~'*¤!||!¤`تجهيزات عرايس البحرين { الخامس والأربعين}*¤!||!¤*'~`

بنوتااااااااااااااات اليوم رحت اشوف محل راعية السفر اللي اتعامل معاها .. فتحت لها محل اسمه ميموريز في شارع الخدمات بجدعلي مدري توبلي .. منزلة شغلات حلوة و مسارح نااعمة وراقية ..طبعا حجزنا واحد لزواج بنت خالتي فشهر 7 ..

زوز البحرين;9498238:
الله يستر مني لي عرسي بتوصل ال 50 :rolleyes:



شخبااركم بنات وحشتووووني واااااااااااااايد :D

عرسي بسرعة عشان لا يوصل هالسعر :cool:




وانتي بعد وحشتييينا مالش حس ولا خبر


حتى آرائش الكشخه افتقدناها :D

BASHORAH;9498154:

بنات حاليا قاعده اجهز البيت ؟؟؟؟؟

ومتوهقه في الستاره....

رحت محل بو كنان واخترت شنو بسوي وكل شي بس قلت للبنيه اللي تشتغل هناك تعالووو اخذوو القياسات وكل شي

وكنت ابي افكر بالاول واقتنع فيه عدل وبعد ما يقيسوون برد عليهم

المهم اليوم الثاني حماتي راحت هناك :( ويا سبحان الله ما ختارت الا القطعة اللي انا ابيها

وانا مادري انها اختارت اللي ابيها

المهم رحت اليوم بعد ما يووو اخذو القياسات الا توريني لبنيه الا هناك قطعة الستاره مالت حماتي وجان انصعق اقول ليها نفسي

الا تقول ايه اني مادري انها حماتش ويوم جت تختار قمت رويتها قطعش

وووووخلاصصصصصصصصصص اني هونت عن بو كنان والسبت انه حماتي شاريه من المحل

بنات بليززززززز دلوني عن محلات ستاير حلوين ووووستايل مودرن موبي كلاسيك وووتفصيلهم حلووو ؟؟؟؟؟

مافيه تشكيلة ثانية من الستارة؟

زمن الطفولة;9498044:
من الحياااة بلازا \\\ الدمام :D


بس صد كشخه يستاااهلون سعرهم




وكذا مرة اذا اروح الحياااة بلازا اشوف عندهم فسااتين حلييوة حتى حق عراايس

فستاني مال عرس اختي من هناك :wink:
الي اقول لهم عن سعره كلش مايصدقوون
اختي شافت مثله في البحرين بضعف السعر

هذيان;9498428:
مافيه تشكيلة ثانية من الستارة؟

هذيان;9497520:
الف مبروك
مريت عالماتم وشفته مشغل وعرفت انه عرسش :D
بس مادشيت:o


الي سألت عن فرشة العرايس
هم صح فساتينهم روعة وناعمة والوانهم هادئة
بس يوهقووون
الحمد لله في خطوبتي ما توهقت :wink:


اما في الزواج ما اظن اخذ منهم
لان الفساتين البيضة كل الاماكن فساتينهم البيضة كشخة
عكس فساتين الخطوبة

يعني كلللش ماتنصحوني فيه (i)

شكلي بشيله من راسي بالمرة :cool:

ماء الكافور;9496662:

شخباركم عروساااااات

باركوي لي تزوجت وافتكيت :o والحمد لله عدى كل شي على خير ومعظم الأشياء اللي ابغيها صارت وان شاء الله احط ليكم التقرير اذا جهزت الصور

والفال للباقي ان شاء الله

الف الف مبروووك

تهنون ياااارب - والله يوفقكم

عقبال نسمع بخبر البيبي :wink:

هذيان عاشقة;9498333:
بنوتااااااااااااااات اليوم رحت اشوف محل راعية السفر اللي اتعامل معاها .. فتحت لها محل اسمه ميموريز في شارع الخدمات بجدعلي مدري توبلي .. منزلة شغلات حلوة و مسارح نااعمة وراقية ..طبعا حجزنا واحد لزواج بنت خالتي فشهر 7 ..

