~'*¤!||!¤`تجهيزات عرايس البحرين { الخامس والأربعين}*¤!||!¤*'~`

شرايكم بعد تأكيد على رااااااااي في شغل اشرقت للشعر على عرايس

سمعت عن نوال ؟؟؟ للعرايس او العادي؟؟؟

واللحين ابي اتصل أأكد حجز على الملاية .. واللي ابيه منكم اذا احد يعرف ام نادر يقول لي رايه فيها بنات .. و في ام جاسم بعد .. و بانتظار أرائكم ودعواتكم يا حلوات :15:

هذيان;9475592:
استغرب من هذلين البحرينين الي يصورون مع احترامي لهم
قلنا الاستيوديوهات بعضها مالت اجانب ف ما يهتمون بأرتفاع الاسعار
اما البحرينين الي يصورون ليش جذيه اسعارهم غالية؟!
اني اعرف اصور حتى اذا عندنا حفلة ينادوني اصور لهم
شكلي بشتري لي كاميرا وبصور الناس احسن لي عالاقل استفيد:21_218:

يتوم;9484231:
بنات ابي اسألكم عن التحليل ما قبل الزواج ... وين اسوية احسن ؟؟

حكومة لو خاص ... ومتى تطلع النتيجة ؟؟؟

حلم العذارى;9486995:
مسااكم الله بالخير ..,

شلونكم ؟!

آلف مبروووووووووك عرايسنا ( خطوبة & زواج ) وعقبال كل العزابية إن شاء الله

واااااااااي , حالتي حالة

تعبانة حدي وعاد ما شاء الله عليكم بنات .. تركضون ما ألحق عليكم

*
*

"شبابيك" ولكموووووووووووو .. نورتي

*
*

من بين صور المكياج ( صابرين & شريفة )

حبيت صابرين أزيد !..

مكياجها متفن .. بروفشنال , يعني طريقة الدمج , رسمة الكحلة , ستايلاتها المتنوعة

لوووووووول بس خلاص -بإذن الله- ثبتها حق حفلة زواجي

صور إضافية لمكياجها :

http://forums.3roos.com/t451636.html

*
*



أتعامل مع عيادة ( سمايلنج - بناية مشتان - ضاحية السيف )

عيادة جداً راقية و حلوة =)

ترتاح نفسيتج لمن تكونين فيهاا

أسوي تنظيف كل 3 أو 6 شهور عندهم , ب 30 دينار "صج غالي بس يسوى"

بنت سالمين;9490698:
مساء الخير ,,

شلونكم عرايس وشخباركم يا امهات ويا عازبات ؟؟

ما شاء الله بسرعة تمشو بالموضوع مانلحق عليكم

صار لي كم يوم مادخل عذروني كله بالشغل وامس كانت حفلتنا والحمدلله استانسنا ..

قلت اجي اكتب لكم التقرير تبع الحفلة عالسريع وانا طالعة ..

الحفلة كانت بمرمريز رقم 3 الجديدة ,, الصالة حلوة وكبيرة ووواسعة ما شاء الله بس مثل مرمريز 2 بالضبط يعني في الديزاين والشكل بأختلاف المسرح ..

المسرح طبعا كان من برى مو تبع الصالة بس مادري من الي مسويه ما سألت وما كان يعني ذاك الزود كان عادي وسمبل ,,كله اوف وايت ابيض ..

كانو جايبين زهرة (ام محمود ) تغني وما شاء الله شالت الحفلة شيل لساعة 2 لين مشو المعاريس غنت وسوت لهم واتريمبوا و زفتهم لبرى الصالة ..

بس لما دخلت العروس والمعرس وقفت وشغلو ديجي عشان الزفة ..

