نزلت كرامتى عشان عيالي؟؟

لأنه يطلع ويرجع البيت عادى ولا كأن مسوي شي او خايف او ان بيخاف انا امنعه لأن ان تهاوشت معاه او شي اعرف طبعه بيقول لي روحى لبيت اهلك وهاي انا ما بتغير آآآآخ والله العظيم اتصل فيه اترجاه اقول له انا متضايقة تعال نطلع ابدا ولا كأن انا متصله طبعا تلفون ما يرد علي اطرش له مسج وعقب 3 الى 4 ساعات يتصل ولا كأن مسوى شي يكلمنى عادى ويضحك وانا شابه نار بس انا ما لي نفس للهواش لأن اعرف ان تهاوشت بتكبر السالفة ... وانا يوم اللي انفصل عنه ما ابي يشيل علي ولا نقطة عشان يندم مع العلم ان اشكال زوجى ما يندمون لأن ما يخاف من الله وما في قلبه ذرة ايمان وتقوى....

اختي جربي هذه الخطة:

ظلي ببيتج.. وقفي اتصال فيه.. صيري عادية على قد ما يتكلم ردي عليه وان ظل ساكت سكتي.. حاولي تسكتين العيال، انت كوني الام والاب طلعيهم ووداريهم.. اذا ما تشتغلين دوري شغل.. اهتمي باناقتج بره وداخل البيت.. خلي بيتج يفوح من النظافة والعطر وحاولي- ادري شبه مستحيل- بس حاولي تشغلين فكرج بشي مثلا ان كنت تحبين الازياء فكري بموديلات لج على طول.. وعامليه عادي

استمري لفترة طويلة- شهر شهرين ثلاثة ستة حاولي تصبرين نفسج- دوري لج حياة خاصة فيج بس كوني له ملاك لما يرجع.. حاولي انت تتقربين منه- جنسيا- واغريه واثيريه بعدين صبري جوفي رد فعله.. اتمنى توصلين لنا اخبار طيبة

اتوقع انه يلين.... يعني ما راح تتغير شخصيته بس بيصير لين ويمكن حتى يعيش الحب معاج من اول وجديد..

اذا ما فاد..

لكل حادث حديث.. بس الرجاء عدم التسرع وضبط الاعصاب والتصرفات من صوبج

وبعدين انت ما نزلتي من كرامتج انت دافعتي عن بيتج وهذه عظيمة عند رب العالمين.. الله يصلح الامور ويسعدج حبيبتي

عين العقل اللي سويتيه !!

أحسن من ينخرب بيتك و يصيروا اعياالك الضحية ..

و الله يهديه و يصلحه و يصبرج ..

على اساس ان يسفرنى الصيف مع عياله عقب كنسل ان انفلونز الخازير لأن ما يبي يسفرنى جاي لي الحين عقب اللي يسوى فينى بالديرة جاي يقول لي ان انا بسافر شغل كذاب بعينه اعرف ان يبي يروح يونس روحه دبي انا تهاوشت معاه ان اذا بتسافر اخذ عيالك وروح بيت امك عاد اتصل جدامى بيت امه وقال لها بجيب لج اليهال باجر يالله على حرقة قلبي من هالانسان حسبي الله ونعم الوكيل حسبي الله ونعم الوكيل شنو اسوى اطلب الطلاق او الانفصال واخلي عيالي ترى حرقة قلب اذا بياخذ عيالي يوديهم بيت امه.........

يبي يستفزج بس.. لا تحطين بالج وياه
حبيبتي شنو قلنا؟ سكتي عنا ولا تردين خليه يسافر وانت اشتغلي على روحج ..عطيه الاذن الصمخة وحاولي اطبقين نصيحتي الله يهديج

nodoo.... طمنينا...

