~'*¤!||!¤`تجهيزات عرايس البحرين { الثاني والأربعين}*¤!||!¤*'~`

بنات في احد يعرف عن مال الكوشات دان و بكم اسعاره؟؟
و شي ثاني في احد جرب كريم يروح ال Strech marks و شكرا ..

Moonzy;9258085:
بنات في احد يعرف عن مال الكوشات دان و بكم اسعاره؟؟
و شي ثاني في احد جرب كريم يروح ال Strech marks و شكرا ..

أنا شخصيا ماجربت شي للسترتش ماركس
وهي على حسب اللي سمعته من الدكاتره انها ماتروح :ss:
بس في عندج كريم من بالمرز بزبدة الكاكاو ويبيعونه في الصيدليات صوب سوالف الحوامل واليهال
وبعد زيت اللوز + جنين القمح
وخل التفاح +ماي الورد

هاذي الاشيا اللي يمدحونهم :o
وشي مهم بعد، ان المفروض اذا بتتسحين ماتستعملين المفراكه او الليفه الا مره وحده في الاسبوع وتكتفين بالصابونة او الشور جل في باقي الايام

BASHORAH;9234845:
اختي ملكة الغروب

اشوفش تتكلمين انه الصلاون في ايلاف مادري الرونق والصاله في مصلى العيد

انزين ليش ما تحجزين استيديو سكوب اللي في السلمانيه في مره وانتين طالعه من الصالون ؟

هلالالالالا ايييييييييي الصالون ايلاف صح بس رحت شفت backround ما عجبوني

واحس سكوب البديع الخلفيات احلى بوااااااااااجد لان شفت البومات صديقاتي

كله البديع واحلى من جذي هونت ولا كنت بحجز اقرب لى واريح لى نفسيا(f)(f)

.:.رجاوي البحرين.:.;9235195:
بنات ترى صالة دنيا السلام هي نفسها صالة أمواج المسباح سابقاً
واللي تسأل عن الروسية اللي بصالون بروفايل صدق شغلها حلوووو ونظيف وتهتم بالوحدة والفيشل يبدأ عندهم من 24دينار لين 27دينار وهي تحدد لج تحتاجين لأي نوع انا رحتها بزواجي وخذت علي 25دينار

افكر اروح قبل خطوبتي بس متردده واااااااااجد ولا ادري اروح ولا ما اروح

شنو نوع بشرتج انى بشرتي عاديه ولله الحمد ما فيني حبوب ولا بثور

بس قلت يمكن تنظيف و ازاله الرؤوس السوداء وتنظيف عميق للبشره ومحتاره ؟؟:ss:

شمعه الجلاس 98;9257875:



بنات احد يعرف اسعار المصوره امل او ام فاطمه مع الفيديو

ابي تصور حق ليله الحنه بس مابي غالي

حنة صديقتي صورتها مصورة ام عباس اذا اهي تتحكم بالفيديو والتصوير تاخذ 120 دينار للحنة او العقد طبعا للبيت اذا معاها احد 160 دينار . تصويرها الفيديو تغيرج 180 درجة

سوسني
مشكووووورة ..
احصله في رويان يعني ؟


زوزو
حجرة النوم طلعت ب 1300
سرير
وثنين كمدينو
وكبت
وجيس درور
وميز حلاقة

اخترنا الخشب واللون والمقابض
وجو اخذو قياس على الغرفة عشان يتأكدون انه المكان اوكي

ايه صج بنات نسيت أقول لكم
من جم يوم كانت عندنا عزيمة وخذنا معجنات من المنار، خذنا صنيتين كباار
واخترنا فيها معجنات ومقالي كبه وسمبوسه وكفته ومادري شنو

المهم، انا حسيته أكلهم مب ذاك الزود وكنا يازعم بناخذه عشان ارخص من باقي المحلات وذايقينه عند ناس من قبل
الا عقب امي تقول لي ان الكيلو ب5 دينار!!! يعني مايفرق عن باقي المحلات، بس ذيلاك طعمهم أحلى
يعني مثلا من فتره جربت معجنات آمنه وعجبوني أحلى من ذلين
واذا امبرس أحلى من آمنه وب6 دينار فيعني المنار كلش مايسوى <<< جفتوا تحليلاتي خخخخخخ

بس المقليات وذلين يمكن أوكي، بس المعجنات نوووو

!!.. نسيم الليل ..!!;9256265:
بنات كتبت اني ابغي رقم صالون سلوى

وفاطمه شويطر

وظفاير

وصالون حبايب


ومحد رد علي :ss:

اكو البنات ما قصروا ,,
واي رقم تحتارين فين طقي 181 وفكي عمرش :D

عروسة مشتاقة للجنة;9256806:

السلام عليكم ..

