تجهيز عرايس مصر الجزء 127 يارب كلنا نتجوز

بنانيت لكل اللى فرحهم قرب هاكتبلكوا قائمة بالحاجات اللى هناخدها معانا للكوافير نبدا بسم اللة:
1- الفستان بمشتملاتة(جيبونة بادى باندانا طرحة)
2-شراب كريستال+الحذاء
3-اندر +البرا+الشورت
4-برفان+كريم+بودر+مزيل عرق كلة بنفس الريحة
5-باندانا قطن بيضاء
6-اكسسوار حلق او اى حاجة معينة هتلبسيها
7-خيط ابيض +ابرة تحسبا لاى موقف لا قدر اللة
8-دبابيس مشبك
9-كريم يد
10-جلسرين
11-اكل ماء
12-نعناع -هولز
13-كاميرا
14-موبايلك فلوس بطاقة
وااى يفتكر حاجة زيادة يقول يا بنات والف الف مبروك للجميع وعلى فكرة ان شاء اللة هافرش بكرة

3-





9

أنا قلت أدخل عالنت أشوف بقى مبرووووك ياوردى وزغاريط بقى والكلام ده ، يلا مش مشكله ،ربنا يكرمناااااااااااا جميعااااااااااااا :)

mashimaro16;9245996:


ده محل ايه ده؟ سكان حدائق القبه بقو كتييييييييييير على المنتدى :Dتعالو نعمل رابطه بنات حدايق القبه :D

أه فعلا :D:D نعملنا تجمع بقى :D

sweetyronaaa;9245711:


بصي يا حببتي البسي فستان سواريه سيمبل لان اى طقم مهما كان سواريه مش هيبقي حلو و هيكون شكلك زى اى واحده عاديه و مش هتبانى انك العروسه و بالنسبه للعدد اعزمى اهلك و اهل خطيبك بس و اصحابكم القريبين اوى و لو حد قالك معزمتنيش ليه قوليله انها كانت على الديق عشان المكان مفيهاش مشكله لكن تعزمى كل الناس و تركبي الدنيا و تبقي الناس قاعده مخنوقه مش هتبقي حلوة خالص

صحيح يا بنات في محل حلو اوى في شارع جانبي من عباس العقاد عنده فساتين سواريه حلوة جدا و اسعاره تحفه هو جنب سطوحي بتاع الجزم على طول

الأسعار فى حدود كام ؟

سؤال عارفه إجابته بس عندى أمل:ss: ، هل عنده حاجه سواريه متقفله للمحجبات ؟!!

بجد أنا لو معايا شوية فلوس عايزه أستثمرها ، هاجيب بنات مصممين أزياء و نبتدى نصمم أزياء للخطوبه وسواريهات للمحجبات تكون مش محتاجه ولا بدى ولا أى حاجه ، لأن فلا السوق محتاج حاجه زى كده !!!!

[BLINK]مشيمارو[/BLINK]

بنااااااات
هيا لقاء اختفت فييييييين انا حتى مش بشوفها على الايميل ؟ هيا زعلانه منى؟ لو حد كلمها يسلملى عليها كتييييييير

اسئله وعايزه ردود سريعه مختصره شامله زى بتاعت الامتحانات كده

1- سيلكابيل - ملاقيط - راسين ( العاديه والمنطقه الحساسه) .... بكام ومنين ؟

انا جبتها يا قمر اللبنى قطعتين ملاقيط ب 220


2- شباشب للبيت بس تكون اموره وفيها دلع وتطريز وحاجات كده فين ؟وبكام؟

3- عندى كاسه اتكسرت فى حاجه بتلزق ولا لا ؟

4- حد يعرف واحده بتلف طرح حلو وفى السريع علشان يوم كتب الكتاب ان شاءالله؟

انا كنت نزلت صوره ميكب اب بتاعى ولفه طرحتى فى فرح اخت خطيبى وهى كويسه الحمد لله وهنزل يوم الاربع او التلات اتفق معاها على اليوم الجمعه تعملى لفه الطرحه والميكب اب
5- تفتكرو كام شراب كفايه؟ شراب محجبات الاسود وشرابات السوكت القطن ؟
انا جبت سته من القصيرين اسود وبيج

6- احسن بديهات ايه كارينا ولا سيلفى ولا فيجا؟

7- الشورتات من تحت الهدوم فى الخروج الاحسن الشورتات القطن ولا كارينا ؟ ومين احسن كارينا ولا فيجا فى الحر ؟

انا فى البيت هنا بستخدم قطن لانه مريح بس جبت للجهاز قطن وشورتات كده م عارفه خامتها ايه بس فيها دانتيل كده من فوق ودلع ههه


8- عايزه حد يكتبلى المتوسط مثلا او المعقول اجيب كام روج وكام جلوس وكام بودر والحاجات دى وكام غسول للبشره ولو فى حد شاطر فى الميكب يعمل ليسته للميكب بالتفصيل ويبقى جزاه الله خيرا لان ناس كتيره تستفيد وحتى للزمن والناس اللى بعدينا يستفيدو ان شاءالله

هاتى الوانات ونوعى بين اليكود السائل والروج العادى الحاجات اللى هتستخدم كتير زى كريم الجسم ومعطر الجسم والشاور جل هاتى منها مثلا 3 ولا حاجه
9- كان فى بنت قالتلى على مناديل كده للمنطقه الحساسه حد يقولى اسمها بليز

10- اجيب كام علبه كير فرى ( اللى زى الالويز بس اليوميه ) ؟

هاتى 3مثلا وزيهم 3 الويز الترا


11- صن بلوك جاااااااااااااااااااامد اوى ويكون مجرب ؟


بليز حد يجاوبنىىىىىىىىىىى
واى حد يعرف اى اجابه بليييييييز يجاوبنى وربنا يجازيكم الخير كله والجنه ان شاءالله


بنات هيا مشمش روميو راحت فين؟ اختفت يا جدعان؟

انا كمااااان سألت عليها كذا مرررره وروزى صاحبتى كمان مش دخلت غير مرتين بعد الجوااااز

manafola;9245486:

ممكن لو حد عنده بيانات الست بتاع الحمام المغربي اللي كانت بتشكر فيها فتافيت السكر تبعتهالي

حبيبه مادو;9246100:

فلاور ربنا يخليكى يا سكرررر ده انا دمعت دلوقتى من كلامك بس اومال هعمل ايه يومها هههه خاصه انى خجوووله جدا

انا بقى مش هطلع خاااااااالص اسلم على حماى وحماتى وكده ولا ايييه ؟؟
يعنى هيزعلوا انى مش طلعت سلمت عليهم لما جم ولا عااادى ؟؟؟

يعنى اخر كلام [BLINK]اطلع امتى [/BLINK]بالظبط لما يجوا اهل خطيبى اطلع اسلم عليهم ولا اخلينى مفاجأه اطلع بعد ما المأذون يجى ؟؟؟

لكل البنات اللى زواجهم قرب ،لقيت الموضوع ده قلت أكيد هيفيدكم بإذن الله.
مبارك ليكم جميعا و رزقكم الله بالذريه الصالحه يارب :)
لا تنسونا من صالح دعائكم.

زوجتي العزيزه,أهديكِ خمسة أشياء تفعلينها لتكسبيني من يوم الدخله

اقتباس المشاركة الأصلية بواسطة حبيبه مادو

يعنى اخر كلام اطلع امتى بالظبط لما يجوا اهل خطيبى اطلع اسلم عليهم ولا اخلينى مفاجأه اطلع بعد ما المأذون يجى ؟؟؟

كريزى بقى حررررررام عليكى مش تزعلينى وانا عروسه مش كفاايه مادو مش موجود لو كان موجود كنت طلعت علطوووووول هههههههه
هههههه ايوه ولاده يا كريزى هههههههه كويس انك جيتى عشان انتى خبررره

بصى والله ضرورى اوى السؤال ده اانا مش عارفه هيزعلوا ولا لا انا اساسا مش بشوفهم كتييير لانه اصلا انا من محافظه وخطيبى من محافظه اخرى فالزيارات يدوبك كده كام مره فى المواسم انا واهلى روحنا ليهم مرتين او 3 بس من اول خطوبتى وانا بقالى حوالى 8 شهور مخطوبه مره عزمونا فى العيد ومره فى فرح اخته وهما جم عندنا يجى مثلا اربع مراات ولا حاجه وبس هههههه بس انا خايفه حماااتى تقول مثلا مش طلعت تسلم علينا لما جينا مش عبرتنا بس انا فعلا كده حسه انى هكون عاديه لو طلعت وقعدت وسلمت وكده انا عاوزه اطلع كده مفاجأه يعنى يعنى هى فيها حاااجه من ناحيه الاصوول يعنى ولا فيها حاجه عيب انى استنى لما المأذون يجى او هتفرق فى حاجه انهم جاين من سفر مثلا ولا اييه ومثلا قرايبى يقلولهم انى لسه بجهز وبلبس وكده ولا ايييه يعنى خايفه يزعلوا منى فى يوم زى ده خاصه ؟؟؟؟ طيب انتى عملتى اييه فى كتب كتابك ؟؟؟؟؟

دلوعه رعد;9244233:
هههههههههههههههههههههههههههههه انا تاني واحده اول مره الحقوا من اوله

بصي هي بتقولي علشان الدوامة والسوست بتشد الشعر فا انا قلت فتره العلاج مش حعملوا

قوللي انتي بتتعلجي عند دكتور فين

صباح الفل ياقمر

انا بتعالج فى عياده الجلديه الى فى شارع الازاعه بس شاطره جدا
هى الى ادتنى الكريم الى بيفتح الاماكن السوده الى فى الكوع والركبه والحمد لله حلو

redflowerlovey;9244869:
بنا يكرمك يارب
هعمل زي ما قلتي ان شاء الله وانا بدات فعلا اعمل مسكات والكلام ده ومش هعتمد اوي على اللي هتعمله الكوافيره بس لو هو من ضمن الباكدج يعني كنت عايزه اعمل حسابه في الوقت




بنات اسكندريه هو في قاعات بالوسع ده والشياكه دي في اليكس ويكون السعر كويس؟ بس ياريت تكون في اوتيل

في بتاعة نادي لاجون و هي معاها فندق برضو بس مدخل تاني و الأسعار متفاوتة بس بصراحة هي تحفة انما حاساها غالية شوية اكتر من بتوع داون تاون

اسمي فييييييييييين أنا كل شوية تنسوني كده حرام عليكو و الله لو ملقيتش اسمي مش حدخل تاني و مش حكلمكوا 9-10-2009

ياقمر هما في قاعتين هنا اختي كانت عامله في قاعه بلو لاجون كبيرة زي ديه وتحفه اووووووي

هي كانت شهر 8 الي فاتت تقريبا الفرد عامل 60 جنيه روحي واتفرجي

باتوتس هو اسم الكريم اللى اديتهولللك ايييه يا جميييل؟؟؟؟

لو سمحتم غيرو اسمى فى عرايس شهر اغسطس بدل cherry cat الى p!nk k!tty

يابنات بالله عليكم انا اتعودت منكم على الصراحه قولولى رايكم فى الفستان ده لو عملته ابيض كفستان فرح يبقى حلو كفستان عروسه ولا عادى جدا

فى واحدة هنا كانت بتسال عن البدى اية احسن حاجة هو سليفى احسن لانة فى نسبة قطن شوية و فى الصيف مش بيحر ويسخن زى الكارينا لان كارينا 100% لكيرا

patotus;9247058:
يابنات بالله عليكم انا اتعودت منكم على الصراحه قولولى رايكم فى الفستان ده لو عملته ابيض كفستان فرح يبقى حلو كفستان عروسه ولا عادى جدا

الفستان تحفة بس هو سينبل اوى بالنسبة لفستان فرح هو يمشى خطوبةاكتر

patotus;9247058:
يابنات بالله عليكم انا اتعودت منكم على الصراحه قولولى رايكم فى الفستان ده لو عملته ابيض كفستان فرح يبقى حلو كفستان عروسه ولا عادى جدا

بصي ياقمر هو حلو بس في فساتين احلي وده من زمان وشفت زايو لو عايزة فساتين افراح ابعتلك

يابنااات ممكن حد يوصفلى أروح إزاى عباس العقاد اللى فيه محلات الفساتين اللى بتقولوا عليها ديه ، يعنى أوصفلى أنزل فين بالضبط و أسأل عن محلات إيه بالضبط ؟

هاركب من ميدان حدائق القبه إن شاء الله.

شكرا

patotus;9247058:
يابنات بالله عليكم انا اتعودت منكم على الصراحه قولولى رايكم فى الفستان ده لو عملته ابيض كفستان فرح يبقى حلو كفستان عروسه ولا عادى جدا

بصى الكشكشه اللى تحت ديه ، موضتها على وشك إنها تبطل و تبقى موديل قديم ، أنا من سنه كده أو سنه ونص كان نفسى أعمل الحركه ديه فى فستان خطوبتى ، بس دلوقتى مش عارفه ليه مش حاباها !

المهم هو كمان من فوق مش لذيذ أوى ، فإختارى كده كام موديل كما ن عجبينك و إحنا بإذن الله نساعدك فى الإختيار :)

يارب تلبسى أحلى فستان أبيض (f)

دلوعه رعد;9247124:
بصي ياقمر هو حلو بس في فساتين احلي وده من زمان وشفت زايو لو عايزة فساتين افراح ابعتلك

ديما تعباكى معايا يابنوته انا اسفه ممكن تبعتيلى حاجات تكون سمبل كده

بصى الكشكشه اللى تحت ديه ، موضتها على وشك إنها تبطل و تبقى موديل قديم ، أنا من سنه كده أو سنه ونص كان نفسى أعمل الحركه ديه فى فستان خطوبتى ، بس دلوقتى مش عارفه ليه مش حاباها !

المهم هو كمان من فوق مش لذيذ أوى ، فإختارى كده كام موديل كما ن عجبينك و إحنا بإذن الله نساعدك فى الإختيار :)

يارب تلبسى أحلى فستان أبيض (f)[/QUOTE]



مرسى ياقمر ربنا ما يحرمنى منكم ابدا
يعنى رايك ابعد اصلا عن موضوع الكشكشه ده خالص انا فعلا لما نزلت الاتليهات السنادى مشفتهوش خالص

nonastar;9244632:

بصى يا قمر انتى اصلا ساكنه فين بصى انا من حدائق القبه فى عندنا هنا محل راااااااااااااااااااااااااااااائع حاجته حلوه جدا انا كل لبسى من عنده من ساعت ما فتح وانا مش بجيب غير من عنده وعنده حجات تركى شيك مووووووت واسعاره حلوووووه اوووووى مش غاليه اوى

ممكن يانونا ياقمر تقوليلي عنوان المحل دهع بالظبط فين في الحدايق؟

patotus;9247058:
يابنات بالله عليكم انا اتعودت منكم على الصراحه قولولى رايكم فى الفستان ده لو عملته ابيض كفستان فرح يبقى حلو كفستان عروسه ولا عادى جدا

بصى هو حلو بس الموضة بتاعته بقالها كتير دورى تانى وانا شاء الله تلاقى واحنا معاكى