نزلت كرامتى عشان عيالي؟؟

nodoo;9661443:
اولا اشكركم كلكم يا بنات على تفاعلكم معاي وابي اعرفكم بشي ان هو مغرور بشكل فظيع واالله يعلم انا اشوفه باليوم 10 دقائق فقط لا غير لا يتغدى معاي ولا يتعشى معاي طول اليوم مع عيالي بروحنا انا اوديهم المجمعات انا اوديهم المطاعم وهو ما يطلعنا يجى البيت يبدل يتسبح ويطلع جاب لي المرض والهم حسبي الله عليه ما اعتقد ان في رجل نفس زوجى بتصرفاته رفاق السوء الله ياخذهم ويدردمهم ماخذينه منا حتى عيالي صايرين يتصلون فيه ويصيحون يقطعون القلب تعال طلعنا احنا كل في البيت متمللين يواعدهم ان يجى ويتبرزون وعقب يتأخر ويقول لا ما بجى اطلعكم تتوقعون شنو نفسية عيالي ، والله يعلم انا ذليت روحى واتصلت فيه عشان خاطر عيالي لا يتمون من غير اب ، لكن هو حقير سامحونى على هالكلمة احساس ما عنده طبعا جنس ما احصل منه بتاتا وانتو تعرفون موضوعي حاولت معاه ان يجلس معانا وان حرام هو يتأثم لأن ما يعاشرنى ولا يجلس معاي في البيت وان هو عايش حياة العزوبية مو حياة الازواج يرد يقول هاي حياتى ما اقدر استغنى عنها مو عاجبج نتطلق ......وعيالي اشلون اصرف عليهم وانا ما اشتغل حسبي الله ونعم الوكيل الله ياخذ حوبتى منه عاجلاً غير آجل على هالذل والعيشة اللي عايشته والله العظيم من الهم والصياح الضغط عندى يرتفع ويصيدنى عوار راس فظيع هو ما يبي احد يعرف عن طلعاته وحركاته وان ما يعاشرنى انزين الى متى انا قلت لأهله مو لأحد غريب يعنى انا غلطانه......

السلام عليكم والرحمة
نبي نقولك الزوج من نوعية هذي يدمر نفسية الزوجه ويدمر حتي ثقتها بنفسها كأنثي
ياأختي من الواضح أنه يا البكري يا الصغير في هله ودلوع واجد وعديم مسؤليه أنت أدري بزوجك بس ما فيش بني أدم كله غلط وشر لازم في بريق أدمية فيه ففي حل أنك تقعدي معاه وتتكلمي بثقة مش بأنكسار وتحطيه في مكانه تفهميه أن وجودك الحالي مش عشانه أنت فقدتي مشاعرك وتقديرك له والسبب تصرفاته وسبب وجدت أن تكبري الولاد وبعدها قوليله أنك منك لنفسك بناخذي شنطتك وعندك أهل يعزونك(الكلام هذا لو فيه عقل حيهزه ويخوفه ولو باقي عليك حيحس أنه حيفقدك وحتلاحظي تحسن في الوضع ولو هو مش باقي عليك حيجيه علي الطبطاب وحيوافقك عليه وهذا حيكوشئ مؤلم لكي بس علي الاقل حددتي موقفك) مش كل زواج فيه تواد وتراحم أعتبريها عقد عمل لغاية ماتكبري ولادك بس ماتهمليش في نفسك وحلي روحك بزياده بدون ما ترمي نفسك عليه خليه يحس ان وجوده من عدمه مش فارق معاك زي ماهو عامل معاك
وبالطريقه هذي ضمنتي لو أنه قابل للتعديل حيتعدل ولو أنه مفرط فيك تلمي مشاعرك لنفسك وتستثمريها مع الأشخاص اللي يستاهلوها ويقدروها مش مع حد حرامك حقك شرعا!
وكلمتي الأخيرة ياااااااااااااااااااويله زوجك من ربة

الله يهديه

لا حبابة ماذليتي نفسك
علشان عيالك كلشي يهووون
ومثل ماقولا البنات دائما خوفية من الله ومن هالامراض الله يكفينا الشر
وادعي لة في جوووف الليل ان الله يهدية ان شاء الله

مرحبا اختي

المسأله الحين مب مسأله ذل ولا غيره .. الغاليه ...

انتي لجئتي لاهله من بعد مافاض فيك الفوض .. هو تصرف هالتصرف الحقير .. لان اهو عارف انك ما تقدرين تستغنين .. عنه ..وانا لو مكانج .. خليت اهله يتصرفون معاه واتصل فيهم واقولهم ان الريال طلع من البيت .. وسوا وفعل ,, هو بيتصرفون ..

