~'*¤!||!¤`تجهيزات عرايس البحرين { الخامس والأربعين}*¤!||!¤*'~`

طالبة طموحه;9490418:
الف الصلاة والسلام على محمد وآل محمد تم بحمد الله اخذ وكالتيي
وعقبال البنات كلهم وان شاء الله يتمم لينا على خير وسلامه
وعقبال خطوبتي وزواجي

!!.. نسيم الليل ..!!;9494596:
ياسلام بس ^_^

اني بعد كنت في الحفله وشفت زموووه :tongue:

خسارة مانعرفش اوريانا انجان سلمنا عليش بعد :)

ام الاقمار;9493221:
بنات ساعدوووووووووووووووووني للحين ما حجزنا صالون للعروس

العروس تبي شعر ومكياج بمكان وااااااحد واللي يعجبنا مكياجهم ما يعجبنا شعرهم ... اعطونا اقتراحاتكم بسرررررررررررررررررررررررررررررررررررررررعة

عروسة طافشة;9495356:

واني بعد كنت موجودة :tongue: بس خسارة ما شفت العروس عدل لان من جو المعاريس الناس كلها وقفت :ss:

وطلعتي حاولت ادقق في العروس بس كانوا ناس واااااجد متلايمين عليهااا :(

بحرينيه حبوبه;9495292:
سلام عليكم

شخباركم بنات

حبيت أسأل اللي تعرف صاله زينه وتصلح حق ملجة
وبسعر حلو رخيص وقوي يعني هعهع

تخبرني ويعطيكم العافيه

ظلال الجنة;9495642:
بنات اش رايكم في فرشة العرائس ؟؟

افكر اسوي لي فستان هناك اول لبسه .. بس اخاف يوهقوني !!!

شببابيك;9480791:

مرحبا حبايبي عرايس البحرين

سلام لكل العرايس الجدد والقدام مشتاقة للمنتدى واخبار البنات كلكم :1_81:

الشيخة (حمد الله على السلامة ، مع إنها متأخرة ، جبتي توم !! يتربون في عزك)
هذيان عاشقة
عروس متفرغة
ملكة الغروب
أنا الشوق
وصايف
دهن العود
حلم عذاري
m!ss rose
هذيان
وكلكم كلكم بدون ذكر أسماء، شخباركم :X_hell1:

صار لي دهر ما دخلت المنتدى ما شاء الله وصلتوا للجزء الخامس والأربعين

يبي لي وقت على ما أقرأ على الأقل هذا الجزء ، بتطلع روحي :21_186:

اللي يسأل عني أنا كنت مقاطعة كل شي بسبب موقف صار لي عيشني في حالة اكتئاب، توني شوي صايرة احسن قلت ادخل المنتدى أشوف شنو الأخبار ؟

على طاري العطور

دريتون إن في مدهش للإكسسوارت

عطور بحرينية برائحة الماركات العالمية ، وريحتها تبقى ما تطير بسرعة ، والريحة نفس الريحة
صراحة أنا جربت عطر ما شريته قلت لهم بجرب أول، وتم العطر يمكن أربع أو خمس أيام في عبايتي

تدرون بكم بدينارين ونصف فقط (30 ملل)

لي عودة إنشاء الله :Zd_bye_3:

قبل ما انسى مبرووووووووك لكل العرايس

زمن الطفولة;9495722:
اممممممم

روحي شوفي اول محلات غيير وعقب قرري

لان واجد يوهقون

هو صح فسااتينهم حلييوة

بس الا مخرب عليهم يوهقون العراايس

والعروس في ديك اللحظة كلش مو مال توتر اعصااب وعصبية

(a)

غربة بلا عنوان;9496002:
بنات انا تاريخ زواجي 13-7 وحجزت بعض الاشيا
زوجي اول يوم لي انة من 10 لين 13 كلة ايام مباركة

والحين يقولي انة ربعة قايلين لة انة 13-7 ليلة مكروهه
لانة تتغير الايام
في موقع اقدر اشيك منة تاريخ زواج مبروك
واحد يعرف منكم شي؟؟؟؟؟؟؟؟

بنت سالمين;9490698:
مساء الخير ,,

شلونكم عرايس وشخباركم يا امهات ويا عازبات ؟؟

ما شاء الله بسرعة تمشو بالموضوع مانلحق عليكم

صار لي كم يوم مادخل عذروني كله بالشغل وامس كانت حفلتنا والحمدلله استانسنا ..

قلت اجي اكتب لكم التقرير تبع الحفلة عالسريع وانا طالعة ..

الحفلة كانت بمرمريز رقم 3 الجديدة ,, الصالة حلوة وكبيرة ووواسعة ما شاء الله بس مثل مرمريز 2 بالضبط يعني في الديزاين والشكل بأختلاف المسرح ..

