~'*¤!||!¤`تجهيزات عرايس البحرين { الثاني والأربعين}*¤!||!¤*'~`

إيه احبك;9262696:
بنات ابي رايكم فصالون قصر الاميرات فشارع البديع والله محتاره عندي عرس بنت عمتي نهاية الشهر والكل يقولي روحي مكان انا ابي مكان جريب من الصاله
لان بتكون الصاله صالة مرمريز مابي مكان بعيد

قلب أبيض;9263640:
هلا حبيبتي

ألف مبروك..

ام عباس قالت لها ان بتصور 100 صورة وبتطبع لها 30 صورة... والحين محتارة,,,

وبعد بتجرب تتصل الى الاستيديوهات الكهف وديجتال والمستقبل عشان تقارن الأسعار ...

ان شالله أول ما تصير عندي معلومات أخبرج....

أم سلمان الحلو;9263221:
بتسوينها ستايل هندي يعني ؟؟ في موقع بطرشه إليش

يا بنات;9263753:
حبيبتي مش كل الي يصور حلو اني تجربتي عندي صور خطوبتي مالت استديو يلوع الجبد كأني بنغالية قاعدة مع هندي سيلاني .
وتعالي شوفي صور ام عباس العادي مررة حلوين رووعة و غير الصور الي تعدلهم بالديزينات حركات وعدسه وغيرت لي خلفية مثل مجلد صارت الصور وخلفياتها كلش غير عن اسكوب وصحاري .
لازم ام عباس تسوي لي خصم اسوي لها دعاية ما صدقت خخخخخخخ

الشيخة;9263720:
بصراحه
مره زوجة اخوي تمكيجت وسوت شعرها عنده
بصراحه طلعت كأنها عارضة ازياء
طلعت صج حلووة
بس كان في عيب في البودرة ان اللون في شويه دفرنت بين لون الوجة والجسم
بس انتي اذا بتروحينه خبريهم عن هذي النقطة
اما رسمه العين والالوان وااايد حلوة

إيه احبك;9263920:
مشكوووره ماقصرتين
خلاص بحجز عندهم ان شاء الله بتصل العصر بجوف

قلب أبيض;9263559:
هههههههههه حلوة,, اي صح أهم شي المعاملة...

بخليها تشوف بعد هالاستيديو...

بنات صديقتي اتصلت لأم عباس عشان تصوير في البيت قالت ليها 30 صورة ب 70 دينار ... زين او مو زين؟؟؟؟ وهي تصويرها اوكي او لا؟؟؟

zizitta;9264031:

30 صورة ب 70 واااجد
لا تتسرعون يا بنات وتضيعون فلوسكم احسبوها صح

الله يوفقكم يا رب

BASHORAH;9263954:

بنات بسالكم اكسسوارات الهنديه وين اللاقيها ووووجم اسعارها امبي ستايل هندي بحت في كل شي ؟؟؟؟؟؟؟

BASHORAH;9263954:

بنات بسالكم اكسسوارات الهنديه وين اللاقيها ووووجم اسعارها امبي ستايل هندي بحت في كل شي ؟؟؟؟؟؟؟

قلب أبيض;9263559:
هههههههههه حلوة,, اي صح أهم شي المعاملة...

بخليها تشوف بعد هالاستيديو...

بنات صديقتي اتصلت لأم عباس عشان تصوير في البيت قالت ليها 30 صورة ب 70 دينار ... زين او مو زين؟؟؟؟ وهي تصويرها اوكي او لا؟؟؟

الشيخة;9261737:
بنات باركولي
:)
لله الحمد حجزت لي ليوم الحفلة والجلوة (حفلة اخوي )
للشعر والمكياج
وحجزت لي للحنة

واليوم رحت دار انمار واكاجو والمحل الي يمهم بعد
بس عجبتني دراعة من دار انمار وشريتها ليوم الجلوة :cool:

باقي علي الفستان
عندي فستان بني تصميم زهير مراد وحده ناااااااااعم يعني مش زاهي
ولا لبسته .. شاريته من مانجو
مدري محتارة البسه ولا اشتري غيره:ss:
امي بتذبحني من كثر الفساتين لمقططة بالدولاب كلهم على لبسه ساعتين اكثر او اقل
وبعضهم ولا ملبوسين بالمره

شتنصحوني بنات
الفستان مب زاهي لحفلة اخوي؟:ss:
بس راقي
ولونه بني مسكت يعني ما في شايني ولا شيئ زاهي!!

