((الجزء 21 تجهيزات عرائس عمان العزّ))

يا حظج والله ما عندج صباحية ومسائية ..

حجزنا في قصر البستان ليلة الأربعاء وليلة الخميس ..
والعرس طبعا يوم الربووووووع والخميس راحة
والجمعة المسائية الأولى والسبت الصباحية .. (عادات اهل المعرس)..
ويوم الأحد زوارة عيلتي والليل راح يكون السفر ..

ابتسامة
آآآآمين يا رب
متوترة حدي صرت الحين لما اشوف الصور احسه ما حلو :sm215:
زين نبهتوني عن غاردينيا لو كنت بطلع حرتي فيه :angry:
برنسيس
لاااااااااااا تجيبوا طاري المخصررررررررر اهئ :cry:
هي قالت الطرحة الشغل بيكون على الراس وخفيف على الاطراف وكرستالات منثورة

عاشقة المستحيل
لو جيتي من وقت كنت اريد هذه الطريقة بس ما عرفت اشرح لها :durr:

الماس
طيب برسل لك
فديت ال M
احسن لك يوم اقول بسوي وبسوي انتحس وما يصير الي اريده :sad:
( اقضوا حوائجكم بالكتمان )

نورا وصوت المطر
ربي يوفقكم ويسهل امركم :encore:

حاسة زوجي مخبي عني شي يخطط لشي من وراي أبدددا ما يجيب سيرة القاعات والحجوزات :think:
اليوم سألني وين تريدي تسوي الكوشة وشو لون فستانك وش تريدي لون الكوشة يعني لازم يكون فيه ذهبي ؟
هذا شكله بيسوي لي مفاجأة و يختار كل شي بنفسه :21_235:
مثل ما سوى في لبسة الملكة
لاااااااااااااااااااااااااااا :mad2:
جالسة احاول اقنعه نعرس بعد العيد بسبة الفستان اذا ما عجبني بلحق آخذ غيره :cry:
بس ما راااضي أموووت واعرف على شووو يخطط:UP202:

أميرة
الله يوفقك حبوبة وان شاء الله الفستان بيطلع حلو وترا بالطبيعة غيرررررر نفس حالتي مع فستاني ....انا لو زوجي ناوي يسوي هالحركة ههههه , ماااااا بخليه, اهوو اصلا مسكين عارف انه ما بيسلم مني اذا هو تدخل ف شي من كذا خلاني اختار كل شي....ياااااا رب يستانس يوم يدخل القاعة ويفهم انه كل النزاعات والمشاكل جابت بالنهاية شي :)

أموووووووور

آمين يا رب ويوفقج ويسهل عليج امورج انتي بعد ..
ودام انج استخرتي فلا تحاتين ولا تنكدين ع نفسج هالايام وتعيشيين في توتر ..
والطرحة حلوة راح تطلع دام انها مشغولة من الجوانب ومن فوق الراس اكثر ..
تطمني حبيبتي ان شاء الله امورج كلها في السليم ..
يحليله ريلج يبي يريحج وما يتعبج ..


وبالنسبة لبطاقات نتووووف شفتها وكثير غالية مع انها كلها لعب بالفوتوشوب..


شفت وحدة من تصميماتها وعجبتني وأخذت التصميم لشركة المدى متخصصة
في التصوير والتصميم والرسم ع الجدران واشياء كثيرة
وقلت لهم يقلدوا لي التصميم بدال ما اقطع مشوار للإمارات ..
وان شاء الله يكون سعرهم اوكي ..


نوراااا
انتي خلص فستان عرسج ..؟؟

في الصور حلو شكله بس احاتي في الطبيعة
هو مخصر للأرداف بس انا خاطري للفخذ :21_178:
هو يعرف طبعي ززززين اني مااا احب حد يتدخل بالذات تجهيزات الزفاف ،،، خبرته من قبل كل شي يصير على ذوقي و ذوقه اي مكان يروح اروح معاه
بس احيانا يريد يفرحني يسوي لي مفاجآت بس مفاجآته ترفع الضغط وفي وقت غللللللط:mad2:
ما يعرف يسوي مفاجآت مثل الناس :durr:
انتظره يتصل عشان احذره يفكرررر بس يسوي شي من وراي :UP202:
ألاقيها من وين ولا من وين :schmoll:

صوت المطر
آآآمين يا رب
كل ما اتذكر اني استخرت احس براحة بس بعد في خوووف
بخصوص البطاقات انا فكرت اخلي حد شاطر في الفوتوشوب
يصمم لي نفس طريقتهم
و آخذه لمحل بطاقات أو مطبعة يطبعوا لي على البطاقات و الأظرف
وين المدى ؟؟
بجرب اروح المطبعة الذهبية او البيان جنب سينما النجوم

صوت المطر
لااا فستاني ايجار...ما لي بارض للتفصيل والهم, عقدتي الخياطة وما بغيت اجازف ب فستان ليلة عمري :)..بس الحمدلله الفستان مثل ما اريده بالضبط رغم انه كان ف بالي فستان ثاني لكن طلعوا نفس الشي

اميرة
اييي لازم سوي تحقيق معاه قبل ما يسوي شي, ع الاقل يفهم شو تبي بالضبط...وامووور للفخذ و للارداف وااااحد المهم ما ينفش من البطن خخخخخخ..

