تجمع بنات مصر لنظافة البيت

السلام عليكم ورحمه الله وبركاته


هقلكم بنضف الدهب ازاى وبيبقا بيبرق ما شاء الله بجيب كوبايه المونيا واحط فيها مايه واريال واحط الدهب واغليها على النار وقبل ما تفور وطى عليها شويه وبعدين شليها وادلقى المايه الى فيها واغسليه بمايه بارده من الحنافيه ونشفيه و ان شاء الله هتعجبكم الطريقه دى ان شاء الله

فيرى بالفراوله حلو وريحته جميله

الوقتى وصلت لصفحة عشرة انا استفدت منكم
بس عندى سوال
شفاط المطبخ عندى علية
زيوت ازى انظفة


وسيراميك الحمام عند ماما لونة ابيض
بس الوقتى اصفر عايزة اعرف انظفة ازاى
ولو بتستخدموا منظفات للحمامات يا ريت تقولولى عليها
ويا ريت السعر كمان هههههههههههههههه معلشى هاتعبكم معايا
انا عندى اسئلة كتيرة
بس دول اللى فاكرهم الوقتى
لو افتكرت حاجة تانى هاسالكم عليها

ياترى الفضة تتلمع ازاي أنا سمعت بيكربونات الصوديوم بس مش عارفة الطريقة بالضبط

بيكربونات الصوديوم وسلكه وتفركيها بيها يا جميله وهتلمع ان شاء الله
وممكن تفركى بنديل بس السلكه لو فى اماكن سوده وتفركى براحه

طيب انا عندي سؤال عايزه حاجه جامده لتنضيف السيراميك وخصوصا الحمام مش عارفه ليه بقى في اسود بين السيراميك ومش عارفه اوديه ازاي من غير ما استعمل سلك واتبهدل
ياريت الي عندها طريقة تنضيف مضمونه تقولي

ميرسي اوي على التوبيك الجميل دا وربنا يجعلو ف يميزان حسناتكو يا قمرات(f)

بنات معطر الهدوم بتاع ماي وي تحفففففففففففففففه

بجد مش عارفة اقولك ايه يا صوت
جزاكي الله خير

كلامك فوقني خلاني اقوم جري ارتب وانضف

انا بس قلت ارد عليكي بسرعه واشكرك وارجع اكمل هههههههههههههههه

البنت اللى سيراميك مامتها اصفر ممكن تجربي تدعكية بكربونات الصوديوم او الخل

الى اعرفه بيلمع السيراميك الفنيك ثم الفنيك ما شاء الله

نانى عاوزينك عروسه حلوة على طول يا جميله ان شاء الله

بالنسبه للسواد بين السيراميك مفيش غير انك تجيبى مايه وصابون مواعين او اريال ومعاه فنيك وكلور بقا هيصه وفرشه سنان قديمه وتدعكى بقا بين السيراميك بس خدى بالك لو الابيض اصلا اتشال وبان الاسمنت يبقا دا اسود طبيعى من الاسمنت تملي بقا الفراغات بين السيراميك بالاسمنت الابيض زى الراجل الى ركب السيراميك بقا

صوت العيون;9200150:
الى اعرفه بيلمع السيراميك الفنيك ثم الفنيك ما شاء الله

نانى عاوزينك عروسه حلوة على طول يا جميله ان شاء الله

بالنسبه للسواد بين السيراميك مفيش غير انك تجيبى مايه وصابون مواعين او اريال ومعاه فنيك وكلور بقا هيصه وفرشه سنان قديمه وتدعكى بقا بين السيراميك بس خدى بالك لو الابيض اصلا اتشال وبان الاسمنت يبقا دا اسود طبيعى من الاسمنت تملي بقا الفراغات بين السيراميك بالاسمنت الابيض زى الراجل الى ركب السيراميك بقا

يعني لا مفر من الدعك :( يااللا امري لله نجيب الفرشه ونشتغل ميرسي ليكي يا سكر(f)(f)

انا بستخدم مية النار في تنضيف السيراميك والصدا اللي على طقم الحمام...مرة كل شهرين وبدون دعك ولا فرك...

انا وصلت للصفحة 14

بنات قولولي حاجه علشان الابيض يكون ناصع في الغسيل تعبت غلي فيه

دلوعه رعد;9205327:
بنات قولولي حاجه علشان الابيض يكون ناصع في الغسيل تعبت غلي فيه

نوع الغسالة بتاعتك اية

بنات انتم اتكلتم عن بيكربونات الصوديوم
ممكن تقوليلى اشتريها منين
ومية النار بردو مش عارفة بتشترى منين

دلوعه رعد;9205327:
بنات قولولي حاجه علشان الابيض يكون ناصع في الغسيل تعبت غلي فيه

ملح الليمون
حطى معلقتين ملح الليمون مع المسحوق بتاعك هيخلى الغسيل الابيض ناصع البياض

ملك حياتى;9205978:
بنات انتم اتكلتم عن بيكربونات الصوديوم
ممكن تقوليلى اشتريها منين
ومية النار بردو مش عارفة بتشترى منين

كربونات الصوديوم بتتجاب من العطار تقوليله كربوناته بس

semsem83;9195873:
طيب انا عندي سؤال عايزه حاجه جامده لتنضيف السيراميك وخصوصا الحمام مش عارفه ليه بقى في اسود بين السيراميك ومش عارفه اوديه ازاي من غير ما استعمل سلك واتبهدل
ياريت الي عندها طريقة تنضيف مضمونه تقولي

ميرسي اوي على التوبيك الجميل دا وربنا يجعلو ف يميزان حسناتكو يا قمرات(f)

استعملى مستر ماسل من غير دعك حطى على الخطوط بس وامسحى عاوزه تدعكى بفرشه ادعكى برحتك اول ما بتحطى بتلاقى شال السواد

ملك حياتى;9205978:
بنات انتم اتكلتم عن بيكربونات الصوديوم
ممكن تقوليلى اشتريها منين
ومية النار بردو مش عارفة بتشترى منين

الكربوناتو من عند اعطار ومايه النار من عند اى واحد بتاع حدايد وبيويات او من عند اى واحد بيبيع منظفات

tobe;9206186:
ملح الليمون
حطى معلقتين ملح الليمون مع المسحوق بتاعك هيخلى الغسيل الابيض ناصع البياض

ان شاء الله اجرب وادعيلك

انا عندي مستر ماسل للارضيات والرخام بس للاسف مش بيشيل السودا ولا حاجة حساه عادي جدااااااا

صوت العيون;9191764:
بيكربونات الصوديوم وسلكه وتفركيها بيها يا جميله وهتلمع ان شاء الله
وممكن تفركى بنديل بس السلكه لو فى اماكن سوده وتفركى براحه

جزاك الله خيرا يا قمر ، يعني افرك الفضة بالباودر كده بس من غير ميه؟؟


و يا ريت لو حد يعرف ايه الفرق بين السلك التخين و الخفيف ده اللي بيجي حجمه كبير و استخداماتهم

أخيرا يا ريت لو تقدروا تفيدوني أنا باحط فويل على البوتاجاز و وقع عليه دهون و أهملت في تغييره شوية :sa36: و طبعا مع النار اتحرق على البوتاجاز أنضفه ازاي دلوقتي؟