نسمة عروس;9259883:
بنات تعرفون حملات اوكي حق ايران لشهر 7 انا ناوية انشاء الله اروح اسبوع "شهر" العسل ايران فاريد منكم المساعدة خواتي

أنا الشوق;9258666:
ايه صج بنات نسيت أقول لكم
من جم يوم كانت عندنا عزيمة وخذنا معجنات من المنار، خذنا صنيتين كباار
واخترنا فيها معجنات ومقالي كبه وسمبوسه وكفته ومادري شنو

المهم، انا حسيته أكلهم مب ذاك الزود وكنا يازعم بناخذه عشان ارخص من باقي المحلات وذايقينه عند ناس من قبل
الا عقب امي تقول لي ان الكيلو ب5 دينار!!! يعني مايفرق عن باقي المحلات، بس ذيلاك طعمهم أحلى
يعني مثلا من فتره جربت معجنات آمنه وعجبوني أحلى من ذلين
واذا امبرس أحلى من آمنه وب6 دينار فيعني المنار كلش مايسوى <<< جفتوا تحليلاتي خخخخخخ

بس المقليات وذلين يمكن أوكي، بس المعجنات نوووو

عروسة مشتاقة للجنة;9256806:

السلام عليكم ..

شلوونكم شخباااركم ..

بناات انا راح انخطب جريب مستانسة حدي ..:D

امم بس ليحين بااقي أشية يعني ليحين ما سوينا فحص قبل الزواج .. بنسوي الفحص وبعدين ببتدي اجهز حق الحفله

عندي أسأله واااااااااااايد فديتكم ساعدوني انا البجر وما عندنا خبرة بالهسوالف:( ..

أول شي بسألكم عن الفحص:

* اشكثر وقت يبيله لين تطلع النتيجة ..

يارب تطلع زينة والله بصيح اذا طلع دمنا مو لايق على بعض:ss:

ثاني شي اذا طلعت النتيجة زينه : شنو لازم احجز قبل اروح احجز الصالة ولا شنو ماعرف شاسوي
- - - - -- - - -- - - - - - - -- - - - - -- - - - - - - - -- - -
على فكرة انا ابي حفلة خطوبه بس (فعيلتنا يصير العقد يوم الخطوبة )يعني مرة وحدة خطوبة وملجة وما راح اسوي حفلة عرس بس بسافر

انزين تتوقعون احصل حجز حق شهر 6 :ss: ابي بسرعة يصير كل شي
- - - - -- - - - - - - - - - - - - -- - - - - - - - - - -- - - - -

الفستان : اذا ابي أستأجر فستان اشكثر وقت يبيله تقريبا لين يجهز ..طبعا ابي لبسة اولى مستحيل البس اي فستان ملبوس من قبل .. وابي استأجره من محل ..

ويمكن اغير رايي واشتري فستان من السعودية .. الله يخليكم عطوني الاماكن اللي في السعودية واسماء المحلات اللي اتعرفونها اهناك ..
- - - - - -- - - - -- - - - - - - - - -- - - - - - - - - - -- - - -

وعن الصالون : انا افكر اروح الشعر سلوى والمكياج عايشة الريس اذا حصلت حجز .. واشكثر قبل لازم اخبر الصالون وعايشة ...
- - - -- - - - - - - -- - - - -- - - - - -- - - - - - - - - - -
اممم انا افكر اسوي الحفلة في نادي طيران الخليج آخر مرة رحت صج مغيرين القاعة وصايرة حلوووووووة .. فإذا اي وحدة عندها اسعار الصالة وشنو تشمل تخبرني أو اذا عندكم رقمهم ..
- - - - -- - - - - - -- - - - - -- - - - - - -- -

اي صح اتعرفون متى تبتدي الامتحانات النهائية ومتى تخلص عشان اعرف متى احجز ..