وهم بيردونه وريله فوق راسه ... وبعدين يا اختي من يقولج ان القاضي يطلق بس عشان ان رمى عليج الطلاق الغاليه .. لو انتي تروحين للقاضي ويسمع قصتكم والله ما يطلقك لان الغلط من صوبه ,, وبعدين انتي يالغاليه انتي عايشه معاه مربيه .. يعني انتي تقولين ما ابي اعيالي يعيشون من غير ابو .. يا اختي هم عايشين اصلا من غير .. اب .. يعني الحين الي ماسكك المصرف .. يا اختي اهلج ما بيعجزون عنج.. وثاني شي المحكمه راح تحكم لج بنفقه.. هذي لو صار طلاق..

طيب انتي وبصراحه ما ذليتي نفسج عشان عيالج .. لانج تعرفين ان اصلا ما يشوف عياله ,, حاطهم بالاسم وصوره بالفريم.. انتي ذليتي نفسج لانج خفتي ان يطلقج ,, وانا اقولج ان ما كان بيطلقج.. وبدل ما تحلين الموضوع تقولين ان شاء الله تشب فيني النار ما بقول حق احد .. ليش يا اختي .. فحكم من اهلك ومن اهله .. يعني لا الله ولا رسوله يرضى بالشي هذا ...

الحين .. انا طبعا متأكده انج ما بتكلمين احد خوفا ان يطلقج ,, وطبعا عندج تعيشين اسم متزوجه ومظلومه ومسلوبه.. على ان تعيشي مطلقه .. !!

فمالك الا ان ترضى ان تعيشي ما انتي فيه يعني انتي الي اطلع وطلعي الاولاد وعيشي حياتك عازبه ولكن باطفال .. اقولك صلي وادعي وكلمي زوجك مره واثنين وثلاث.. لكن يا اختي .. ان الله لا يغير ما بقوم حتى يغير ما بأنفسهم ..

يعني يقولون الريال لمن يطلع في شي ناقص بالبيت.. طيب .. انتي مقصره شي بنفسك .. يعني قط مره دش زوجك البيت وشافك .. بملابس مثيره ... مش ملابس نوم ملابس مثيره تنوره قصيره قميص عاري شعرك متروك .. مكياج خفيفه .. العشر الدقايق الي بيدخل فيها البيت ... يدخل عليج لابسه بيجامه , ولا ملابس بيت هل حاولتي ...

طيب انا ابي اعرف الغاليه انتي شنو سويتي وحاولتي تغييرين بنفسج .. عشان لو يحاول زوجك يلتفت لجمالك .. او حاولتي تلفتين نظره لج ...

عزيزتي حالك السكوت عنه هو معناه انك تدفنين نفسك بالحيا معاه....
السكوت ماهو بحل تقعدين تحطين لك خطه وجدول .. تحاولين تصلحين فيه زواجك
وابحثي بكل الدورات من افكار وخبرات او اي شي.. وبعدها ,, حطي فتره زمنيه .. ست شهور مثلا ..
وبعدها حطي القرار ... يعني بدخل اهلي بدخل اهله.. وهكذا ..

لين توصلين لنقطه تقررين فيها انتي ايش تبين .. بالضبط.. اسمحي لي انا جدا مريضه وحاولت اركز افكاري وانا اكتب لك .. فياليت تعذرين عدم تسلسل كلامي

تحياتي

ام جنى

الله يفرج همك وهم صديقتى

ماشاء الله على عقلك ادعيلة بالهداية بس انتى عملتى الصح وسيبية براحتة اكيد هيزهق من السهر وهيرجعلك تانى ان شاء الله وبعدين ربنا مبيرضاش بالظلم وانتى مظلومة قولى حسبى الله ونعم الوكيل

عملت خير الان من اجل نفسك وعيالك ولكن اتمنى عليك ان لاتبقي هكذا معه ويطمع ويتمادى اكثر انت لست قطعة أثاث منزلية حتى يرميك هكذا احفظي مقامك كزوجة وام

دلوعةحناني;9656330:
حبيبتي الغاليه
كان الله في عونك
اى شخص بيسمع الي سويتيه بيقول في البدايه اى ذليتي نفسك كثير
لكن لو يدقق ويعيش الموقف اكيد بيقول عنك انسانه عاقله وحكيمه وخايفه على بيتك
ومصلحتك .
تخيلي لو انك مااتصلتي وفعلا نفذ تهديده ورحل ايش بيكون وضعك قدام نفسك واهلك والناس؟
اكيد الي سويتيه هو الصح وعين العقل لملمتي بيتك وانقذتيه من خطر التفكك والضياع.
انتي حبيبتي حاولي هالفتره تتقربي من زوجك وتعلمينه انك تحبينه وصدقيني مهما طغى
ومهما قسى نهايته بيميل لك ويعرف قدرك.
تحياتي