نورا
هههههههه :21_133:
هو ضيق من البطن بس بعد أريده يكون ضيييق لفوق الركبة :21_218:
ضاربة في راسي هالموديل :gum:
ما أحب يكون منفوش من تحت البطن بس نصيبي صار بهالموديل :dontknow:
بس مثل ما قال الحكيم زوجي :2_106:
إن لم تجد ما تحب ،،، فأحب ما وجدت :21_8:


برنسيس
آخر عروستين من أهل زوجي
الي كان زفافها في قصر البستان كانت لابسة فستان جدا بسيط تصميم اوروبي
بأكمام طويلة والطرحة قصيرة منفوشة بطريقة حلووووة
وحتى العروس الثانية كانت لابسة اكمام طويلة بس دانتيل مش قماش
كثير كانوا طالعات مرتبات
أنا بختمها بظهر مفتوح :2_22:

صوت المطر ونورا
سوالفكم حلللللللللللللوة .. تعيشوا الواحد جو..
نورا برسلك الحين رقم شيرين

امور .. عطي الرجال فرصة يفاجأك .. غيرك ما لاقي!

اوف تناقرنا انا واياه تو.. وخاطري اكفخه
ناقصة مناقر من صوبه ما يكفي اهلي الي كل يوم مشادات انا واياهم
احس نفسي واصلة لراس خشمي

صراحة عمان خرطي فالملابس
الله يرحم حالنا بس!

بليز طلبتكم
عطوني قائمة بالمحلات اللي ممكن احصل فستان حق الملكة

فديت ال M
تسلمي.... والله حالتنا تضحك ههههه مع ازواجنا...عااد انا زوجي كل اربعا عندنا موعد مع المشاكل ما اعرف ليش!!! بس الحمدلله انا ما اعرف اعصب لساعات :) ارد واعتذر له ولو هو الغلطان...شو نسوي !!! دايما اقوله الله يعيني يوم بولد, بيكونر عندي 2 babies خخخخخ

فديت ال M
مستحيييييييييييييل أخليه يسوي كل شي بنفسه :UP202:
ما يكفي كوشة الملكة ما صارت مثل ما اريد :poster_spam:
خلي مفاجآته لوقت ثاني مش في العرس
اريد العرس يمشي مثل ما اريد وعلى ذوقي ،،،
هو بس أشله معاي اسوي نفسي آخذه برأيه بس في النهاية امشي على ذوقي هو بس يدفع :21_180:
الله يعينك وحدي واصلة حدي من حركاته :angry:
كيف تريدي شكل الفستان منفوش ولا ضيق ؟
في الخميس بلازا محل سهارى في فساتين جداد مخصرين حلوين
بس الاسعار ما تستاهل في الامارات تحصلي الافخم بسعر اقل :down:

برنسيس
اعرف بنتين عندهم فساتين ما شاء الله تجنن للإيجار برسل لك عنهم

متى نجي انا وفديت الM وبرنسيس وضحكة قلب
نسولف مثل سوالف نورا وصوت المطر :poster_oops:
مخلصين من اغلب تجهيزاتنا وننتظر بس موعد العرس :Z_cool_c:

Noora
ربي يسعدك :21_195:
لما قلتي اهم شي انه ما ينفش من البطن
جلست اتامل في الصورة قلت اهم شي فيه تخصيرة :gum:
بديت احب فستاني :87457:
عساني احبه اكثر واكثر لما اشوفه :21_148:
إلى العرس ما راح يبقى فيني ذرة عقل :21_181:
:21_131:

فديت ال M & أمووووووور

تسلمون والله عن كلامكم الحلو والمشجع عنااااا..
وان شاء الله حبيباااااتي مع الأيام بتخلصون انتوا بعد ..


أموووووور

بالنسبة لشركة المدى فمكانهم مقابل مسجد ما ادري شسمه
هو على شارع النور <<<< كيف بتشرح لج ؟؟

انتي ورايحة روي بتوصلي دوار النافورة انتي خذي يمين من الدوار راح يكون مقابلج تقاطع اشارات
خذي يمين راح يكون ع يمينج مسجد وع يسارج شركة المدى .. <<<< تعامل الشركة كثير راقي ومحترمين وشغلهم حلوووو


ممكن تعطيني رقم البنتين اللي عندهن فساتين ايجار ..؟؟ <<< تبي تخليه للمستقبل ؛)

مع اني ما فهمت اي صوب تقصدي بس بخبر زوجي اكيد يعرف :tongue:
زين ذكرتيني نسيت ارسل لها الفساتين :ss:
اذا عندكم كلمات حلوة للبطاقة ؟
حصلت حد يصمم لي البطاقة :D
في الملكة وحدي اخترت الكلمات جبت كلمات من كل بستان زهرة و دمجتهم مع بعض (y)
تو عقلي فاضي :ss:

نورا .. انا واياه ع مناقرنا بس انا فيي نفس ما اراضي اذا هو غلطان
بس هو طبعه حلو
لوتضاربنا بالليل .. يكلمني بالصبح عاااادي ما كأن شي صاير

بس تو متضايقة ما باقي شي وما مجهزه شي وهو يلومني كل ساعة ويتنازع


اموور
ما بتشرط فشي .. استكربت
اريد شي حلو والسلام
والله خاطري اصيح من القهر.. صعبة لما تكوني وحدك ومحد معك .. وااايد افقد خواتي :(

اليوم رحت خميس بلازا.. وحصلت لبسين حلوين من ازياء بيروت
بس ما كثير مقتنعة فيهن.. يعني اخليهن كحل اخير>> هذا اذا ما طارن واشتروهن !
وما عجبني شي فباقي المحلات

بليز خبروني وين اماكن ثانية غير المعولي.. اريد الف محلات الفساتين هاليومين

والدي جي من تحسو واحد سواء اسلامي او اغاني حلو وبكم؟

السلام عليكم بنات شخباركم


لو سمحتم ممكن طرشون لي رقم فاطمة راعية الحلاوة

وهي تجي لحد البيت صح؟ شو جنسيتها؟


اميرة

فستانج مال العرس مب هو اللي قبل كم يوم حطيتي صورته وفيه مثل الطبقات ؟

اذا هو
بكل صراحة شكله رووووعة

توكلي على الله

بس لا تمي كل ساعة تشوفي ع صورته ولا بتملي منه بسرعه وبتشوفي ان شكله مب حلو

الله يوفقج ويسر لج امورج يارب
ويوفق ويسر امور كل عروس

فديت ال M
للفساتين شوفي محل في الخوير على خط مواقف سنتر بوينت
و محل في الخوير جنب الابداع الحر

الاسلامي
شوفي انور العاصمي ومحل الابداع هذا محل اماراتي مفتوح جديد في بناية ارزات
ودي جي زياد & خليل ، و عصام


غلا عمري
لا مش هو
فستاني غير لونه ذهبي بس قريب منه في حركة الطبقات إلي تحت :ss:
إلي عرضته من تاجرة هنا في عروس انا فستاني من عند ام هيلانا
كل ما افتح الاب توب اشوف على الصور مرة اشوفه حلو واتخيل نفسي فيه ومرة اقول تسرعت ليش اخذته :confused:
برسل لك رقم فاطمة اظن من الخوير اذا ما خاب ظني
سودانية هي

الحين شو ألوان الكوشات تناسب الفستان الذهبي على الأبيض ؟

ما اريد ماروني وعنابي

ثانكس امور

بروح اشوفهم بكرة .. زين انهن قريبين من بيتنا


اذا حد يعرف مكان ثاني يلحقني به!

يعني انت قريبة مني بعد :D
تعالي عندي وحدي جالسة في البيت :confused:
اذا تعرفوا مواقع تسوي زفات اسلامية رخيصة حصلت بس كلهم فوق 100 ريال للزفة :(
واحد فظييييع دوم اسمه واتخيل نفسي داخلة عليه :o بس ب 140 ريال (n)
صح الناس أذواق
انا حبيت فساتين سهارى أكثر من أزياء لبنان :(
ازياء لبنان الفترة الماضية كانوا جايبين فساتين راقية الحين لأ (n)
خسارة ما شريت لأمي وقتها ، بعدني ما اتعلم من هالطبع اشوف شي يدخل مزاجي ما اشتريه اقول بحصل احلى بعدها اجلس ادور ما احصل شي حلو :mad:

اي فلم جالسة تشوفي عطيني شوي من الفوشار ههههه :D :tongue:

مع ان قريبين بس ما احصل حد يطلعني
تعالي انتي عندي .. اخف ع قولة الحريم خخ

صح والله
هذاك اللبناني هلكني بواحد من الفساتين.. اوين حلو وراقي وجديد ومافي منه
ولما دخلت اجربه يقول لربيعتي هي بيضا وبيطلع عليها حلو
وهي هلكتني حلو وحلو.. وطالعة كيوت..
نفخوني !!
متررددة فاللون .. مع ان ربيعتي جنت تقولي واااجد طالع حلو عليك .. بس ماعرف.. ما اتخيلني البس هاللون!
حبيته بس ماعرف .. حسيت ماهو اللي فبالي
فخاطري الف اماكن ثانية عشان اختار شو الاحلى
ويارب احصل

وانتي ماعرف متى بتبطلي هالطبع
تصدقي قام يعورني فوادي ع قماش الشارقة بو عاجبنك .. واتمنى لو زوجك يفاجأك بهالقماش!


كنت اتابع فيلم fast and furious .. حياش قربي