أول شي ربي يهديه ويرده لعقله ويسخره لك ولعياله ,ثانياً ماأقول ذليتي نفسك أو أهدرتي كرامتك ليه؟؟! لأنك سعيتي للحفاظ على بيتك وعيالك وهذا شي يحسب لك بس بخاطري أقولك لاتدعين عليه أبد وأدعي له بالهداية وحاولي تغيرين من نفسك ونمط حياتكم يعني غيري أجواء المنزل يمكن زوجك من النوع اللي يحب التغيير أو يحس بالروتين في البيت فيبحث عن السهر والتغيير في الخارج ونصيحه لوجه الله ماتدخلين أحد أبداً غي مشاكلكم إلا عاد إذا ارتكب شي كبير

nodoo اتمنى اخبارج تمام؟ طمنينا...

انا اختلف مع الي يقولون الي سويتيه عين العقل بلعكس اختي لو ماتصلتي عليه احسن وخليتي الاهل يشوفون حل معه مافي شي يستاهل تنسين نفسج على شانه حتا لو عيالج تذكري ان هل عيال باجر يكبرون وكل واحد يعيش حياته فكري ان هل عيال اذا شافو ام ضعيفه ام ماله شخصيه من غير مايقصدون راح يستضعفونج وبعدين اي بيت الي راح تلمينه وتحافظين عليه شخص لعاب ماعنده مسؤليه حتا ابسط الاشياء حقج الشرعي مقصر فيه بالله اي حياة هذي

اختي للمره الالف دخلي احد من الاهل ترا فيه ناس انصلح حالهم لمن دخلو اشخاص عاقلين يمكن يرد له عقله وربي يهديه لا تتخلين عن حقوقج بحجة مابا اخرب بيتي وشتت عيالي العيال بيكبرون وكل واحد فيهم بيعيش حياته وانتي الي راح تظلمين نفسج الله ييسر امورج ويهدي لج زوجج

الام مسكينه ومافي مثلها تنحرم وتنهان وتصبر على كل شي وتحسب ان الدنيا وخيرات الله بتوقف عند الاولاد معاكي حق تفكرين بالاولاد ومصيرهم وهذا طبعا قلب ورحمة الام لكن اذا استخرتي واخترتي وشاورتي اقدمي على الامر "عسى ان تكرهوا شيئا وهو خير لكم , و عسى ان تحبو شيئا وهو شر لكم"

يااختي مو انتي الي تحددين المصلحة لاولادك شوفي حظك وانتي ادرى بالي بينك وبين زوجك مهما كتبتي هنا لانك انتي الي عايشة المعمعة وتعرفين زوجك وطبعة اذا حاولتي بكل شي ولا قدرتي تتعايشين استخيري واجعلي اولادك بحفظ الله وحدة لانك ماتعرفين اذا كبرو بيصيرون مثل ابوهم ويمكن اقسى الاولاد الي يعيشون مع اباء وامهات مختلفين يصيرون عرضة لالانفعالات والعصبية والمشاكسات والاخلاق الغير لائقة مع امهم الي تعبت عليهم واذا كبرو تركوها لاجل مصالحهم الاولاد الي خايفة عليهم وهذا ابوهم لاتترجين منهم معاملة طيبة معاك لان الاب قدوة مهما كان مراح تكونين احن من الله عليهم يمكن ذهابك انتي عنهم لمصلحتهم وفايدة كبيرة لهم ورجوعهم لكي حين الكبر مالك الا الدعاء لهم وكثري الاستغفار وشوفي حياتك وهذي قصة لتسلية والعبرة بان الله هوة الي يعرف الخير لناا

القصة أن شيخاً كان يعيش فوق تل من التلال ويملك جواداً وحيداً محبباً إليه ففر جواده وجاء إليه جيرانه يواسونه لهذا الحظ العاثر فأجابهم بلا حزن

ومن أدراكم أنه حظٌ عاثر ؟

وبعد أيام قليلة عاد إليه الجواد مصطحباً معه عدداً من الخيول البرية فجاء إليه جيرانه يهنئونه على هذا الحظ السعيد فأجابهم بلا تهلل

