تجهيز عرايس مصر الجزء 127 يارب كلنا نتجوز

بنات ازيكم بالله عليكم يابنات تدعولى جاااامد وتدعوا لخطيبي عشان هو تعبان وهيعمل عملية وهو في الكويت لوحده ومفيش حد معاه وانا زعلانة اوى وبعيط طول الوقت ادعولوا يابنات

عشان مبقاش مخالفه منديل كتب الكتاب ممكن الاقيه جاهز فين او اعمله فين في محل حلو في مدينة نصر او مصر الجديده ولا اجيب منديل ابيض ساده واطرزة انا ولا ايه

mashimaro16;9246075:
بنات بالله عليكم عايزه القوائم بتاعت شنطه السفر
وشنطه الفرح

شوفى دا يا جميله ان شاء الله يفيدك

http://www.forums.3roos.com/showthread.php?p=9200373#post9200373

nonastar;9248059:
الى جميع سكان حدائق القبه والمناطق المجاوره

المحل اسمه كارول فى شارع الجراج متفرع من شارع مصر والسودان بجوار محل سمارت للملابس

واللى عايزه تروح ومش عارف انا تقولى وانا اوصلها لحد هناك انا تحت امرك فى اى حاجه محتاجنها

جزاك الله خير يا جميله مصر كلها فى الحدايق تحيا الحدايق هههههههههه

M!ss Tuky;9248281:
يا جماعه ده في ناس كتير من حدايق القبه ماتيجو نعمل تجمع بنات حدايق القبة لوحدهم

انا اعرف كارول ده حلو اوى غدغودة الى ودتهونى ع فكرة غادة ساكنه فمحطة الجراج بردو وانا قبلها بمحطتين :D

البنوتة الى جابت طقم التواليت شكلو شيك اوى ربنا يباركلك فيه

ماشيمارو .. ايه الاسئلة دى كلها .. ربنا يتمملك بخير يا قمر مقلتيلناش اخبار السيراميك بتاعك ايه

صوت العيون .. حاجتك حلوة اوى والبرا جميل تتهنى بيه يارب

يابنات محدش عارف حاجه عن مشمش روميو غايبة بقالها فترة وبنات كتير اوى غابت

سؤالى بقي المطبخ لو هعملو الوميتال اعلمو شكل الخشب الغامق ولا الفاتح انهو احسن انا كنت هعملو بترولى بس لقيت البترولى فاتح اوى عن الى اقصدو ؟

على حسب لون السيراميك عندك لو فاتح اعملى غامق والعكس يا شكشيكو

بنت من الزمن ده;9248998:
بنات ازيكم بالله عليكم يابنات تدعولى جاااامد وتدعوا لخطيبي عشان هو تعبان وهيعمل عملية وهو في الكويت لوحده ومفيش حد معاه وانا زعلانة اوى وبعيط طول الوقت ادعولوا يابنات

عشان مبقاش مخالفه منديل كتب الكتاب ممكن الاقيه جاهز فين او اعمله فين في محل حلو في مدينة نصر او مصر الجديده ولا اجيب منديل ابيض ساده واطرزة انا ولا ايه

الف سلامه عليه ربنا يشفيه يارب وربنا معاه
والمنديل جاهز فى ممر الكونتننتال فى 26 يليو يا جميله ولو عاوزاه وهتكتبى عليه فى التوحيد والنور

patotus;9247058:
يابنات بالله عليكم انا اتعودت منكم على الصراحه قولولى رايكم فى الفستان ده لو عملته ابيض كفستان فرح يبقى حلو كفستان عروسه ولا عادى جدا

rida86;9249325:

الفستان حلو اوى وشيك جدااااااا اتكلى على الله واعمليه :wink:

النتيجه حتى الان 3 2
انا حاخد برأى الاغلبيه
ههههههههههههههههههه

ياترى فكرتِ في الحاجات اللي إنت محتاجة ليها واللي ممكن إنك تعمليها علشان تعملي ليلة حنة يحكي ويتحاكى بيها الكل بأقل التكاليف الممكنة؟
ولا يهمك.. احنا فكرنالك..
وهنقول لك دلوقتي على كل اللي إنت هتحتاجيه...

أولا: تحديد عدد المدعوين
شوفي يا عروسة أول حاجة لازم تعمليها هي إنك تحددي عدد المدعوين اللي إنت ناوية تعزميهم على الحنة وخدي بالك إنك طبعا هتعملي الحنة دي في البيت علشان كده ياريت إن عدد المدعوين مايكونش كتير زيادة عن اللزوم واكتفي بأصحابك البنات والأقارب من الدرجة الأولى....
وحاولي إنك تحرصي على إن اللي تعزميهم دول يكونوا بنات علشان يعملوا ليكِ جو حلو.