الله يخليكم ناطرة ردوودكم لا تطنشوني

ms. wow;9255922:
مشكورة (f) ،،

ملجتي هال اسبوع {ليلة االجمعة :cool: !
و طالع لي في جبهتي و في خدِي حبوب كبّار !
شلون اَقدر اَتخلص منهم ؟
{قالو لي عن ررغوة الصابون ؟

!!.. نسيم الليل ..!!;9256124:
:o الليلة ان شاء الله " المعادل"

وبنسوي قدوع خفيف.. معجنات وحلويات وحلوى وفواكه ومكسرات

وان شاء الله اذا صار مجال بصور وبحطهم هني

أنا الشوق;9254749:
ايه صج بنات
اللي تبي باكجات حق شهر العسل وغيره

عندكم Bahrain Travel Expo (BITE) 2009
اللي هو معرض البحرين للسياحه
وبيكون لمدة 3 أيام من تاريخ 14-16 مايو في مركز البحرين الدولي للمعارض

والمعرض بتشارك فيه مكاتب للسفريات والسياحه وعادة يكون عندهم باكجات حلوة وبأسعار أرخص من برا (y)

إحسآس;9255185:

معقولة يا بنات محد يشوف ردي يعني !!

ولا احد منكم مسوي غرفة نوم يقدر يفيدني بشي !

:(

إحسآس;9252833:

مرحبآ بنات


موضوع حلووو تشكرون عليه بصرآحة استفدت منه وايد :)

ابي منكم خدمة .. ممكن تقولون لي عن ورش نجارة لتفصيل غرف او حتى اماكن لغرف نوم جاهزة؟؟

طبعا غير احمد شريف وهوم سنتر وهوم ستور لأني كل يوم عندهم :D وبصراحة حلوين بس عيبهم الكبت دايما يكون صغير ماراح يكفي حق شي :(

انا ما احب الغرف الكلاسيك ابي غرفة مودرن ناعمة وبسيييطة .. يعني تقريبا جذي :







ابي محلات حلوة وبأسعار حلوة واهم شي بالنسبة لغرف تفصيل .. لو وديت لهم صور ممكن يسوون لي نفسها ..


ومشكورييييين ،،

Oriana;9253336:
حبيبتي دهن عود...

المسألة مو مسألة خوف من الحجز بالنت لأن ما عندي هالفوبيا بالمرة

لكن كانت هذي نصيحة أشخاص أعرفهم سافروا أوروبا وصادتهم هالمشكلة ولما دخلت منتدى العرب المسافرون أجيك طلع أن عندهم فكرة عن الموضوع وكانوا ينصحون بهالشي

طبعاً أسعار النت أرخص من مكاتب السفريات وكانوا يقولون هالكلام بالحرف الواحد أن النت أرخص من السفريات ولكن إشكالياته كالآتي

لما تحجزين غرفة يعطونش إياها باليورو مثلاً.. تدفعين وأثناء الدفع يحولون عملتش حسب البطاقة إلى يورو (يعني فيزتش بحريني تتحول إلى يورو أثناء الدفع) وبعد أن تتم عملية الدفع تشوفين ان قصوا مبلغ فرق العملة.. وبعدها بفترة يعني يوم يومين يردون يقصون مرة ثانية (يا زعم استلموا ألأرصدة وهالسوالف وبما أن الدفع من بطاقة غير أوروبية وبعملة مختلفة يردون يقطعون مبلغ آخر يسمونه فرق العملة)

في المرة الأولى يقطعونه وبس والمرة الثانية يعطونش نوتس أنه لفرق العملة

وفي النهاية هالفرق اللي يدفعونه مرتين يصير سعر الغرفة مقارب أو نفس مكاتب السفريات


وكل واحد حر في طريقة حجزه للفنادق.. بس انا انصح اللي يبي يحجز يسأل من المصادر ويقرأ كثير

السفر ما يصلح من غير قراءة مستوفية

يا بنات;9253424:
بالدمام عطار في حياة بلازا اي نوع من الزيوت بتحصلين عندهم ورخيصه مرة

Oriana;9253494:
فتيات أبي شوركم

شقتي لازالت في مرحلة البنيان والتشطيبات... واحتمال كبير آخذ شقة أجار مؤقت إذا ما جهزت في الموعد المحدد

اللي محيرني مسألة الأثاث.. إذا بتأجر آخذ أثاثي كامل وأأثث الشقة ولا أتأجر شقة مفروشة مؤقت؟

وفي حال ترجحون لي الشقة المفروشة في وين أحصل شقق مفروشة ومحترمة وسعرهم ما يتعدى ال300 دينار؟