شنو اسم صاحبه المحل ؟؟

زمن الطفولة;9497833:
توني جاية من خطوبة والعروس فستااااااانها رووووووووعة روووعة

لونه ذهبي وكله سوارفكي ويلمع من بعييد كششششخه والطرحة كلها شك فن فن

من أحلى العرااايس \\ في الرفااع

أول لبسة

لكن صدق روعة معني ما أميل لللون الذهبي حق عروس ومازلت ماا أميل بس هذا وااجد روعة

وباقتها أبيض وفيها ورد برتقاالي فااتح وكأن في شي ذهبي مادري

ومكياجها وشعرها عند سلوى لكن وااجد حليييييييوة مطلعيينها حتى التسريحة جديدة محد يتوقعها عند سلوى

لافينها ليها وصايرة على صوب فن يعني

امممممم بعد ويش

اي وخوات العرووس جايبين ليهم وحده تعدلهم لكن فضييييع واني اعرفها دي البنية كل مرة اشوف ليها ناس معدلتنهم تطلعهم عجااايب تسااريح فخمه عدل

وحتى هي عدلت العروس ليلة ملجتها وحناها وطلعتها تهبل

وفسااتين خوات العرووس كشخه من السعوودية الواحد ب40 دينار

وهني في البحرين مو اقل من 80 دينار

ظلال الجنة;9498632:
يعني كلللش ماتنصحوني فيه (i)

شكلي بشيله من راسي بالمرة :cool:

ما احب اقطع رزق احد
بس صدق وبدون مجاملة شكثر ناس في الخطوبة سالوني عن فستاني
لان كان وبدون فشار حلوو:o
حتى بعضهم ما جوا وفي الصور شافوه قالوا لي من وين؟
قلت لهم من الفرشة وانصدمووا
يقولون يا ريتنا رحنا لهم في خطوبتنا

اذا بتسوين عندهم تحملي واعطيهم مليون تهديد(6)
واذا انتين مو من النوع الجرئ عندش خيارات ثانية

مرحبا بنات ممكن احد يرسل لي رقم ابتسام كمال عل الخاص ؟؟؟ وابي اعرف الأنتظار وايد عندها لو بالموعد ؟؟

BASHORAH;9498154:

بنات حاليا قاعده اجهز البيت ؟؟؟؟؟

ومتوهقه في الستاره....

رحت محل بو كنان واخترت شنو بسوي وكل شي بس قلت للبنيه اللي تشتغل هناك تعالووو اخذوو القياسات وكل شي

وكنت ابي افكر بالاول واقتنع فيه عدل وبعد ما يقيسوون برد عليهم

المهم اليوم الثاني حماتي راحت هناك :( ويا سبحان الله ما ختارت الا القطعة اللي انا ابيها

وانا مادري انها اختارت اللي ابيها

المهم رحت اليوم بعد ما يووو اخذو القياسات الا توريني لبنيه الا هناك قطعة الستاره مالت حماتي وجان انصعق اقول ليها نفسي

الا تقول ايه اني مادري انها حماتش ويوم جت تختار قمت رويتها قطعش

وووووخلاصصصصصصصصصص اني هونت عن بو كنان والسبت انه حماتي شاريه من المحل

بنات بليززززززز دلوني عن محلات ستاير حلوين ووووستايل مودرن موبي كلاسيك وووتفصيلهم حلووو ؟؟؟؟؟

*عندج مفروشات العالي..بمنطقة عالي..
*بيت الحراير بمنطقة عالي..

a7la_ba7rainia;9498639:

شسمها اللي تعدل خوات العروس

و تسوي شعر و مكياج ؟؟

و جم أسعارها ؟؟

اسمها فاطمة ام زينب \ بيتهم في كرباباد

اي تسوي مكياج وشعر رووعة

واسعارها جدااااا مناااسبه

:cool:

المكياج 3 - 5 - 7 -10 - 15
ابو 10 وابو 15 كشااايخ

والشعر اتوقعه من 4 دينار وراييح مادري هي تحدد

السلام عليكم يا بنيات يا عرايس
دهن العود -هذيان عاشقة - هذيان- شبابيك-عروسي يالمتفرغة-يتومي-ظلال الجنة-حصاصي-بحرينية- مس سويت-عذبة-زمن الطفولة-بحرينية وكلي فخر


والسلام على الحاضرين معانا وسهرانين:)

يا هلا (f)(f)(f)

