تجمع بنات مصر لنظافة البيت

يابنات هو ممكن الالقى فين جوانتى اللى بيتلبس عشان غسل المواعين

كلمة وداع;9131108:
اقولكم انا بغسل الابيض فى الغساله الاتوماتيك ازاى وبمسحوق اتوماتيك وبيطلع فظيع لدرجة ان واحده جارة ماما سالتنا انتوا بتعملوا ايه فى الغسيل
بصوا اول حاجه بتشغلى الغساله تاخد حرف Aكله وتدلق لوحدها وبعدين لما تتنقل لB حطى معاها كلور وشغلى السخن وخليها لمدة 10 دقايق كده هتكون المايه فى الغساله سخنت اطفي الغساله وخلى الغسيل يتنقع فيه ا لمدة نص ساعه وهاتى تانى من اول Bوشغلى واعملى الخطوه دى تانى وبعدين خلى الغساله تخلص ومتكونيش حاطة زهره وبعدين لما الغساله تخلص سبيها تريح شويه وهاتى بعد كده تانى من اول Bوحطى سافو جديد وخليها تكمل البروجرام بتاعها وحطى الزهره واخر مره دى علشان ريحة الكلور متبقاش فى الغسيل وطبعآ علشان الزهره متلطش معاكى حطى معاها شوية اريال صغيريييييييييييييييييييييييييييين وطلعى بقى احلى غسيل
هى ممكن تكون طويله بس مش متعبه لانك يدوب بتلفى البكره

موضوع حلو جدااااااااااااااااا
وعلى فكره دى نفس طريقه ماما بس احنا بنرجع نحط مسحوق تانى ومش بنحط كلور بنحط كوب من الخل
بتخلى الغسيل ابيض فله والله

انا عندى مشكله الحله استنلس اتحرقت وانا زعلانه عشانها خلص اصلها اصغر حله وبحتجاها كتتتتتتتتتتتتتير كانت اتحرقت لان نسيت فيها اكل ابنى واتحرق هو كمان بس الحمد الله ربنا ستر علينا اصلى سبتها ونمت
فانا بحاول انضفها مش نافع خالص غليت فيها بريل وملح ليمون وخل لا يمكن سوالى مش فيى حاجه مخصصه للاستنلس مسحوق او اى حاجه

يا بنات احنا عندنا فى بيت ماما حيطه كان عليها بوستر ولما شيلناه مكانه اصفر وفى لزق مش راضى يطلع لانه كان ملزوق بلزق تو فيسس لو حد يعرف يطلع ازاى يقولى

mishmish2010;9136502:
يابنات هو ممكن الالقى فين جوانتى اللى بيتلبس عشان غسل المواعين

شفته فى عمرو أفندى - روكسى - كان ب 6 جنيه تقريبا.

tobe;9130092:
نانى ممكن تجيبى نصف ليمون وتحطى عليها ملح وتدعكى الرخام بس مش جامد علشان مش يتقشر وبعدين تغسليه عادى بفيرى ومايه يارب الطريقة ديه تنفع معاكى

تسلمي يا tobe على الفكرة هجربها واقولك النتيجة ان شاء الله عشان باقي البنات تستفيد

هو انا جربت اعملها بخل هو خلاها احسن شوية بس بردوا لسه مجيرة شوية

Warde;9130342:
طب متجربى كده منظفات ماى واى ، لعل و عسى ..
ممكن تشوفى منظف إسمه Power مذيب للدهون و الحروق ، ممكن يعمل نتيجه معاكى ..

بصى جربى إعملى سيرش على جوجل (تنظيف الرخام) ، شوفى كده وجربى ..