ومن أدراكم أنه حظٌ سعيد ؟

ولم تمضي أيام حتى كان إبنه الشاب يدرب أحد هذه الخيول البرية فسقط من فوقه وكسرت ساقه وجاءوا للشيخ يواسونه في هذا الحظ السيء فأجابهم بلا هلع

ومن أدراكم أنه حظ سيء ؟

وبعد أسابيع قليلة أعلنت الحرب وجندت الدولة شباب القرية والتلال وأعفت إبن الشيخ من القتال لكسر ساقه فما ت في الحرب شبابٌ كثيرون ::

وهكذا ظل الحظ العاثر يمهد لحظ سعيد والحظ السعيد يمهد لحظ عاثر الى ما لا نهاية في القصة

وليست في القصة فقط بل وفي الحياة لحد بعيد

فأهل الحكمة لا يغالون في الحزن على شيء فاتهم لأنهم لا يعرفون على وجهة اليقين إن كان فواته شراً خالص .. أم خير خفي أراد الله به أن يجنبهم ضرراً أكبر ولا يغالون أيضاً في الابتهاج لنفس السبب ويشكرون الله دائماً على كل ما أعطاهم ويفرحون بإعتدال ويحزنون على مافاتهم بصبر وتجمل

وهؤلاء هم السعداء فأن السعيد هو الشخص القادر على تطبيق مفهوم ( الرضى بالقضاء والقدر) ويتقبل الاقدار بمرونة وايمان

لايفرح الإنسان لمجرد أن حظه سعيد فقد تكون السعاده طريقًا للشقاء والعكس بالعكس

والاسلام الحنيف يؤكد على ذلك

فإن مع العسر يسرا
وكذلك رب ضاره نافعه

والتغيير يبدأ من الداخل

الانس ثمرة الطاعة والمحبة ..فكل مطيع لله مستأنس... وكل عاص لله مستوحش


****

حبيت انقلكم هذي القصه لما فيها من قوة ايمان وكذلك الصبر

"عسى ان تكرهوا شيئا وهو خير لكم , و عسى ان تحبو شيئا وهو شر لكم"


ولكم تحياتي .....منقول

من كثر ما انى مهمومة وافكر كثيييييييييييييير بالطلاق طبعا هو ذاك الاسبوع سافر 6 ايام ولا فكر يرفع السماعة يتصل فينى ويسأل عنى وعن عياله ، رجع الا يقول لي انا سافرت لغرض الراحة والاستجمام حسبي الله عليه دنيا وآخره ، سألته انزين ليش ما اتصلت فينى تسأل عنى وعن عيالك الا يقول بكل وقاحة اتصل للحنة وعوار الراس صكيت تلفونى وبالي كان مرتاح انزين وجع بقلبه.. طبعا هو رجع يوم الاحد اللي طاف وليحين ما طلعنى ولا عاشرنى ورقد ليلة واحدة بالبيت طول اليوم برع البيت ويبات برع البيت على قولته يروحون يتسبحون مع اصدقائه الله اعلم صج كذب الله اعلم وانا اللي شايلة الحمل والهم من القهر امس بالليل طرشت له مسج اذا انت تبينا ننفصل انا ما عندى مانع الحين لأن طفح الكيل عندى وانا بنت ناس ما ارضى اكون شبح بحياتك ما رد علي يدش ويطلع واثق من نفسه ولا كأن مسوى شي اليوم قلت لأمه ان ولدج ما ينام بالبيت ولا يجلس معاي ولا ولا ولا تخيلوا هبت فينى وقالت اذا انتى نفسيتج تعبانة تطلقى منه وعيشى حياتج اقول لها انزين شنو ذنب العيال انا قاعدة احاول الى آخر نفس اعدل حياتى مع ولدج بس هو ما يبي يضحى الا تقول خلاص تركيه والعيال بيكونون معاج ما بيحرمج منهم وبيصرف عليهم عندها شي سهل عيالي ليحين صغار وانا ما اشتغل ولا عندى اخوان يحمونى وابوى مريض ذاك اليوم جلست ابكى عليه اقول له انا وحدة فاشلة وضعيفة ما في فائدة يا ينات ذايقة المر من تصرفاته معاي وصابرة اشوف الى متى بيتم جيذي الله يعلم متشفشفة على انى اسافر اغير جو حقه بس مسموح بس لي لالالالالالالالا الله عليه انشالله تجي له ضربة قويه تقعده من نومته آآآآآآمين...