ماء الكافور حبيبتي الف الف الف مبروووووووووووك
عقبال الذرية الصالحة ان شاء الله

كل العرايس الي فاتني اعرفهم واعرف اساميهم بدون استثناء ويعذروني
اقولكم الف الف الف الف مليوووووون مبرووووووووك :15:

بنات اتوقع كم وحده طلبت مني ارقام على الخاص وللحين ما طرشتهم لها
ترى التلفون قاطته في بيت ابوي صار له كم يوم واول ما اخذه بدز لكم الارقام

والسموحة منكم على التأخير
(f):o

رايحة اعمل لي (c) وراجعة :wink:

هلا هلا الشيخه

احنا تمام

انتي شخبارش شمسوية

هلااا حبيبتي الشيخة...
عليش بالعافية مقدماً ...

ألف مبرووك الى العرايس ان شاء الله

اريد استفسر الى رفيقتي اسعار كبرى قصير الى فستان عرووس بحدود كم وهل يمدي من الحين الى بداية شهر 7 تسوي الفستان الى رفيجتي او لا ؟؟

دهن العود;9498803:

بنات على طاري الحياة بلازا

السنه اللي فاتت أختي خذت لعرسي
من مجمع الجمعة فستان كان سعرة ب150 ورخصناه بالزوووووور

عطانا اياه ب120 دينار

والله بنات ما أجذب عليكم

قبل عرسي بأسبوعين رحنا الحياة بلازا
ندور فستان لأمي لأن ما حصلنا لها
في مجمع الجمعة
ولا بفينيسيا

الا نشوف فستان أختي نفسه هذا هو
بالضبط

دخلنا المحل على طووووول سألنا بكم

الا يقول لنا ب90 دينار وراح اراعيكم ولا يهمكم

أنقهرررررررررررررررنا

وأنبطت جبد أختي من قلب

:bomb:

مع ان الفرق مو وايد بس 30 دينار

بنات انا استغرب على اللي يشترون من البحرين

فساتين سهرة

والله قهر هناك الفساتين وااااااااايد أحلى وارخص

وساعات نفسهم بالضبط

وهناك أرخص

صار ويانا نفس الموضوع كنت بخذ فستان من البحرين ب30 دينار رحت السعودية لقينة ب15و كان وآخر واحد قال بيعطيني وياه ب12 من مجمع الحياة بلازا

ونفس الشيء بنت عمتي بنفس اليوم رحنا سوق الحريم وخذت لها فستان ب45 دينار كان ارخص شيء هو هناك وخذته عشان لونة اصفر ودرجة الي تباها رحنا الحياة بلازا جفناه ب20 دينار

الحياة بلازا واجد اسعارهم اوكي وكل الاذواق عندهم الناعم والدفش بس يبي لج رجايل تدورين عدل وتحصلين



اختي زمن الطفولة عندج رقم فاطمة ام زينب او تقدرين تجيبينه لي .... ما احب الصالونات ولا قعدتهم ومهلتهم تلوع جبدي وعرس رفيقتي قريب اذا عندج طرشيه لي اذا ما عليج امر :)

أل أم ل م;9499633:




اختي زمن الطفولة عندج رقم فاطمة ام زينب او تقدرين تجيبينه لي .... ما احب الصالونات ولا قعدتهم ومهلتهم تلوع جبدي وعرس رفيقتي قريب اذا عندج طرشيه لي اذا ما عليج امر :)

طرشت لش الرقم جيكي الخاص

:)
موفقة

بحرانية كلي حلا;9500009:

بسم الله الرحمن الرحيم

شخباركم عروسات ...

انة عضوة جديدة وياكم .. كنت من زمان اتصفح المنتدى واخذ منه افكار وامس قررت اشترك

علشان تساعدووني ..

وقبل كل شي مبرووك لكل المخطوبات والمتزوجات والله يتمم بخير و عقبال الباقين

المهم ...

انة قررت اني اتزوج على شهر 9 نهايته او على شهر 10

يعني بعد رمضان .. وحاطة ببالي بسوي بفندق

واللي حاطتهم ببالي او المريديان او الدبلومات او الخليج

الخليج عندي اسعاره وكل تفاصيله بس الفنادق الباقي اذا احد عنده فكرة يقول لي

و برايكم اي واحد افضل ؟

دهن العود;9498803:

حبيبتي أسمهم شويطر للأمن

وتوني مساعة مكلمتهم

وقلت له ان رقمه محصلته من النت انصدم وتخرع الريال

:eek2:

خخخخخخخخخخخ

بس قلت له انه منتدى نسائي

ورقمك على الخاص

وقالي عن البلاوي والمشاكل اللي صارت بعرس زينب العسكري لأنها مستهدفه

طبعا

و أن في بنات صادوهم :eeksign:وهم يحاولون يهربون تيلفوناتهم

وصارت وااااااااايد مشاكل على هالسالفة

الله يهديهم

نواري
طرشت لج رقمهم :handup:

ممكن انا بعد الرقم:o

ماء الكافور;9496662:

شخباركم عروساااااات

باركوي لي تزوجت وافتكيت :o والحمد لله عدى كل شي على خير ومعظم الأشياء اللي ابغيها صارت وان شاء الله احط ليكم التقرير اذا جهزت الصور

والفال للباقي ان شاء الله

مبروك غلاي ربي يوفقج وناطرين التقرير

ظلال الجنة;9495642:
بنات اش رايكم في فرشة العرائس ؟؟

افكر اسوي لي فستان هناك اول لبسه .. بس اخاف يوهقوني !!!

كلش كلش ما انصج فيهم..اطلعي على الاجزاء السابقه من هالموضوع بتعرفين الدقات الي صارت للبنات من هالمحل بالنسبالي اكس عليه اذا انخطبت

iris11;9490282:
الظاهر ام شهد زايدة اسعارها.. لاني امس شفت وحدة من البنات كاتبة هني انها ماخذه 40 ..

وامس بعد خذت من عندي 40 ..

وايد مصخوها بصراحه الحنا نفس الشي والنقش هذا هو ليش التفلسف بصراحه الله لا يبارك لهم الي يغلون بهالطريقه ولا يراعون

طالبة طموحه;9490418:
الف الصلاة والسلام على محمد وآل محمد تم بحمد الله اخذ وكالتيي
وعقبال البنات كلهم وان شاء الله يتمم لينا على خير وسلامه
وعقبال خطوبتي وزواجي

كللللللللللللووووووووووش مبروووووووك حبيبيتي الف مبروك

nooroo;9490641:
بنات ممكن تساعدوني ابيكم تدلوني وين محل كبرى القصير يعني المحل الي تتواجد اهيه فيه لأن ابيها تصمم لي؟؟
وسؤالي الثانب يمكن يضحك شوي بس تحملوني..احين اذا رحت لها وسوت لي التصميم وعقب مثلا ما عجبني التصميم او ما اتفقنا على السعر بتاخذ علي قيمة التصميم الي سوته حتى لو مابيه؟

لا انا وخالتي رحنا رسم لنا الفبيني تصميم وما اخذ قيمته وقلناله بنفكر

بنت سالمين;9490698:
مساء الخير ,,

شلونكم عرايس وشخباركم يا امهات ويا عازبات ؟؟

ما شاء الله بسرعة تمشو بالموضوع مانلحق عليكم

صار لي كم يوم مادخل عذروني كله بالشغل وامس كانت حفلتنا والحمدلله استانسنا ..

قلت اجي اكتب لكم التقرير تبع الحفلة عالسريع وانا طالعة ..

الحفلة كانت بمرمريز رقم 3 الجديدة ,, الصالة حلوة وكبيرة ووواسعة ما شاء الله بس مثل مرمريز 2 بالضبط يعني في الديزاين والشكل بأختلاف المسرح ..

المسرح طبعا كان من برى مو تبع الصالة بس مادري من الي مسويه ما سألت وما كان يعني ذاك الزود كان عادي وسمبل ,,كله اوف وايت ابيض ..

كانو جايبين زهرة (ام محمود ) تغني وما شاء الله شالت الحفلة شيل لساعة 2 لين مشو المعاريس غنت وسوت لهم واتريمبوا و زفتهم لبرى الصالة ..

بس لما دخلت العروس والمعرس وقفت وشغلو ديجي عشان الزفة ..

