((الجزء 21 تجهيزات عرائس عمان العزّ))

هههههههههههههههههههههههههههههههههههههههه

والله انه عليج سوالف يا امووووور انتي وفديت ال M
تعالوا عندي ابجهز لكم فوشار بالعسل <<<<< ملانة وحدها باقية ...



اموووور

مشكوووره... كثير ع الروابط ..
لو ما عليج امر ممكن ترسلين لي ارقام صاحبات الفساتين للتأجير ..؟؟

يبوك الملل ابرك من الكروب والمناقر واخر شي كلمة "عسى خير" اللي تقهرني
مثل اللي يصفع واحد وفالاخر يقول كنت امزح!

صوت المطر>> كل ساعة اغلط واكتب صوت القمر!
خبرينا عن اهتمامك بالبشر والشعر والاظافر>> توه ظفرها متشوه
بحكم انك تو بتعرسي لااه

أميرة
انا متأكدة الفستان بيطلع حلووو:cool: ...ولو شاكة تأكدي انه كل شي بيشل بعض مع الميكب والشعر الخ..
اذا ع الكوشة تقريبا معظم الالوان تناسب الذهبي بس انصحك انك تمشي ع القاعة لا ترقعي يعني اذا الموكيت مارون وتسوي الكوشة كحلية!!! انا مرة دخلت عرس الكوشة مارون والموكيت ازرق اقولك كرهت نفسي وكرهت القاعة(n), قلت الناس ما تشوف كل هالعنجشة والتناقض ولا بس كوشة عرس ومشي الحال:mad:.... انا ابدا ما احبذ هالافكار, احس انه لازم كل شي يكون مناسق...اهلي كانو يبوا الانتر و زوجي عجبته النور وكان بيحجزها ,وانا في صييييحة "مااا اريد مارون":confused: صديقتي قالتلي شرايك بالشفق, قلتلها هي اللي بتناسب ثيمي اللي مختارتنه من زماااان والحمدلله توكلت ع الله وحجزناها ولااا زوجي واهلي ما عندهم هالخرابيط ثيم وحركات بس انا ماااا اقدر سبحان الله, بصيييييح لو عرسي كان عنجاش:ss:

اذا تعرفوا مواقع تسوي زفات اسلامية رخيصة حصلت بس كلهم فوق 100 ريال للزفة :(
واحد فظييييع دوم اسمه واتخيل نفسي داخلة عليه :o بس ب 140 ريال (n)

امووووووووور ممكن اعرف وين يسوا هالزفات اللي 140

الف الف مبروك لصوت الطرب على عرسك القريب يالله ابي اهتمي ببشرتك وجسمك وارتاحي واستانسي في شهر العسل مرهههههههههه
نوره فديتك وانتي بعد ما بقي شي بالعرس بدا العد التنزلي انتي سالتي عن الفندق ترى الشيدي السويت مالهم وايد حلو ورمانسي كثير وقريب من شفق ....................

اميره انشالله الفستان بيطلع حلو وعليكي بطلع احلى انشالله الله
فديت الام ترى البرود عند الرجال شي عادي اتعودي علي فيهم برود غير طبيعي ...................... كنت اعصب وتشوفيني كاني نار ووهو عادي ولا عنده خبر بس شو تسوين بعد ........... اخبرك شي طنش تعش تنتعش .......