زفة المعاريس كانت عبارة عن طفلة (اخت العروس ) كانت لابسة فستان ابيض وحاملة باقة اوف وايت وعليها طرحة مغطية وجهها يعني كأنها عروس صج دخلت بروحها تمشي للمسرح على اغنية الجسمي (بسم الله المعبود ) .. طبعا الكل كان يطالع وينتظر طلة المعاريس ورا الصغيرة بس ماطلعو لين وصلت المسرح ووقفت بعدين شغلو اغنية ثانية بصوت عادل محمود اغنية خاصة للمعاريس مسونها وما شاء الله الاغنية حلوة وكلماتها حلوة بعد .دخلو المعاريس على هالاغنية ومشوا لين وصلو المسرح .. بعدها حزة الي شال المعرس الرحة عن العروس وباساها على راسها ولعو الشموع الشرار (مثل الي بعيد الميلاد ) كانو محطوطين على جنبين المسرح ..يعني بشكل عام الزفة كانت حلوة وفكرتها حلوة ..

بعدها بندوا الديجي ورجعت زهرة تغني ..

العروس كانت رايحة الرونق للشعر والمكياج عند صفاء وما شاء الله مطلعينها حلوة الشعر كانت التسريحة واوا وحلوة ومرتبة بس المكياج انا شخصيا ماعجبني وايد ..بس كان حلوو ..

كانت لابسة فستان ابيض تفصيل اول لبسة والفستان تصميمه وايد حلو وناعم والطرحة نفس الشي كله شك و سورافسكي ..

في نفس اليوم كان عيد ميلاد العروس فسووا عيد ميلادها جابو كيكة وحطو اغنية عبد المجيد غنوا لحبيبي و قطعت العروس كيكتين الا هي كيكة عيد ميلادها وكيكة الزواج ..

بالنسبة لي انا رحت العفراء واول مرة ارووح بس الحمدلله طلعوني حلوة وراضية عن نفسي يعني التسريحة كانت حلوة سووا لي ويفز وونفخة من ورا ومن قدام حركة حلوووة ,, والمكياج حطيت عن وحدة اسمها فيدا ما شاء الله وايد حلو مكياجها وناعم ماتسوي شي دفش واوفر .. انا فستاني كان ابيض و عند الصدر شك أخضر فقلت لها حطي لي المكياج وردي واخضر و الحمدلله ضبطته ورسمت عيني عدل حتى خطيبي استخف علي لما شافني ..في نقطة بقولها لكم اني لما قعدت للمكياج عطيت الي تمكيجني الفونديشن تبعي الي هو (اساس الديرمكول) قلت لها حطي لي منه لانه هم مايستخدمون جدي ,, فلما حطت لي منه المكياج مادهن ولا اخترب ولا ساح ابدا لين رجعت البيت و شلته بعد بالغصب انشال بالكريم وكلنكس المكياج والماي والصابون راح لانه هذا الاساس وايد زين وممتاز للحفلات وثابت ..

حمواتي راحو عند شريفة فولاذ بصالون ليلو بس متى ومتى ياو الصالة ومتى خلصوهم ,, كلش متأخر يعني طلعو من الصالون الساعة 10 بالليل تخيلوا ! الي اخرهم كله الشعر لانه بس وحدة الي تسوي الشعر الي هي لطيفة والكل عليها اهي الي تسوي الكل وبصراحة ماعجبني الشعر ابدا تساريحها مو حلوة كلش يعني مثلا حماتي شعرها بس ويفز من غير اي شي والويفز بسيط مو كامل الشعر ماخذين عليها 15 دينار بينما حماتي الثانية مسوية ويفز وشوي مرفوع بس من غير حركات ولا اكسسوار ب 20 دينار!! مايسوى احس ابدا ..بالمقابل انا العفراء سوو لي ويفز وحركات واكسسوار يعني تسريحة كامل ب 15 دينار ومرتب بعد سو لي ..

فالي يفكر يروح صالون ليلو مانصحه بالشعر يروح للمكياج بس ..

وبس هذا ملخص الحفلة ان شاء الله اذا قدرت بنزل لكم صور لمكياجي و التسريحة ..

