تجهيز عرايس مصر الجزء 127 يارب كلنا نتجوز

صوت العيون;9268456:
بصى يا جميله اللون السمنى هيبقا رقيق بس التطريز بقا هو الصورة مش موضحه الحرزام الى على تحت الصدر دا فيه ترتر ولا مشغول ولا ايه لو مشغول خفيف اوى او فيه لمعه يبقا جيبيله خرز احجام مختلفه يعنى فن النص تحطى خرز الى هو حجر كبير لونه فوشيا وحواليه مقاسات مختلفه وكدا والبدر اشغليه من الاساور زى شغل الفستان كدا وربنا يتمملك بخير ان شاء الله
يارب يارب يارب

dollyferfer;9269926:
بنااااااااااااااااااااااااااااااااااات انا فجئة مبقاش عندى تعديل لحجم الخط مش عارفة ليييييييييييية ؟؟؟؟؟؟؟؟؟؟
سؤالى بقى فى حد يعرف مكان بيبيع المطابخ الاستندر الى هى 120 او 140 او 160 بس رخيص خشب او الومنيوم وكمان البنت الى بتسال عن الصينى التوحيد والنور فى عندة حجات جميلة وكمان انا جبت بجامه رجالى لخطيبى من عندهم ما شاء الله حلوة قوى

عروس مع وقف التنفيذ;9270387:

والله معرفش بخصوص السيراميك يا توتة انا مجرد سمعت لكن مشفتش بعيني بصراحة

وممكن اعرف فين رسميه بالزبط ولو بالمترو اروح ازاي؟؟معلش بتقل عليكي

ريهام@محمود;9273648:
البنوتة اللى بتسال عن مثبت الماكيج انا جبتة من سوق الماكياج اللى ف العتبة ب 20 ج dove

هنودة هنانيدو;9276318:
بنات صاحبتى اشترت بيبى ليس ديه نهاردة ب 199 من بى تك وهى بتنفع للشعر المبلول والجاف وفيه مادة تاتنيوم عشان تحمى الشعر من التقصيف

اشرى;9269551:



ربنا ان شا ء اللة يعوضك خير باذن اللة بس ياريت تكونى فكرتى كويس

بقولكوا بقا يا بنات بجد بالنسبة للسويت للمنطقة الحساسة بجد لازم تتعودوا علية من دلوتى بجد مفيش احسن من السويت بامانة مفيش نعومة ونضافة والشعر بيطلع بعد مدة طويلة ولازم تتعودوا من دلوقتى علشان كل مرة بتعملى فيها الالم بيقل عن المرة الى قبليها وهكذا بجد انا اهو بجرب وبجد دلوقتى غير اول مرة خالص بصوا ايزى سويت دى حلوة اوى اقطعى كدة حتة صغيرة واعملى كدة على مهلك حتة حتة وخدى وقت براحتك خااااااالص والللللة هتتعودوا بجد وبلاش بقا حكاية سيلك ابيل دى والبنج والحاجات دى بجد الواحد بيخاف منها اوى الالم بيقل واللللللللللللللة وجربوا

mashimaro16;9274840:
لاقيت نفسى عندى ساعتين فاضيين قولت بقى اقولكم على التقرير الحلو ده علشان فعلا تستاهلو كلكمممممممم :D(f)

بصوا
تقرير النهارده عن فرش المطبخ والسفره

نبتدى بالمطبخ
بسم الله


اول حاجه عايزه تفكروا فى شخصيتين فقط هما اللى يفرشو مش اكتر
ثانى حاجه نقيس الارفف والادراج كلها ونكتبها طول فى عرض بمعنى كام فى كام يعنى 30*40 كده يعنى
بعد كده تنزلى تشترى المفارش البلاستيك
وانصحكم انكم تجيبو بلاستيك من اللى هوا مش متقسم مربعات لان المربعات بتضعف وبتتقطع بعد فتره

انا جبت من التوحيد والنور وروحت هناك وقعدت اقول لراجل مثلا الرق 3-* 40 وعددهم 3 رفوف وهوا بقى يحسب معايا انا محتاجه كام متر لحد ما جمعنا كل الامتار
وبعدين قص واخدت ومشيت