شلوونكم شخباااركم ..

بناات انا راح انخطب جريب مستانسة حدي ..:D

امم بس ليحين بااقي أشية يعني ليحين ما سوينا فحص قبل الزواج .. بنسوي الفحص وبعدين ببتدي اجهز حق الحفله

عندي أسأله واااااااااااايد فديتكم ساعدوني انا البجر وما عندنا خبرة بالهسوالف:( ..

أول شي بسألكم عن الفحص:

* اشكثر وقت يبيله لين تطلع النتيجة ..

يارب تطلع زينة والله بصيح اذا طلع دمنا مو لايق على بعض:ss:

ثاني شي اذا طلعت النتيجة زينه : شنو لازم احجز قبل اروح احجز الصالة ولا شنو ماعرف شاسوي
- - - - -- - - -- - - - - - - -- - - - - -- - - - - - - - -- - -
على فكرة انا ابي حفلة خطوبه بس (فعيلتنا يصير العقد يوم الخطوبة )يعني مرة وحدة خطوبة وملجة وما راح اسوي حفلة عرس بس بسافر

انزين تتوقعون احصل حجز حق شهر 6 :ss: ابي بسرعة يصير كل شي
- - - - -- - - - - - - - - - - - - -- - - - - - - - - - -- - - - -

الفستان : اذا ابي أستأجر فستان اشكثر وقت يبيله تقريبا لين يجهز ..طبعا ابي لبسة اولى مستحيل البس اي فستان ملبوس من قبل .. وابي استأجره من محل ..

ويمكن اغير رايي واشتري فستان من السعودية .. الله يخليكم عطوني الاماكن اللي في السعودية واسماء المحلات اللي اتعرفونها اهناك ..
- - - - - -- - - - -- - - - - - - - - -- - - - - - - - - - -- - - -

وعن الصالون : انا افكر اروح الشعر سلوى والمكياج عايشة الريس اذا حصلت حجز .. واشكثر قبل لازم اخبر الصالون وعايشة ...
- - - -- - - - - - - -- - - - -- - - - - -- - - - - - - - - - -
اممم انا افكر اسوي الحفلة في نادي طيران الخليج آخر مرة رحت صج مغيرين القاعة وصايرة حلوووووووة .. فإذا اي وحدة عندها اسعار الصالة وشنو تشمل تخبرني أو اذا عندكم رقمهم ..
- - - - -- - - - - - -- - - - - -- - - - - - -- -

اي صح اتعرفون متى تبتدي الامتحانات النهائية ومتى تخلص عشان اعرف متى احجز ..

الله يخليكم ناطرة ردوودكم لا تطنشوني

مبرووووووك حبيبتي
الفال لي ان شاء الله :o
الفحص بياخذ اسبوع الى 10 ايام ,, واذا عندش احد يشتغل في السلمانية او صوب المختبر يقدر يخبرش بالنتيجه قبل ,, واذا رحتين خاص تطلع النتيجه في نفس اليوم

بعدين اول شي جوفي الليالي الزينة , واول شي حجزي الصاله بعدين الصالون والاستوديو والفستان وباقي الشغلات

واذا تبين فستان من السعوديه روحي سويكت او شارع الحب , سمعت بنية مدحت محل اسمه العمودي ,, الصالون روحي سلوى لشعر ومكياج ,, او روحي لسميره الشكر شعر في ( ميرياج) ومكياج عايشه الريس ,, ودايما خلي حجوزاتش من وقت عشان تحصلين حجز

واذا انتين في الجامعه , امتحانات الجامعه تخلص 22-6 بس المدرسه مادري

شمعه الجلاس 98;9257875:



بنات احد يعرف اسعار المصوره امل او ام فاطمه مع الفيديو

ابي تصور حق ليله الحنه بس مابي غالي

اعرف بس ام فاطمة ,, تصوير عادي بدوون فيديو ب 35 دينار

....

بنت سالمين;9257218:
بالبركة حبيبتي والله يتمم لج على خير ,,

اول بالنسبة للفحص النتيجة تاخذ من اسبوع ل 10 ايام تقريبا لين تطلع وبعد ماتطلع النتيجة وكانت اوكي بأذن الله تتعادلون (مواساة ) تتفقون على المهر وبعدين اول شي تسوونه تروحون تحجزون الصالة وتددون موعد الحفلة والملجة وتحجزي الصالونات للملجة وللحفلة والحناية والفستان .. هذا اهم شي الحجوزات ..