دهن العود;9498803:

شبابيك

:Y_hi_3:

هلا والله فديتج شخبارج ولا تقطعين مرة ثانية

ترااااااااااااه

ممنوع

ولازم تسمعين الكلام

:wink:

:con1:

ألف ألف مبروك

بارك الله لك وبارك عليك وجمع بينكما على خير أن شاء الله

ربي يهنيج ويسعدج أن شاء الله

:flower::flower::flower::flower::flower::flower::flower:

حبيبتي أسمهم شويطر للأمن

وتوني مساعة مكلمتهم

وقلت له ان رقمه محصلته من النت انصدم وتخرع الريال

:eek2:

خخخخخخخخخخخ

بس قلت له انه منتدى نسائي

ورقمك على الخاص

وقالي عن البلاوي والمشاكل اللي صارت بعرس زينب العسكري لأنها مستهدفه

طبعا

و أن في بنات صادوهم :eeksign:وهم يحاولون يهربون تيلفوناتهم

وصارت وااااااااايد مشاكل على هالسالفة

الله يهديهم

نواري
طرشت لج رقمهم :handup:

حصاصي مثل قالت لج زمن الطفولة الحياة بلازا

وحتى الخبر بلازا شارع سويكت

:thumbs:

بنات على طاري الحياة بلازا

السنه اللي فاتت أختي خذت لعرسي
من مجمع الجمعة فستان كان سعرة ب150 ورخصناه بالزوووووور

عطانا اياه ب120 دينار

والله بنات ما أجذب عليكم

قبل عرسي بأسبوعين رحنا الحياة بلازا
ندور فستان لأمي لأن ما حصلنا لها
في مجمع الجمعة
ولا بفينيسيا

الا نشوف فستان أختي نفسه هذا هو
بالضبط

دخلنا المحل على طووووول سألنا بكم

الا يقول لنا ب90 دينار وراح اراعيكم ولا يهمكم

أنقهرررررررررررررررنا

وأنبطت جبد أختي من قلب

:bomb:

مع ان الفرق مو وايد بس 30 دينار

بنات انا استغرب على اللي يشترون من البحرين

فساتين سهرة

والله قهر هناك الفساتين وااااااااايد أحلى وارخص

وساعات نفسهم بالضبط

وهناك أرخص

ملكة الغروب;9503557:
امممم بنات سؤاااااال : رقيه وثريا ,,, وصغرى وكبرى

اي احلى فيهم يحنون وخااااصه لاهل العرووس ؟؟؟

&&&&&&&&&&&&&&&&&&

شرايكم بعد تأكيد على رااااااااي في شغل اشرقت للشعر على عرايس

سمعت عن نوال ؟؟؟ للعرايس او العادي؟؟؟

سنفونية حب;9501591:
قوة بناااات صباحكم ورد جوري والف مبروك للي تزوجوا وانخطبوا وملجو في الويكند فرحنا لكم وعقبال الباقي يارب

ما شاء الله عليكم .. ما يمديني الحق عليكم بس اغيب الويكند وارد لكم الاقيكم طايرين :)


المهم بنات من طلعت يوم الخميس من الدوام دايركت رحت ويا خطيبي معرض السياحة
وكان حلو .. وفيه شركات طيران ومكاتب سياحه و فيه عروض حث فنادق البحرين و اماكن سياحيه في البحرين مثل رفاع فيوز - بنيان تري و عذاري
وفيه هيستوري " تاريخ " الدول اللي لها عرض .. مثل تركيا - اليابان - اذربيجان - سوريا - تونس - تايلند وماليزيا طبعا بس ما حصلنا المالديف

المهم رحنا حق ماليزيا دايركت :) و اخذنا كل الكتيبات اللي عندهم و شرحت لنا موظفتهم برنامج حق اسبوع و ما قصرت نصحتنا نصايح حلوة و عطتنا خريطة ماليزيا كلهم وهذا احلى شي حصلنا بيفيدنا وايد في تنقلاتنا