لو لقيتى حل ، متنسيش تفيدينا بالتجربه (:

فكرة تحفة جداااااااااااااااااا انا فعلا هعمل كدة وهدور دلوقت واجرب اللى لقبيته واشوف النتيجة واقولكم على طوووووووووووول ان شاء لله

وبالنسبة لماي واي انا مش في مصر فامش هعرف اوصله

الف مبروك يا بيبو يا حبيبتي وايه اخبار الجواز معاكي

انا سبقاكي بشهر بالظبط


غريبة اوي موضوع المسحوق العادي للغسالات الاتوماتيك دة

اصل المسحوق العادي ليه رغوة قوية جدا دي اللى بتبوظ الغساله

وان المسحوق الاتوماتيك مخصص انة مش بيعمل الرغوة دي

وبعدين من زمااااااااان ومعروف جدا ان مسحوق الاتوماتيك هو الاقوى واللى بينضف احسن

mishmish2010;9136502:
يابنات هو ممكن الالقى فين جوانتى اللى بيتلبس عشان غسل المواعين

هتلاقيه في اي سوبر ماركت زي كارفور ومترو وسبينيس في ركن ادوات النظافة بتاع الممسحة والشراشيب والحاجات دي

nanoo99;9137494:
انا عندى مشكله الحله استنلس اتحرقت وانا زعلانه عشانها خلص اصلها اصغر حله وبحتجاها كتتتتتتتتتتتتتير كانت اتحرقت لان نسيت فيها اكل ابنى واتحرق هو كمان بس الحمد الله ربنا ستر علينا اصلى سبتها ونمت
فانا بحاول انضفها مش نافع خالص غليت فيها بريل وملح ليمون وخل لا يمكن سوالى مش فيى حاجه مخصصه للاستنلس مسحوق او اى حاجه

للاسف كل ا لمنتجات اللى موجودة في السوبر ماركت مش هتفيد لانها بتفيد بس لو عملتي بيها في ساعتها اول ما الحلة تتلسع وقبل ماتجيبي عليها ميه

انا عندي وجربت اعمل بيها حاجة قديمة معملتش حاجة خالص ومنضفتش


بس معقول الخل مجبش نتيجة ؟؟؟؟؟؟؟؟؟؟؟؟؟

Warde;9139885:
شفته فى عمرو أفندى - روكسى - كان ب 6 جنيه تقريبا.

ميرسىىىىىىىىىىىى يا قمر وياترى لاقيتى منه احجام ولا لا وشكراااااا

ناني فيبس;9140177:
هتلاقيه في اي سوبر ماركت زي كارفور ومترو وسبينيس في ركن ادوات النظافة بتاع الممسحة والشراشيب والحاجات دي

ميرسىىىى يا قمر ان شاء الله هاشوف ولو لاقيته هاقول عموما انا رايحه ماركاتو بكره يمكن القى فيه

ممكن نعمل جدول نظافة مع بعض عشان يفيد العرايس

السلام عليكم ورحمة الله وبركاته بالنسبة للاختnanoo99علشان ترجعى الحلة الاستنلس زى الاول ضعى بداخلها ماء+كلور وانقعيهم لليله واحدة او لليلتان حسب الحرق وبعدين تغسليها بسلك مواعين مبلل بالماء وعليه كلور وتغسليها بقوة شوية بعدين تشطفيها كويس خالص بالماء وبعد كده تغسليها عادى بالبريل وتشطفيها بالماء وتستعمليها

الله.........التجمع ده حلو...لسة شايفاة حالا...
بنات عندنا مشكلة في البيت...المطبخ بيتكون فيه الدهون بطريقة بشعة....السيراميك والشفاط والبوتاجاز...بنضفهم على طول بس مش ملاحقين على الدهون دي...حد عنده فكرة ايه الحل؟؟؟

mishmish2010;9140699:
ميرسىىىىىىىىىىىى يا قمر وياترى لاقيتى منه احجام ولا لا وشكراااااا

لأ منا مكنتش أعرف إن بيكون فى مقاسات ، بس أنا أصلا ساعتها شفته صدفه بس ندمت إنى مش إشتريته ، إن شاء الله لو رحت روكسى قريب هاجيبه و أشوف إذا فى منه مقاسات ولا لأ.

katkooota_7aboooba;9141127:
ممكن نعمل جدول نظافة مع بعض عشان يفيد العرايس

ياررييييييت ، هو أنا مش عروسه لسه (:، بس مهتمه إنى أعمل جدول للنظافه عشان الواحده متتعبش كتير ، ودايما يبقى البيت نضيف ..

عارفين ياجماعه لما عملت حيطان بيتنا بطريقة العضوه مرموم ، اللى هى بكمفورت ، البيت كان ريحته ريحة نظافه كده! بس طبعا تعبت جدا و ظهرى وجعنى و كمان كنت بساعد ماما أصلا !