فديت M: لا الغاليه ما انا ... انا ما عمري كذا:whistling:... ملكتي بتكون ف البيت ان شاء الله ف خيمه :yes:...
والثوب ما فصلته .. وع فكرة كل ما اتكلم على شي مايصير مثل ما قلتوا احسن اسكت وما العي..
[COLOR=blue]اميرة: الغاليه مشكورة حلوين الفساتين بس ماطرشتيلي رقمهن ..؟! عندك ..!:shiny: وبالنسبه للبنات الي تكلمتي عن ستايلهن ولله نفسي كذا ... بس امي ما تباني اللبس سيمبل تباني اللصف بكبري عشان الناس ما تقول فستانها حلو وبس تقول فخم ووحلو وكل شي خخخ تفكير حريم
الماس:سنك زين للزواج كان 22 ودامنك متزوجه وعندك اولاد الله يبقيهم لك ...
انا مجرد سالت حب للفضول عن نفسي اشوف حياة العزابيه ما منها فايده خاصتاً اذا كنتي محبوسة بالبيت ولا طلعه ولا سفر احسلي اتزوج واشوف حياتي بدل الحبسه واتحانق كل وحده زوجها شلها ومشاها وانا احتر:21_235: صح ؟؟:poster_kewlpics:
الماس... الله يعيني عليها عجب نوال اذا ماعندها اسلوب.. انا بعطيها تاريخ غلط بقدملها عشان تخلصه قبل واضمنه بالكبت عن تورطني... اول شي حددي موعد ملكتك بعدين تفلسفي ههه اقصد انا...:ongue::ongue:
وبعدين خطيبي ماشغله اللعب بتغيب من عنده كان تباه يقلبلها المحل خخخ[/COLOR]

برنسس عمان الله يفوفقك وتحدد موعد الملكه انشالله وكل التوفيق احسن عطيها الموعد غلط اتوقع بتقولك تريد بطاقه للدعوه مثل ما سوت في وفي ربيعتي وحده من اهلي ......... انا عندي طفل واحد بيكمل سنتين شهر سبعه انشالله ............ حياتك ما تفرق عن حياتي كثير قبل الزواج ... بس الفرق ما تكن عل الواحد مسوليات ومن يتزوج السؤليات مثل المطر .... بالعكس انا اشوف ربيعتي اللي معرسات ويشتغلن اتمنى انا بعد اكون كمهم طبعا زوجي كملي دراسه مثل ما تبغي لكن ماشي شغل ....................

احاول اضيف صور ما قادره كنت بوريكن ثووووب خخخ ماعرف متى بتعلم ... :)
الله يبقي ابنك لك يارب الماس .. وانا ما مقرره اسوي بطايق اهليه لانها

دعواااااااااااتكم الحال يسوء أكثر و أكثر :confused:
نفسيتي زززززفتة عرسي ما راح يصير مثل ما احلم فيه :confused:
عسولة ابوها
برسل لك الموقع

الماس
البنت اسمها صوت المطر مش صوت الطرب :D
انا الحين عمري 22 بس شكلي بتزوج وانا 25 :eek:

فديت الM و برنسيس
برسل لكم الارقام ان شاء الله

نورا
ربي يريح قلبك مثل ما تحاولي تقنعيني بالفستان :) بديت أحبه :15:

حجز العروس ليوم الجمعة المبلغ راح يصير الضعف ولا كيف ؟

اميره :خير ان شاء الله ! كل شي بيصر باذن الله مثل ما تريدي اهم لا تضايقي نفسك لاتنسي انك عروووس ياثر ويبهت بشرتك بعدين..
ادعي ربك كل شي يصير مثل ما تريديني وصدقيني ربك راح يعطيكي على قد نيتك باذن الله ...
وذا ما صار مثل ما تريدي هذا نصيبك اهم شي الستر والفرحه تجي مع الزوج والجمعه الحلال ...
الله يوفقك وعسى ربي يحقق الي ببالك يارب ...
وببالي ويهدي لي خطيبي الي كل يومين ينطلي معصب وماعارفة اسوي شي من ظرابته ههه ...
بس متفائله وفترة ضغوطات وكل شي يصير باذن الله

اقوووووول
اول ما بدأت أشارك هنااا كنت افطس من الضحك...
لما اشوفكم تنادوني صوت الطرب..!!! <<<<< اسمي ما واضح يعني ؟؟



فديت ال M
انتي عطيتيني لقب يديد ( صوت القمر!!) بس المشكلة انه القمر ما له صوت
خخخخخخخخخخخخ


اموووووره.. حبيبتي عقبال العمر كله... يا رب




فديت ال M

سألتيني عن عنايتي بالبشرة والجسم والشعر ..