ماقووووووووووووول الا الله يعينج حبيبتي

=(

حبيبتى التمسى ساعات الاجابه وادعى الله يهدى زوجك يصلح احواله

آآآه ياندو

اش سويتي

هوني على نفسك

واستغفري ربك قبل كل شئ

وثقي انه معك ولن يخذلك

كونك سكتي عن حقوقك اكبر غلط

قد مايكون للرجال شغلات غبية وتقهر

قد مايعشق الحرمة القوية ليش تذلين نفسك عشان الاولاد

مو منطق ابدا انت اهم من كل شئ عالوجود

صدقيني لو عزيتي نفسك من اول وماخليتيه يدوس لك على طرف ماكان تفرعن عليك فرعون

انا بكيت عليه قلت له صل على النبي وتعوذ من الشيطان انا ما خبرت احد غريب الا امك وابوك وهو مو راضي المهم اخذ اغراضه بشنطة وطلع وانا جلست اصيح واتحسب عليه عقب ساعتين اتصلت فيه وقلت له انا احبك وشاريتك ارجوك ارجع البيت قال انتى غلطتى وقلتى لأهلي عنى قلت له انا آسفه وغلطت واذا انت شبيت النار فينى في البيت ما بخبر احد وسامحنى والمهم ذليت روحى الا ان وافق يرجع البيت الليلة على اساس انى اسكت عن طلعاته وسهراته / ما قول غير

اختي موقفك هنا في غاية الخطأ

روحي لاهلك الحق معاك مو معاه وهو شاف نفسه لممااتصلتي عليه

خلي اهلك هما يأخذوا حقك منه اذا ماتبغي توصليها لاهلك

قولي جاية عندكم كم يوم بس

ولاتخبريهم بس وريه انك زعلالالالانة منه مو تراضيه

الله يهديه
بس انا احس ان المشاكل لازم تنحل بين الزوجين بدون تدخل الاهل ... ما ادري ليش بس احس الرجال مايحبون اهلهم يتدخلون في حياتهم الشخصيه بس ما الومك اكيد سويتي هالشي لما فقدتي الامل فيه

الله يعينك ان شاء الله

مرحبا ..

اختي الغاليه .. انا سبق وقلت لج .. ان زوجك واحد مخلص وبايع ,, واهله لو فيهم خير كان على الاقل حاولو اصلاح ولدهم ,,, والريال مب هامه ..انا الي مستغربه ليش انتي مكسره نفسج ومحطمه مياديفج ومسويه نفسج انسانه فاشله ..

دام انتي بتحطين نفسج بالموقف هذا وبتحطين هالافكار براسج .. اكيد بتصيرين فاشله .. بس يا اختي الله عطانا عقل وتفكير ... ولا تحطين عيالج شماعه احزانج وهمج لان اصلا هو مب مفتكر فيهم وقالتها لج امه بيخليهم عندج وبيصرف عليهم ...

قومي تحركي دشي دورات دراسه اي شي وقت الصباح الي عيالج بالمدارسه واستفيدي .. لو انفصلتي دشي (( تمكين البحرين )) يدخلونج دوره تدرييبيه ويوظفونج .. روحي وزاره العمل بيوظفونج ..والنفقه , مع شغلج مع اعانه الغلاء مع اعانه السكن بتعيشين .. ولا الفلوس عمت عينج وخلتج ما تسوين شي ..