و يوم الجمعه من الصبح اشتغلت على ترتيب اغراضي عشان ما انزحم بعدين وقت الزواح بنقلهم وبعدها وصل الخطيب وتغدينا مع الاهل و راح بعد السويت و بعدها رحت مع امي الخياط وخلصنا موديلات فساتين خواتي الصغار " توأم مثل بعض وهم اللي بيزفوني .. سويت لهم فساتين بيج على درجه فاتحه كلش من الاصفر مع طرحات وفي الليل رحت شارع بو كوارة نهر الفنون .. و عجبوني وااايد اشياء عندهم بس المشكله ان سعرهم خيالي ومبالغ فيه جداااا يعني عيوني ما تطيح الا على الشي اللي ب 300 و 400 و فوق
سالتها اذا ابي تفصلي لي بس شغل خفيف .. قالت لي اقل شي 250 .. و اذا الخلق من عندي 100 وشي اعتقد ..و اذا ما فيه شغل خير شر بس خياط بيكون ما بين 60 - 80 حسب الموديل :( .. وما ادري شسوي للحين محتارة بثوب نشل حق جلوتي .. ومايزانيتي ما بين 100 الى 140 بالكثير مكسمم شورو علي بنات حبوبات .. !!

و يوم السبت من الصبح ما صارت 7 ونص الا وصلنا السعوديه .. ههه :) ابوي الله يهدها من فجر قومنا من الرقاد عشان نروح نتشرى .. المهم ما حصلت لي شي بعد كلش خير شر .. بس اختي شرت لها فستان عقب ما طلعت روحنا بذوقها .. رحنا فينيسيا اول و عجبها واحد بس من هناك لكن صاحب الحل ما رضى يتنازل عن 125 دينار ابد .. المهم طلعنا ورحنا سوق الحريم .. و افترينا .. وعجبها 2 اخذناهم وقسناهم وضبط عليها واحد منهم بيرفكت ما شاء الله .. و استانست وقررت تاخذه وافتكينا منها ههههه :) وكان ب 80 دينار

وبعدها رحنا محلات حق توزيعات العرس .. وكان عنده اشكال وانواع يدور راسج وتحتارين شنو تختارين .. بس للاسف مادليت شلون وصلنا له لان كنت ماخذه لي غفوة فيالسيارة ههه وابوي عجز يشرح لي الدرب عشان احفظه لي رحت مع خطيبي بس ما كو فايده ما دليته عدل .. بس انشاء الله لي عوده و بسوي توزيعاتي من عنده ..
وبعدها رحنا ماكس .. وخذنا شوية ثياب و جذي و شفت عندهم اشياء روعه .. ومن بينها شموع اللي على ريحة مثل كوفي وكرز وفروالة وفانيلا .. في بوكسات معدن روعه .. وبسعر اروع :) وقتها لمعة فكرة في بالي خخخ << (i) الله والافكار
و قررت اخذ لي منهم 100 حبة واسوي توزيعات على شموع بعد .. شرايكم ؟ :)

وهذا تقريري لهذي الويكند اللي كنت فيها حدي بزي :cool:

واللحين ابي اتصل أأكد حجز على الملاية .. واللي ابيه منكم اذا احد يعرف ام نادر يقول لي رايه فيها بنات .. و في ام جاسم بعد .. و بانتظار أرائكم ودعواتكم يا حلوات :15:

سنفونية حب;9503404:
هذيان سوق الحريم ما يضيع كلش ... انتي اذا تروحين السعودية ما تروحين جهة الحياة بلازا ؟؟ اكيد تعرفين هالمنطقة عدل .. الشارع اللي فيه الحياة بلازا ورامز على يدج اليمين و المخازن الكبرى على يدج اليسار .. تروحين سيده لي اخر الشارع لين توصلين الهرم بلازا على يدج اليمين في اشارات تحت ما تروحين فوق الكوبري لا .. تاخذين الاشارة وتلفين يمين و تواصلين كلى سيده لي توصلين الى دوار التميمي و من الدوار تروحين كلى سيده بتشوفين في دربج محلات وايد تواصلين كلى سيده اين ما تطوفين وزارة التربية الشرقيه للبنات " خربط اسمها " ههه بس هو شي جذي
المهم في الشارع هذا على يدج اليمين بتلاقين لفة عليها اسهم مكتوب عليها السوق وحي الدواسر وما اعرف شنو .. بس اول ما تشوفين هالاشارة عقبها مباشرة تلفين لفة على يدج اليمين واللي هم باركات السوق " سوق الحريم و هو نفسه شارع الحب" وشارع الجملة يمهم .. ولو تسالين اي احد يم الحياة بلازا وين سوق الحريم بيدلج الطريق :) ان شا ءالله فهمتي شرحي