ثانيا: تجهيز البيت لاستقبال المدعوين
شوفي يا قمر بما إنك قررتِ إنك تعملي الحنة في بيتك يبقي لازم تجهزي البيت لاستقبال الضيوف وتحددي المكان اللي هتكون فيه الحفلة واللي غالبا ما هيكون الريسبشن بتاع الشقة لأن ده أكبر مكان واسع في الشقة...

علشان كده ياريت إنك إنت وأصحابك قبل الحنة بيوم تشيلوا الحاجات اللي تخافي عليها من الكسر زي مثلا الفازات الغالية والتحف اللي بتبقى في المكان وشيلي الترابيزات الموجودة وحطي الكراسي بشكل دائري.

وسيبي المكان اللي في النص فاضي علشان ترقصي فيه إنت وأصحابك براحتك...

ثالثا: هاتي بالونات
إيه رأيك لما تعملي حاجة تدي ديكور شيك في المكان وماتاخدش مساحة كبيرة وهي إنك تجيبي بالونات كبيرة بأشكال متنوعة وتعلقيها..

وعلى فكرة كمان ممكن إنك تعملي في البالونات دي شوية أفكار زي إنك:
• تكتبي عليها بخط كبير بعض الكلمات اللي طالعة من قلبك وإنت عارفة طبعا إن أحسن الكلمات هي اللي بتكون طالعة من القلب.
• تكتبي اسمك واسم خطيبك ومعاهم تاريخ الحنة أو تاريخ أول يوم اتقابلتم فيه.
• الصقي عليها صورتك وصورة خطيبك وإنتم مع بعض.


رابعا: جهزي أكتر من كاميرا وجهزي أغنيات على الكمبيوتر
استحالة طبعا المناسبة السعيدة دي تمر من غير ما يكون فيه حاجة تسجلها لحظة بلحظة علشان كده جهزي أكتر من كاميرا..

واستعيني باتنين من أصحابك بتكوني بتثقي في إنهم بيصوروا كويس واطلبي منهم إن كل واحدة تصور كل لقطة في الحفلة، بحيث مفيش لقطة أو منظر يعدي من غير تصوير...

وخدي بالك إنك تتأكدي بنفسك من إن البطارية مشحونة كويس وإن كل حاجة تمام.. ياريت يكون فيه أكتر من كاميراتين علشان الطوارئ...

كمان جهزي أغنيات على الكمبيوتر زي الأغنيات الخاصة بليلة الحنة وأغاني الأفراح أو أي أغاني إنت بتحبي تسمعيها واعملي لستة بيهم وحطيهم في فولدر مع بعض كلهم وسمي الفولدر ده باسم "حنة" علشان أي ظروف تلاقيهم تاني مش تقعدي تدوري من جديد..

واتأكدي إن السماعات صوتها حلو ومافيش فيها أي مشاكل...

خامسا: جهزي الحاجة الساقعة أو الشيكولاتة والذي منه..
أكيد طبعا في اليوم ده لازم تقدمي للناس اللي جاية واجب الضيافة.. بس برضه من غير ما تكلفي نفسك كتير، يعني من الآخر كده على حسب الفلوس اللي معاكِ هاتي الحاجات اللي إنت هتقدميها فممكن إنك تقدمي شوكولاتة بس أو تقدمي جاتوه وحلويات أو إنك تعملي ساندويتشات بسيطة زي مثلا ساندويتشات فراخ بانيه أو كفتة وجبنة رومي...
أو ممكن إنك تكتفي فقط بعصائر أو أي مشروبات ساقعة يعني من الآخر كده خليكِ بسيطة واللي في مقدورك اعمليه لأن الناس في الوقت ده جاية تفرح مش جاية تاكل.
وعلى فكرة لو مش فاضية تجهزي الحاجات دي ممكن توكلي المهمة دي لمامتك أو أختك الكبيرة أو واحدة من أصحابك أو أي حد يحب يخدم وياريت تكون الحاجات دي جاهزة وموجودة على السفرة بشكل منظم قبل الناس ما تيجي.


سادسا: جهزي نفسك إنتِ بقى
بعد ما اطمنتِ على كل حاجة بنفسك ادخلي أوضتك كده ومعاكِ واحدة بتثقي في ذوقها وجهزي الحاجات اللي إنت هتجيبيها يوم الحنة..

أول حاجة
أول حاجة تجهزيها هي لبسك وطبعا أكيد هتسألي نفسك وتقولي ياترى ألبس إيه.. أنا مش عارفة ومحتارة.

شوفي يا ستي أكيد إنت جبتِ في لبسك الجديد عبايات جديدة علشان كده عايزاكِ تعملي حسابك وتخلي واحدة منها في بيت والدك علشان تلبسيها في ليلة الحنة...

وياريت العباية اللي إنت هتختاريها دي يكون لونها فاتح ويكون فيها شغل وحركات كده علشان تتدلعي براحتك.. ده يومك.

ولو كنتِ مش بتحبي العبايات أو إن الحنة دي هيكون فيها مثلا ناس أغراب وعايزة تظهري قدامهم بمظهر شيك يبقى مافيش مشكلة من إنك تلبسي تونيك شيك، بس خدي بالك إن التونيك ده يكون برضه فيه شغل وتطريز.... وعادي جدا برضه إنك تلبسي فستان قماش، وممكن تعملي حسابك قبلها بفترة وتجيبي فستان سواريه علشان اليوم ده....
وعلى فكرة فيه ناس مش بتتقيد بلبس معين للحنة خاصة إذا كان اللي هيكون في الحنة بنات بس من سن بعض زي أصحابها أو قرايبها البنات فبتلاقي إن في الوقت ده بيلبسوا أي حاجة بينهم وبين بعض.
بس يا ستي.. دي كانت شوية اقتراحات تساعدك على اختيار لبسك في يوم الحنة.. تعالي نشوف هتجهزي إيه تاني...

تاني حاجة
تاني حاجة تجهزيها هي مكياجك بإنك تختاري الألوان المناسبة وماشية على لون لبسك ولون بشرتك، وخدي بالك إنك ماتكتريش علشان بشرتك ماترهقش من المكياج وإنت صابحة تعملي مكياج الفرح...

تالت حاجة
تالت حاجة جهزي الإكسسورات اللي إنت هتلبسيها وخدي بالك إن ألوانها تكون ماشية مع لبسك وإوعي تنسي إنك تحطي خرزة زرقاء في الإكسسوارات دي علشان الحسد..

سابعا: جهزي البخور
طبعا اللي هتشوف الكلمة دي هتضحك قوي بس أنا باتكلم جد.. آه جهزي البخور لأن البخور ده مهم جدا في ليلة الحنة علشان يبعد عنك عيون الحساد ويخلّي البيت ريحته حلوة...



ودي أنواع من البخور اللي بتكون قوية وريحتها بتدوم فترة طويلة.. ممكن إنك تجيبيه من عند العطار:
- العود.
- الجاوي.
- السعد.
- الصندل.
- الكافور.
بس كده خلاص.. خلص كلامنا عن الحاجات اللي ممكن إنك تعمليها علشان تعملي ليلة حنة يحكي ويتحاكى بيها الكل.

وإوعي تنسي إنك تجهزي الحاجات اللي ينفع تجهزيها قبلها بفترة كبيرة علشان أعصابك تبقى مستريحة..
وخدي بالك كمان إنك لازم في اليوم ده تخلي أعصابك هادية وبلاش توتر وتكوني نايمة كويس قبلها
وارقصي إنت وأصحابك وأهلك وافرحي براحتك من غير أي تكاليف زيادة إنت أولى بيها خاصة مع بداية الزواج..

وألف مبروك.. وزفاف سعيد.. إن شاء الله
وعقبال كل البنات..

منقول لعيونكم

على فكره يا بنات في افكار ممكن ننفذها في الخطوبه او كتب الكتاب اللي في البيت برده

بنت من الزمن دا ربنا يشفيلك خطيبك ويرجعوا ليكى بخير يارب

بصوا يابنات انا بقالى سنه مخطوبه وبفكر انى اخليهم يكتبولى كتابى:d هو لسا فى شقتوا حجات ماجهزتش وكمان العفش كلوا انا متوتره اوى اليومين دوا وبقول استنى كمان نص سنه كدا واقول لبابا كدا كفايا خطوبه بس مش عارفه اقنعوا ازاى وكمان خايفه من طول فتره كتب الكتاب مش عارفه ليه يعنى حاسه انى هبقى مراتوا بقى وليه حكم عليا وانوا بردوا يتغير فى معملتوا ليا واهلوا مثلا ليهم حقوق عندى وحجات كدا انا فى غنى عنها قبل الجواز انا مجنونه امال عايزة اكتب كتابى ليه وهو اصلا مسافر هههههههههههههههههههه عبط معلش بفضفض معاكم

بصوا هو الحنه اللى بتتعمل على الايدى طب يوم الفرح هتبقى اوفر اوى طب انا فكرت قبل كدا البس الجوانتى الستان دا قصير هيبقى شكلوا حلو على اى فستان ولا عاسز استايل معين؟؟

يا عيااااااااااااااااال انا نزلت النهاردة وسط البلد معرفتش اروح خااالص المكان اللى بيتباع فيه شماعه الطره اهئ اهئ اهئ معرفتش فين قمر الزمان دة ولا ااااااااااااى حاااااااااجه ؟

ماشيمارو كانت بتسأل عن سن بلوك جامد
بصي ياستي احسن نوع جربته ف حياتي بعد كفاح طويل مع الصن بلوكز لان بشرتي عندي حساسيه من الشمس
هو UV BLOCK
ده في منه درجات وكلها عاليه جدا...يعني 80 و90 و100
على حسب درجة بشرتك نفسها
ويستحسن ماتجيبيش العاليه عشان ماتجهدش بشرتك
بس بجد كان عاجبني اوي اوي وحماية فااااااائقه :) بس هو الى حد ما يعتبر غالي ...وعلى حسب درجته بردو يعني 100 كان اغلى واحد بس والله مش فاكره السعر

برنسيس ميرو تسلمي يا قمر وربنا يباركلك
رضا ربنا يكرمك وكويس انتي طمنتيني انا والله بقيت بجيبه وانا مستخيره ربنا الحمدلله بس بردو كان نفسي حد يقولي انه استخدمه زيك كده وعايزه اقولك كل ماكينات براون زي الفل ماشاء الله

مرمرينا ربنا يتمم لك علي خير يا قمر
اللبس الصيفي استني عليه شويه في تخفيضات بتبقي في شهر 9 لو فرحك بعد 9 لو قبل 9 يبقي هاتيه بقي بص اصبري شويه لان مش كل المحلات نزلت صيفي اوي لسه
الجلابيات الساتان اعتقد هو ده سعرها يا قمر وعموما هي موجوده في محلات اللانجيرهات
الشرابات الفيليه بقي بتهيألي مع استخدامك هاتي دسته
الشوزات بقي لازم اسود واوف وايت مثلا ووممكن تجيبي كوتشي واحد واتنين باليرينا يعني مثلا دهبي وفضي وشبشب خروج تحسبا لاي حاجه

مشمشتي ربنا يكرمك انتي كمان ولك مثل مادعيتي
انا مش عارفه يا مشمش الشنط بتاعت السفر والفرح ممكن يكون فيها ايه
بس ممكن افكر معاكي ونقول مثلا
شنطه الفرح يبقي فيها
قميص النوم الابيض اللي هتلبسيه يوم الزفاف
لو انتي جايبه لخطيبك بجامه لليوم ده خديها كمان
البرانس
شاور جل ريحته حلوه
برفيوم مميز لهذا اليوم :)
معجون سنان وفرشه ليكي وياريت ليه
اسدال عشان ركعتين السنه+ سجاده صلاه
الشبشب الحلو اللي بيتلبس مع القميص + شبشب زوجك
الحاجه اللي هتلبسيها تاني يوم للخروج
مشط وسيشوار او البيبي ليس
ميك اب خفيف
الفوط الصغيره اللي هي اد الكف
الفوط الصحيه الصغيره ال كير فري
الغسول بتاع المناطق الحساسه
لوشن مرطب
فيبكس
ده لوانتي هتقضي زفافك في مكان غير بيتك
اما الشنطه اللي ممكن تاخديها معاكي للكوافير مثلا يوم الفرح
ريهام@محمود جزاها الله كل خير كاتبه قايمه وانا احب ازود عليها
البرفان بتاعك اللي هتحطيه
قطره بريزولين او فايزين ايه سي عشان لو عينيك التهبت لاي سبب القطره تصفيها



اما بالنسبه لشنطه السفر
انا مش عارفه يا مشمش هتسافري فتره اد ايه
حسب لو فتره قصيره خدي معاكي الحاجات اللي فاتت وزودي شويه فيهم
لو فتره طويله يبقي كتري كمان في الفوط الصغيره والكير فري فوطتين وش
خدي معاكي كمان غطا ماتعرفيش الظروف
خدي معاكي حاجه بكم عشان لو حسيتي ببرد
ممم مش عارفه بصراحه ايه تاني انا بس حاولت افكر معاكي


حبيبة مادو ربنا يكرمك وان شاء الله ييسرلك امورك كلها ويتمم لك علي خير اللهم امين

ريهام الف مبروك وربنا يتمم لك علي خير وان شاء الله فرشك يبقي احلي فرش

باتوتوس فسطستيني من الضحك علي احدث طريقه لنزع الشعر حلوه بجد:)

موون ايز دي حاجه زوقيه موضوع البجامه وبتبقي حاجه حلوه منك ليه ومش لازم تجيبها حرير يعني انا جبتها قطن بس حلوه ماشاء الله هتلاقي صورتها في الجزء الي فات في الصفحات الاخيره

توكي بالنسبه لمطبخك لو واسع اعملي اللون اللي يعجبك حتي لو غامق لو مطبخك صغير يبقي الاصلح تعمليه فاتح لان الفواتح بتدي احساس بالوسع

بنت من الزمن ده ربنا يشفي ويعافي خطيبك يارب اللهم امين

البنات الحلوين كمان الي بيسألوا علي اطقم لومينارك اللي هي ملونه انا شوفتها في توكيل مولينكس في وسط البلد جنب مكتبه دار المعارف اللي هو تدخلي الشارع اللي علي ناصيته العبد في 26 يوليو وتفضلوا ماشيين علي طووووووووول لحد ماتلاقوا اشاره عدوها هو بعد الاشاره بحاجه بسيطه

بنات فيه فكرة حلوة للمعة الجسم وسهلة

تجيبى اى لوشن عندك انتى بتحبيبه وتحطى عليه جليتر فضى او ذهبى اللى يليق عليكى وترجيه كويس وتسخدميه حيدى جسمك لمعة حلوة وكمان نعومة لجسمك ..انتى تقدرى تتحكمى فى درجةة اللمعة بانك تزودى او تقللى الجليتر

بنت من الزمن ده ربنا يشفيلك خطيبك يارب ويقف معاه انتى بتقولى انه لوحده لاء هو مش لوحده هو معاه ربنا

حبيبه حبيبى مبروك عليكى حجتك يارب تتهنى بيها ممكن تقوليلى الطقم اللومينارك اللى شوفتيه كام قطعه؟ وبكام؟

Miss FaTi بالنسبة للفستان انا مش شايفاة وحش بصراحة مش عاجبنى قوى حاسة عادى ممكن تشوفى حاجات تانبة لو انتى مش مقتنعة قوى بس لو عاجبك وداخل دماغك قوى اتكلى على الله ومش مهم الموضة المهم انوا مريحك وهيليق عليكى باذن الله وبالنسة للميكب هو بجد وهادى حلو قوى ما شاء الله وربنا يوققك يا قمر
بنات بجد ياريت تدعولى كتير اليومين دول انوا ربنا يستر ويصلحى الحال علشان فى شوية مشاكل و يا رب يا رب الموضوع مايكبرش ....

patotus;9247559:
مبروك ياقمر
يابنات بمناسبه العراك وربنا يبعد عننا كل حاجه وحشى يارب
امبارح كنت بتعارك مع خطيبى عاركه كبيره جدا وكنت عايزه اطلع الطاقه الى جوايا فى اى حاجه بصيت لقيت قدام شرائح فيت الى هى السويت الجاهزه ههههههههههههههههههه
من غير ما اشعر بنفسى بقيت مسكاها وشغاله من غير ماحس بأى وجع نهائى
ودى كانت تجربتى مع السويت اثناء النرفزه بعد كل كل لما احب اعمل سويت حتعارك مع خطيبى ههههههههههه

طب واية الاخبار عملت معاكى نتيجة حلوة اصلى عايزة اجيبها لمنطقة البكينى :oوفى بنات قالولى مش حلوة

M!ss Tuky;9248281:
يا جماعه ده في ناس كتير من حدايق القبه ماتيجو نعمل تجمع بنات حدايق القبة لوحدهم

انا اعرف كارول ده حلو اوى غدغودة الى ودتهونى ع فكرة غادة ساكنه فمحطة الجراج بردو وانا قبلها بمحطتين :D

البنوتة الى جابت طقم التواليت شكلو شيك اوى ربنا يباركلك فيه

ماشيمارو .. ايه الاسئلة دى كلها .. ربنا يتمملك بخير يا قمر مقلتيلناش اخبار السيراميك بتاعك ايه

صوت العيون .. حاجتك حلوة اوى والبرا جميل تتهنى بيه يارب

يابنات محدش عارف حاجه عن مشمش روميو غايبة بقالها فترة وبنات كتير اوى غابت

سؤالى بقي المطبخ لو هعملو الوميتال اعلمو شكل الخشب الغامق ولا الفاتح انهو احسن انا كنت هعملو بترولى بس لقيت البترولى فاتح اوى عن الى اقصدو ؟

اللون بيتوقف على الوان السيراميك والحيطان عنك عشان يمشوا مع بعض(f)

[QUOTE=.* اميرة *.;9250412]طب واي الاخبار عملت معاكى نتيجة حلوة اصلى عايزة اجيبها لمنطقة البكينى :oوفى بنات قالولى مش حلوة


انا بستعملها من زمان بس المشكله انى كنت بتوجع قوى لكن دى اول مره متوجعش
وكمان بتنضف كويس قوى بس مجربتش منطقه البكينى خالص

الفستان جميل بجد ياجماعه العروسه هى اللى بتحلى الحاجه مش الحاجه اللى بتحليها

يعنى هى اصلا بتبقى قمر حتى لو مستوى جمالها مش كدا بس كفايا انها بتبقى الملكه فى يوم فرحها

اللى عاجبها الاستايل تنفذوا وهتبقى قمر ان شاء الله

بصوا هو المفروض كام طقم كاسات كام لللمطبخ وكام للنيش لانى جبت حوالى اربعه او خمسه ساده بس اشكال مختلفه لانى مش بحب المدهب والكلام دا بس لابد منوا يكون ازاى بقى؟؟

بنات الاسكندرية ... انا لقيت خياطة امبارح عندها موديلات حلوة واسعارها كويسة بس انا لسه حاجربها ان شاء الله الاسبوع اللى جاى فى موديل لو عجبنى شغلها حاقولكم عالطوووووووووول ادعولى يطلع حلو

noogy;9250386:

الفستان حلو جددددددا اتكلى على الله واعمليه
وانا مش شايفة ان اللبس بيبقي فيه موضة ...... هو فى اللى يليق عليكي لان ممكن وده بيبقي كتير ان فى موضة بتنزل بس مش بتليق على اى حد لكن طالما الحاجة دى لاقت عليكي بس مش موضة مش مشكلة المهم انك تبقى حلوة فيه

هنودة هنانيدو ........ انا شايفة ان الفستان حلو اوى بس من غير الحزام الاحمر ده :o

بنت من الزمن ده ..... ربنا يشفيلك خطيبك ويرجعهولك بالسلامة :)

بناااااااااات عايزة اعرف السايت بتاع كوافير غادة والعنوان الجديد بتاعها بليييز (f)(f)(f)
السايت بتاع غادع بعتهولك علي الخاص ياقمر وهي بتاخ 1700 جنيه علي كل حاجه وعي نقلت لميدان سفير اي خدمه

Miss FaTi;9250122:
هلايا قمرات

مبروكم عليكم الملف الجديد

بطوطس

الفستان شيك ورقيق

وصدمتونى يا بنات يالى بتقولو علية موضة قديمة مع انى ماشوفت حد لابسة كتير

وفستانى روحت افصلة هلا وهاد صورتة

ياويلى احكو بقى لو مش حلو عشان اغير التفصيلة قبل الراجل ما يبدء




انا كنت حاباة لانة سيمبل ونعومى

وبيمشى على الميك اب الى حاباة هاد




ها اية لرئيكم يا قمرات؟؟


منتظراكم

هنودة هنانيدو;9250208:
بنات ايه رايكم ى الفشتان ده عشان عايزة اعمله واسافر بيه لجوزو

بنات المخالفات دي كتير اوي بجد الموضوع ممكن يتقفل و احنا محتاجينه كلنا

البنات اللى بيقولوا على المحل اللى فى حدائق القبه ده فين انا معرفش شارع الجراج ده ممكن وصف اكتر انا اخر معلوماتى فى مصر والسودان هلتون المصور ممكن حد يوصفلى من هناك واسمه ايه ضرورى جدا واسعاره حلوة
صوت العيون انتى كنتى قولتى على سوق العصر بتجيبى منه البرا السواريه طيب هو فى ايه كمان جربتيه من هناك وطلع حلو عشان انا هروح اجيب البرا اللى قولتى عليه فممكن اجيب ايه كمان من هناك