تجهيز عرايس مصر الجزء 127 يارب كلنا نتجوز

moon26toon;9297471:
[FRAME="11 10"]

فعلا حسب كل راجن ودماغو:sa36:
وللأسف خطيبى شكل الموضوع مهم عنده ودا هيخلينى مضطرة اعمل صبغه فى الاول:21_213:
فياريت تقوليلى الصبغه الى انتى بتقولى عليها دى تمنها 170 وعملاها فى البيت ولا انتى عملتيها فى كوافير واتكلفت كده
واثرت على شعرك ولا لا؟
واللون بيروح بعد قد ايه يعنى بيفضل ثابت ولا بيقلب الوان
انتى اصلا شعرك لونه ايه وصبغتيه ايه
معلش هتعبك

وبالنسبه لموضوع تحديد المعاد انا معاكى جدااااااااااااا:up:
لان الستات محتاجيين وقت يتعودوا وطبعا الرجاله مش كلهم زوق وبتفهموا الموضوع فيبقى مفيش غير سياسه الامر الواقع:ok:

وبعدين متزعليش انا اهو بسألك عليكى مانتى خلاص دخلتى جروب (الشعر الابيض موضه 2009):happy1:



والله يابنتى هو مش مستنى صبغه علشان يكتر هو كده بيكتر لوحده:21_186:
فهضر اعملها فى الاول على الاقل وبعدين ابقى امشيها حنه وربنا يسهل

ايه بقى ياستى الستاره الى 350 دى للحمام
مش هنقعد جنبها يعنى :poster_vt:مقولتيش بقى خالتك هتفصلهالك ازاى يعنى هتشترى قماش نوعه ايه؟
والتصميم فى حاجه معينه اقدر اشوفها ولا تصميم عادى؟
وانتى هتفصلى ستارة بس ولا بقيت الحجات الى بتبقى للباسكت وقعده الحمام وكفر الغساله وكده


وبعدين انتو مدام متفقين ان كل حاجه بالنص هتبقى طبعا التكلفه بالنص ولا علشان انتى هتفصلى الستاره عند عمتك فهتحرجى تقولى عليها
انتو ممكن تشتروا القماش سوا
ولو مش هتتكلف كتير من رايي بلاش تتكلمى فيها خالص وابقى اشترى الماشيات بتاعه الحمام مع السجاجيد وخلاص وربنا يتمملك على خير



ياعينى يابنتى انتى كمان هتخشى الجروب بتاع الشعر الابيض:sa31:
قوليلى بقى عملتى ايه فى الموضوع ؟
على فكرة مرات اخويا عندها عارضه فى الحيطه واحده باب بلكونه وواحده شباك على جنب وهى عملت ستارتين والصراحه شكلهم شيك ولذيذ اكتر ماتكون واحده بس لان المكان الى فاصل ممكن تحطى فى تابلوة او اى حاجه
وهى الستاره برضو زيتى والبطانه الشيفون دى اوف وايت بس عملاها نظام كشكشه وشكلها لطيف اوى:handup:


والله ماعرف
انا هبعتلك العنواين على الخاص
ومنظرة تقرير رسمى بالتفسيل الممل:deal:
هاااااااا تقرير بضمير كده مش اى كلام



اه ياريت الى جرب يقول ضرورى جداااااااااااااا
ويقولنا على السعر كام وهل ينفع الجسم كله وبيقعد قد ايه وهو ولا الحلاوة؟






هو لانجيرى بس اكنك لابسه شخصيه يعنى مثلا قميص نوم بس كانه لبس خدامه وواحد لبس ممرضه والى بتلبس صاعقه وحجات كده:21_133:
بس نصيحه بلاش فى اول الجواز خليها بعدين لما تاخدوا على بعض وتحبى بقى تغيرى وتكسرى الملل



ايون كده ياعم الجااااااااااااااامد:up:
اموت انا فى الناس الدكيكه دى هى دى التقترير والا فلا:wavetowel2:
والله انك عسوله
بس مش عارفهى ليه بشك فيكى حاسه انك بتسمسرى مع الراجل ابو النيل ده وبتاخدى كوميشن من ورانا:icon9:
هههههههه:dd:

بصى هى المكنه بتاعتك 3وشوش واحد ملاقيط وواحد ملاقيط اصغر للوش وواحد حلاقه تمام كده ب490 صوح كده ولا ايه
طيب اكسيبريسف برضو 3ملاقيط ولا متعرفيش؟

طيب بصى بقى انا مش من القاهرة وطبعا صعب انى انزل الرويعى ولا ابو النيل ده طيب احنا ان شاء الله هننزل ماركاتو لان ناس كتير شكرولى فيه تفتكرى الاقى الستاير دى عندو ولا لا وممكن اعدى على كارفور برضو هى موجوده ولا لا؟
عموما لو ملقتهمش ومعرفتش اشترى حاجه انا كده هشترى الطقم بتاع الستارة من اى حته هنا وانا كده عرفت منك حدود السعر

موضوع الحنه انا معاكى بس مش فى الاول يعنى همشيها صبغه فى الاول منها تدى لون وتستر المواضيع وبعدها بقى هداوم على الحنه علشان مبوظش شعرى بس انا كنت حنيته قبل كده ومفيش لون بان خالص لان شعرى اسود جدااااااا يمكن بقى بعد الصبغه هيبان فيه
وملتو ميرسى على الوصفات الجاااااامده دى هبقى اعمل موضوع البنجر ده
اهو ناكل ونلون ونوفر وخلى الشعب يعيش:21_213:

موضوع الفرش يابسكوته
معلوماتك دى عن تجربه ولا بالسمع زيي لان انا شايفاه ان كل البنات الى اشتروا الاسعار كما هى مفيش حاجه نزلت وبالعكس بنات اشتكت من ان الحجات غاليه وانا مش عارفه بقى اصدق الى بسمعه ولا كلام الناس الى جربت لان هما طبعا الاصدق بس انا حترت:icon9:


بالنوسبه ياوختشى للمعاد
انا رايي ان مفيش رجاله كتير هتديلك فرصه تاخدى عليه فاحسن حاجه ياحببتشى اننا ندى نفسنا الفرصه والى مش عاجبه يروح عند ماماته:poster_oops:

عجبانى اووووووى علب الاكسيسور دى انا عندى فى البيت علب بتاعه عبايات الدفه لو تعرفيها وبحط فيها حجاتى بس مش عارفه ينفع اخدها ولا لا؟
بفكر اعمل فيها شويه حركات كده وادلعها شويه علشان يبقى شكلها لطيف
وعاوزه كمان السبته البامبو دى الم فيها علب الكريمات والشاور جل والمنظفات والحجات دى
تفتكرى ممكن الاقى فى ميركاتو او كارفور
ولا الاقيهم فين؟

بقولك ايه بقى اسألى سؤال كده اصل بدأت احس انى استغلاليه وضميرى بيوجعنى انى زهقتك اسأله:SOFA:



[/FRAME]

روكا2010;9297875:
الف مبروك ماشيماروا ربنا يسعدكى يااحلى عروسه ف الدنيا
يابنات فرع كادو يكون قريب من مصر الجديده

سلسولة;9298008:
عندي سؤال فني ؟ هو لو تصادف الفرح مع معاد البيريود بيبقى ايه العمل فالحالة دي يعني الواحد يتصرف ازاي يعني ركعتين السنه انا مش هقدر اصليهم ودول حاجه مهمة اوي المفروض ماتتفوتش وبالنسبه للبس ألبس ايه مهو مش معقول البس مفتح ومدلع وافتحلو نفسو وانا فالحالة دي متحرمة عليه انا معرفش اتصرف ازاي فالوضع دا وخصوصا انو وارد جدا عندي الكلام دا؟؟؟
سؤال تاني العرسان والعرايس اللي امكانياتهم ماسمحتش انهم يقضو شهر عسل ولا حتى اسبوع عسل في اي حته ايه بدائل الفسح فالوضع دا يعني يروحو فين ويعملو ايه انا عايزة اقتراحات بجد مش عارفه
كمان انا اطلب منو يفسحني ولا اسيبه هو من نفسو؟ طب افرض استعبط تحت بند ان مفيش امكانيات وظروف وكلام من دا يبقى ايه العمل؟
بجد يا بنات انا متلخبطة موت مش عارفه المفروض اتصرف ازاي ولا اتعامل ازاي معاه؟ لازم اطلب منو كل حاجه ولا ايه وافرض هو مش واخد اباله اديلو باله ازاي بطريقه حلوة وشيك ومن غير احراج ؟؟ انا محتاجه بجد نصايح اللي تعرف ياريت ماتبخلش بالراي وجزاها الله كل خير

روكا2010;9298531:
يابنات امبارح وانا بفرش لاقيت انا اشتريت 6 بريهات بس كفايه كده ولا قليل انا حاسة انه مش كتير اشتري تانى ولا كفايه و 30 ادر متنوع بين القطن والحرير والاسترنج حلو كده ولا ايه

soshe;9300828:
انا مش عارفة اعمل ايه لحد دلوقت؟
انا عايزة اعمل ميك اب عند ايمى الكاشف صاحبتى عملت عندها وماشاء الله عليها كانت زي القمر
المشكلة انها بتعمل بس ميك اب وطرحة
طيب باقى الحاجات اعمل فيها ايه؟
واروح فين ولمين:(؟
لو حد عنده مكان قريب ياريت يقولى يعنى مصر الجديدة او مدينة نصر
انا محتاسة جداا
ونفسى من دلوقت ابتدي الحمام المغربى وتنظيف البشرة مش عايزة افضل لاخر الوقت كده
انا زعلانة:confused::confused::confused::confused::confused:

Warde;9301562:


حد ياجماعه عمل ميكاب قبل كده أو سمع عن "منى الجمل" ؟! ،هى تبع محلات "الجمل" لتأجير فساتين السواريه وكده، موجود عند سور المخابرات فى الحدايق.

mishmish2010;9301640:
ممكن يابنات تقولى فين اتفرج على كذا نوع سيراميك واشكال كتير ومنين بقى باسعار كويسه وحاجات نضيفه اشترى وشكرااااا

نغمة القمر;9302088:
هو في حد زيي كده يابنات انا بليل كل يوم تقريبا بقعد اعيط وانا نايمة وابص للاوده بتاعتي واكلمها واقولها انا مش عارفة ازاي هاسيبك وامشى...شغل جنان صح :sad: واقعد اعيط واكلم نفسي واقول طب ازاي هامشي كدة واسيب ماما وبابا واخويا والحياة اللي انا متعوده عليها دية وهاسيب بيتنا ازاي وازاي مش هاقعد معهم وناكل مع بعض ونخرج وكده والله مش دلع بس بتجيلي حالات خنقة اوي واحس اني خايفة واحس بقا اني مش عايزة اتجوز وكل يوم يعدي والفرح يقرب اتوتر اكتر.....هو الاحساس ده طبيعي يابنات وبيروح بعد كدة لما اتجوز ولا اية انا مكتئبة اوي
عشان المخالفة بقا عايزة اعرف فرع العجيل اللي في مصر الجديدة فين؟

Botee;9303501:
:Y_hi_3:
بصوا بقى انا محتاره فى كذا حاجه كداً
الغساله الاتوماتيك
فى غساله شفتها من ال جى هيا غساله 10 كيلو وبمجفف وبالبخار
انا ساكنه فدور منخفض وفى تراب كتير فالشارع
بس بصراحه هيا غاليه اوى
هيا الفلوس موجوده الحمد لله بس انا مستحرمه وخايفه اجيبها خصوصاً انى معرفش حد جربها
هيا ب 7500 جنيه:21_131:
ودى صورتها

الميكروويف بردوا محتاره اجيبه او لا خصوصا انى بشتغل وكل حياتنا هتبقى تسخين فى تسخين
بس انا خايفه من اضراره وبقول يمكن فرن البوتجاز تغنينى عنه
لو كويس قولولى اسم نوع حلو وسعره كويس كفايه تمن الغساله:cry:
شوروا عليا ربنا يخليكم

dollyferfer;9305349:
البنوتات كمان عاوزة اعرف حجز مسجد ابو بكر الصديق لو حد عارف بكام وكمان الصوانى بتاعة الشكولاته الباشيونيل بتكون منين مكان رخيص وفى حدود كام الصينية وتكفى كام فرد بس جاوبونى بلييييييز

دودو هانم;9305444:
الف مبروك حبيبه مادو احنا لسه متعرفناش بس بدعى لكل البنات ربنا يتمملهم بخير ويسعدهم عايزه ماكييره كويسه ميك اب وطرحه وبكام معلش على المخالفه جديده بقى اعذرونى