف ويسمع وبياخذ الحق........ شنو رايكم هل اللي سويته صح عشان عيالي او ذليت روحى له زيادة عن اللزوم.......

ماشاء الله
الزوج يغلط ويتدلل كمان
والزوجة تبكى وتتوسل
شئ تعانى منه اغلب نساء العرب
عارفة ليه اختى
لاننا خايفين
لان المجتمع علمنا ان المرأة بدون رجل كالجسد بدون روح
وهكذا تربينا واصبح ده شكل حياتنا
زوجة لم يكن لها مصدر دخل سوى زوجها فيذلها بحكم انه هو من ينفق
وزوجة تتحمل من اجل الاطفال وكأن وثقية الطلاق هتخلى الاطفال يحرفو ويتشدو فى الشوارع
الام فى الغالب هى اللى بتربى الاطفال فى وجود الاب او غيابه
وانما الخوف من الندم ومواجهة حيا اصعب بعد الطلاق تجعلنا نتنازل عن كل شئ واولهم كرامتنا وحقوقنا الشرعية