الفستان في اماكن وايد اتأجر منها رومان ديزاين البوكوارة ,,ليدي مون و فرشة العرايس بالبديع ,, نجمة العرايس و ليالي الافراح سوق واقف وغيرهم ..طبعا الاسعار تختلف من مكان لثاني..

بالنسبة للصالون سلوى ماياخذون بس شعر ياخذون كامل شعر ومكياج ولو بغيتي بس شعر ياخذون عليج نفس السعر لو تعدلتي عندهم مكياج وشعر فالاحسن تروحي مكان ثاني للشعر و المكياج عايشة الريس وانصحج للشعر ب سميرة الشكر في صالون مرياج بسند وقريب بعد من صالون عايشة الريس مسافة 10 دقايق او عندج فاطمة فكري بصالون فاطمة شويطر بالرفاع بعد قريب للمكياج بكون ..

بالنسبة للصالة طيران الخليج صحيح هي كبيرة وحلوة بس اكلهم بايخ بايخ من قلب وسعرها غالي عالفاضي يعني ب 1400 بس للصالة والاكل بقية الاشيا انتي تجيبيها مثل المسرح و الديجي والتصوير ,,اخذي مرمريز احسن وافضل من حيث السعر و الخدمات وشاملة كل شي والحين فتحوا وحدة جديدة صالة رقم 5 ..

الله يبارك فعمرج ..

بالنسبة للفحص زين 10 ايام توقعت أكثر خخخ


اي اليوم انا رحت احلى العرايس في الرفااع حلوين موديلاتهم .. وبفتر ع الباقين يوم ثااني

توني ادري ان سلوى مايسوون الشعر بروحه:eek:

امم بخصوص طيران الخليج اتوقع اذا يبت الاشية الثانية بروحي بيطلع علي كثر مرمريز !!مادري والله..

يبيلي اجوف قاعة مرمريز اليديدة ..


مشووووووووووورة حبيبتي ع الرد وماقصرتي

عساج ع القوة ان شاءالله:D

نسيم الليل

حبيبتي انا رسلت للي طالبينه البارحه

الشيخه
بعد عمري لج المثل ياربي ويارب تستفيدين منه وتفيدين

هذيان

حبيبتي فيج البركه ضيفي اللي يوز لج واللي ناقص لان لميت باللي اقدر عليه والباقي عليكم تضيفون وتفيدون

حلم العذارى كانه
سالت عن الهند
والله حبيبتي ياريت اقدر افيدج بخصوص السفريات ماعندي خلفيه كل روحاتي للهند بدون جهة ارشاد لان هلي ماشاءلله وايد طابينها اللهم لي بغينه شي زود ربعهم يودونه
بس اذا ودج اتسئل لج حاضره

انا بعد خاطري اروح غوا ونيودلهي بس تعب على اهلي اذا الله بلغني وتزوجت بروح لهم ان شاءلله
اي استفسار زود حابه ماعليج الا انج ترسلين لي خاص باللي تبينه

ع ذبة المشاعر;9258738:

مبرووووووك حبيبتي
الفال لي ان شاء الله :o
الفحص بياخذ اسبوع الى 10 ايام ,, واذا عندش احد يشتغل في السلمانية او صوب المختبر يقدر يخبرش بالنتيجه قبل ,, واذا رحتين خاص تطلع النتيجه في نفس اليوم

بعدين اول شي جوفي الليالي الزينة , واول شي حجزي الصاله بعدين الصالون والاستوديو والفستان وباقي الشغلات

واذا تبين فستان من السعوديه روحي سويكت او شارع الحب , سمعت بنية مدحت محل اسمه العمودي ,, الصالون روحي سلوى لشعر ومكياج ,, او روحي لسميره الشكر شعر في ( ميرياج) ومكياج عايشه الريس ,, ودايما خلي حجوزاتش من وقت عشان تحصلين حجز

واذا انتين في الجامعه , امتحانات الجامعه تخلص 22-6 بس المدرسه مادري

الله يبارك فعمرج

:o
الفال لج ان شاءالله
اي ابي احجز كل شي من وقت احسن :wink:

مخلصة انا الجامعة .. ابي اعرف امتحانات المدارس متى!!

عروسة مشتاقة للجنة;9258937:
الله يبارك فعمرج

:o
الفال لج ان شاءالله
اي ابي احجز كل شي من وقت احسن :wink:

مخلصة انا الجامعة .. ابي اعرف امتحانات المدارس متى!!