المسرح طبعا كان من برى مو تبع الصالة بس مادري من الي مسويه ما سألت وما كان يعني ذاك الزود كان عادي وسمبل ,,كله اوف وايت ابيض ..

كانو جايبين زهرة (ام محمود ) تغني وما شاء الله شالت الحفلة شيل لساعة 2 لين مشو المعاريس غنت وسوت لهم واتريمبوا و زفتهم لبرى الصالة ..

بس لما دخلت العروس والمعرس وقفت وشغلو ديجي عشان الزفة ..

زفة المعاريس كانت عبارة عن طفلة (اخت العروس ) كانت لابسة فستان ابيض وحاملة باقة اوف وايت وعليها طرحة مغطية وجهها يعني كأنها عروس صج دخلت بروحها تمشي للمسرح على اغنية الجسمي (بسم الله المعبود ) .. طبعا الكل كان يطالع وينتظر طلة المعاريس ورا الصغيرة بس ماطلعو لين وصلت المسرح ووقفت بعدين شغلو اغنية ثانية بصوت عادل محمود اغنية خاصة للمعاريس مسونها وما شاء الله الاغنية حلوة وكلماتها حلوة بعد .دخلو المعاريس على هالاغنية ومشوا لين وصلو المسرح .. بعدها حزة الي شال المعرس الرحة عن العروس وباساها على راسها ولعو الشموع الشرار (مثل الي بعيد الميلاد ) كانو محطوطين على جنبين المسرح ..يعني بشكل عام الزفة كانت حلوة وفكرتها حلوة ..

بعدها بندوا الديجي ورجعت زهرة تغني ..

العروس كانت رايحة الرونق للشعر والمكياج عند صفاء وما شاء الله مطلعينها حلوة الشعر كانت التسريحة واوا وحلوة ومرتبة بس المكياج انا شخصيا ماعجبني وايد ..بس كان حلوو ..

كانت لابسة فستان ابيض تفصيل اول لبسة والفستان تصميمه وايد حلو وناعم والطرحة نفس الشي كله شك و سورافسكي ..

في نفس اليوم كان عيد ميلاد العروس فسووا عيد ميلادها جابو كيكة وحطو اغنية عبد المجيد غنوا لحبيبي و قطعت العروس كيكتين الا هي كيكة عيد ميلادها وكيكة الزواج ..

بالنسبة لي انا رحت العفراء واول مرة ارووح بس الحمدلله طلعوني حلوة وراضية عن نفسي يعني التسريحة كانت حلوة سووا لي ويفز وونفخة من ورا ومن قدام حركة حلوووة ,, والمكياج حطيت عن وحدة اسمها فيدا ما شاء الله وايد حلو مكياجها وناعم ماتسوي شي دفش واوفر .. انا فستاني كان ابيض و عند الصدر شك أخضر فقلت لها حطي لي المكياج وردي واخضر و الحمدلله ضبطته ورسمت عيني عدل حتى خطيبي استخف علي لما شافني ..في نقطة بقولها لكم اني لما قعدت للمكياج عطيت الي تمكيجني الفونديشن تبعي الي هو (اساس الديرمكول) قلت لها حطي لي منه لانه هم مايستخدمون جدي ,, فلما حطت لي منه المكياج مادهن ولا اخترب ولا ساح ابدا لين رجعت البيت و شلته بعد بالغصب انشال بالكريم وكلنكس المكياج والماي والصابون راح لانه هذا الاساس وايد زين وممتاز للحفلات وثابت ..

حمواتي راحو عند شريفة فولاذ بصالون ليلو بس متى ومتى ياو الصالة ومتى خلصوهم ,, كلش متأخر يعني طلعو من الصالون الساعة 10 بالليل تخيلوا ! الي اخرهم كله الشعر لانه بس وحدة الي تسوي الشعر الي هي لطيفة والكل عليها اهي الي تسوي الكل وبصراحة ماعجبني الشعر ابدا تساريحها مو حلوة كلش يعني مثلا حماتي شعرها بس ويفز من غير اي شي والويفز بسيط مو كامل الشعر ماخذين عليها 15 دينار بينما حماتي الثانية مسوية ويفز وشوي مرفوع بس من غير حركات ولا اكسسوار ب 20 دينار!! مايسوى احس ابدا ..بالمقابل انا العفراء سوو لي ويفز وحركات واكسسوار يعني تسريحة كامل ب 15 دينار ومرتب بعد سو لي ..

فالي يفكر يروح صالون ليلو مانصحه بالشعر يروح للمكياج بس ..

وبس هذا ملخص الحفلة ان شاء الله اذا قدرت بنزل لكم صور لمكياجي و التسريحة ..

بحرينيه حبوبه;9496127:


ههههههههههههههههه

إي

بس لان أبغى احط ديجي
فمايصير احط ديجي اغاني في ماتم