redflowerlovey;9271768:
الكانسون نفسه في منه تقيل و خفيف يعني أخف حاجه بيبقى 150 جرام وفي لحد 360 جرام وده بيكون ناعم أو خشن (محبب كده) و ال A4 ده مقاسه ممكن تلاقي كانسون متقطع جاهز و في منه أبيض و ألوان كمان و في كمان خامه كده بتبقي عامله زي جلدة الكتب الناشفة و دي في منها مصري و مستورد و المصري أرخص طبعا و اسمها فوتوهول دي ممكن تعملي بيها الجلده بتاعته انتي بس روحي عند أي مكتبة فيها حاجات فنون جميلة و انتي حتهيصي هناك و أي سؤال أنا في الخدمة
cherry..;9272361:
ازيك يامشمشة ايه الاخبار .... عارفه انا نفسىىى اشوفك بعد الجواز متخيلاكى قاعده كده فى البيت ومفيش مشاوير وتوتر هتتعبى هههههههه ... اعانك الله
بصى ياستى الكانسون دا فيه من 70 جرام لحد 400 او 360 جرام يعنى فيه الخفيف اوووى وفيه التقيل اوى واللى يناسبك .... انتى هتحتاجى بدايه من 150 او 180 او 200 جرام اخرك وهتلاقى مكتبات كتير دلوقتى بتبيعه اربع او انصاص او تمن فرخ ( التمن مقاسه زى ال A4 اللى هو ورق التصوير بس اكبر حبه ثوغنتتين) وبيبعوا منه ألوان كمان لو تحبى تجيبى فزدقى او بيج او موفات اى ألوان هادية ومتنسيش ورقتين اتقل علشان الغلاف... وعلى فكرة هتلاقى كتيييييير مكتبات عند كليه هندسة لو قريبه منك او شوفى اى فرع لسمير وعلى هتخرجى من عنده مخلصه كل حاجه للجست بوك ...شوفى على النت اقرب فرع ليكى
كل اللى هتحتاجيه بس حته قماشة ستان وقماشة تل جليتر وتغلفى اول واخر ورقه بالستان وبعدين بالتل وممكن التل يكون مش تغليف كامل يعنى تعمليه على شكل فيونكة او نغلفى بيه نص الصفحه يعنى انتى وابداعاتك واقتبسى اى حاجه من الصور اللى عندك .. ممكن وانتى عند سمير وعلى تجيبى الجليتر جلو اللى هو الصمغ اللى بيكون فيه جليتر وتطبعى اى رسوم لاشكال قلوب من النت باحجام مختلفه وتنزليها على الستان بنضافه وتمليها بالصمغ دا وهاتى اى لو ن صمغ تحبيه احمر ازرق اخضر دهبى كله موجود ويكون متناسق مع القماشى التل ...
... وانتى عند سمير وعلى هتلاقى افكار كتييييييير وخامات ممكن تستخدميها وكمان ممكن تلاقى دفاتر واسكتشات شكلها حلو ..
اه حاجه اخيرة متنسيش الصفحات اللى جوه يعنى ممكن تجيبى كام ورقه اى فور ملونة وتقصى منها قلوب او دواير ملونة وتحطيهم فى الصفحات بشكل عشوائى كده او ترسمى قلوب بالجليتر باحجام مختلفه .. وفكرة كنت نفسى اعملها ان شاء الله ان فى كل صفحة تخلى خطيبك يكتبلك كلمة حلوة والصفحه اللى قدامه تردى عليه ... علشان تفتحوا نفس الناس وهى بتكتب هههههه
بصى ياجميل هقولك حاجه ... من اكبر الاخطاء اللى ممكن نعملها من غير قصد اننا تلفت نظر الزوج لعيوب موجوده فينا وبالذااااااات العيوب اللى فى الجسم او الشكل ... اولا بتخلى زوجك ياخد باله منها اكتر وتدايقه وتأزمه زى ماهى مأزماكى كده وياترى دى عندها بس وباقى الستات لا ؟دا غير انه هيشوفك مش عندك ثقه بنفسك .. دايما حسسيه انه معاه الاحسن وانك متقليش اى حاجه عن اى بنت .. ثقتك بنفسك مهمة اوووى علشان تضمنى انه دايما يبصلك على انك نعمة من ربنا وحاجه حلوة ..
انا رأيى انك متقوليش حاجه حتى لو كاتبه كتابك لانه مش حلوة انك تقوليله بص انا فيه بقع خفيفه فى جسمى وروحت للدكتور وقالى وعملنا .. حتى لو الموضوع تافهه هيبدأ يقلق وياخد باله ... وهيفكر انه طالما تافهه كده اومال مأزمك ليه وعايزة تفاتحيه فيه ؟؟؟
انا شايفه انك متقوليش اىىىى حاجه لا دلوقتى ولا بعد الجواز وسيبيه ولو علق هو قوليله بضحك علشان تعرف ان مميزة هههههه وقوليله روحت للدكتور زمان وضحك عليا انا وماما وقالى مفيش حاجه تستاهل اصلاااا انك تيجى وحسسيه ان الموضوع تافه ومش شاغلك هتلاقيه خلاص نسى الموضوع ... لكن تقوليله مدايقه وخايفه ميعجبكش والكلام دا بجد مالوش اى لازمة .. ثقة جوزك فيكى بتيجى من ثقتك فى نفسك
كان نفسى اقيمكم اوىىىىىىىىىى بس مرديش مش عارفه ليه
بجد ربنا يباركلكم يارررررررررررررررررررررررررررررررررررررررررررب
بجد ربنا يرززقكم اللى بتتمنوه يارب ويدخلكم الجنه :D بس ابقى معاكم بقى مليش دعوه :D
والله بجد ريحتونى انا بجد بفكر اعمله بس نفسى الاقى وقت هيا دى مشكلتى بس ححاول
ان شاءالله
بجد ربنا يجازيكم خير وبجد ريحتونىىىىىىىىىىى
طب ايه مفيش حد يعملى كده برده فى حوار الكوافير :D حد يجيب من الاخر ويقولى اروح عند مين وانجز او اجيب مين فى الاوضه بتاعت الدار
حد يقولى بقى
مش تجبولى اوبشنات انا عايزه كل واحده تقولى ماشيمارو روحى عند فلانه او هاتى فلانه
:D انا طماعه بس صدقونى انا لحد اللحظه دى مش عارفه انا مين حيعملى فى فرحى اللى هوا بعد اقل من 10 ايام :D
اه فى حاجه كمان
انا طلبت حاجات من اوريفيلم بعد فشل زريع انى اوصل لحد كنت عايزاه :( معلش يا سمسم والله مش ردت عليا :(
وطلبت بكود كنت واخده من المنتدى بصراحه انا مش عارفه ده بتاع مورو ولا بتاع حد تانى
بس البنت قاالتلى علا .. قولتلها اه :D بس ادتلها بقى رقم وعنوان مختلفين
فاللى عملت باسمه يسامخ بقى ولا ايه انا اخدته من هنا ومليش دعوه :D