سنفونية حب;9501591:
قوة بناااات صباحكم ورد جوري والف مبروك للي تزوجوا وانخطبوا وملجو في الويكند فرحنا لكم وعقبال الباقي يارب
ما شاء الله عليكم .. ما يمديني الحق عليكم بس اغيب الويكند وارد لكم الاقيكم طايرين :)
المهم بنات من طلعت يوم الخميس من الدوام دايركت رحت ويا خطيبي معرض السياحة
وكان حلو .. وفيه شركات طيران ومكاتب سياحه و فيه عروض حث فنادق البحرين و اماكن سياحيه في البحرين مثل رفاع فيوز - بنيان تري و عذاري
وفيه هيستوري " تاريخ " الدول اللي لها عرض .. مثل تركيا - اليابان - اذربيجان - سوريا - تونس - تايلند وماليزيا طبعا بس ما حصلنا المالديف
المهم رحنا حق ماليزيا دايركت :) و اخذنا كل الكتيبات اللي عندهم و شرحت لنا موظفتهم برنامج حق اسبوع و ما قصرت نصحتنا نصايح حلوة و عطتنا خريطة ماليزيا كلهم وهذا احلى شي حصلنا بيفيدنا وايد في تنقلاتنا
و يوم الجمعه من الصبح اشتغلت على ترتيب اغراضي عشان ما انزحم بعدين وقت الزواح بنقلهم وبعدها وصل الخطيب وتغدينا مع الاهل و راح بعد السويت و بعدها رحت مع امي الخياط وخلصنا موديلات فساتين خواتي الصغار " توأم مثل بعض وهم اللي بيزفوني .. سويت لهم فساتين بيج على درجه فاتحه كلش من الاصفر مع طرحات وفي الليل رحت شارع بو كوارة نهر الفنون .. و عجبوني وااايد اشياء عندهم بس المشكله ان سعرهم خيالي ومبالغ فيه جداااا يعني عيوني ما تطيح الا على الشي اللي ب 300 و 400 و فوق
سالتها اذا ابي تفصلي لي بس شغل خفيف .. قالت لي اقل شي 250 .. و اذا الخلق من عندي 100 وشي اعتقد ..و اذا ما فيه شغل خير شر بس خياط بيكون ما بين 60 - 80 حسب الموديل :( .. وما ادري شسوي للحين محتارة بثوب نشل حق جلوتي .. ومايزانيتي ما بين 100 الى 140 بالكثير مكسمم شورو علي بنات حبوبات .. !!
و يوم السبت من الصبح ما صارت 7 ونص الا وصلنا السعوديه .. ههه :) ابوي الله يهدها من فجر قومنا من الرقاد عشان نروح نتشرى .. المهم ما حصلت لي شي بعد كلش خير شر .. بس اختي شرت لها فستان عقب ما طلعت روحنا بذوقها .. رحنا فينيسيا اول و عجبها واحد بس من هناك لكن صاحب الحل ما رضى يتنازل عن 125 دينار ابد .. المهم طلعنا ورحنا سوق الحريم .. و افترينا .. وعجبها 2 اخذناهم وقسناهم وضبط عليها واحد منهم بيرفكت ما شاء الله .. و استانست وقررت تاخذه وافتكينا منها ههههه :) وكان ب 80 دينار
وبعدها رحنا محلات حق توزيعات العرس .. وكان عنده اشكال وانواع يدور راسج وتحتارين شنو تختارين .. بس للاسف مادليت شلون وصلنا له لان كنت ماخذه لي غفوة فيالسيارة ههه وابوي عجز يشرح لي الدرب عشان احفظه لي رحت مع خطيبي بس ما كو فايده ما دليته عدل .. بس انشاء الله لي عوده و بسوي توزيعاتي من عنده ..
وبعدها رحنا ماكس .. وخذنا شوية ثياب و جذي و شفت عندهم اشياء روعه .. ومن بينها شموع اللي على ريحة مثل كوفي وكرز وفروالة وفانيلا .. في بوكسات معدن روعه .. وبسعر اروع :) وقتها لمعة فكرة في بالي خخخ << (i) الله والافكار
و قررت اخذ لي منهم 100 حبة واسوي توزيعات على شموع بعد .. شرايكم ؟ :)
وهذا تقريري لهذي الويكند اللي كنت فيها حدي بزي :cool:
واللحين ابي اتصل أأكد حجز على الملاية .. واللي ابيه منكم اذا احد يعرف ام نادر يقول لي رايه فيها بنات .. و في ام جاسم بعد .. و بانتظار أرائكم ودعواتكم يا حلوات :15:
شكرا على التقرير ..اختي سنفونية حب .. حلو التقرير وحلو التسوق في السعودية حتى لو تعبتي..