المهم تروحو البيت
على طرابيزه كبيره .. كلامى محدد على طرابيزه مش اى حاجه علشان يبقى مظبوط معاكم
تجيبو مازوه او اى حاجه تقيسو بيها متر مثلا او مسطره حتى
وتقيسى الرف الاولنى وتاخد المقاسات وتقيسى على المفرش وتعملى علامه
وبعدين العلامه دى علشان تقطعى من عندها ترسمى خط مستقيم بالعرض
بصوا
يعنى معاكى دلوقتى المفرش بالمتر كله على بعضه مثلا 10 متر
حتبدأى تقطعى بالعرض علشان تقطعى مثلا 40 سم تمام ؟
اوك نقيس اربعين سم وبعدين نعمل علامه ونعمل خط بالعرض ونبتدى نقص على الخط ده علشان لو معملتوش خط صدقونى بعد تجربه مريره مش حيظبط معاكم

بعد ما تقصى كل الارفف كده

بعديها تمسحى المطبخ من جوا ... الخشب نفسه تمسحيه وتنضفيه وكده وتفرشى المفارش

تجيبى بقى حاجات المطبخ ويفضل انك تقسمى
الكبايات مع بعض
الحلل مع بعض
الاطباق مع بعض
كل حاجه مع بعضها
وتبدئى تفكى من الكراتين ( ومترموهاش حقولكم تعملى فيها ايه كلها ) وبعدين تغسلى مجموعه مجموعه وتفرشى ورقه جرنال وتخلى الحاجات تصفى عليها لان طبعا الصفايه العاديه مش حتكفى كل الكم ده

يعنى دلوقتى نقسم العمل
حد بيطلع من الكراتين وحد واقف بيغسل على الحوض
بعد كده اللى بيطلع من الكراتين ياخد الحاجات ويمسحها برده من الميه المتبقيه فيها ويبتدى يرص

الرص بقى يبقى ازاى ؟
نفكر بقى فى الموضوع ده
دلوقتى عندك ارفف قريبه من البوتجاز وارفف بعيده عن البوتجاز وعندك ضلفتين يفتحو مع بعض فتبقى المساحه كبيره

الاقرب للبوتجاز نحط فيه التوابل والشاى والسكر والحاجات دى ومعاهم مثلا البرطمانات الفاضيه والشفاشق
والضلف الكبيره اللى بتتفتح مع بعض دى نرص فيها الحلل وحتلاقى عندك على الاقل ضلفتين كبار بالمنظر ده وحيساعو كل الحلل وعلى ضمانتى ان شاءالله

الضلف الازاز تحطى فيها الكبايات او الاطقم اللى زياده عن النيش والمطبقيه وترصيها بشكل امور او ممكن تحطى المجات لو كتيره وزياده عن الاستاند بتاعها او اللى فى المطبقيه

انا مثلا اللى حصل عندى ايه بالظبط حقولكم
الاقرب للبوتجاز : التوابل فى رف لوحدهم معاهم الملاحات بتاعت السفره الاستخدام اليومى مش بتاعت الضيوف :)
الرف اللى فوق التوابل حطيت فيه قوالب الكيك
بعد كده من تحت الضلفتين اللى بيفتحو مع بعض حطيت فيهم الحلل التيفال كلها رصتها مع بعض
بعد كده حطيت شفشق طقم الاركوبال بتاعى معاه الكبايات فى الضلفه الازاز فى اول رف ورصتهم بشكل حلو والرف اللى فوق حطيت فيه طقم شاى كان هديه وزياده عن النيش

بعد كده فى عندى ضلفه فى الكورنر : فوق وتحت
بجد دول وهميين بيساعو حاجات كتيره اوىىىىىىىىىىىىىىى حتلاقي نفسك بتحطى فيهم ومش بتخلصى :D
انا حطيت فيهم طقم الحلل التانى الى هوا تقريبا الاستنلس باين مش عارفه والله اسمه :D ده حطيته تحت والضلفه اللى فوق فى الكورنر حطيت فيها بقيت طقم الاركوبال اللى مش حيستخدم اوى او انا عندى مشكله فى المطبقيه فحطيت الاطباق وكل السرفيس وكل حاجه فى الحته دى

وبعدين فى ضلفه زجاج تانيه حطيت فيها المجات وخليت على الوش مجتين كانو طقم ومعاهم معلقه ( فى بنات كتيره جابوهم وانا قولت عليهم بيتكسرو بسرعه لانهم بالفعل عندى اتكسرو وانا بشترهيم ماما كسرتلى المعالق من الحروف بتاعتها بس انا حطيتها بشكل ميظهروش كديكوروخلاص ) :D ماما مش هاين عليها ارميهم هما والكاسه اللى اتكسرت :D

المهم وبعد كده حطيت الشفاشف الازاز برده مع بعض والكبايات الزياده لانى فعلا دى اكتر حاجه غلط جبت كوبايات كتيييييييييييره ودى كانت الغلطه الىل عملتها وانصحكم متعملوهاش

انا عامله عندى ضلفه اللى بتخرج بتاعت الخل والزيت دى بس :( بس مع الاسف مع الالم مش تمام عندى بس ده مكانها يعنى ومعاهم يتحط مثلا علب التونه او كده
وعملت مكان للاسبته علشان احط فيهم البصل والتوم والبطاطس بس لسه مستملمتهمش
:D ولسه فى ضلفه فاضيه

اه صحيح
فى ضلفه قريبه من الحلل حطيت فيها الاجهزه الكهربايئه علشان تبقى قريبه من الفيشه وتبقى ليها مكان محدد فى المطبخ بلاش السفره علشان حيبقى مشوار بقى وكده
اه كمان حاجه نسيتها خالص
الاداراج
انا الادراج عندى صف ورا بعض حطيت في اول واحد المعالق والشوك
تانى واحد حطيت قاعدات الحلل دى وقاعدات الاكل
وتالت واحد حطيت فيه ايه مش فاكره هوا والرابع الصراحه :D بس تقريبا واحد طقم توزيع التيفال والتانى العادى حاجه زى كده
والمقشات والحاجات دى فى الدولاب بتاع اداوت النضافه ولسه مش اترص الصراحه اى حاجه بلاقيها مش حتتغسل افتح الدولاب ارميها فيه وخلاص :D

بصوا الحقيقه لو حد سئلنى انتى فرشتى فى كام يوم حقوله معرفش
احنا بقينا اى وقت رايحين الشقه اودى اى حاجه فى ايديى
مره فى مره الحاجات كانت خلصت الحمدلله كنقل يعنى
وبعدين بدءنا نغسل شويه حاجات فخلاص الحمدلله خلصت والله بجد فعلا هما كانو فعليا يومين فقط الحمدلله

السفره بقى


اول حاجه النيش
انا كنت الحمدلله محدده نفسى كنت جايبه 3 اطقم كاسات
و2 شوبات ميه
وخلاص على كده

اللى حصل بالظبط

طلعت الحاجات الكاسات كلها وبدءت اغسل فيها
وبعدين طلعت شوبات الميه وغسلتها وبعدين نقلتهم كلهم فى السفره على الطرابيزه
وبعدين مسحت الارفف بالجلانس ولمعته كويس
( انا محتطش مفارش مش بحبها ومس حستها حلوه فى المودرن خااااالص )
المهم بدءت باكتر رف ظاهر وحطيت اكتر حاجات عجبانى اللى هوا رف رقم 3 من تحت
وحطيت فى الرف الواحد طقمين كاسات ورصتهم بطريقه جتلى وانا واقفه
والله وانتوا واقفين مش حتبقوا عارفين تررصو اازاى وسبحان الله مره واخده تلاقى نفسك رصيتى الطقم بطريقه لطيفه ومكنش فى دماغك اصلا
بس بعد كده الرف اللى تحته( اللىهوا رقم 2 من تحت) حطيت فيه طقم الكاسات التالت ومعاه طقم كوبايات ميه
بس لاقيت الرف فاضى روحت حطيت الطقم التانى بتاع كوبايات الميه ورصتهم التلاته : كاسه او كبايه فى النص والخسمه الباقيين حواليها زى الورده كده

عملت التلاته كده وطلعت حلوه الحمدلله

بعدين الرف اللى فوق خالللللللص جتلى فكره انا وماما وحطيتهم ولاقتها لطيفه
كنت جايبه طقم كاسات ايس كريم : هوا بيبقى صغير كده ومكلبظ :D ( متضحكوش عليا :o)
المهم حطيته لاقيت شكله لطيف بس لاقيت كده ناقص معاه حاجه
ماما قالتلى طب حطى معاه كبايات :D مكلبظه كده جايباها صغيره فى نفسها بس مكلبظه :D فحطيتها معاه برده فوق كده وطلعت حلوه الحمدلله اوى لان الكبايات شكلها شيك وعليها حاجات مودرن كده ماشااءالله

بس بقى
اخر رف بقى اللىهوا الرف الخشب اصلا ماما هيا الى عملته هوا والبوفيه ولا اعرف اى حاجه
بس روحت لاقيت ماما حطت طقم الشاى بتاع الصينى :( اللى مش عاجبنى :(
حطيت البراد فى النص وكل ست فناجين ولا فناجيل :D مع بعض فى ناحيه وخلاص

بس بقى انا كنت جايبه كرستالات دى صغيره روحت حطيت منهم على رف كده بشكل عشوائى بين الكاسات وطلعت ماشاءالله الله اكبر جميله جداااااااا بتدى ضوء كده ولمعه لذذيذه وشكلها امور ومختلف خصوصا ان مفيش مفارش فشكلها لطيف اوى وبفكر اجيب كمان ورد مجفف ده وارميه مع الكرستالات

البوفيه بقى
ماما هيا الصراحه الى رصته ومعرفش عملت ايه وجيت افتحه التليفون رن فمعرفتش :D بس هيا حطيت فيه الطقم الصينى


انا سفرتى الحمدلله مودرن فالنيش عندى ضلفتين فقط والبوفيه برده صغير مش كبير

والنيش عندى من تحت فى درجين حطيت فى كل واحد طقم صوانى
وفى درج منهم حطه فيه الكتالوجات بتاعت الاجهزه والضمان والحاجات دى


بس بقى ربنا الحمدلله سهلها من عنده ومحتجتش لحد حتى اخواتى مكونش معايا خاللللص لان عندهم شغل والى كنت معتمده عليهم طلعو اندال والحمدلله عدت على خير وبسلام الحمدلله ماشااءالله
ادعولى بقى يا عرايسسسسسسسس

لو افتكرت حاجه حقولكم بس مش فاكره حاليا
اه والسفره برده جبتلها مفارش بس شكل احلى وفيها فستونات كده الصراحه خالتى هيا اللى اختارت لانى بكره اصلا المفارش دى فقولتلها بصى انا كله عندى واحد وهيا قعدت تقولى لا دى شكلها بنوتى كده لا دى لما تفتحى تلاقيها كده نازله على الرف :D انا بقولكم الى حصل بالظبط علشان مبقاش خبيت عليكم حاجه
بس فعلا اللى فيها فستونات احلى فى السفره

اه فى ملاحظه بس صغيره
لما تيجى تفرشى الضلف اللى فى المطبخ الى فى الكورنر بتبقى مساحتها اكبر من الرفوف العاديه ومش تعرفى تظبطى المفرش كطول وعرض
انا قسمتها حتتين
الجزء اللى جوا لبره ده مثلث لحد عرض معين وبعد كده قطعه من المفرش مستطيله
وتدخلى حرف المثلث من تحت المستطيل

بصوا لما تيجو ان شاءالله تفرشوا حتفهوموو

ادعولى بقى ربنا ييسرلى حالى وامورى واعرف استقر على الكوافير وكل حاجه تمشى كويسه غلشان انا احتمال كبير خطيبى ميحضرش كتب الكتاب :( لو الطياره اتاخرت ولا حصل حاجه
:(:(:(



اه صحيح نسيت اقولكم تعملو ايه فى الكارتون
بصوا فى جمعيه اسمها المصباح المضئ بتاخد الورق والكارتون وبتعملهم ريسيكل وهيا جمعيه خيريه يعنى وبتعمل بالفلوس دى حاجات خيريه وممكن برده تكلمو رساله
لان حتطلعو كميه كرتون مهووووووووله بس جمعهو كله مره واحده وكلموهم واللى عايز نمره المصباح المضئ يبعتلى معلش على الخاص بس حجبها بكره ان شاءالله لانى نسيت الورقه فى الشقه
بتكلموهم وبتتفقو معاهم على يوم هما بيحددوا بناءء على المنطقه على حسب االعربيه رايحه انهى منطقه فى انهى يوم
بس كده
وممكن برده رساله ورقمها فى الدليل وبرده المصباح المضئ حتلاقوها فى الدليل ان شاءالله
بجد يا جماعه متعرفوش هما بيفرحو بالكرتون قد ايه ولو بس قولتلهم كرتون حييجو صدقونى
بس كده

pippo;9276702:
يا حبيبتى لا سشوار ولا مكواة ولا فى وقت للكلام ده خالص بعد الجواز...

أحلى دنيا;9276875:
عيال............انا مخنوقة قوي ماحدش هيصدق اللي انا فيه...صحيح هم يضحك وهم يبكي...
كنت حجزت فستان الفرح من اسبوعين اول لبسة.....اول امبارح عرفت ان جارنا اجرته وهتلبسو قبلي...اتخنقت وروحت الغي الحجز وقولت للبنت اللي في المحل ان الفرح اتاجل عشان خطيبي جاله استدعاء في الجيش ....وخدت المقدم....تاني يوم لقيت خطيبي بيقولي انه جاله استدعاء بجد...انا هتجنن...روحت النهارده اجرت فستان تاني بس حاسه انه مش عاجبني....اتعقدت

*عروس حبيبى*;9276960:
السلام عليكم ورحمة الله وبركاته

ازيكم يابنات عاملين ايه اوعوا تكونوا نستونى

انا فرحى كان يوم 2 الشهر ده والحمد لله كان يوم جميل

معلش مشاركتى مخالفه بس حبيت اسلم عليكوا يااحلى بنات

*عروس حبيبى*;9276960:
السلام عليكم ورحمة الله وبركاته

ازيكم يابنات عاملين ايه اوعوا تكونوا نستونى

انا فرحى كان يوم 2 الشهر ده والحمد لله كان يوم جميل

معلش مشاركتى مخالفه بس حبيت اسلم عليكوا يااحلى بنات

zozokah;9277118:
مبروك ياجميل قوليلنا بقى كل التفاصيل من طقطق لسلام عليكم شوفتي انا بستغلك ازاي

[GRADE="FF0000 FF6347 008000 4B0082"]بت ياحبيبه مادو[/GRADE] انتى حتجنني خلاص من كتر التفكير والقلق هدي نفسك شويه

بنات حد يعرف حاجه عن نانيس يعني بتاخد كم وشغلها والخامات؟

روضه 2006;9277657:
يابنات كنت عاوزه اسالكم سؤال محرج شويه هوكير فرى ( اللى زى الالويز بس اليوميه )بيستخدم ليه والمفروض اجيبها ضرورى يعنى ولا ايه

miko85;9277535:
الجربيات الصناعيه احلي ولا طبيعيه ايه رايكم

اشرى;9268282:
عايزة اسالكم على حاجة محرجة شوية :o:oبجد معقدانى من الانجيرى انا اولا مش متخيلة نفسى ازاى الب الانجرى من غير برا ازاااااااااااااى مش عشان هكسف لا سمح اللة لا العفو :D:Dههههههههههه:D عشا ن بجد انا المسائل عندى كبيرة اوى وفى ترها جااامد فالمنظر بيبق مش حلو خالص من غير برااا ممكن لو حد عندة نفس المشكلة ومجوز يقولى اية النظان واية الانطباع الاول ؟
ولو فى تدريبات او رياضة معينة اعملها عشان الترهل دة ياريت لو اى حد يعرف يقولى

pascotta;9269211:
انا قبل كده يا جميل كتبت تجربه صاحبتي مع ام اس وكانت من شهرين بس سبحان الله كلامي جه بالعكس وكل شويه الاقي واحده تحجز عنده برده
انا هقلك ال احصل وانتي شوفي ال يريحك
اولا ال بتعمل الميكب نواره ومكياجها حلو ورقيق جدا بس الماتريال مش كويسه ابدا بتستخدم يودر مائيه ده لو هيريحك يبقى تمام
ال بيعمل الطرحه راجل
فورمه الشعر بتبقى كويسه بس الاكسسورات مش حلوه خااالص
الوقتتتتتتتتتتتتتتتتت ال خلى صحبتي في منتهى التوتر خلصتلها الميكب كله في ربع ساعه وقاعده هي وكذا عروسه بالدور كله كروت كروت في ربع ساعه يعني مثلا لو قلتلها هتمشي 7 تبدا 7 الا ربع
الميكب اان بقا شايفه انه رقيق جدا لدرجه نا اي واحده ممكن تعمله لنفسها مفيهوش اي رسمه مجرد لون غامق على الحرف ومن جوه لون فاتح والكحل لولا صاحبتي كانت لابسه لينسيز كان المكياج ملوش منظر
غير بقا السعر كل واحد وشطارتع في الفصال صاحبتي وصلته ل 500 وال معاها بقى كل واحده بسعر في 600 و 700 و 800 كمان
روحي في مره كده وقت عرايس وزحمه وشوفي وربنا يقدملك ال فيه الخير

الدهبي يجنن توكلي على الله واعمليه

مش ممكن بره هيبيعوا ارخص من كيلوباترا نفسها
وبعدين في ماركات تانيه مجهوله الفرز الاول فيها بيبدا من 24 يبقى ازاي كيلوا باترا فرز اول بالسعر ده
ولو كده يبقى موديلات قديمه جدا

