تجمع بنات مصر فى ركن العناية بالشعر الجزء (7)

بنات معلش هاسألكم سؤال مكرر للمرة المليون انا اخيرا لقيت كريم منك فكنت عايزة اسألكم الاول اجيب اى واحد الاخسن ولاقيت حمام كريم منك كمان ده حلو ولا بوناويل احسن ياريت تقولولى علشان انا محتاجة اجيب الكريم علشان اللى عندى خلص

بصي يا قمر انا عندي مينك الاصفر البرتقالي وحلو اوي للشعر الجاف والتالف والبنات هنا اتكلموا عن مينك الازرق وقالوا انه حلو اوي وانا ان شاء الله هجربه لما اللي عندي يخلص
وعلى فكرة اهم ميزة فيه انه خفيف ومش بيلزق كدة، كانك مش حاطة حاجة وانتي تؤمري:wink::flower:

فراشة الإيمان;9123884:
بنات انا نزلت جبت سيشوار فيليبس 2000 وات

199 جم من العجيل

وشفت عنده المكواه السيراميك ب 249 جم

بس قلت اجيب السيشوار لانه ضرره اخف من المكواه

وانا مش محتاجاه غير للتنشيف

علشان شعرى بيبقى دايما مبلول

بس لسه مجربتش السيشوار هاجربه بكره ان شاء الله

انا جبت بانتين بدل الزيت

احط قبل السيشوا ولا بعده؟

مبروك السشوار عليكي هو ليه فرشه تتركب فيه ولا ايه
وكمان المكواه اللي شفتيها دي بتاعت ديدم ولا خاجه تانيه

ازيكم يابنات عاملين ايه
انا اول مرة اشارك فى القسم
وبصراحة جميلة الفكرة ومعلش سؤالى ليكم عن القشرة تعبت منها نفسى فى حل ليها فظييييييييييييييعة عندى وكمان بتسبب لى حكة فلو حد عنده حل ليها ياريت يقولى ولو فيه شامبو حلو ليها ياريت تقولولى الله يخليكم

مشتاقة الى الجنة;9125056:
ازيكم يابنات عاملين ايه
انا اول مرة اشارك فى القسم
وبصراحة جميلة الفكرة ومعلش سؤالى ليكم عن القشرة تعبت منها نفسى فى حل ليها فظييييييييييييييعة عندى وكمان بتسبب لى حكة فلو حد عنده حل ليها ياريت يقولى ولو فيه شامبو حلو ليها ياريت تقولولى الله يخليكم

الحقوووووووووووووووووووووووونى شعر بيقع تانى بصراحه كنت بستخدم الحنه وشعرى كان بدأيتظبط بس وقفتها عشان عاوزه اصبغ شعرى ع الفرح مبطالها من 3 شهور كده شعرى بيقع ومقصف اعمل ايه وبعدين الحنه ادت لشعرى لون على اللرغم من انى مكنتش بستخدمها للون كنت بستخدم حنه التغذيه اعمل ايه انجدوووووووووونى

rosy2;9124020:
بنات في واحده في التجمع كانت قايله علي دكتورة جلديه في جامع كشك اللي في مصر والسودان معلش ممكن البنوته دي تقول عليها تاني

بس يا قمر هى رشروش اللى كانت قايللى عليها وهى اسمها د/صباح الشعشاعى فى مستشفى مصر والسودان التخصصى وهى بتبقى موجوده الاحد والتلاتاء والخميس وهى بتيجى 8 ونص بس رشروش قالت لى الاحسن انك تروحى من بدرى لانه بيبقى زحمه اوىىىىىىىىى وناس كتير وهى كمان بتقعد تتكلم مع المريض كتير وتستفسر عن كل حاجه فروحى من بدرىىىىىىىىىىىى وهى شكرت فيها اوى اوى اوىىىىىىىىىىىى وروحت لها ياريت تدينى التقرير وانا لما هروح هاقول على التقرير على طول

بصوا يابنااات ، بخصوص الموضوع ده::
تحذير (ماده فالشامبوهات تسبب السرطان)

دلوقتى مادة "SLS"، ديه لاقيتها فى كل الشامبوهات اللى عندى فى البيت ، أعمل إيه بقى ؟!
أستعملهم عادى و لا إيه ؟؟

المهم حد جرب شامبو مفيهوش الماده ديه ؟؟

smartstar;9124162:

أنا شعرى طويل عايزة أغير لون شعرى وأقصه دجراديه على طويل برده

بصي انا مفهمش فى اللون
بس عاوزه اقولك لما تروحى للكوافيره هتفضلى تفهمي فيها للصبح انها تسيبه طويل وتقصه على طوله وهتقولك ماشي فهمتك اومال ايه
وبعد ماتخلص هتلاقى شعرك كش للنص
هتبقى عاوزه تعيطي وتضربيها صدقينى.....وكلهم كده ايديهم بتاكل جدا وبيموتوا فى جز الشعر ليه معرفش

sa7ar-22;9124359:
بنات معلش هاسألكم سؤال مكرر للمرة المليون انا اخيرا لقيت كريم منك فكنت عايزة اسألكم الاول اجيب اى واحد الاخسن ولاقيت حمام كريم منك كمان ده حلو ولا بوناويل احسن ياريت تقولولى علشان انا محتاجة اجيب الكريم علشان اللى عندى خلص

البرتقالى والاخضر هما احلى اتنين وفى واحد لونه ازرق مكتوب عليه بالزيوت الطبيعيه حلو برضه
بالنسبه لحمام الكريم بوناويل افضل

مشتاقة الى الجنة;9125056:
ازيكم يابنات عاملين ايه
انا اول مرة اشارك فى القسم
وبصراحة جميلة الفكرة ومعلش سؤالى ليكم عن القشرة تعبت منها نفسى فى حل ليها فظييييييييييييييعة عندى وكمان بتسبب لى حكة فلو حد عنده حل ليها ياريت يقولى ولو فيه شامبو حلو ليها ياريت تقولولى الله يخليكم

شامبو سلسن بلو بنات بتقول انه حلو بس انا مجربتوش
بالنسبه لحاجات تانيه ممكن تشوفى الروابط دي لاختنا ساندي هتفيدك باذن الله:)
للقشرة حاجة رهيبيييييييييبة

تخلصي نهائياً من القشرة ( كلاكيت تاني مرة )

اسيكوا يا قمرات


حد جرب كريم كازانوفا الاصفر هو مكتوب عليع هير فود ياترى بيستخدم ازاى ومممكن استعمله قبل السيشوار بدل السيرم ولالا لانه حاساه جامد كده شويه مش زى الكريم


وشكرا مقدما

بنات انا جبت المكواة السراميك الى قالت لنا عليها ديدم

ربنا يبارك لك يارب يا ديدم
بس كنت عاوزة اسال بقى هل ينفع استخدمها على شعر مدهون كريم

وبا لنسبة للى جربها درجات الحرارة بتاعتها اعلى درجة فيها اية؟

والتربو دة كل ما نضغط علية بيعليها ولا اية ؟

Stacy;9124805:

وحشتونى اوى يا بنات بجد

المنتدى كان صعب اوى الايام الى فاتت و للس مشاركات كتير اتحذفت المهم

انا كنت قولتلكم انى اشتريت BioSilk Silk Therapy

من سيتى ستارز اشتريت علبة 150 ملى ب 150 و فى علية 70 ملى ب 70 جنية

المهم انا لحد دلوقتى استخدمتة مرة واحدة بس اوك و هقولكم رائى بناءة على المرة الواحدة دى بس يعنى ممكن اغير رائى بعدين المهم

انا اول ما فتحت العلبة لقيت ريحة حلوة اوى اوى بجد يعنى كنت مش متوقعة كدة خالص

المهم بقى انى مش حسا فظيع اوى زى ما الناي بتقول علية يعنى من ناحية النعومة و اللمعان

بس هو ظريف بس ش واو فاهمين

و انا حاسة بالبمعان اكتر من النعومة

بس كدة دى رائى بس لتجربة مرة احدة فا استنونى بعد كدة اقولكم اخر كلام عندى علية

و دى صوروة لانة اتمسحت للاسف

مبروك يا ستاسى ان شاء الله يعجبك بس انتى بتستعمليه ازاى؟ يعنى شعرك بيكون مبلول والا ناشف؟؟
للعلم معايا انا واو بجد مفيش شعر صغير بيقف خالص مش بستعمل استشوار خالص دلوقتى والميزة انه مش بيدهنن الشعر ابدا

بابا النهاردة جابلى من ابوظبى كريم دابر املا هحاول اصورهلكم بس هو كريم مكتوب علية لتكثيف الشعر

قوليل ى ياميرو جبتى السيرم منين وبتحطيه وشعرك ناشف ولا مبلول لانى عايزة اجيب سيرم ومحتاره اجيب ايه كنت جبت زيرو فريز وكان حلو بس عايزة اغير واجيب نوع تانى






مون ايز جبتى المكواة بكام ومنين وجربتيها ولا لسه

moon_eyes;9126681:
بنات انا جبت المكواة السراميك الى قالت لنا عليها ديدم

ربنا يبارك لك يارب يا ديدم
بس كنت عاوزة اسال بقى هل ينفع استخدمها على شعر مدهون كريم

وبا لنسبة للى جربها درجات الحرارة بتاعتها اعلى درجة فيها اية؟

والتربو دة كل ما نضغط علية بيعليها ولا اية ؟

ماينفعش تكوى شعرك وهو مدهون كريم او زيت.. ممكن يتحرق
لكن يستحسن دايما قبل المكواة تدهنى على شعرك سيروم أو الكريم الخاص بكوى الشعر زى اللى من بالمرز وبكده شعرك هيلمع ويبقى طرى لما تيجى تكويه.

بصي انا مفهمش فى اللون
بس عاوزه اقولك لما تروحى للكوافيره هتفضلى تفهمي فيها للصبح انها تسيبه طويل وتقصه على طوله وهتقولك ماشي فهمتك اومال ايه
وبعد ماتخلص هتلاقى شعرك كش للنص
هتبقى عاوزه تعيطي وتضربيها صدقينى.....وكلهم كده ايديهم بتاكل جدا وبيموتوا فى جز الشعر ليه معرفش

كلامك صح مجرباها اكتر من 3مرات وابص بعد القص الاقي شعرى اتزعر

مش كل الكوافيرات ياديدم ومسس توكى بيعملو كدة فى ناس عندهم ضمير انا لسه قاصه اطرااف شعرى من حوالى شهر وقولتلها يادوب بس تقص اطراف وتسيبو على نفس شكلو دجراديه والحمد لله مش قصرتو اوى وفعلا يادوب شالت منو حته قد عقله الصباع يادوب يعنى ظبطط الاطراف فعايزة اقلك ان فى ناس بتراعى ربنا انتى الاول اسالى على كوافيرة تكون ملتزمه وعندها ضمير عشان فعلان اغلبيتهم مش ملتزمين ومبيراعوش ربنا ومعندهمش ضمير

at2ota;9126994:
قوليل ى ياميرو جبتى السيرم منين وبتحطيه وشعرك ناشف ولا مبلول لانى عايزة اجيب سيرم ومحتاره اجيب ايه كنت جبت زيرو فريز وكان حلو بس عايزة اغير واجيب نوع تانى

بصى يا قمر هتلاقيه فى سيتى ستارز تانى دور قدام محل تكبير فى واحد بيبع منتجات CHI هتلاقيه عنده وكمان فى كارفور الهرم داندى مول وموجود فى كل الصيدليات الكبيرة و سيف ستورز
بحطه على شعرى وهوه مبلول وبسرحه والمه عادى جربيه وهيعجبك ان شاء الله بس لو شعرك من النوع المجهد يعنى بتصبيغيه كتير اللى هيناسبك اكتر بتاع chi

moon_eyes;9126681:
بنات انا جبت المكواة السراميك الى قالت لنا عليها ديدم

ربنا يبارك لك يارب يا ديدم
بس كنت عاوزة اسال بقى هل ينفع استخدمها على شعر مدهون كريم

وبا لنسبة للى جربها درجات الحرارة بتاعتها اعلى درجة فيها اية؟

والتربو دة كل ما نضغط علية بيعليها ولا اية ؟

مبارك ياقمر عالمكوه :)
انا بدهن شعري بالمرز بجوز الهند وبعمله بيها بيطلع حلو اوي
جربت مره اعمله من غير مادهنه تعبنى وكان شكله مش لطيف...وساعات بدهن ايفا بالعسل

اعلى درجه حراره فيها 25 ...وبلاش تعملى بالدرجه دى عاوزه واحده كارته وشعرها خشن اوي وغالبا شعورنا مش كده احنا شعورنا معرجه بس
التربو بيعليها 20 درجه مره واحده وبرضو مش تعمليه كتير بالتربو عشان متبقيش قاسيه على شعرك

b0nb0n;9126865:
بابا النهاردة جابلى من ابوظبى كريم دابر املا هحاول اصورهلكم بس هو كريم مكتوب علية لتكثيف الشعر

ابقى حطي صورته يابونبون وقوليلى ايه نظامه معاكي عشان لو حلو اخلى حد يجيبهولي

at2ota;9127234:
مش كل الكوافيرات ياديدم ومسس توكى بيعملو كدة فى ناس عندهم ضمير انا لسه قاصه اطرااف شعرى من حوالى شهر وقولتلها يادوب بس تقص اطراف وتسيبو على نفس شكلو دجراديه والحمد لله مش قصرتو اوى وفعلا يادوب شالت منو حته قد عقله الصباع يادوب يعنى ظبطط الاطراف فعايزة اقلك ان فى ناس بتراعى ربنا انتى الاول اسالى على كوافيرة تكون ملتزمه وعندها ضمير عشان فعلان اغلبيتهم مش ملتزمين ومبيراعوش ربنا ومعندهمش ضمير

والله ياقمر ده كان نصيبي مع الكوافيرات
يظهر ان انا اللى نحس
قصيت شعري فوق ال10 مرات وفى ال10 مرات بيجزوا الشعر ...عموما الحمد لله انا بقص شعري لنفسي حاليا ومظبطاه ومبحتاجش لكوافيرات ووجع دماغ لانهم اساسا مبيعملوش حاجه وبتاخد منى فلوس بالهبل