أومال لما نبقى مسئولين عن بيت كامل لوحدنا !

عامة بصى نحاول نساعد بعض بأفكار لحد ما كل واحده توصل لجدول مناسب ليها.

يعنى مثلا:

- كل أسبوعين ننضف الشقة نضافة العيد كده ، ومسح حيطان بقى و دعك بزمة وضمير :D
الفكره بقى إن تفكرى نفسك كده بالميعاد، ممكن نعمله عالموبايل فى ال Schedule

- دايما بقى تكون إيدينا فى الشقه وإحنا رايحين وجايين ، ونحاول نحافظ على نضافة الشقة.

عامة بصى كنت نقلتلكوا مشاركه مفيده:

حتى لا تجهدي نفسك أكثر من اللازم - منقول -

أحلى دنيا;9141331:
الله.........التجمع ده حلو...لسة شايفاة حالا...
بنات عندنا مشكلة في البيت...المطبخ بيتكون فيه الدهون بطريقة بشعة....السيراميك والشفاط والبوتاجاز...بنضفهم على طول بس مش ملاحقين على الدهون دي...حد عنده فكرة ايه الحل؟؟؟

والله يابنتى عندك حق ، فعلا الواحد مش عارف يعمل إيه !!!
ياريت لو حد عنده فكره !

mishmish2010;9136502:
يابنات هو ممكن الالقى فين جوانتى اللى بيتلبس عشان غسل المواعين

موجود في اى سوبر ماركت كويس هتلاقي ماركات كتير ومقااسات كمان
بس مش تسترخصى ولا تستغلى
الرخيص هيتقطع منك على طول وهيكون خفيف وهيلزق في بعضو لانة بيكون مش مبطن من جوة وهيوصل سخونة المية لايدك
والغالى اوى مالوش لازمة
هاتى اللى في حدود 13 جنية هيعيش معاكى حلو ان شاء الله

وانا كمان هحاول احط شوية حاجات كده لحد ما نوصل لجدول مناسب مثلا دعك سيراميك المطبخ من اوله لاخرة كل اسبوع والتلاجه كل اسبوع او اسبوعين كويس والشفاط والبوتجاز كل اسبوعين بس طبعا البوتجاز بعد كل اكله بيتمسح بقماشة مبلوله وشوية كلور

والله موضوع رائئئئئئئئئئئع

بجد محتاجين نساعد بعض ونشجع بعض

لان الكسل وحش

الاخت كسلانه جدا عاااااااااااااااااااااا

بس حاحاول ابتدي معاكن وربنا يسهل

علي فكره موضوع كيس المكنسه ده فعلا اختراع رائع

بعد ما باغسل كيس المكنسه باحط له شويه بارفان

واكنسي واستمتعي بالريحه

في عندي سؤال الموكيت عندي في حتت مش نظيفه

وخايفه اغسله عادي يطلع ريحه

دلوني

يطلع ريحه ازاى يا نيسو

ازيك الاول كتيررررررررررررر


بصى ممكن تدعكيه وهو مكانه بالفرشه وبلليها بمايه وصابون او اريال يعنى وهى مكان خفيف وان شاء الله تنضف

نيسو100;9142592:

في عندي سؤال الموكيت عندي في حتت مش نظيفه

وخايفه اغسله عادي يطلع ريحه

دلوني

هاتى صابون سايل او منظف مفروشات او منظف سجاد وخففيه بشوية مياه وحطيه فى طبق وهاتى قماشة نظيفة واغمسيها فى الصابون واعصريها نص عصرة ونظفى الموكيت يعنى حاولى ماتغريقهوش مياه ويادوب بس تنظفى سطحه عشان مايشربش مياه ويبوظ ويعمل ريحة مش كويسة. وبعد ماتخلصى سلطى عليه المروحة عشان ينشف كويس.
ودى نفس طريقة تنظيف الأنتريه أو الصالون.

انا عندى سؤال للستات اللى بيشتغلوا ازاى بتنظموا وقتكوا؟؟؟؟؟؟؟؟ بجد الموضوع صعب جدااااا
انا برجع البيت الساعة خمسة واجازتى الجمعة بس ومش بلحق أعمل أى حاجة