ان دايما اقول المره عن الف رجل .. اخذيني مثال حي جدامج امي انسانه عاشت بدون ريال من عمرها كان 28 سنه وكان عندها بنتين .. واشتغلت كل الاشغال ودرست لين صارت ممرضه .. والله العالم شلون تربينا .. تقصر على نفسها وماتقصر علينا .. ولا مدت يدها لاحد.. ولا اهل ابوي اصرفو علينا فلس حمر .. وماكان عندها ام ولا ابو.. واخوان امي كلهم محد وقف معاها ولا دينار شفناه منهم كله من تعبها وجهدها... وكا احنا اشتغلنا وعوضناها عن كل شي ... لا تسوين الحياه كلها شماعه احزانج وتقعدين يومج وليلج تدعين على الريال...

انا اقولج بسج تندمين حظج .. وحركات المسج وغيره ما بتفيد مع ريلج الريال عايف من زمان شوفي موضوعج من متى نازل ومن متى مستمر ... انتي الي قومي تحركي على عمرج .. درسي وثقفي نفسج ودشي دورات ابتدي من الصفر .. جان خاطرج تسافرين اشتغلي شغله فيها سفر وروحات وجيات .. شوفي عمرج وخلاص قطي هذا كله ورا ظهرج يمكن ربج يكتب لج نصيب ثاني ..

لكن تقعدين تقولين انا سويت وفعلت وما فاد وتدعين وانتي مكانك سر الصراحه .. الغلط كله يقع عليج.. وللامانه واستحملي قسوتي .. انتي الي كاسر ظهرج ان الريال ولد نعمه والا جان عفتيه من زمان..

تحياتي

ام جنى

معقولة عايفنى معقولة بس ذرة حب ما في في قلبه اتجاهي . اللي ذابحنى انى ما اشتغل قلة البيزات تذبح هو اللي يصرف على عياله عقب ما بيفتكر وطبعا ما يخلينى اروح رياضة ولا دورات ولا يخلينى اشتغل بأي مكان الا يكون مكان عدل معروف وانا ما عندى شهادة جامعية صعب ان ياخذونى اي مكان يالله والله العظيم داير راسي طبعا هو عايش حياته مستانس حده كل ليلة ينام برع البيت يقول رايح بركة سباحة مع اصدقاء السوء ولا يفكر يعطينى حقي الشرعر او يطلعنى او يسفرنى الله عليه انشالله انا افكر بعيالي عقب اشلون يعيشون على الاقل هو يصرف الحين عقب بتاتا بيصرف على البنات وبينسى عياله بقول لكم شي يبكى والله العظيم ان بنتى من عطلت وجلست بالبيت تترجاه ان يطلعها او يقعد بالبيت معانا تلعب معاه تصيح ونفسيتها كلش متضايقة تتصل فيه ما يرد تبكي علي ليش بابا كل برع ما يطلعنا ويقعد معانا آآآآآآآآآآآه وانا ميتة ميتة الود ودى اقول له طلقنى وفكنى من همك وشرك اتمنى يموت اصير ارملة ولا اصير مطلقة اشمت اهله فينى ..... ما في فايدة مع مشكلتى انا اعرف عمره ما بيتغير سامحونى طولت عليكم مشكلتى .....

ماودي اقولك توكلي على الله وخلية يعيش الحياة لحاله واطفالك والله ان ربي ارحم عليهم منك ويمكن حياتهم بدونك خيييييييييير لهم وانتي تفكرين ان وجودك هو الي بيبسطهم ويفرحهم والله ليرجعون لكي لاتخافي ربي مابيضيعهم يمكن يلاقون بعدم وجودك اشياء احسن وافضل من وجودك بهذي الحياة مع انسان مثل كذااا واستخيري اجلسي بس صلي استخارة

الله يهدي كل الرياييل والحريم ان شاء الله