أنا شعري خفيف وطويل واعاني كثير من تساقطة
من فترة قرأت انه السدر الطبيعي والحنا يكثف الشعر ويقلل من تساقطة
فصرت اغسل شعري اسبوعيا 3 مرات بالسدر واعمل له حنا في الشهر مرة
بس الحين قطعت الحنا من شهر لانهم قالوا لي انه الشعر لما يكون فيه حنا
وبعدين ينصبغ يتأثر ويخرب..
وانا حاطة في بالي اصبغ شعري عشان اطلع بلوك يديد فبطلت احني شعري من شهر..

وشفت وصفة متكاملة في محل زين الأتات اللي في سيتي سنتر القرم
يعني تغذي الشعر وتكثفه ويمنع تساقط الشعر..
عبارة عن بخاخ مقوي للشعر تستخدميه يوميا ع فروة الرأس لمدة اسبوع
وبعد كذا تتوقفي منه وتستخدمي التونيك يوميا مرتين في اليوم لمدة ستة اشهر
ولمن تغسلين شعرج تستخدمي شامبو من عندهم رهيييييييييبة ريحته كأنه مخمرية
فيه ريحة ماء الورد وبعد ما تستخدمي الشامبو تسوين لشعرج حمام زيت وبعد اشتريته من عندهم ..


بالنسبة للبشرة اعمل مرتين في الاسبوع أقنعة عشان تتنظف بشرتي
ويوميا قبل ما انام بعد ما اكون نظف بشرتي بمنظف الحليب احط تونر وبعد ربع ساعة
احط زيت اللوز وساعات احط زيت جنين القمح على وجهي وانظف ايدي وريلي بالاسكينول
واحط ماسك على ايدي واصبغ اظافر ايدي وريلي بطلاء مقوي الأظافر ، وهذا اشتريته من محل زين الاتات


اما جسمي فاسوي له حمام مغربي 2 الى 3 مرات في الاسبوع
ومرة وحدة في الشهر اسوي خلطة ويكون متضمنة مع الخلطة الحناااا
تنحط في الجسم وتكسبج نعوووووووومة متكاملة وتفتيح للأماكن الغامقة ..


هذا اللي قلته لكم ولله الحمد ملتزمة بعمله وفيه ساعات اقرأ واعمل مقشرات معينة
بس مو بصفة مستمرة ..


اي اي وبعد صح كنت اسوي زيت الخروع ع رموشي كل يوم لأنه يزيدهم طول وكثافة
بس في يوم اختي خوفتني وقالت لي انها قرأت انه زيت الخروع
يسبب العمى لو دخل في العين :$
ع طول خفت وانقطعت عن عمله..



هذا ما عندي ،
يا ريت كل وحدة تعطينا من خبراتهااااا عشان نستفيد من بعضنا البعض ...!!!

صوت المطر
حبوبة كنتي لازم توقفي الحنة قبل فترة أطول يمكن أكثر من 6 أشهر, سمعت انه ببعض الصالونات ما يصبغوا الشعر اذا كنتي صابغته اسود او محنتنه, لان الاسود صعب ينشال وبيتعب الشعر زيادة والحنا تكون طبقة عازلة تمنع االلون يمسك بالشعر....انا يمكن اكثر من 9 شهور ما سويت شي لشعري, وفعرس اختي بغيت احنيه بس الحمدلله نبهوني ع هالشي
بالنسبة لزين الاتات, كنت ابي اخذ هالعلاج ايام الملكة لانه شعري يتساقط بس البنية اللي هناك قالتلي ما بتحصلي نتيجة الا بعد 3 اشهر مع الاستمرار طبعا, قلتلها مشكورة ما اريد(لأنه ملكتي كانت بعد اسبوعين)

أميرة
تسلمي, وانتي ريحي قلبك بعد, ان شاء الله الفستان بيطلع أروع ف الطبيعة..
بالنسبة للحجوزات يوم الجمعة, هم معظم الصالونات تزيد ف السعر لأنه يوم عطلة

برنسيس

تفكير امك مثل تفكير اهلي والعائلة الكريمة كلها!
يعني لو لبست سيمبل بيشوفوني ما كاخشة.. بس خاطري فسيمبل عشان اتغير بالعرس


الماس..
قلت لكم كل ما اقول شي ينتحس
امس اقول بروده يقتل.. تو اقولكم بعد الضرابة الفريش اللي طلعت منها.. عصبيته تقتل!
صاير دفوووووش !!
يرحم ايام البرودّ!!