(y)

نفس الراي :)

احس ان الدنيا بخير .... تعرفون عقب ما رجع البيت شنو قاعد يسوى يبات برع البيت يرجع الساعة 8 الصبح يعنى يا مال الضعفة من طلعه لطلعة ويروح الدوام الصبح وعلى قولته ان يروح الزراعة يتسبحون مع اصدقائه وياخذ معاه فوطه واغراض السباحة وما يرجع الا الصبح وانا كل يوم احترق بس ساكته وبالعة موس واهله مالت عليهم واقفين بصفه واخوانه الحقيرين يطنزون عليه يقولون اخونا طلع دياية مرته (دجاجة) ما له كلمه رجع البيت آآآآآآآآآه لو تعرفون اللي اعانى امه تلومنى تقول كل الرياييل جيذي وانتى كل مادة البوز وتحنين اشلون يقعد معاج ماقول غير حسبي الله ونعم الوكيل يمهل ولا يهمل آآآآآآآآآآآآآآآآآآآآآآآآآآآآشوف فيهم يوم على هالظلم اللي ظالمينى فيه اترجاه اقول بعطيك بيزات روح الدكتور شوف شنو مسألتك انك ما تشتهى تنام معاي يقول انا ما فينى شي وجع انشالله هو وين عنده وقت يعاشرنى اذا هو كل برع البيت الله لا يبلي احد بزوج نفس زوجى الله لا يبلي احد بعد انا اقول الزوج اللي كل برع البيت يعوض زوجته بالمعاشرة وانا كلش عدم حسبي الله ونعم الوكيل في رفاق السوء وبنات الحرام اللي ماخذينه قسم الله العظيم يا بنات خاطري اكون قوية واقول له طلقنى واخذ عيالك وانا اعيش حياتى اللي حرمنى من صديقات والسفرات والطلعات وحتى رياضة ما يرضى اروح تخيلوا يقول كل مغربيات انا سجلت درس ايروبيك في محل رياضة محترم بالعدلية وهالمحل غالي مو راضي اروح يقول كل بنات مو شي هناك ما ابيك تختلطين معاهم حسبي الله ونعم الوكيل حسبي الله ونعم الوكيل شوفوا تلاقون بنات الحرام اللي يعرفهم مسجلين هنام وما يبينى اتعرف عليهم وعقب ينفضح الاخ الله اعلم ..... الله يعلم اكسر الخاطر يا بنات على عيشتى عندى زوج ماديا بخير ويصرف على غيري ووقته كل لغيري الله على الظالم يمهل ولا يهمل يمهل ولا يهمل ادعوا لي بصلاتكم ان الله يصبرنى وما يصيبنى اي مرض من القهر والغم اقول لكم امى وابوى ذايبين ذايبين من عمايله معاي ما ينامون الليل من كثر ما يفكرون فينى..

الله يهدي زوجك ويصلح حالكم حبيبتي

شوفي حبيبتي لو كان عالسهرات وهالامور يمكن نقول تصبرين بس اذا حقك الشرعي منعك منه لا هذي اكيد يبي لها تدخل وماحد بيلومك بس بصراحة صح الوحدة تصبر عشان عيالها بس انت غلطت دامها جات منه وطلع من البيت كان رحتي لاهلك لما يحاسب ضميرة وبيرجع لك بعد مايعرف قيمتك ربي ييسر لك امورك

الله يهدي بينكم
عليج اختي بالدعاء بجوف الليله ان الله يهدي زوجج و يملي حبج في قلبه و يسخره لج ولعيالج
ويصلح حالكم يارب

انا لو ما اتصلت فيه ورجعته البيت جان ليحين ما رجع ولا افتكر فينى وفي عياله محد بيخسر غيرنا هو لا بيحس بتأنيب الضمير ولا بكسر خاطره لأن ايمان بقلبه ما في وهو عنده الكثير من البرامج والطلعات والسهرات ان حتى ما بيعطى روحه مجال ان يتذكرنا لدقيقة الله يعلم....... بس انا رجعته عشان عياله وساكته معاه وقاعده احاول معاه بالطيب حتى اترجاه الحين ان يطلعنى الليلة يقول لي ، لا تحنين ما عندى وقت انا مشغول على كيفه الله فوقه وبيحاسبه ترى الله مو غافل باللي يسويه الظالم ..... الله محتسبه اجري على الله عشان عيالي ما يتلتهون عقب من الفلوس انا وحدة ما اشتغل وتعرفون صعب هالايام نحصل على شغل اتمنى اتمنى بس احصل لي شغل اتلهى عنه شوى لكن بالنسبة له ترى قلبه قاسي قاسي ما يهمه انا زعلت ولا ما زعلت هو عنده حياته مع الحقيرين اصحاب السوء وبنات الحرام الله عليهم انشالله كن فيكون اتمنى الله يكسر عينه بهدايته وتقواه اتمنى اشوفه بالبيت معانا 24 ساعة ويقضي وقته معانا ويترك الكلاب اللي مسويين له عمل انا متأكدة ان مسويين له سحر لآن زوجى مو طبيعى ولا حتى مسويين لي انا بعد عشان انجب اسكت عنه وما اتكلم معاه.... حسبي الله ونعم الوكيل الله معاي وبينصرنى انشالله على هالظلم.......

حسبي الله على الارجال ماعاد فيه رجاجيل معليش عدي واسفهيه

اللي سويتيه مب غلط الغلط فيه هو وانتي اسغفري وادعيله بالهدايه وعسى الله يهديه والاما يعرف انج تسوين الدنيا عنده صدقيني الصبر متعب بس الله مايظلم عباده

انا انفصلت وعندي بنت بس وافكر فيها كيف بتتبهذل واحاول انها ما تحس بشي كيف انتي عندج عيال
الله يهديه ويصلح امره


موفقه

نفسيتى الزفته طبعا بقول لكم مستجدات موضوعى وشنو افكر فيه ، هو صاير يطلع الصبح ويبات برع البيت ويرجع يتسبح ويطلع وهاي حاله وعياله يتصلون له يترجونه ان يطلعهم ولا مهتم بنتى كسرت خاطرى من الصياح بابا شوف عيال خالتى ابوهم يطلعهم وانت ما تطلعنا وتصيح تصيح من البكاء انا كل بالبيت ارجوك تعال طلعنى وهو كاشت فيها وانا طبعا لا حس ولا خبر ولا يفتكر ان يقول تعالى نطلع انا كل هادج او ان يرجع يقعد بالبيت انا فكرت آخر حل طبعا بعد رايكم ان اقول له يافلان انا بحقق امنيتك ننفصل بس تاخذ عيالك معاك بضغط عليه بهالطريقة وبحترق من غير عيالي مع العلم اعرف ان امه بتهتم فيهم كثير بستغنى عنهم عشان اضغط عليه واشوف عاد ساعتها امه بتتحمل عياله من غيره لأن اكيد هو بيكون معاهم بعد جيذي يدش ويطلع ولا بيحسب لأحد حساب..

أختي بما أني أعرفك شخصيا وأعرف زوجك والله الطلاق أريح لك .. أنا مابي أهجم حياتك بس أنتي تقولين تمه ماعاه عشان عياله. .. أختي وين الوقت اللي يقعد فيه مع عياله إذا على قولتك يتصلون فيه يترجونه عشان ايي ويطلعهم.. أختي أنتي ماشاء الله جميلة وشحلاتج وين يحصل يعني بهالجمال يعني بنات الشوارع أحسن منج..

ألحين أنت ضاغطة على أعصابج ومو مرتاحة ومتعبة أهلج معاج من التفكير شلج فيه وإذا تحاتين المصرف غصبن عليه لو صار طلاق يصرف عليج وعلى عيالج والنفقة تمشي لج

اختي زوجج لاهيته الدنيا ومو مفتكر لا في بيت ولا مسئولية.. يمكن بعد مايطلقج يحس بغيابج ويراجع نفسه


صلي إستخارة وجوفي شنو الحل الأنسب لج لكن تقولين باصبر لا أختي ترى الصبر مل من صبرج كل هالسنين وريلج مو راضي يغير نفسه ولا شي...

من غير ريال عاد والريال اللي عندى عاد يامال الضعفة ما يتعب من الطلعات والسهرات انا قلت اول شي بسويه انى انفصل عنه لفترة من غير طلاق واخليه ياخذ عياله معاه يمكن بهالطريقة شوي يتراجع مع العلم ان اللي بقلبه ما في ايمان وما يخاف من الله ما يهمه شي بس هاي الطريقة آآآآآآآآخر طريقة عندى ........

ما اعرف احس اللي سويتيه غلط يعني انتي اللي مضلومه مو هو وتصرفاته مو سهل انه تتغاضين عنها بالعكس هو حسك ضعيفه اكثر لكن الله يعينج ويهديه عليكي يارب

ربي يهدي و يصلح زوجك و يسعدكم و يهنيكم يااارب