زفة المعاريس كانت عبارة عن طفلة (اخت العروس ) كانت لابسة فستان ابيض وحاملة باقة اوف وايت وعليها طرحة مغطية وجهها يعني كأنها عروس صج دخلت بروحها تمشي للمسرح على اغنية الجسمي (بسم الله المعبود ) .. طبعا الكل كان يطالع وينتظر طلة المعاريس ورا الصغيرة بس ماطلعو لين وصلت المسرح ووقفت بعدين شغلو اغنية ثانية بصوت عادل محمود اغنية خاصة للمعاريس مسونها وما شاء الله الاغنية حلوة وكلماتها حلوة بعد .دخلو المعاريس على هالاغنية ومشوا لين وصلو المسرح .. بعدها حزة الي شال المعرس الرحة عن العروس وباساها على راسها ولعو الشموع الشرار (مثل الي بعيد الميلاد ) كانو محطوطين على جنبين المسرح ..يعني بشكل عام الزفة كانت حلوة وفكرتها حلوة ..

بعدها بندوا الديجي ورجعت زهرة تغني ..

العروس كانت رايحة الرونق للشعر والمكياج عند صفاء وما شاء الله مطلعينها حلوة الشعر كانت التسريحة واوا وحلوة ومرتبة بس المكياج انا شخصيا ماعجبني وايد ..بس كان حلوو ..

كانت لابسة فستان ابيض تفصيل اول لبسة والفستان تصميمه وايد حلو وناعم والطرحة نفس الشي كله شك و سورافسكي ..

في نفس اليوم كان عيد ميلاد العروس فسووا عيد ميلادها جابو كيكة وحطو اغنية عبد المجيد غنوا لحبيبي و قطعت العروس كيكتين الا هي كيكة عيد ميلادها وكيكة الزواج ..

بالنسبة لي انا رحت العفراء واول مرة ارووح بس الحمدلله طلعوني حلوة وراضية عن نفسي يعني التسريحة كانت حلوة سووا لي ويفز وونفخة من ورا ومن قدام حركة حلوووة ,, والمكياج حطيت عن وحدة اسمها فيدا ما شاء الله وايد حلو مكياجها وناعم ماتسوي شي دفش واوفر .. انا فستاني كان ابيض و عند الصدر شك أخضر فقلت لها حطي لي المكياج وردي واخضر و الحمدلله ضبطته ورسمت عيني عدل حتى خطيبي استخف علي لما شافني ..في نقطة بقولها لكم اني لما قعدت للمكياج عطيت الي تمكيجني الفونديشن تبعي الي هو (اساس الديرمكول) قلت لها حطي لي منه لانه هم مايستخدمون جدي ,, فلما حطت لي منه المكياج مادهن ولا اخترب ولا ساح ابدا لين رجعت البيت و شلته بعد بالغصب انشال بالكريم وكلنكس المكياج والماي والصابون راح لانه هذا الاساس وايد زين وممتاز للحفلات وثابت ..

حمواتي راحو عند شريفة فولاذ بصالون ليلو بس متى ومتى ياو الصالة ومتى خلصوهم ,, كلش متأخر يعني طلعو من الصالون الساعة 10 بالليل تخيلوا ! الي اخرهم كله الشعر لانه بس وحدة الي تسوي الشعر الي هي لطيفة والكل عليها اهي الي تسوي الكل وبصراحة ماعجبني الشعر ابدا تساريحها مو حلوة كلش يعني مثلا حماتي شعرها بس ويفز من غير اي شي والويفز بسيط مو كامل الشعر ماخذين عليها 15 دينار بينما حماتي الثانية مسوية ويفز وشوي مرفوع بس من غير حركات ولا اكسسوار ب 20 دينار!! مايسوى احس ابدا ..بالمقابل انا العفراء سوو لي ويفز وحركات واكسسوار يعني تسريحة كامل ب 15 دينار ومرتب بعد سو لي ..

فالي يفكر يروح صالون ليلو مانصحه بالشعر يروح للمكياج بس ..

وبس هذا ملخص الحفلة ان شاء الله اذا قدرت بنزل لكم صور لمكياجي و التسريحة ..

خوش تقرير وبانتظار الصور حبيبتي

Nice Moon;9489321:
السلام عليكم ورحمة الله وبركاته..

شخباركم يا عرايس وشخبار أموركم؟

ادعو لي الله ييسر أموري لأن تقريبا خلاص بدأ العد التنازلي للحفلة
وبالمناسبة .. هذيان .. أتمنى تضيفين اسمي للقائمة خطوبتي راح تكون في 29/5

وبالتوفيق للجميع

الله ييسر امورج يارب والف مبروك مقدما