امور ...
لما تشوفي الفستان غير عن لما تجربيه
والله انا امس الفستان لما شفته قلت مستحيل اشتريه
بس لما جربته .. حسيته وااااجد حلو ومطلع بياضي
فتفائلي.. ع اللبس بيطلعك غير..


صوت المطر >> صح القمر ماله صوت بس اشبههك بالقمر لاااه
ما شاء الله عليك.. مهتمه من خاطر بنفسك!
انا احس ما بقدر التزم بهالاشياء طول هالفترة :(

مشكلتي اذا تضايقت من شي ما اقدر اسوي اي شي ثاني..
كل احس بخمول واريد انام عشان اخلي تفكيري يتوقف!


عسولة ابوها
انتي ادعي ربك يفرجها ع الاشياء البسيطة اللي نريدها!

فديت ال M
نصيحة, خليك بسييييطة ف الملكة مثل ما تريدي ولا تسمعي كلاام الغير...انا ملكتي كانت بالصيف الماضي وما كنت 100% متجهزة لها, المهم قلتلهم ابي اكون بسيطة عشان التغيير الكبير يكون ف العرس, عاااد امي وخواتي يقولولي هذا زوااااج يعني خلاااص انتي متزوجة قلتلهم مااا اريد وبعرسي شو بسوي حفلة أكبر ومعازيم أكثر وشكلي نفس الشي:bomb:...المهم كنت بسيطة شريتلي فستان ذهبي نعوووم وعليه شك ذهبي بس ذيله كان طووويل...صح اني عملت فيشل وحف بس أقولك رديت البيت وشفت شكلي بديت اصيييح اقولهم شو باقي من حواجبي شو بسوي ف العرس:durr: بس الحمدلله بالميكب كثفوا شوي وسويت ميكب نااعم وشعري لا صبغة ولاشي خليته مفتوح مع رفعة بسيطة وعليه اكسسوار ذهبي مناسب للفستان (أصله قلادة خخخخخ) والحمدلله الكل اللي شافني ف الملكة قال طالعة جمييلة(f)
واقولك عن موقف ف الملكة,عمررري ما بنساه :) يوم دخل زوجي وجلس جنبي ف الكوشة, طبعا كان مستحي وشكله وارم, وسألني ونحن ف الكوشة انتي شو مسوية بنفسك؟!!! عااااد انا ورمت وكشرت وشوي اصيح:tears: (جالسة اقول ف بالي انا ليش سويت كل هذ ف نفسي ا:confused:) المهم سكتت وما رديت, بعد لحظات صمت قالي طالعة قمر, عااااد انا :D:D

نوووووووووره...

:(
حزنتيني وربي ..
عاد انا موقفة عشان اصبغ الشعر
ع بالي انه 3 اشهر كفاية عشان اريح شعري وتاليها أصبغه ..!!
يعني الحين ما يصير أصبغ ..؟؟؟



أمووووووووووور

اغلب الصالونات يرفعوا 50 ريال او ضعف المبلغ العادي
بس كريستال الللي اعرفه انه ما يرفع السعر ابدا ..

صوت المطر
ما ادري والله هذا اللي سمعته....انتي ف اي صالون حاجزة لتجهيزك؟

هههههههههههههههههههههههههههههههه

حلوووووو الموقف نوووووووووره...
والله جميلة ايام الملكة لما نتذكرهاااا
وهم المواقف اللي تصير بعدهاااا..

الله يوفقج ويهنيج شبابج مع ريلج ويسعدكم يا رب ..