اللي اعرفه ان الثنوي يبدون 18-5 :wink:

ملكة الغروب;9258280:
افكر اروح قبل خطوبتي بس متردده واااااااااجد ولا ادري اروح ولا ما اروح

شنو نوع بشرتج انى بشرتي عاديه ولله الحمد ما فيني حبوب ولا بثور

بس قلت يمكن تنظيف و ازاله الرؤوس السوداء وتنظيف عميق للبشره ومحتاره ؟؟:ss:

روحي ترى حده عجيب توني من جم اسبوع امسويه..بالعكس نظفت لي عدل.. اصير الوجه احمر شوي بس بعدين يروح خاصه انها تحط ليش في الاخير ,oil وتقول ليش لا تغسلين وجهش طول اليوم فيفضل تروحين ليها و انتين ما عليش صلاه و بعد تنصحش اي فيشيل يناسب وجهش..اني كنت متردده عدل بس عقب ما رحت عجبني واجد..:D:D

لست انا 123;9256444:
بنات شنو تستخدمون كريم ترطيب
ما باقي شي على عرسي
ووجهي قاعد يتقشر خصوصا منطقة الخدود
واستخدمت هملايا واولي
بس مو جايبين نتيجة !!

تعرفون كريم ترطيب زين يفكني من هالتقشر ؟!!

Moonzy;9258085:
بنات في احد يعرف عن مال الكوشات دان و بكم اسعاره؟؟
و شي ثاني في احد جرب كريم يروح ال Strech marks و شكرا ..

هلا شخباركم بنات غبت عنكم قليل و ما شاء الله وصلتون الصفحة 25 من الجزء الجديد عجل اسبوع الجاي اذا رحت السعودية بتخلصون الجزء عني
متباركين افتتاح الجزي الجديد


بنات بغيت اسألكم اسبوع الجاي ان الله كتب بروح الاحساء و ابيكم تساعدوني في ذكر محلات اقدر اشتري منها امور للشقة و ملابس فلي تعرف اسماء محلات الرجاء المساعدة

توتة ترى صح هاي انا اللي كنت بركب المصعد اللي بالحجاب و خطيبي هو اللي كان لابس الثوب بس خسارة انا ما ركزت و لا جفتك

بنات تعرفون حملات اوكي حق ايران لشهر 7 انا ناوية انشاء الله اروح اسبوع "شهر" العسل ايران فاريد منكم المساعدة خواتي

اللي سألت عن حملات
انصحش بسفريات النصر امي وابوي واخوي سافروا بداية 2 إيران وياهم واجد مدحوهم ومدحوا تعاملهم شامل التوصيل فإيران من وإلى المطار وشامل الغدى والعشى والريوق هم راحوا اسبوعين ويه السكن بس وااجد مدحوهم

أنا الشوق;9257948:
هذيان

تذكرين مره حطيتي صور حق حناية اسمها أم أحمد مطرشينها على الايميل
عندج الصور الحين؟؟؟ اذا تقدرين تحطينهم؟؟؟ لأن أنا خذت الرقم من عندج بس نسيت شكل الحنا خخخخخخخ

ashoeera;9258414:
حنة صديقتي صورتها مصورة ام عباس اذا اهي تتحكم بالفيديو والتصوير تاخذ 120 دينار للحنة او العقد طبعا للبيت اذا معاها احد 160 دينار . تصويرها الفيديو تغيرج 180 درجة

الترجيه;9258834:
هذيان

حبيبتي فيج البركه ضيفي اللي يوز لج واللي ناقص لان لميت باللي اقدر عليه والباقي عليكم تضيفون وتفيدون

نسمة عروس;9259883:
بنات تعرفون حملات اوكي حق ايران لشهر 7 انا ناوية انشاء الله اروح اسبوع "شهر" العسل ايران فاريد منكم المساعدة خواتي

إيه احبك;9260006:
اللي سألت عن حملات
انصحش بسفريات النصر امي وابوي واخوي سافروا بداية 2 إيران وياهم واجد مدحوهم ومدحوا تعاملهم شامل التوصيل فإيران من وإلى المطار وشامل الغدى والعشى والريوق هم راحوا اسبوعين ويه السكن بس وااجد مدحوهم

كنت بقول عن النصر
لان اهل خطيبي من كم يوم رايحين ايران مع النصر
اذا رجعوا بشوف شنو انطباعهم عن السفرة:wink: