صباح الخيرات على أحلى عروسات
أول شي أعتذر حق كل الي سألني عن تركيا، لأني الفترة الي طافت كنت مشغولة وما كنت أدش المنتدى ولولا "أم سلمان الحلو" خبرتني ان في ردود جان حتى ما دريت :sm215:
عموما تركيا مثل ما اقترحت عليكم بالبداية تستاهل الي يزورها بس بعد أرجع اقول حق الي يعرف ليها
يعني في مناطق معينة لازم تجوفينها ولا ما جنش رحتين تركيا
وعلى فكرة تركيا مو بس اسطنبول تركيا مناااطق اشكثر
عموما بالنسبة لي حجزنا ويا سفريات كانو -يمكن غالي شوي بس اني حبيت اروح ويا ناس ثقة ومضمونين- وكانت عبارة عن اسبوعين على الطيران التركي
وترى كل الي يقول ان الاتراك معاملتهم شينه ما عليكم منهم
بالعكس ناس طيبة ولكن في حالها والاهم الاهم انش ما تتكلمين عربي وياهم يعني اصري على استخدام الانجليزية - عشان ما تصيرين محط أطنماع البعض- وبالنسبة لينا الحمد لله اصلا كنا حافضين جم كلمة ومني مناك وكانو يحسبونا اتراك :sm179:
المهم احنا قررنا نزور منطقة على البحر المتوسط اسمها "أنطاليا" مو " أنطاكيا"
وسكنا في الشيراتون وكان سعره مناسب ما اتذكر جم بالضبط بس في حدود ال 50 دينار بالليلة
احنا قعدنا 4 ليالي بانطاليا خلينا باقي الليالي حق اسطنبول
بالنسبة لانطاليا رتبنا اول يومين مع مكتب سياحي بالفندق
اما اليوم الثالث فاحنا بروحنا نزلنا الأولد سيتي واستكشفنا المنطقة - وترى المواصلات هناك رخيصة يعني مو لازم تاكسي ممكن الترام بس تحتاجين تعرفين اوقاته ووين يمر بالضبط
الشي الرائع في انطاليا انش نادرا اذا تجوفين عرب وهالشي بالنسبة لي مميز
بخصوص اسطنبول طبعا رتبنا ويا مكتب سياحي في منطقة سلطان احمد اسمه ماركوبولو والحمد لله ارتحنا وياهم وااااجد
بس طبعا ارجع اقول ما كانت كل الرحلات السياحية وياهم رحنا وياهم جزر الأمراء، بورصة، ورحلة البوسفور
طبعا في اشيا واااجد سويناها بروحنا مثلا الغراند بازار وجامع السلطان احمد وجامع اياصوفيا وقصر دولما باشا ما يسوون تروحينهم ويا مكتب لانهم جنب بعض بالضبط احنا رحناهم بروحنا هم ويا والسبايس بازار وعلى فكرة الي ناوية تتشرى من السبايس بازار خلها اول تفتر في السوق المسقفة الي جنب البازار لانها أرخص بكتييييييييييييييير ورح تلاحضون تنوع اكثر
بالنسبة للسكن في اسطنبول انصحكم تسكنون في منطقة سلطان احمد لانها ارخص واهدا واحلى من ميدان تقسيم - على الرغم اني سكنت فيه-
وبعد رح تلاحضون ان سلطان احمد منطقة مليانة اجانب وآآآآآآآآآآآآمنة وما عليكم من الي تسمعونه مني مناك واهم شي ما فيها بلاوي وفوضة العرب الا القلة القليلة
بخصوص الفندق الي سكنا فيه -طبعا في ميدان تقسيم- كان اسمه لا مرتين هو زين بس كان في فريق العرب وفوضة الامة العربية و اني بطبعي اذا اروح مكان احب اجوف ناس جدد مو قهاوي عربية واغاني عمرو دياب واليسا
يعني ابغي اشم ريحة ثقافة جديدة واتعرف على وجوه جديدة مو سيم سيم -على قولة الهندي- ومن جدي تمينا اني وزوجي كل في منطقة سلطان احمد نحوس وندور ونستكشف وصرنا ما نرجع الفندق الا حزة النومة
بخصوص التكلفة ما زادت عن 2500 دينار بحريني وعلى فكرة احنا صارلينا طيران داخلي وطلبنا سيارة تاخدنا من المطار للفندق بس وما كان اهتمامنا شوبنغ وااجد والموصلات كانت كل بالترام او المترو ومن جدي وفرنا وااااجد والحمد لله
طبعا كنا مبحبحينها على روحنا بس بعد ارجع واقول كل وحدة وحسب صرفها
اي تذكرت شغلة بخصوص الصرف: صرفوا فلوسكم الى يورو افود ليكم وبعدين من هناك صرفو تركي
وبعد ملاحظة مهمة احنا لاحظنا هناك ان الاسترليني كان اغلى من اليورو وقلنا يريت انتبهنا لهالشغلة جان صرفنا
وبس يا بنات الي عندها اي استفسار اني حاضرة وبالخدمة
وربنا يسعدكم
:1_42:
أول شي أعتذر حق كل الي سألني عن تركيا، لأني الفترة الي طافت كنت مشغولة وما كنت أدش المنتدى ولولا "أم سلمان الحلو" خبرتني ان في ردود جان حتى ما دريت :sm215:
عموما تركيا مثل ما اقترحت عليكم بالبداية تستاهل الي يزورها بس بعد أرجع اقول حق الي يعرف ليها
يعني في مناطق معينة لازم تجوفينها ولا ما جنش رحتين تركيا
وعلى فكرة تركيا مو بس اسطنبول تركيا مناااطق اشكثر
عموما بالنسبة لي حجزنا ويا سفريات كانو -يمكن غالي شوي بس اني حبيت اروح ويا ناس ثقة ومضمونين- وكانت عبارة عن اسبوعين على الطيران التركي
وترى كل الي يقول ان الاتراك معاملتهم شينه ما عليكم منهم
بالعكس ناس طيبة ولكن في حالها والاهم الاهم انش ما تتكلمين عربي وياهم يعني اصري على استخدام الانجليزية - عشان ما تصيرين محط أطنماع البعض- وبالنسبة لينا الحمد لله اصلا كنا حافضين جم كلمة ومني مناك وكانو يحسبونا اتراك :sm179:
المهم احنا قررنا نزور منطقة على البحر المتوسط اسمها "أنطاليا" مو " أنطاكيا"
وسكنا في الشيراتون وكان سعره مناسب ما اتذكر جم بالضبط بس في حدود ال 50 دينار بالليلة
احنا قعدنا 4 ليالي بانطاليا خلينا باقي الليالي حق اسطنبول
بالنسبة لانطاليا رتبنا اول يومين مع مكتب سياحي بالفندق
اما اليوم الثالث فاحنا بروحنا نزلنا الأولد سيتي واستكشفنا المنطقة - وترى المواصلات هناك رخيصة يعني مو لازم تاكسي ممكن الترام بس تحتاجين تعرفين اوقاته ووين يمر بالضبط
الشي الرائع في انطاليا انش نادرا اذا تجوفين عرب وهالشي بالنسبة لي مميز
بخصوص اسطنبول طبعا رتبنا ويا مكتب سياحي في منطقة سلطان احمد اسمه ماركوبولو والحمد لله ارتحنا وياهم وااااجد
بس طبعا ارجع اقول ما كانت كل الرحلات السياحية وياهم رحنا وياهم جزر الأمراء، بورصة، ورحلة البوسفور
طبعا في اشيا واااجد سويناها بروحنا مثلا الغراند بازار وجامع السلطان احمد وجامع اياصوفيا وقصر دولما باشا ما يسوون تروحينهم ويا مكتب لانهم جنب بعض بالضبط احنا رحناهم بروحنا هم ويا والسبايس بازار وعلى فكرة الي ناوية تتشرى من السبايس بازار خلها اول تفتر في السوق المسقفة الي جنب البازار لانها أرخص بكتييييييييييييييير ورح تلاحضون تنوع اكثر
بالنسبة للسكن في اسطنبول انصحكم تسكنون في منطقة سلطان احمد لانها ارخص واهدا واحلى من ميدان تقسيم - على الرغم اني سكنت فيه-
وبعد رح تلاحضون ان سلطان احمد منطقة مليانة اجانب وآآآآآآآآآآآآمنة وما عليكم من الي تسمعونه مني مناك واهم شي ما فيها بلاوي وفوضة العرب الا القلة القليلة
بخصوص الفندق الي سكنا فيه -طبعا في ميدان تقسيم- كان اسمه لا مرتين هو زين بس كان في فريق العرب وفوضة الامة العربية و اني بطبعي اذا اروح مكان احب اجوف ناس جدد مو قهاوي عربية واغاني عمرو دياب واليسا
يعني ابغي اشم ريحة ثقافة جديدة واتعرف على وجوه جديدة مو سيم سيم -على قولة الهندي- ومن جدي تمينا اني وزوجي كل في منطقة سلطان احمد نحوس وندور ونستكشف وصرنا ما نرجع الفندق الا حزة النومة
بخصوص التكلفة ما زادت عن 2500 دينار بحريني وعلى فكرة احنا صارلينا طيران داخلي وطلبنا سيارة تاخدنا من المطار للفندق بس وما كان اهتمامنا شوبنغ وااجد والموصلات كانت كل بالترام او المترو ومن جدي وفرنا وااااجد والحمد لله
طبعا كنا مبحبحينها على روحنا بس بعد ارجع واقول كل وحدة وحسب صرفها
اي تذكرت شغلة بخصوص الصرف: صرفوا فلوسكم الى يورو افود ليكم وبعدين من هناك صرفو تركي
وبعد ملاحظة مهمة احنا لاحظنا هناك ان الاسترليني كان اغلى من اليورو وقلنا يريت انتبهنا لهالشغلة جان صرفنا
وبس يا بنات الي عندها اي استفسار اني حاضرة وبالخدمة
وربنا يسعدكم
:1_42:
