تجمع بنات مصر فى ركن العناية بالشعر الجزء (7)

*(الغالية)*;9132405:
إزيكم ياحلوين الصيف على الابواب وكسل الشتا خلاص انتهى انا قررت استعمل الجرجير لانبات الشعر وغزارته قريت كتير غلى النت وعملت بحث في جوجل ياريت لو حد يفيدني ومرسي جدااا

استعملت الجرجير مره واحده بس فى حياتى رمضان اللى فات
شعرى كان بيقع بالخصل واخد اربع شهور عشان يبتدي يتعدل تانى

يالهوي بلاش منه اصلا يعني خلاص الدنيا حتقف على الجرجيرشكراعلى ردك ياقمر

بنات انا شعرى فتلتة ناعمة بس بيهيش و خفيف و مقصف شوبة مع العلم انى مش بعملو اصلا و لا بروح لكوافير و لا اى حاجة بس بعمل القصة بس انا مش محجبة و بسيبو علطول و كنت عوزة حاجة تطولو و تقيلو و تمنع التقصيف و الهيشان دة انا كمان بصراحة مش بهتم بية خالص و لا بعمل حمامات زيت و لا كريم و لا اى حاجة و بجد عوزة مساعدة عشان انا هجوز كمان شهرين تلاتة و طبعا شعرى هيبقى باين و عوز يبقى شكلو حلو فا غوزة كورس امشى علية يحليلى كل المشاكل الى انا فيها دية فاياريت حد يفيدنى

Didem;9132277:
هتدوخي ياورد على ماتلاقى
طب ماتعملى شامبو بنفسك؟
هاتى صابونه جلسرين طبيعيه وابشريها ودوبيها فى ميه مغليه وحطي عليها زيت زيتون وميه ورد او ميه زهر زي ماتحبى ومغلى بابونج لو شعرك فاتح او مغلى مريميه لو شعرك غامق ومعلقه عسل وممكن حنه كمان وده انا جربته بنفسي
شبه الغسول بتاع البشره بتاع ساندي بس زودي عليه اللى تحبيه وخليه شامبو
واهو هتبقى ضامناه وكمان هينضف ويرطب شعرك
اختاري انتى بس صابونه طبيعيه
صوديوم لوريث سلفات لازم تبقي في الشامبوهات اما كن في الكليه كنا بناخد تركبيه الشامبوهات وكنا بنصنعنها وده ماده اساسيه
[quote=Warde;9132210]يابنات مقولتوليش ، أجيب شامبو إيه مفيهوش الماده الضاره ديه SLS ??

aseel 22;9132061:
جيبى نخاع من عند الجزار وسيحيه واخلطيه بزيت توم كميات متساويه واعملى حمام بيهم للشعر مرتين او مره فى الاسبوع




ليه محدش رد على سؤالى ازعل يعنى
:(

كازنوفا الاصفر ال عامل زي بالمرز كده انا جبته حلو زي بالمرز بس سايح شويه

Didem;9132152:

و
الترطيب ثم الترطيب ثم الترطيب
لو تستحملى ...اعملى شعرك ديل حصان كل يوم قبل النوم وامسكي بالمرز او اى كريم مغذى وادهنى بيه الديل حصان ده وركزى على اطراف شعرك كويس اوي
وابقى حطى بلسم على اطراف شعرك عشان ترطبيها
هى ببتقصف من قله الترطيب والمعامله السيئه لشعرك

مريسي ياديدم بس فعلا التقصيف بيجي من نشفان الشعر بس اعمل ايه شعري جاف خالص بحسه بيشرب الزيوت انا بدهنه زيوت طبيعيه بردو بحسه ناشف لو ممكن تديني برنامج احسن بيه شعري

بنات عاوزه اعرف رايكم ايه في فرد اليوكو لو حد عمله

miko85;9132580:

صوديوم لوريث سلفات لازم تبقي في الشامبوهات اما كن في الكليه كنا بناخد تركبيه الشامبوهات وكنا بنصنعنها وده ماده اساسيه

اه ياقمر مانا عارفه الكلام ده من زمان وعشان كده بقولها تعمل شامبو طبيعي

miko85;9132599:
مريسي ياديدم بس فعلا التقصيف بيجي من نشفان الشعر بس اعمل ايه شعري جاف خالص بحسه بيشرب الزيوت انا بدهنه زيوت طبيعيه بردو بحسه ناشف لو ممكن تديني برنامج احسن بيه شعري

خلى بالك ان مش كل الزيوت بتمشى مع كل انواع الشعر فى شعر بيتقبل الزيت وشعر لاء وكمان انا بفضل ان الزيت يتحط على فروة الراس وتعملى بيه تدليك وبعدها بكام ساعه تغسلى شعرك بالشامبو عادى ولو حاسه ان الزيوت مش ماشيه مع شعرك جربى حمام الكريم

Stacy;9125243:

بصى جيبى اى شامبو للقشرة كويس من الصيدلية

و لعلاج القشرة

احسن حاجة الحنة بجد هتنضف فروة شعرك موت اصلا

و فى من منتجات دينا الجارم علاج مخصوص للقشرة بس ريحتة وحشة اوى بالتوم و البصل و كدة

بس ملاحظة شعرك هتلاقى نشف جدا من الشامبو بتاع القشرة دى

و شوفى عموما مواضيعى عن الحنة هتستفيدى جدا

و اهلا بيكى معانا و لو عايزة حاجة تانية اسئلى حبيبتى(f):)

اسفة ياقمر على التأخير فى الرد ربنا يكرمك ويجزيكى خير يارب واجرب الحنة كده وربنا يسهل ياااااارب
شكرا ياقمر

Didem;9132528:
استعملت الجرجير مره واحده بس فى حياتى رمضان اللى فات
شعرى كان بيقع بالخصل واخد اربع شهور عشان يبتدي يتعدل تانى

جارتى كانت بتستعمله فتره طويله اوى ودكتور كان قيلها عليه تعصره وتحطه في شعرها تقريبا اسمه دكتور هنرى وشعرها ماشاء الله كان طويل وتقيل استمرت عليه فتره طويله بس مبقتش تستعمله دلوقتى وشعرها وقع لانها مش بتهتم بيه

missy2009;9132559:
بنات انا شعرى فتلتة ناعمة بس بيهيش و خفيف و مقصف شوبة مع العلم انى مش بعملو اصلا و لا بروح لكوافير و لا اى حاجة بس بعمل القصة بس انا مش محجبة و بسيبو علطول و كنت عوزة حاجة تطولو و تقيلو و تمنع التقصيف و الهيشان دة انا كمان بصراحة مش بهتم بية خالص و لا بعمل حمامات زيت و لا كريم و لا اى حاجة و بجد عوزة مساعدة عشان انا هجوز كمان شهرين تلاتة و طبعا شعرى هيبقى باين و عوز يبقى شكلو حلو فا غوزة كورس امشى علية يحليلى كل المشاكل الى انا فيها دية فاياريت حد يفيدنى

بصي عارفه ان الحجاب بيحمى من الشمس والعوامل الخارجيه الضاره المحيطه بينا
بجد الحجاب بيحمى ووبيخلى الشعر حلو وبتبقي البنوته وشها زى القمر فيه
اما عايزه كورس لشعرك انا هكتب في الرد الجاى طريقت غسل شعرى اليه بتخليه ناعم وحلو

انا بستعمل كريم اليه بلصبار والزيتون

بنات انا حبيت احط اضافه بسيطة كنت استعملت حمام زيت اسمه هيربلكس لشعرى كان هايش قوى ومع ان طبيعته ناعمة بس ع لاهمال الشديد بقى ناشف شوية لحد مااستعملت حمام الزيت اللى بقولك عليه ده عجبنى قوى ووقف التساقط شوية انا حبيت انقلكم تجربتى

البنوتة اللى بتسأل عن شعرها المقصف بصى لازم التقصيف يتقص حتى لو هتقصى نص شعرك عشان شعرك يطول على نظافة وتقصيه كمان كل فترة بشكل دورى كل شهرين او تلاتة مثلا. ولازم تستعملى حمام كريم. وزى ما stacy بتقول وهى اللى لفتت نظرى ليه ربنا يكرمها أحسن حمام كريم هو جارنييه رائع بجد. هو مكتوب عليه لمدة دقيقة واحدة وهو فعلا كده بيبقى ممتاز بس انا فى مرة كنت قريت على النت خبرات ناس أجانب معاه ممكن تغرقى شعرك بيه وبعدين تغطى شعرك ببلاستيك وبعدين تسلطى عليه سشوار لمدة خمس دقايق وبعدين تسيبيه ربع ساعة وبعدين تسلطى السشوار تانى خمس دقايق وبعدين تشطفيه بالمياه الطريقة دى رائعة وممكن تعمليها كل فترة بس اللى تداومى عليه هو انك مع كل غسلة تحطى حمام الكريم لمدة دقيقة او اتنين.
وبرضه فى ماسك للشعر جميل قوى انا بحبه خالص ولما بيبقى عندى وقت بعمله..
تجيبى يا ستى معلقتين زبادى على صفار بيضة على معلقة عسل أبيض ومعلقة زيت زيتون ومعلقة زيت ذرة او عباد شمس وتضيفى اى زيوت عندك تانية لو عايزة خروع، زيت لوز ... مش بحب الجرجير عشان ريحته بشعة بس لو عادى بالنسبالك حطيه هو بيطول الشعر قوى. لو لقيتى المقادير عندك سايلة شوية ممكن تزودى الزبادى وممكن كمان تزودى حمام كريم . بعد ماتغسلى شعرك بالشامبو تحطى الماسك ده لمدة اربع خمس ساعات ولو عايزة ممكن كمان تسلطى لسشوار حبة عليه. وبعد كده تغسلى شعرك. لو هتعرفى تغسليه بمياه بس وتنظفيه كويس يبقى احسن لو مش تعرفى غير بالشامبو يبقى استعملى الشامبو بس مش كتير وهتلاحظى الفرق ان شاء الله.

انا مش بحب الزيوت قوى لانها تقيلة على الشعر ومش بيعرف يتنفس منها فالأحسن تستعمل الزيت كحمام زيت بس لمدة ساعتين وتغسلى شعرك بعدها كويس.

بنات ياريت اللي يشوف بيبي ليس الحمرا يقولي شافها فيييين بلظبط عشان مش موجوده ولا في نصر الدين ولا فيصل بلييييز
وياريت اللي يعرف عنوان جراند مول اللي في المعادي عنوانه ايه بلظبط
فينك يا ساره :(

جراند مول - المعادى

القاهرة - المعادى
العنوان: 250 ميدان كليه النصر



وممكن تعملى سيرش على جوجل لو عايزة رقم تليفون

تسلمي يا بيبو
طيب هو علي الكورنيش ولا لايا ريت الي يعرف
والبتوته اللي كاتن بتقول علي زيت الجرجير بجد كويس اوي وبيطول الشعر وينعمه زمااان كده كان عندنا وجيبينه من اسوان بجججد كان تحفه هو بس ريحته مش حلوه

ميااده2006;9134111:
جارتى كانت بتستعمله فتره طويله اوى ودكتور كان قيلها عليه تعصره وتحطه في شعرها تقريبا اسمه دكتور هنرى وشعرها ماشاء الله كان طويل وتقيل استمرت عليه فتره طويله بس مبقتش تستعمله دلوقتى وشعرها وقع لانها مش بتهتم بيه

معلش يامياده
البنت سالت على الجرجير وقلتلها الى حصل معايا بامانه...انا حاجه وجارتك حاجه:)
الجرجير وقعلى شعري مع جارتك مختلف

جزاكى الله خيرا يا بيبو :87457:
انتى الوحيده اللى رديتى على سؤالى ميرسى لكى
بس انا مقدرش اقص كل التقصف لانى لو كده يبقى هشيل شعرى كله:cry::cry:

Didem;9135553:
معلش يامياده
البنت سالت على الجرجير وقلتلها الى حصل معايا بامانه...انا حاجه وجارتك حاجه:)
الجرجير وقعلى شعري مع جارتك مختلف

ايوا ما من شعر للتانى بيختلف
انا جربته كام يوم ومعجبتنيش ريحته حسيت لما قعد انه
كأن عيل صغير عامل بيبي في راسي هههههههه

at2ota;9133995:
خلى بالك ان مش كل الزيوت بتمشى مع كل انواع الشعر فى شعر بيتقبل الزيت وشعر لاء وكمان انا بفضل ان الزيت يتحط على فروة الراس وتعملى بيه تدليك وبعدها بكام ساعه تغسلى شعرك بالشامبو عادى ولو حاسه ان الزيوت مش ماشيه مع شعرك جربى حمام الكريم

طيب ماينفعش ادهن بيه الشعر ...لو عملت بيه حمام زيت بس ..ادهن شعري بيه مش بينفع معايا الكريمات استحمل بالمرز هو مغذي للشعر