اسمع انه عند رسميه باديهات قطن كويسه


بنات حد يعرف سعر المروحه ال هي بنجفه دي بكااام؟؟؟

mashimaro16;9269530:
انتى بنت حلالالالالالالالال مصفى والله :D
انا كنت لسه عند بنت خالتى :( وهيا حامل بس فى مشاكل كتيره ادعولها بالله عليكم ربنا يكمل حملها على خير وتبقى هيا كويسه لانها تعبانه اوىىىىىى
وسئلتها بقى على النقطه دى
وقالتلى وورتنى اختراع جامد موتتت
فى برا من لاسو بس هيا مش بتلاقيه غير فى محل اسمه الملكه جنب طيبه مول
البرا كله تل فقط وفى حديده من تحت بتقولى بتمسك المسائل وبتدى منظر اكنه طبيعى بس منظر محترم مش الضياع :D الطبيعى يعنى
انا ححاول اشوفه بكره ان شاء الله لو لاقيته حقولك ان شااءالله انا جبته منين





الكتاب ده جااااااااااااااااااااااااااااااااااااااااااااااااااامد مووووووووووت وانا قولت عليه من زمان اوى من سنه كده تقريبا :D انا قريت النسخه الانجليزى وهيا احلى بكتير من المترجمه انا حسيت كده والمعانى فيها اوضح والفكره ابسط ولذيذ اوى اوى اوى بس انا قريته بلوشى :D كنت بشتغل فى مدرسه امريكيه وقريته بس هوا الكتاب شواء عربى او انجليزى بجد حلو اوىىىىى وفى منه نسخ نازله على النت وبرده حلو مووووووت وصدقونى حيفدكم كتير







ربنا يخليكيى يا لفلاور والله تسلم ايديكى اووى بجد
ممكن معلش تبعتيلى على الخاص ارقامهم واسعارهم؟
انا عايزاها لكتب الكتاب ومش عايزه حاجه غاليه الصراحه خاللللللللللص
وحلك لموضوع كتب كتاب مادو جامد موت ماشاءالله فعلا حلو اوى

اشرى;9269551:



ربنا ان شا ء اللة يعوضك خير باذن اللة بس ياريت تكونى فكرتى كويس

بقولكوا بقا يا بنات بجد بالنسبة للسويت للمنطقة الحساسة بجد لازم تتعودوا علية من دلوتى بجد مفيش احسن من السويت بامانة مفيش نعومة ونضافة والشعر بيطلع بعد مدة طويلة ولازم تتعودوا من دلوقتى علشان كل مرة بتعملى فيها الالم بيقل عن المرة الى قبليها وهكذا بجد انا اهو بجرب وبجد دلوقتى غير اول مرة خالص بصوا ايزى سويت دى حلوة اوى اقطعى كدة حتة صغيرة واعملى كدة على مهلك حتة حتة وخدى وقت براحتك خااااااالص والللللة هتتعودوا بجد وبلاش بقا حكاية سيلك ابيل دى والبنج والحاجات دى بجد الواحد بيخاف منها اوى الالم بيقل واللللللللللللللة وجربوا

.* اميرة *.;9269627:
نوع المخدر ايه ؟(f)

اهدى حبيبتى بس
ان شاء الله الامور تتحل دايما بيحصل مشاكل كدة قبل الجواز


يانسن حبيبتى احلى بجد(f)


امممممممممممم بجد مش عارفة
بس ممكن تخففى الترهل ده بتمارين بنت عذارى البنات شكروا فيها اوى(f)

dollyferfer;9270123:
حبيبة حبيبى ممكن اعرف عملتى البوم الصور ازاى عشان انا صورى فى الدرج لحد دلوقتى بليييييييييييييييييييييييييييز وحد يقولى اية حوار الخط الى مش بيكبر دة

dollyferfer;9270362:
بنات اخر الاخبار جبت بجامة لخطيبى ماشاء الله جميلة من التوحيد والنور ب48 وليا جلبية شتوى هى صناعى بس جميلو نازلة من 60 ل38 وعاوزة اعرف اطقم حمام حلوة اجيب منين ؟
بنات انا جبت اوكر شبابيك ب20 الواحدة وطلع فى 5 زيادة فلو حد عاوز يقولى وححطلكم صوارهم انا بس خايفة يكون كدة مخالف ولا اية ؟بلييييز جاوبونى وعاوزة اعرف مثبت المكياج منين وبكام ونوعه ايية ؟