وبالنسبة لمحل التوزيعات مو متأكده من اسمه بس هو في نفس منطقة سوق الحريم .. جهة المسجد
هم محلين يم بعض و كل واحد فيه شغلات احلى من الثاني .. بس واحد كان مسكر يوم احنا نروح ..
اذا رديت رحت لهم هالكم يوم .. بخبركم وين يصيرون بالضبط و شنو اسماءهم اوكو :)

خوش شرح هههههه يبيلي اسيف لكلام ههههه

ولا تنسينا بأسم المحل

يعجبني التسوق بالسعوديه احسه احلى من البحرين

حلم العذارى;9504589:


العيادة .. أوقاتهم معينة

يعني جنه من 9 الصبح إلى 1 الظهر , ومن 3 إلى 6 كأنه!

بس لازم تاخذين موعد

أنا أخذ موعد قبل لا أروح بيوم :)

الشيخة;9499328:
السلام عليكم يا بنيات يا عرايس
دهن العود -هذيان عاشقة - هذيان- شبابيك-عروسي يالمتفرغة-يتومي-ظلال الجنة-حصاصي-بحرينية- مس سويت-عذبة-زمن الطفولة-بحرينية وكلي فخر


والسلام على الحاضرين معانا وسهرانين:)

يا هلا (f)(f)(f)

ماء الكافور حبيبتي الف الف الف مبروووووووووووك
عقبال الذرية الصالحة ان شاء الله

كل العرايس الي فاتني اعرفهم واعرف اساميهم بدون استثناء ويعذروني
اقولكم الف الف الف الف مليوووووون مبرووووووووك :15:

بنات اتوقع كم وحده طلبت مني ارقام على الخاص وللحين ما طرشتهم لها
ترى التلفون قاطته في بيت ابوي صار له كم يوم واول ما اخذه بدز لكم الارقام

والسموحة منكم على التأخير
(f):o

رايحة اعمل لي (c) وراجعة :wink:

ملكة الغروب;9502629:
مس سويت خلج ركلاس وهاااااااديه وان شاااااااااء الله كل امورج تتيسر يااااااارب

ولا تتوترين اخاف انصحج واصير اخس منج ههههههههههههههههه قبل

لا احصل فستان كنت متوتره واااااااجد وخايفه ما احصل لي:(

بس الحمدلله من حصلت ودفعت العربون ارتاااااااح بالى وااااااااااجد

وللحين على برودي ما حجزت المسرح !!! بروح اليوم بشوف وبحجز بسررعه:)

حبوبة 90;9505307:
اليوم رحت صالون ايلاف حجزت لعرسي تاريخ 30 - 6

حجزت فردوس للميك آب وبدور للشعر \

ومتخوفة شوووي ؟! شرايكم فيهم ؟ يطلعون العروس حلوة والله لا ؟
وبالنسبة لفساتين الزواج في السعودية الجاهزة
اي افضل فالبحرين او فالسعودية ؟


تبين الصراحه كديزاين وذوق حنا افضل :o في التصميم بس الاقمشة والعروض وفساتين السهرة هناك افضل (y)

شرايكم في حنا عواطف المالجية ؟
أي احلى هي والله أم شهد ؟
لأن في خطوبتي خذيت ام شهد .. والحين ابي تغيير بس بنفس مستواها
ومدحوا لي عواطف ؟ شرايكم فيها ؟ وهل ممكن اشوف صور حناها ؟

الشيخة;9505715:
مراحب يا بنات ما يوحشكم غالي يالغاليات
:15:
شوي مشغولة هاليومين ان شاء الله بالخير
(f)(f)(f)


ألماس
شنو تقصدين منتهية صلاحيته! انتي من وين يبتي تاريخ الصلاحية على العلبة!