..الله يسر لك كل أمورك.
عن الملاية.. أم جاسم تمام تشيل المكان شيل.. لكن يعتمد على تجاوب المعازيم معاها..حسافة ما حصلتيها.. أما أم نادر انا ما سمعتها من قبل .. البنات اهني يمدحونها .. إنشاء الله تحصليها.
سنفونية حب;9501646:
شبابيك : هلا فيج ..و ثانكس على تاييد الرأي و كلامج صح الصح وعن تجربه يعني هذا خير دليل وبرهان .. وان شاء الله البنات يستفيدون
العفو أختي ..
Stylish Girl;9501689:
ماء الكافور
الف مبرووووووووووووووووووووووووووك حبيبتي
وعقبال الباقي
===================
بنات مادري اشفيني كله احلم بعرسي
ساعات احلم انه شكلي مو عاجبني
ساعات احلم انه محد ايي العرس
او اييون ناس وايد ويصير زحمه ومايكفي المكان خخخخ
او ساعات خواتي يروحون العرس ومحد متعدل فيهم
مادري ليش شكله كله من التوتر
يلا ان شاء الله يصير العكس
=================
المهم بنات بكتب لكم شنو مخططه له
الحنه:
اسوي حفله بسيطه وصغيره يعني
خواته وخواتي
وابي اتمكيج عند صابرين كمال
واسوي شعري استشوار وباف
والبس جلابيه كشخه ولونها اخضر طبعا
العرس:
حلفتي بتكون في مرمريز3
ناويه اغير المسرح واللي على الطاولات
بتصل في ( الانصاري - قريه الافراح - دان )
تتقتحون اتصل لهم الحين و توه الناس؟؟؟؟
وعن المكياج والشعر
المكياج بروح حق عبير الرويعي
والشعر يمكن عند نوال في نفس الصالون
او اروح حق وحيده
وعن الفستان انا ابي اخذ اجار بس ماباخذ الحين
على الاقل شهر 7 اروح افتر واشوف فستان
وبس
اشرايكم؟
أختي Stylish Girl
ترى الأحلام عادي من كثر التفكير
ان لما تكون عندنا مناسبة مهمة ،، يعني وحدة من ربعي أو من قرايبي كلش وأجهز حق روحي من كثر ما افكر كل احلم بشغلات وبفناتق ..
بالنسبة للمكياج عبير مكياجها رووعة والشعر عندك بعد نرجس تسوي كلش حلو
دهن العود;9501697:
حبيبتي أنا بعد رحت هالأسبوع
السعودية
وأول مرة نمر محل دوم الناس تقول لنا عنه
أسمه دنيا صغيرة
شي جذي مادري بالضبط شنو
مجابل الهرم بلازا الدمام
في أشياء صراحة روووووووعة
للتوزيعات تتعبين وأنتي تشوفين الأشكال والألوان
وفي عنده بوكسات كرتون مزينه تزيين مرتب وراقي وحلو
يعني تاخذينهم وتحطين فيهم جوكليت وببببس
صراحة انا دار راسي من زود التوزيعات اللي شفناهم عنده وما خذنا
شي كلش
لأننا أحترنا :ss: وقلنا بنخلي التوزيعات لبعدين أحسن
تو الناس
:wink:
هلا بدهن العود
المحل اسمه الدنيا الصغيرة
إذا وحدة بتسوي أهي التوزيعات وبتشتغل عليها.. تحصل شغلات حلوة عندهم مثل ما قلتي في خيارات كثيرة..
أنا الشوق;9503793:
واااااااااااااااااااااااااي
مابغيت أخلص
من الظهر وانا اقرا :dd::dd:
شبابييييك
شخباااارج؟؟؟ من زمااااااااان عنج
نسيتج انا :tongue::tongue:
أنا بخير حبيبتي أنا الشوق
لكن ما هقيتها منك تنسيني :no:
الشيخة شلوووووونك لك وحشة
عرووس متفرغة شخبارك؟
بسألكم شنو أخبار صاحبة الظل الخفي ما اشوفها .. من زمان خبري بها من زواجها
